Asbanr Umary.اسبنڑ عمرے

08/08/2026

معاذ علی ولد نعمت خان نے کلاس نہم میں سیکنڈ پوزیشن حاصل کرکے نہ صرف اپنی محنت اور قابلیت کا لوہا منوایا بلکہ غزالی پبلک اسکول کا نام بھی روشن کیا۔ یہ شاندار کامیابی ان کی لگن، محنت اور اساتذہ کی بہترین تربیت کا ثمر ہے۔ اس عظیم کامیابی پر معاذ علی اور ان کے والدین کو دل کی گہرائیوں سے بہت بہت مبارک باد! اللہ تعالیٰ انہیں مستقبل میں مزید کامیابیاں عطا فرمائے۔ آمین۔

25/06/2026

24/06/2026

سرگودھا کی معصوم بچی کے ساتھ پیش آنے والے المناک واقعے نے ہر درد مند دل کو رُلا دیا ہے۔ ایک ننھی کلی، جو اپنے گھر سے معمولی ضرورت کے لیے نکلی تھی، ظلم و بربریت کا نشانہ بن گئی۔ یہ واقعہ صرف ایک خاندان کا غم نہیں، بلکہ پورے معاشرے کے لیے ایک لمحۂ فکریہ ہے۔

اے اللہ کے بندو! ذرا سوچو، جب انسان کے دل سے اللہ کا خوف نکل جائے تو وہ کس قدر سنگ دل بن جاتا ہے۔ کیا ایسے لوگ بھول گئے ہیں کہ ایک دن اللہ تعالیٰ کی عدالت میں حاضر ہونا ہے؟ کیا وہ اس دن کو بھول گئے ہیں جب مظلوم کا ایک ایک آنسو گواہی دے گا اور ظالم کے پاس کوئی عذر قبول نہیں ہوگا؟

دنیا کی عدالتیں مجرم کو سزا دے سکتی ہیں، لیکن اصل حساب تو قیامت کے دن ہوگا، جہاں نہ کوئی سفارش چلے گی اور نہ کوئی طاقت کام آئے گی۔ وہاں ہر ظلم کا بدلہ دیا جائے گا اور ہر مظلوم کو انصاف ملے گا۔

آج ضرورت اس بات کی ہے کہ ہم اپنے دلوں میں اللہ کا خوف پیدا کریں، اپنی اولاد کی دینی و اخلاقی تربیت کریں، اور معاشرے کو گناہوں اور بے حیائی سے پاک کرنے کی کوشش کریں۔ یاد رکھو! جو شخص دنیا میں کسی معصوم پر ظلم کرتا ہے، وہ اللہ کی پکڑ سے ہرگز نہیں بچ سکتا۔

اللہ تعالیٰ اس معصوم بچی کی مغفرت فرمائے، اس کے والدین کو صبرِ جمیل عطا فرمائے، اور ہمارے معاشرے کو ایسے ظالموں کے شر سے محفوظ رکھے۔

آمین یا رب العالمین۔

06/06/2026

بسم اللہ الرحمن الرحیم

ہم اپنے علاقے کے بجلی کے مسئلے کی طرف حکومت اور متعلقہ اداروں کی توجہ دلانا چاہتے ہیں۔ ہمارے علاقے میں بجلی بار بار خراب ہو جاتی ہے۔ کبھی چند گھنٹوں بعد اور کبھی چند دنوں بعد بجلی بند ہو جاتی ہے۔ معمولی خرابی کی وجہ سے بھی عوام کو بہت زیادہ مشکلات کا سامنا کرنا پڑتا ہے۔

بجلی آج کے دور کی ایک بنیادی ضرورت ہے۔ طلبہ کی پڑھائی، کاروبار، گھریلو کام اور روزمرہ زندگی کے بہت سے معاملات بجلی پر منحصر ہیں۔ بار بار بجلی کی خرابی سے عوام کو مالی اور ذہنی نقصان پہنچتا ہے۔

ہم حکومت اور بجلی کے ذمہ دار اداروں سے مؤدبانہ درخواست کرتے ہیں کہ ہمارے علاقے کے بجلی کے نظام کی مکمل مرمت اور دیکھ بھال کی جائے، پرانے تاروں اور خراب آلات کو تبدیل کیا جائے، اور خرابی کی صورت میں فوری کارروائی کی جائے۔

ایک مضبوط اور بہتر بجلی کا نظام عوام کی سہولت، ترقی اور خوشحالی کے لیے ضروری ہے۔ ہمیں امید ہے کہ متعلقہ حکام اس مسئلے کو سنجیدگی سے لیں گے اور جلد از جلد مناسب اقدامات کریں گے۔

والسلام
اہلِ علاقہ اسبنڑ
عاجزانہ درخواست
بقلم لقمان آحمد جلالی

12/05/2026

إِنَّا لِلّٰهِ وَإِنَّا إِلَيْهِ رَاجِعُونَ