15/08/2026
RABIES is FATAL!!! It is important to consult Medical attention IMMEDIATELY once bitten/scratched by dogs or cats kahit pa ito ay alaga ninyo or malinis ang hayop. Lalo na kung ito ay mga stray cats and dogs. 🙏
GetVax Animal Bite Clinic is open and ready to welcome you! Your health is our top priority — visit us today and experience quality care you can trust.
Services we offered: LEGIT VACCINES
💉💉Pre-Exposure Anti Rabies Vaccine
💉💉Post Exposure Anti Rabies Vaccine
💉💉Booster Dose-Anti Rabies Vaccine
💉💉ERIG
💉💉Anti-Tetanus
We're open from Monday-Saturday
Clinic Hours is from 8-6 pm
For inquiry you can message our page or contact us thru 09269506371
God bless and stay safe 🙏❤️🙏
Mahigit isang buwan matapos makagat umano ng a*ong-gala ang isang apat na taong gulang na bata sa General Santos City, pumanaw ito matapos makitaan ng mga sintomas na iniuugnay sa rabies.
Nangyari ang insidente noong Hulyo 9 sa Barangay Sinawal. Kasama umano ng bata ang kaniyang ina na bumibili ng pagkain nang siya ay atakihin ng a*o. Nagtamo siya ng mga sugat sa mukha at tainga.
Agad siyang dinala sa ospital kung saan nilinis at tinahi ang kaniyang mga sugat. Binigyan din siya ng anti-tetanus vaccine. Kinabukasan, natanggap naman niya ang unang dose ng anti-rabies vaccine.
Ayon sa kaniyang ina, July 17 ang huling turok ng anti-rabies sa bata. Sa mga sumunod na araw, maayos pa umano ang kaniyang kondisyon at malakas pa ang bata.
Ngunit pagsapit ng tanghali noong Agosto 6, nagsimula umano itong magreklamo ng pananakit ng tiyan. Pagsapit ng gabi, nakitaan na rin siya ng matinding takot sa tubig. Kinabukasan, dinala siya sa ospital, kung saan nagsimula rin umano siyang matakot sa hangin. Inilagay siya sa isolation room at nilagyan ng dextrose.
Kinabukasan, Agosto 7, pumanaw ang bata.
Dahil dito, hindi maiwasang magtanong ng pamilya kung bakit nangyari ito kahit nabigyan siya ng anti-rabies vaccine.
Ayon sa ospital, karaniwang apat na dose ng anti-rabies vaccine ang ibinibigay, ngunit hindi na umabot ang bata sa ikaapat na dose. Category 3 din umano ang kaniyang kagat dahil malapit ito sa ulo.
“Unfortunately, umabot siya ng third dose pero hindi na siya umabot ng fourth dose. We categorize yung mga sugat or kagat ng a*o… sa pasyente, Category 3… masyado nang malapit sa ulo. Meron tayong ibinibigay na immunuglobilin, which is active yung ibinigay na bakuna,” ayon kay Dr. Ryan Oscar Aplicador, Dr. Jeorge P. Royeca City Hospital Chief.
Kinuwestiyon naman ng ama ng bata ang umano’y pagkaantala sa pagbibigay ng anti-rabies vaccine.
“Ngano pa mang ila pang gipa-delay ang pag-inject sa bata nga pinaakan man unta sa iro? Emergency gayod to, balaha’g maulahi na lang tong anti-tetanus, ma-inject lang unta… sakit mawad-an og anak,” saad ng ama.
Samantala, ipinaliwanag ng ospital na ginamot ang bata sa emergency room noong gabi ng Hulyo 9 at pinayuhang bumalik kinabukasan para sa pagbabakuna. Ayon sa ospital, nalinis at natahi ang sugat, nabigyan ng antibiotic at anti-tetanus, at nakauwi rin ang bata noong gabing iyon.
“Dumating siya July 9 ng gabi and napauwi at the same night. Ibig sabihin, meron kaming ginagawa sa emergency room na dapat naasika*o yung mga pasyente within 4 to 6 hours. ‘Yung pasyente, by record, nalinis yung sugat, natahi yung sugat, nabigyan ng siya ng anti-biotic, nabigyan siya ng anti-tetanus, and napauwi natin siya on the same night and to come back for the vaccination in the morning. Technically, nabigay namin ang bakuna within the day na,” ani Aplicador.
Nilinaw din ng ospital na hindi expired ang bakunang ibinigay sa bata.
Binigyang-diin naman ni Aplicador na mahalagang magpakonsulta agad kapag nakagat o nakalmot ng a*o o pusa upang matukoy kung anong kategorya ng exposure ang nangyari at kung kailangan ng bakuna.
“We remain with the advice na kapag nakagat kayo ng a*o or pusa, na-scratch kayo ng a*o o pusa, you really have to do consultation. Kina-categorize ang ating patients kung 1, 2 and 3, kung kinakailangan pa ba kayong mabakunahan o hindi,” sabi ni Aplicador.
Matapos ang insidente, hinahanap na ng City Veterinary Office ang a*ong nakakagat sa bata. Pinabakunahan din ang mga a*o sa barangay.
