IUB Library

05/07/2026

28/05/2026

جناب نور الزمان صاحب، اسسٹنٹ رجسٹرار (ریٹائرڈ)، بقضائے الٰہی وفات پا گئے ہیں۔
إِنَّا لِلّٰهِ وَإِنَّا إِلَيْهِ رَاجِعُونَ

نور الزمان صاحب ایک فرض شناس، دیانتدار اور نہایت ملنسار انسان تھے۔ ان کی گفتگو میں نرمی، لہجے میں شائستگی اور رویّے میں اپنائیت تھی۔ جو بھی ان سے ملتا، عزت اور محبت کے ساتھ یاد کرتا۔ وہ ہر آنے والے کو وقت دیتے، اس کی بات توجہ سے سنتے اور حتی المقدور مسئلہ حل کرنے کی کوشش کرتے۔ ان کی شخصیت میں ایک عجیب سا سکون اور خلوص تھا جو ہر ملنے والے کے دل پر اثر چھوڑ جاتا تھا۔

دفتری زندگی میں انسان کو مختلف مزاج، دباؤ اور بے شمار معاملات کا سامنا کرنا پڑتا ہے۔ بعض اوقات سخت رویّے، اختلافات یا غلط فہمیاں بھی پیدا ہو جاتی ہیں، مگر حقیقت یہ ہے کہ انسان اپنے اخلاق اور کردار سے ہی پہچانا جاتا ہے۔ نور الزمان صاحب نے ہمیشہ کوشش کی کہ لوگوں کے لیے آسانیاں پیدا کریں، ان کے مسائل سنیں اور جہاں ممکن ہو مدد کریں۔ یہی خوبیاں انسان کو دوسروں کے دلوں میں زندہ رکھتی ہیں۔

آج جب وہ ہم میں موجود نہیں تو یہ احساس اور بھی گہرا ہو جاتا ہے کہ دنیا کی زندگی کتنی عارضی ہے۔ انسان چاہے کتنے ہی عہدوں، اختیارات یا مصروفیات میں کیوں نہ ہو، ایک دن سب کچھ چھوڑ کر اپنے رب کے حضور حاضر ہونا ہے۔ اس لیے ہمیں اپنے دفتری اور روزمرہ معاملات میں ہمیشہ یہ خیال رکھنا چاہیے کہ کسی کی حق تلفی نہ ہو، کسی غریب، مجبور یا ضرورت مند کا کام جان بوجھ کر نہ روکا جائے، اور نہ ہی اپنے اختیار کو کسی پر سختی یا تکلیف کا ذریعہ بنایا جائے۔

لوگوں کے لیے آسانیاں پیدا کرنا، ان کے مسائل حل کرنا اور اچھے اخلاق سے پیش آنا ہی اصل کامیابی ہے۔ کیونکہ عہدے ختم ہو جاتے ہیں مگر اچھا کردار اور نیک رویّہ ہمیشہ لوگوں کے دلوں میں زندہ رہتا ہے۔

میری تمام دوستوں، ساتھیوں اور پڑھنے والوں سے گزارش ہے کہ نور الزمان صاحب کو دل سے معاف فرمائیں اور ان کے لیے مغفرت و بلندیٔ درجات کی دعا کریں۔
اللہ تعالیٰ مرحوم کو اپنی رحمت کے سائے میں جگہ عطا فرمائے، ان کی قبر کو نور سے بھر دے، ان کے درجات بلند فرمائے اور تمام لواحقین کو صبرِ جمیل عطا فرمائے۔ آمین۔

26/05/2026

HEC / IUB HAT Preparation Materials

The Three Best Resources
1. HAT Official Guide (Most Important)
2. Quick HAT Dogar book (For basic level practice only)
3. Past papers (Revise, questions repeated)

Top YouTube Channels for HEC HAT / NTS G*T Preparation
1. G*T Academy (5 Hours Complete Course Preparation | Quantitative, Verbal, Analytical Reasoning) https://www.youtube.com/watch?v=HCYmdm2qeIg
2. HEC HAT 1,2,3,4 Preparation Playlist by Wiz Odyssey: https://youtube.com/playlist?list=PLlp1b-VRxRy4-Cs4Qdq67ejxkX48mGXUF&si=jXnXFWZ1N7xp6MGw

Specific Section Preparation
3. Mehmood Sarwar for English Vocabulary
https://www.youtube.com/playlist?list=PLQPKw6ae4dlbY_hDd-UVRFz7RdDVtRh16
https://www.youtube.com/watch?v=py1giDCKKU4
4. English with Sir Azeem for Verbal Reasoning
https://www.youtube.com/playlist?list=PL4nFCgRRw9ZbO0Fxz7ktU6ywyrHHg9gqe
5. Quantitative Reasoning / Maths Preparation and Past Papers: YouTube Channels
• Technically Explained
• Aspirant of Future (for past paper questions only)
https://www.youtube.com/playlist?list=PLm_TIgLG6QUewN_LgR9YBcYoeHgikf-b8
6. HAT Official Guide (Analytical Reasoning) https://www.youtube.com/playlist?list=PLuEAo6687ovcesD6RbsMRmIL2bjlyHeku

Quantitative Section
• GRE Maths Formulas
• Tricks for G*T Maths
• Formula List for Maths
• Maths Basic Formulae
• 48 Basic Concepts of Maths

Verbal Reasoning
• Barrons-333-High-Freq-Words-With-Meanings
• Pair of words
• One word substitution
• 501 Word Analogy Questions

Analytical Reasoning - Short Notes by Muhammad Usman Yousaf (Most Important)

PDF of the Above-Mentioned Files Access Link:
https://drive.google.com/drive/folders/1cXIffdc2Vnu-sMfJbxoD9JvDUuhTlT_K?usp=drive_link

26/05/2026

رب کریم ہمارے قصور، غلطیاں معاف فرما دیجیۓ۔

18/05/2026

ضروری اعلان برائے ایم فل / پی ایچ ڈی ایچ ای سی داخلہ 2026۔

ایم فل اور پی ایچ ڈی پروگرامز میں داخلے کے خواہشمند طلبہ کے لیے اہم اطلاع! Higher Education Commission (HEC) نے Higher Education Aptitude Test (HAT) 2026 کا شیڈول جاری کر دیا ہے۔ اس ٹیسٹ کو ملک بھر کی جامعات میں MPhil اور PhD پروگرامز میں داخلے کے لیے بنیادی شرط قرار دیا گیا ہے۔

اب تمام جامعات میں علیحدہ ڈیپارٹمنٹل ٹیسٹ کی بجائے G*T/HAT اسکور کو ہی داخلہ کے لیے قبول کیا جائے گا۔ لہٰذا تمام امیدواروں کو ہدایت کی جاتی ہے کہ وہ اپنی مطلوبہ تاریخیں نوٹ کریں اور بروقت رجسٹریشن مکمل کریں۔

یہ ٹیسٹ اعلیٰ تعلیم میں داخلے کا ایک اہم مرحلہ ہے، اس لیے امیدواروں کو چاہیے کہ وہ ابھی سے اپنی تیاری شروع کریں تاکہ بہتر اسکور حاصل کر سکیں اور اپنے تعلیمی خوابوں کی تکمیل کی جانب ایک مضبوط قدم بڑھا سکیں۔

اپنی محنت اور لگن کے ساتھ 2026 کے اس اہم تعلیمی موقع سے بھرپور فائدہ اٹھائیں۔

09/05/2026

‏1. مسجدِ حرام (مکہ مکرمہ)
یہ حج کا نقطہ آغاز اور اختتام ہے۔ تصویر میں کعبہ شریف کو دکھایا گیا ہے جہاں سے حاجی اپنے سفر کا آغاز کرتے ہیں اور طوافِ زیارت کے لیے واپس آتے ہیں۔

2. منیٰ (خیموں کا شہر)
فاصلہ: مسجدِ حرام سے منیٰ کا فاصلہ تقریباً 9 کلومیٹر ہے۔
اہمیت: حاجی 8 ذوالحجہ کو یہاں قیام کرتے ہیں اور پھر 10 سے 12 ذوالحجہ تک یہاں واپس آکر قیام کرتے ہیں۔ اس کی اپنی لمبائی تقریباً 4 سے 5 کلومیٹر ہے۔

3. عرفات (حج کا رکنِ اعظم)
فاصلہ: منیٰ سے عرفات کا فاصلہ تقریباً 10 کلومیٹر ہے۔
اہمیت: 9 ذوالحجہ کو تمام حاجی یہاں جمع ہوتے ہیں۔ "وقوفِ عرفات" حج کا سب سے اہم ستون ہے، جس کے بغیر حج مکمل نہیں ہوتا۔

4. مزدلفہ
فاصلہ: عرفات سے واپسی پر مزدلفہ کا فاصلہ 9 کلومیٹر ہے۔
اہمیت: 9 ذوالحجہ کی رات حاجی یہاں کھلے آسمان تلے قیام کرتے ہیں، نمازیں جمع کرتے ہیں اور رمی (جمرات) کے لیے کنکریاں چنتے ہیں۔

5. جمرات (شیطان کو کنکریاں مارنا)
فاصلہ: مزدلفہ سے جمرات کا فاصلہ تقریباً 6 کلومیٹر ہے۔
اہمیت: یہاں تین بڑے ستون (جمرہ عقبہ، جمرہ وسطیٰ، اور جمرہ اولیٰ) ہیں جہاں حاجی سنتِ ابراہیمی پر عمل کرتے ہوئے کنکریاں مارتے ہیں۔

6. واپسی (مسجدِ حرام)
فاصلہ: جمرات سے دوبارہ مسجدِ حرام کا فاصلہ تقریباً 7 کلومیٹر ہے۔
اہمیت: قربانی اور سر منڈوانے کے بعد حاجی طوافِ زیارت کے لیے دوبارہ کعبہ شریف جاتے ہیں۔

خلاصہ:
یہ نقشہ ایک دائرہ نما سفر کو ظاہر کرتا ہے جو مکہ سے شروع ہو کر منیٰ، عرفات، اور مزدلفہ سے ہوتا ہوا واپس مکہ پر ختم ہوتا ہے۔ اس تصویر کا مقصد حاجیوں کو یہ بتانا ہے کہ انہیں کس ترتیب سے سفر کرنا ہے اور ان مقامات کے درمیان کتنا پیدل یا سواری کا سفر درکار ہوگا۔

23/04/2026

آج کتابوں کا عالمی دن ہے۔ کتابوں کے شائقین کو یہ دن مبارک۔
اپنی پسندیدہ کتابوں کے نام بتائیے۔

15/04/2026

منفعت ایک ہے اس قوم کی، نقصان بھی ایک
ایک ہی سب کا نبیؐ، دین بھی، ایمان بھی ایک

06/04/2026

جب شاہی خاندانِ بہاولپور کی ایک معزز ہستی کی تدفین شاہی قبرستان، قلعہ ڈیراور میں ہونے جا رہی ہے، تو اس موقع پر نہایت ادب، درد اور خلوص کے ساتھ ایک اہم حقیقت کی جانب توجہ دلانا ضروری ہے۔ افسوس کے ساتھ کہنا پڑتا ہے کہ شاہی قبرستان کی حالت نہایت خستہ اور تشویشناک ہو چکی ہے۔ اس تاریخی اور عظیم ورثے کی نہ تو مناسب دیکھ بھال کی جا رہی ہے اور نہ ہی اس کی حفاظت کا کوئی مؤثر انتظام نظر آتا ہے۔ جگہ جگہ ٹوٹ پھوٹ، صفائی کی ناقص صورتحال، اور لاپرواہی کے واضح آثار اس بات کی گواہی دیتے ہیں کہ اس مقدس مقام کو اس کے شایانِ شان اہمیت نہیں دی جا رہی۔
یہ مقام صرف قبروں کا مجموعہ نہیں بلکہ ریاستِ بہاولپور کی تاریخ، عظمت اور شناخت کی علامت ہے، جسے اس بے توجہی کے حال پر چھوڑ دینا نہایت افسوسناک اور لمحۂ فکریہ ہے۔ ضرورت اس امر کی ہے کہ فوری طور پر اس کی حفاظت، مرمت اور باقاعدہ دیکھ بھال کے لیے سنجیدہ اقدامات کیے جائیں تاکہ اس قومی ورثے کا وقار بحال رہ سکے۔

یہ وہ مقام ہے جہاں ریاستِ بہاولپور کے نوابین اور شاہی خاندان کے افراد آسودۂ خاک ہیں، مگر افسوس کے ساتھ کہنا پڑتا ہے کہ قلعہ ڈیراور کا شاہی قبرستان اس وقت انتہائی خستہ حالی کا شکار ہے۔
میں نے اپنی آنکھوں سے دیکھا کہ:
قبرستان کی حالت انتہائی خراب ہے
صفائی ستھرائی کا مناسب انتظام نہیں
کئی جگہوں پر مٹی بکھری ہوئی ہے
تاریخی آثار اور سامان کی چوری تک ہو چکی ہے
اور مجموعی طور پر یہ مقام لاوارث سا محسوس ہوتا ہے
یہ صرف ایک قبرستان نہیں، بلکہ بہاولپور کی تاریخ، شان، وقار اور شاہی ورثے کی ایک عظیم نشانی ہے۔

🙏 مؤدبانہ اپیل
نواب خاندانِ بہاولپور، اہلِ علاقہ، مقامی انتظامیہ، محکمہ آثارِ قدیمہ اور متعلقہ ذمہ داران سے نہایت ادب کے ساتھ گزارش ہے کہ:
✅ شاہی قبرستان قلعہ ڈیراور پر فوری توجہ دی جائے
✅ کسی ذمہ دار شخص کی مستقل ڈیوٹی لگائی جائے
✅ سیکیورٹی اور نگرانی کا مناسب انتظام کیا جائے
✅ صفائی، مرمت اور باقاعدہ دیکھ بھال شروع کی جائے
✅ اس تاریخی اور شاہی ورثے کو مزید تباہ ہونے سے بچایا جائے

جو لوگ اس دھرتی کے تاج تھے، جو بہاولپور کی شان، وقار اور تاریخ کا روشن باب ہیں، کم از کم ان کی آخری آرام گاہ کو تو عزت، تحفظ اور دیکھ بھال ملنی چاہیے۔
آج جب ایک اور معزز ہستی کو اسی شاہی قبرستان میں سپردِ خاک کیا جا رہا ہے، تو یہ وقت ہے کہ ہم سب مل کر آواز اٹھائیں کہ:
قلعہ ڈیراور کے شاہی قبرستان کی فوری بحالی، حفاظت اور مستقل نگرانی کی جائے۔
برائے مہربانی اس پیغام کو متعلقہ نواب خاندان، ضلعی انتظامیہ بہاولپور، محکمہ آثارِ قدیمہ پنجاب اور بااثر شخصیات تک ضرور پہنچائیں۔

اللہ پاک مرحومہ کی مغفرت فرمائے، اور ہمیں اپنے تاریخی ورثے کی حفاظت کی توفیق عطا فرمائے۔ آمین۔
ٹیگ برائے توجہ:

#بہاولپور