17/03/2020
TO: PARA SA GABOS NA MGA PADI ASIN PARATUBOD NI CRISTO SA ARKIDIOCESIS NIN CACERES
RE: PAG-SIMBAG SA PANGAPODAN SA PAGLIKAY SA COVID-2019
__________________________________________
Nin huli sa mahiwas asin marikas na Paglakop kan COVID-19, an satong gobyerno sa paagi. Kan mga ahensya kaini , nagigibo nin mga paagi tanganing malikayan an paglakop kan virus.
An Arkidiocesis nin Caceres, sa satong Gobyerno asin sa pagmangno kan mga paratubod ni Cristo, nagmamawot na makatabang sa paghiro na ini. Kun kaya, mayung Misa sa mga Simbahan kan Arkidyosesis p**n sa pagkahapon kan Marso 14 hanggang sa pagkaaga kan Marso 20. Alagad, an gabos na padi madulot nin Santa Misa nin mayong kongregasyon para sa intensyon kan mga tawo.
Tinatawan nin dispensa an mga tawo sa obligasyon na magsimba sa Domingo, Marso 15,2020. Alagad hinahagad sa gabos na mag-otob kan saindang espiritwal na obligasyon asin naggibo nin gawe nin pagtubod sa laog kan saindang mga harong arog kan mga minasunod an maghinanyog sa Santa Misa sa radyo o internet, an maghorop-horop kan mga babasahon sa Misa kan aldaw kaiba kan pamilya; an mamibi kan Via Crucis asin magpamibi nin Santo Rosaryo sa harong; asin iba pang gawing espiritwal.
An mga aro-aldaw na Misa kada 5:30PM, asin Misa sa Domingo sa oras na 6:30AM asin 5:30 PM, asin iba pang gawing debosyon, madadalan sa social media kan Arkidiocesis asin madadangog sa radio.
An mga kura paroko dapat magsiguro na an mga nakatalaan nang kasal,lubong,bonyag,fiesta asin iba pang pampublikong debosyon mag-utob kan pinakahuring direktiba kan gobyerno lokal asin nasyonal asin kan Arkidyosesis nin Caceres.
An satong mga Simbahan padagos na bukas para sa mga personal na debosyon asin pagpamibi.
Sinasadol ko an gabos na magin mahinahon sa tahaw kan huma na ini asin maging mapagmangno sa ikararahay kan satong komunidad.
