Chakwal Chamber of Commerce & Industry

25/02/2026

چکوال چیمبر آف کامرس اینڈ انڈسٹری کے زیرِ اہتمام اور Small and Medium Enterprises Development Authority (SMEDA) کے تعاون سے چیمبر سیکرٹریٹ میں ایک روزہ تھیماٹک ہیلپ ڈیسک کا انعقاد کیا گیا، جس میںSMEDA کی ٹیم نے شرکت کی اور ممبران کو کاروباری رہنمائی فراہم کی۔

اس موقع پر اُن موضوعات پر خصوصی مشاورت فراہم کی گئی جو اس سے قبل منعقد ہونے والے سیمینارز میں زیرِ بحث آ چکے ہیں، جن میں کاروباری پلان کی تیاری، کاروباری فزیبیلٹی رپورٹس، کاروباری مشاورت، سرکاری قرضہ اسکیمز اور مشینری سپورٹ شامل ہیں۔ ممبران نے اپنی کاروباری نوعیت کے مطابق سوالات پیش کیے جن کے تسلی بخش جوابات دیے گئے اور عملی رہنمائی فراہم کی گئی۔

تقریب کے دوران چھوٹے اور درمیانے درجے کے کاروباری افراد کو ای کامرس، ڈیجیٹل مارکیٹنگ اور آن لائن مارکیٹ پلیسز سے متعلق بھی آگاہی دی گئی تاکہ وہ جدید کاروباری تقاضوں سے ہم آہنگ ہو سکیں اور اپنے کاروبار کو وسعت دے سکیں۔
صدر چکوال چیمبر آف کامرس اینڈ انڈسٹری چوہدری عامر نجیب بھٹہ نے SMEDAٹیم کا شکریہ ادا کیا اور اس عزم کا اظہار کیا کہ مقامی صنعت و تجارت کے فروغ کے لیے باہمی تعاون کو مزید مضبوط بنایا جائے گا۔اس سیشن میں ایگزیکٹو ممبر خرم کامران، راجہ ظفر اقبال ،سابق ایگزیکٹو ممبر گل حمید اور ممبر غلام حسین ، ملک تنویر ، ذولفقار حیدر ، حافظ محمد حفیظ احمد، اسامہ اقبال اور مختلف کاروباری سیکٹر سے تعلق رکھنے والے خواتین حضرات نے شرکت کی۔

23/02/2026

السلام وعلیکم!
معزز ممبران
آپ کو مطلع کیا جاتا ہے کہ کل بروز منگل، 24 فروری 2026 کو صبح 11:30 بجے Small and Medium Enterprises Development Authority (SMEDA) کی ٹیم چکوال چیمبر آف کامرس اینڈ انڈسٹری تشریف لا رہی ہے۔جن ممبران کو پہلے منعقد ہونے والے سیمینارز میں زیرِ بحث آنے والے موضوعات جیسے کاروباری پلان، کاروباری فزیبیلٹی رپورٹس، تربیتی پروگرامز، کاروباری مشاورت، سرکاری قرضہ اسکیمز اور مشینری سپورٹ کے حوالے سے کسی بھی قسم کے سوالات یا مزید رہنمائی درکار ہو،SMEDAکی ٹیم ممبران کے سوالات کے جوابات دے گی اور مکمل رہنمائی فراہم کرے گی۔تمام متعلقہ ممبران سے گزارش ہے کہ بروقت چیمبر سیکرٹریٹ پہنچ کر اس موقع سے بھرپور استفادہ کریں۔

19/02/2026

*چکوال چیمبر آف کامرس اینڈ انڈسٹری کے وفد کی چیئرمین پرائم منسٹر یوتھ پروگرام سے ملاقات*
صدر چکوال چیمبر آف کامرس اینڈ انڈسٹری چوہدری عامر نجیب بھٹہ نے نائب صدر راجہ عبدالمنان اور ایگزیکٹو ممبران طارق مصطفیٰ ملک ،خرم کامران کے ہمراہ چیئرمین پرائم منسٹر یوتھ پروگرام رانا مشہود احمد خان سے ملاقات کی۔جس میں وزیر اعظم یوتھ بزنس اینڈ ایگریکلچر لون اسکیم کے تحت باہمی تعاون، نوجوانوں کے لیے روزگار اور انٹرن شپ کے مواقع میں توسیع پر تفصیلی تبادلہ خیال کیا گیا۔

ملاقات کے دوران بتایا گیا کہ چکوال چیمبر آف کامرس اینڈ انڈسٹری ایک مضبوط اور وسیع ممبرشپ نیٹ ورک کی نمائندگی کرتا ہے، جو ضلع میں ایک مضبوط کاروباری نیٹ ورک کی نمائندگی کرتے ہیں اور نوجوانوں کی معاشی ترقی میں فعال کردار ادا کر رہے ہیں۔
ضلع میں بالخصوص زیتون کی کاشت کو فروغ دینے کی تجویز پیش کی گئی، کیونکہ چکوال کا موسمی ماحول زیتون کی اعلیٰ پیداوار کے لیے موزوں ہے۔
خواتین کے لیے خصوصی سیشن: خواتین کو کاروباری قرضہ جات تک رسائی اور درخواست کے طریقہ کار سے آگاہ کرنے کے لیے خصوصی رہنمائی سیشن منعقد کرنے پر اتفاق کیا گیا تاکہ خواتین کی معاشی سرگرمیوں میں شرکت کو یقینی بنایا جا سکے۔
منشیات سے بچاؤ آگاہی پروگرام: نوجوانوں میں منشیات کے بڑھتے ہوئے رجحان کی روک تھام کے لیے اینٹی نارکوٹکس آگاہی تقریب منعقد کرنے کی تجویز بھی زیر غور آئی۔
لون فیسلیٹیشن اور آن سائٹ رجسٹریشن: اس اقدام کے تحت لون فیسلیٹیشن سیشن، موقع پر رجسٹریشن کی سہولت اور نوجوانوں کی شمولیت بڑھانے کے لیے خصوصی سرگرمیوں کا انعقاد کیا جائے گا تاکہ زیادہ سے زیادہ نوجوان اس پروگرام سے مستفید ہو سکیں۔
اس موقع پر صدر چکوال چیمبر آف کامرس اینڈ انڈسٹری چوہدری عامر نجیب بھٹہ نے چیئرمین PMYP کو چیمبر سیکریٹریٹ کا دورہ کرنے کی دعوت دی جسے چیئرمین نے خوش دلی سے قبول کیا اور کہا کہ وہ جلد ہی دورہ کریں گے۔
چیئرمین PMYP نے چکوال چیمبر کے کردار کو سراہتے ہوئے مکمل تعاون کی یقین دہانی کروائی۔ دونوں فریقین نے اس عزم کا اعادہ کیا کہ نوجوانوں کو بااختیار بنانے، روزگار کے مواقع بڑھانے اور مقامی معیشت کو مضبوط بنانے کے لیے مشترکہ اقدامات جاری رکھے جائیں گے۔

19/02/2026

*چکوال چیمبر آف کامرس اینڈ انڈسٹری کے وفد کا پنجاب ووکیشنل ٹریننگ کونسل کے زیرِ اہتمام وی ٹی آئی چکوال میں منعقدہ ہنر روزگار میلہ میں شرکت*
صدر چکوال چیمبر آف کامرس اینڈ انڈسٹری چوہدری عامر نجیب بھٹہ نے نائب صدر راجہ عبدالمنان اور ایگزیکٹو ممبر راجہ ظفر اقبال کے ہمراہ پنجاب ووکیشنل ٹریننگ کونسل کے زیرِ اہتمام وی ٹی آئی چکوال میں منعقدہ ہنر روزگار میلہ و سرٹیفکیٹ تقسیم تقریب 2026 میں شرکت کی۔اس میلے کا مقصد ہنر مند نوجوانوں کو روزگار کے مواقع فراہم کرنا اور کامیاب تربیت حاصل کرنے والے طلبہ میں اسناد تقسیم کرنا تھا۔
صدر چکوال چیمبر آف کامرس اینڈ انڈسٹری چوہدری عامر نجیب بھٹہ نے پنجاب ووکیشنل ٹریننگ کونسل اور وی ٹی آئی چکوال کی کاوشوں کو سراہتے ہوئے کہا کہ فنی و پیشہ ورانہ تربیت مقامی معیشت کے استحکام اور بے روزگاری کے خاتمے میں اہم کردار ادا کرتی ہے۔ انہوں نے اس عزم کا اظہار کیا کہ چکوال چیمبر ہنر مند نوجوانوں کو مقامی کاروباری برادری اور صنعتکاروں سے منسلک کرنے میں بھرپور تعاون کرے گا۔

16/02/2026

*چکوال چیمبر آف کامرس اینڈ انڈسٹری کے وفد کا الائیڈ اسکول چکوال کی افتتاحی تقریب میں شرکت*

چکوال چیمبر آف کامرس اینڈ انڈسٹری کے وفد نے الائیڈ سکول چکوال کی افتتاحی تقریب میں شرکت کی۔ وفد کی شرکت کا مقصد ضلع میں معیاری تعلیم کے فروغ کے لیے اپنے تعاون اور حمایت کا اظہار کرنا تھا۔

وفد کی قیادت صدر چکوال چیمبر آف کامرس اینڈ انڈسٹری چوہدری عامر نجیب بھٹہ نے کی جبکہ سینئر نائب صدر شیخ ریاض فاروقی ایگزیکٹو ممبران خرم کامران،راجہ ظفر اقبال اور سابقہ صدور چوہدری شہزاد سعادت، خواجہ عارف یوسف، ملک غلام مرتضیٰ ،سابق سینئر نائب صدر چوہدری اعجاز حسین منہاس سابق ایگزیکٹو ممبر نعمان افتخار, غلام حر اور سینئر ممبران ملک عبد الحفیظ انجم، طارق عزیز، میاں خاور بھی ان کے ہمراہ تھے۔ چیمبر کے نمائندگان نے اسکول انتظامیہ کو اس اہم سنگِ میل پر مبارکباد پیش کی اور جدید و معیاری تعلیم کے فروغ کے لیے ان کی کاوشوں کو سراہا۔

16/02/2026

*پنجاب کالج چکوال کے طلبہ کا چکوال چیمبر آف کامرس اینڈ انڈسٹری کا مطالعاتی دورہ*

پنجاب کالج کے طلبہ کے ایک وفد نے چکوال چیمبر آف کامرس اینڈ انڈسٹری کامطالعاتی دورہ کیا۔ وفد کی قیادت چکوال چیمبر آف کامرس اینڈ انڈسٹری کے سابق ایگزیکٹو ممبر ذیشان رفیق نے کی۔
اس موقع پر چکوال چیمبر آف کامرس اینڈ انڈسٹری کے صدر چوہدری عامر نجیب بھٹہ نے طلبہ کو نئے کاروبار کے آغاز (Startups) کے طریقہ کار، رجسٹریشن کے مراحل، قانونی تقاضوں، ٹیکس نظام اور حکومتی اداروں کے ساتھ روابط کے حوالے سے تفصیلی رہنمائی فراہم کی۔

طلبہ کو چیمبر کی ممبرشپ کے فوائد کے بارے میں بھی آگاہ کیا گیا، جن میں حکومتی اداروں تک رسائی، کاروباری رہنمائی، تجارتی تقریبات و سیمینارز میں شرکت، نیٹ ورکنگ کے مواقع، سرٹیفیکیٹس کا اجراء اور مختلف کاروباری سہولیات شامل ہیں۔ صدر چوہدری عامر نجیب بھٹہ نے اس بات پر زور دیا کہ نوجوان تعلیم کے ساتھ ساتھ عملی کاروباری مہارتیں بھی حاصل کریں تاکہ وہ مستقبل میں کامیاب کاروباری شخصیات بن سکیں۔

طلبہ نے مختلف سوالات بھی کیے جن کے تسلی بخش جوابات دیے گئے۔
دورے کا مقصد طلبہ کو کاروباری ماحول، صنعت و تجارت کے نظام اور چیمبر کے کردار سے آگاہ کرنا تھا

12/02/2026

چکوال چیمبر آف کامرس اینڈ انڈسٹری
ممبرشپ تجدید مہم 2026
چکوال چیمبر آف کامرس اینڈ انڈسٹری اپنے تمام معزز ممبران کو مطلع کرتا ہے کہ سال 2026 کی ممبرشپ کی تجدید کا عمل جاری ہے۔ آپ سے گزارش ہے کہ اپنی رکنیت کی تجدید بروقت مکمل کر لیں تاکہ کسی بھی قسم کی تاخیر یا دشواری سے بچا جا سکے۔
ممبران کی آسانی کے لیے تجدید کی سہولت چکوال چیمبر آفس میں دستیاب ہے، جبکہ بینک ٹرانسفر کے ذریعے بھی ادائیگی کی جا سکتی ہے۔
فعال ممبرشپ آپ کو چیمبر کی نمائندگی، کاروباری رہنمائی، حکومتی اداروں تک رسائی، تجارتی تقریبات، سیمینارز اور نیٹ ورکنگ کے مؤثر مواقع فراہم کرتی ہے۔ اس کے علاوہ مختلف کاروباری و پیشہ ورانہ سہولیات سے استفادہ بھی ممکن ہوتا ہےاور چکوال چیمبر کی فعال ممبرشپ کے ذریعے ممبران کو ہسپتالوں، لیبارٹریز، اسکولوں، مختلف برانڈز کی شاپس پر خصوصی رعایتی سہولیات سے بھی فائدہ اٹھا سکتے ہیں۔
اپنے ادارے کی مضبوط نمائندگی اور ضلع چکوال کی تجارتی برادری کے ساتھ مؤثر اشتراک کے لیے آج ہی اپنی ممبرشپ رینیو کروائیں اور ترقی کے سفر میں چکوال چیمبر کا ساتھ دیں۔

11/02/2026

*چکوال چیمبر آف کامرس اینڈ انڈسٹری کی مجلسِ عاملہ کا ماہانہ اجلاس*

چکوال چیمبر آف کامرس اینڈ انڈسٹری کی مجلسِ عاملہ کا سترہواں ماہانہ اجلاس صدر چوہدری عامر نجیب بھٹہ کی زیرِ صدارت چیمبر سیکریٹریٹ، راولپنڈی روڈ، چکوال میں منعقد ہوا۔ اجلاس میں چیمبر کے مالی معاملات کا تفصیلی جائزہ لیا گیا، نئے ممبران کی منظوری دی گئی۔علاوہ ازیں تجدید رکنیت -2026 اوردیگر مسائل زیر بحث لائے گئے۔اجلاس میں نائب صدر راجہ عبدالمنان، خرم کامران,عاصم رفیق ملک،چوہدری ریحان افضل،مشتاق حسین بھٹی،طارق مصطفیٰ ملک،نمائندہ بیسٹ وے سیمنٹ ،راجہ ظفر اقبال اور محمد طیب نذیر موجود تھے۔

09/02/2026

📢 چکوال چیمبر آف کامرس اینڈ انڈسٹری

🔔 رکنیت کی تجدید (2026–2027)

تمام معزز اراکین کو مطلع کیا جاتا ہے کہ ٹریڈ آرگنائزیشن رولز کے مطابق آپ کی چیمبر کی رکنیت 31 مارچ 2026 کو ختم ہو رہی ہے۔
براہِ کرم اپنی رکنیت 31 مارچ 2026 تک لازمی طور پر تجدید کروائیں۔

📄 تجدید کے لیے درکار دستاویزات:
• رکنیت تجدید فیس
• انکم ٹیکس ریٹرن (انکم ٹیکس ریٹرن کے بغیر تجدید کی درخواست قابلِ قبول نہیں ہوگی)

💰 تجدید فیس:
▪️ ایسوسی ایٹ کلاس: 4000 روپے
▪️ کارپوریٹ کلاس: 6000 روپے

🏦 بینک تفصیلات:
بینک: BOP Taqwa Islamic Bank
اکاؤنٹ نمبر: TBA 5530225418300010 PK

آخری تاریخ برائے تجدید:
🗓️ 31 مارچ 2026

📞 رابطہ کریں:
📱 0336-0025333
☎️ 0543-551913

📍 پتہ:
فرسٹ فلور، عثمانیہ پلازہ، راولپنڈی روڈ، چکوال

—
چکوال چیمبر آف کامرس اینڈ انڈسٹری

05/02/2026

**یومِ یکجہتیٔ کشمیر** کے موقع پرچکوال چیمبر آف کامرس اینڈ انڈسٹری مقبوضہ جموں و کشمیر کے مظلوم عوام کے ساتھ مکمل یکجہتی کا اظہار کرتی ہے۔ کشمیری عوام گزشتہ کئی دہائیوں سے ظلم، جبر اور انسانی حقوق کی سنگین خلاف ورزیوں کا سامنا کر رہے ہیں، مگر ان کا حوصلہ، صبر اور آزادی کا جذبہ آج بھی زندہ ہے۔

ہم کشمیری عوام کی عظیم قربانیوں کو خراجِ تحسین پیش کرتے ہیں اور اس عزم کا اعادہ کرتے ہیں کہ پاکستان کے عوام ہر فورم پر اپنے کشمیری بھائیوں اور بہنوں کی اخلاقی، سیاسی اور سفارتی حمایت جاری رکھیں گے۔

ہم دعا گو ہیں کہ اللہ تعالیٰ کشمیری عوام کو جلد آزادی، امن اور انصاف نصیب فرمائے۔
**کشمیر پاکستان کی شہ رگ تھا، ہے اور ہمیشہ رہے گا۔**

**چکوال چیمبر آف کامرس اینڈ انڈسٹری**

15/01/2026

08/01/2026

*چکوال چیمبر آف کامرس اینڈ انڈسٹری کی مجلسِ عاملہ کا ماہانہ اجلاس*

چکوال چیمبر آف کامرس اینڈ انڈسٹری کی مجلسِ عاملہ کا سولہواں ماہانہ اجلاس صدر چوہدری عامر نجیب بھٹہ کی زیرِ صدارت چیمبر سیکریٹریٹ، راولپنڈی روڈ، چکوال میں منعقد ہوا۔ اجلاس میں چیمبر کے مالی معاملات کا تفصیلی جائزہ لیا گیا۔علاوہ ازیں دیگر اہم امور بھی زیرِ غور آئے۔اجلاس میں نائب صدر راجہ عبدالمنان، عاصم رفیق ملک،چوہدری ریحان افضل، نمائندہ بیسٹ وے سیمنٹ عاصم احمد،راجہ ظفر اقبال شامل تھے۔