14/10/2026
Ayaw kalimot naa me daghan Ice Tube 😊😊
TOBOSO MAYOR, NAGPREPARAR SANG PAGKAON, LECHON KAG P500 NGA ALLOWANCE PARA SA MGA ATLETA
Nagkuha sang atensyon sa social media ang pagpreparar ni Toboso Mayor Richard Jaojoco sang pagkaon kag pinansyal nga bulig para sa mga atleta nga magpartisipar sa masunod nga Cluster Sports Meet sa Oktubre 16 tubtob 18.
Paagi sa iya post sa Facebook, ginpakita sang alkalde ang iskedyul sang pagkaon nga igahatag sa mga atleta sa sulod sang tatlo ka adlaw nga kompetisyon. Naglapnag ini sa social media kag nangin sentro sang diskusyon ang iya preparasyon para sa mga atleta.
Suno sa iskedyul, pagaserbihan ang mga atleta sang lechon para sa panyapon sa pagbukas sang aktibidad. Sa masunod nga adlaw, may preparasyon nga pamahaw, Jollibee para sa panyaga, Chowking para sa panyapon, kag mga meryenda ukon 'snacks' halin sa Dunkin’.
Sa katapusan nga adlaw sang kompetisyon, ang lokal nga panguluhan (LGU) ang magahatag sang pamahaw, samtang ang Crazy Krunch ang magaserbi sang panyaga.
Magluwas sa mga pagkaon, ginpahayag man nga ang tagsa ka atleta makabaton sang P500 nga cash allowance agud magamit sa ila personal nga mga kinahanglanon samtang nagapadayon ang tatlo ka adlaw nga hampang.
Suno kay Mayor Jaojoco, paagi ini sang munisipyo sa pagpakita sang apresasyon sa pagpangabudlay, dedikasyon kag preparasyon sang mga atleta.
Ang inisyatibo nagapakita sang paghatag importansya sa kaayuhan sang mga atleta, nga indi lamang nagakinahanglan sang suporta sa kompetisyon kundi pati man sa ila pagkaon kag iban pa nga personal nga kinahanglanon samtang nagarepresentar sa ila mga eskwelahan kag lugar.
Ini nga update ginadul-ong sang:
𝐃𝐓𝐗500, 𝐃3𝐁𝐈𝐎, 𝐌𝐈𝐆𝐇𝐓𝐘𝐂𝐄𝐄, 𝐃𝐓𝐗 𝐂𝐎𝐅𝐅𝐄𝐄 𝐌𝐈𝐗
👉Mabakal sa Clinica De Alternativo Sagay Branch Sa Likod Sang Blood Check Laboratory K5 News FM Broadcast Complex, Brgy. Poblacion 1, Sagay City, Negros Occ.
K5 Sagay News Desk | October 13, 2026