Fair Supplies Corporation Pvt. Ltd.

Fair Supplies Corporation Pvt. Ltd. 💊 Fair Supplies Corporation (Pvt.) Fair services.
🏥 Trusted by pharmacies, hospitals & clinics Fair Supplies Corporation Pvt. (Ltd.) Ltd.

Ltd.
🚚 Pharmaceutical Supply & Distribution Network
📍 Faisalabad, Pakistan
🤝 Supplying quality medicines with fairness, reliability & integrity. is a pharmaceutical distribution concern in the heart of Faisalabad. As our name indicates, we are an institution of Fair practices in all the matters of trade. Established in 1992 we have served several Most reputed National and Multi National Pharmaceutical companies. The parent concern of M/s Fair Supplies Corporation Pvt. started in 1975 with a single room and with the passage of time we progressed to become the hallmark of fair distribution practices. InshaALLAH in the coming future plans are to expand the business for the welfare of sick humanity and to provide the strong foundation to the future generations.

یومِ آزادی پر پنجاب پولیس اور وارڈن پولیس کو سرخ سلام 🇵🇰ہماری آپ سے لاکھ دشمنیاں سہی، لاکھ اختلافات سہی۔غلط چالانوں پر ا...
14/08/2026

یومِ آزادی پر پنجاب پولیس اور وارڈن پولیس کو سرخ سلام 🇵🇰
ہماری آپ سے لاکھ دشمنیاں سہی، لاکھ اختلافات سہی۔
غلط چالانوں پر اعتراض بھی ہے، شہریوں کو بےجا تنگ کرنے پر شکایات بھی ہیں، اور غریب آدمی پر غیرضروری بوجھ ڈالنے والے اقدامات سے اختلاف بھی اپنی جگہ موجود ہے۔
لیکن آج 14 اگست ہے… اور آج دل کھول کر آپ کی تعریف کرنا بنتی ہے۔
آج پنجاب پولیس اور ٹریفک وارڈنز پنجاب نے جس ذمہ داری، صبر اور تندہی کے ساتھ اپنی ڈیوٹی انجام دی، وہ واقعی قابلِ ستائش ہے۔ 🇵🇰👏
آج ہزاروں خاندان اپنے بچوں کے ساتھ گھروں سے نکلے، آزادی کا جشن منانے سڑکوں پر آئے۔ سڑکوں پر غیرمعمولی رش تھا، ٹریفک کا دباؤ تھا، نوجوانوں کا جوش تھا، اور بعض جگہ حالات قابو سے باہر ہونے کا خدشہ بھی تھا۔
لیکن آپ کے جوان سڑکوں پر موجود رہے۔

انہوں نے ٹریفک کو رواں رکھنے کی کوشش کی، فیملیز کو محفوظ راستہ فراہم کیا، ون ویلنگ، ہلڑ بازی، خطرناک ڈرائیونگ اور سڑکوں پر بے ہنگم انداز میں گھومنے والے عناصر کو قابو میں رکھا، اور عام شہریوں کے لیے ایک نسبتاً محفوظ ماحول یقینی بنایا۔

شاید ہمیں ہمیشہ پولیس کی خامیاں زیادہ نظر آتی ہیں، لیکن آج ان کی محنت کو تسلیم کرنا بھی ہمارا فرض ہے۔

ہمیں نہیں معلوم یہ فیصلہ کس کا تھا، یہ حکمتِ عملی کس کی تھی، یا اس کے پیچھے کس افسر کی سوچ تھی… لیکن جس کسی نے بھی یہ انتظام کیا، آج ہم اسے دل سے خراجِ تحسین پیش کرتے ہیں۔

کیونکہ جب ہم اپنے بچوں اور خاندان کے ساتھ آزادی کا جشن منا رہے تھے، تب ہزاروں پولیس اہلکار اپنے گھروں سے دور، سڑکوں پر ہماری حفاظت اور سہولت کے لیے موجود تھے۔

وہ بھی کسی کے بیٹے ہیں، کسی کے شوہر ہیں، کسی کے باپ ہیں۔
ان کے گھر والے بھی آج انہیں اپنے ساتھ دیکھنا چاہتے ہوں گے۔
لیکن انہوں نے اپنی ڈیوٹی کو ترجیح دی۔

کل ممکن ہے ہماری شکایات پھر اپنی جگہ ہوں۔
کل ممکن ہے ہم دوبارہ آپ کے کسی چالان، کسی رویے یا کسی فیصلے پر تنقید کریں۔
لیکن آج نہیں۔

آج ہم اختلافات کو ایک طرف رکھتے ہیں۔
آج ہم تنقید کو ایک طرف رکھتے ہیں۔
آج صرف شکریہ کہتے ہیں۔

آپ نے آج ہمیں صرف ٹریفک جام سے نہیں بچایا،
آپ نے ہمارے بچوں کے چہروں پر آزادی کی خوشی برقرار رکھنے میں اپنا کردار ادا کیا۔
پنجاب پولیس اور ٹریفک وارڈنز پنجاب آج کا سلام آپ کے نام۔ 🇵🇰🫡
پاکستان زندہ باد!
یومِ آزادی مبارک! 🇵🇰

13/08/2026

🇵🇰 یومِ آزادی ,ہمارا عہد
اس یومِ آزادی پر
Fair Supplies Corporation (Private) Limited
کی جانب سے پاکستان سے ایک عہد:

ہم صحت کی خدمت جاری رکھیں گے۔
ہم اپنے وعدے نبھاتے رہیں گے۔
ہم بہترین خدمات کی فراہمی جاری رکھیں گے۔
اور انسانیت کی خدمت اور جانیں بچانے کے لیے اپنی تمام تر صلاحیتیں اور کوششیں بروئے کار لاتے رہیں گے۔
Because for us, health is not just a responsibility it is a commitment to humanity.
ہماری منزل: صحت مند پاکستان، ہماری پہچان: خدمتِ انسانیت۔ 🇵🇰

Pakistan Zindabad!

🇵🇰 جشنِ آزادی مبارک! 🇵🇰فئیر سپلائز کارپوریشن پرائیویٹ لمیٹڈ میں جشنِ آزادی 2026 کی خوبصورت اور یادگار تقریبات کی کچھ جھل...
13/08/2026

🇵🇰 جشنِ آزادی مبارک! 🇵🇰
فئیر سپلائز کارپوریشن پرائیویٹ لمیٹڈ میں جشنِ آزادی 2026 کی خوبصورت اور یادگار تقریبات کی کچھ جھلکیاں۔ 💚🇵🇰
آزادی ایک نعمت بھی ہے اور ایک ذمہ داری بھی۔ آئیے عہد کریں کہ اپنے وطن کی ترقی، خوشحالی اور سربلندی کے لیے اپنا کردار ہمیشہ ایمانداری اور خلوص کے ساتھ ادا کریں گے۔
پاکستان زندہ باد! 🇵🇰

ڈسٹری بیوشن باہر سے کاروبار، اندر سے روزانہ کی جنگفارماسیوٹیکل ڈسٹری بیوشن کو دور سے دیکھنے والے اکثر کہتے ہیں، “واہ جی ...
12/08/2026

ڈسٹری بیوشن باہر سے کاروبار، اندر سے روزانہ کی جنگ
فارماسیوٹیکل ڈسٹری بیوشن کو دور سے دیکھنے والے اکثر کہتے ہیں، “واہ جی واہ! دوائیوں کا کاروبار ہے، روز لاکھوں کی سیل ہوتی ہوگی، بڑے پیسے کماتے ہوں گے۔”
کاش وہ ایک دن ہمارے ساتھ نکلیں، تب انہیں پتا چلے کہ سیل اور کمائی میں زمین آسمان کا فرق ہوتا ہے۔یہ کاروبار ہر صبح ایک نئی جنگ کے ساتھ شروع ہوتا ہے۔ کبھی گاڑی راستے میں جواب دے جاتی ہے، کبھی ڈرائیور یا سپلائی مین اچانک کام چھوڑ جاتا ہے، کبھی کسی سپلائی مین کی بے ایمانی سامنے آ جاتی ہے، کبھی دکان بند ملتی ہے، کبھی کسٹمر ادائیگی روک دیتا ہے، کبھی دکان سیل ہو جاتی ہے، کبھی مال پھنس جاتا ہے، کبھی کمپنی کا مسئلہ، کبھی مارکیٹ کا مسئلہ… اور کبھی ایسا مسئلہ جس کا کوئی نام ہی نہیں ہوتا۔

مسئلے ختم نہیں ہوتے، صرف شکل بدلتے رہتے ہیں۔

لوگ صرف گاڑی میں بھرا ہوا مال دیکھتے ہیں، وہ اس مال کے پیچھے لگا ہوا سرمایہ نہیں دیکھتے۔
وہ روز کی سیل دیکھتے ہیں، اس سیل کی ریکوری نہیں دیکھتے۔
وہ گودام دیکھتے ہیں، اس کا کرایہ نہیں دیکھتے۔
وہ گاڑیاں دیکھتے ہیں، ان کا پٹرول، مینٹیننس اور خرچہ نہیں دیکھتے۔
وہ ملازمین دیکھتے ہیں، ان کی تنخواہیں اور اچانک چھوڑ جانے کا نقصان نہیں دیکھتے۔اور سب سے بڑھ کر، وہ ڈسٹری بیوٹر کی نیند، سکون اور ذہنی دباؤ نہیں دیکھتے۔صبح سے شام تک دھوپ سر پر ہوتی ہے، نیچے گاڑی کا انجن آگ برسا رہا ہوتا ہے، فون مسلسل بج رہا ہوتا ہے، مارکیٹ میں ریکوری کا دباؤ ہوتا ہے، کمپنی ادائیگی مانگ رہی ہوتی ہے اور گھر کے اخراجات اپنی جگہ کھڑے ہوتے ہیں۔پھر بھی ہم نکلتے ہیں۔
کیونکہ ہماری گاڑی میں صرف کارٹن نہیں ہوتے، کسی مریض کی دوا ہوتی ہے۔کسی بچے کی اینٹی بائیوٹک، کسی بزرگ کی بلڈ پریشر کی دوا، کسی مریض کی شوگر کی دوا، کسی ہسپتال کی فوری ضرورت… یہ سب وقت پر پہنچانا بھی ہماری ذمہ داری ہے۔ہم صرف دوائیاں نہیں پہنچاتے، ہم صحت کی سپلائی چین کو زندہ رکھتے ہیں۔
اور شاید اسی لیے فارما ڈسٹری بیوشن کا اصل منافع بینک اکاؤنٹ میں نہیں، اس اطمینان میں ہوتا ہے کہ آج بھی ہم نے اپنا کام کیا، مشکلات کے باوجود کیا، نقصان کے باوجود کیا، اور اپنی زندگی ہتھیلی پر رکھ کر لوگوں تک صحت پہنچائی۔لوگوں کو صرف ہماری سیل نظر آتی ہے، ہماری قیمت کوئی نہیں دیکھتا۔

ہمارے ملازمین غریب کے غریب کیوں رہ جاتے ہیں؟صرف کم تنخواہ وجہ نہیں ہوتی۔ مہنگائی، قرض، مالی منصوبہ بندی کا فقدان، بچت نہ...
08/08/2026

ہمارے ملازمین غریب کے غریب کیوں رہ جاتے ہیں؟

صرف کم تنخواہ وجہ نہیں ہوتی۔ مہنگائی، قرض، مالی منصوبہ بندی کا فقدان، بچت نہ ہونا، ہنر میں اضافہ نہ کرنا، غیر ضروری اخراجات اور معاشرتی دباؤ مل کر انسان کو تنخواہ سے تنخواہ تک زندہ رکھتے ہیں۔

اور سب سے بڑا مسئلہ یہ ہے کہ غربت صرف پیسوں کی کمی نہیں، یہ ایک سوچ بھی بن جاتی ہے جو نسل در نسل منتقل ہوتی ہے۔

ایک اچھا ادارہ صرف ملازم کی تنخواہ نہیں بڑھاتا، بلکہ اس کی قابلیت، آمدنی اور مستقبل بہتر بنانے کے مواقع بھی پیدا کرتا ہے۔

کیونکہ اصل کامیابی یہ نہیں کہ ملازم 20 سال ہمارے ساتھ کام کرے؛
اصل کامیابی یہ ہے کہ 20 سال بعد وہ اور اس کا خاندان پہلے سے کہیں بہتر زندگی گزار رہا ہو۔
اس کی وجوہات کو صرف “کم تنخواہ” کہہ کر ختم نہیں کیا جا سکتا۔ اصل میں کئی عوامل ایک دوسرے کو مضبوط کرتے ہیں:

1. آمدنی صرف خرچ ہونے کے لیے آتی ہے

تنخواہ آتی ہے اور تقریباً پوری کی پوری گھر کے اخراجات میں چلی جاتی ہے۔ بچت یا سرمایہ کاری کے لیے کچھ بچتا ہی نہیں۔

2. مہنگائی آمدنی سے تیز بڑھتی ہے

تنخواہ میں 8–10٪ اضافہ ہو، لیکن خوراک، کرایہ، تعلیم، بجلی اور علاج کے اخراجات اس سے زیادہ بڑھ جائیں تو حقیقی آمدنی کم ہو جاتی ہے۔

3. مالی منصوبہ بندی کا فقدان

بہت سے لوگ بجٹ، ایمرجنسی فنڈ، بچت، سرمایہ کاری اور قرض کے بنیادی اصول نہیں جانتے۔ نتیجہ یہ کہ اچانک خرچ آتے ہی قرض لینا پڑتا ہے۔

4. قرض کا چکر

ایک قرض اتارنے کے لیے دوسرا قرض، پھر قسطیں، پھر تنخواہ آنے سے پہلے ہی تنخواہ خرچ۔ اس طرح آدمی اپنی مستقبل کی آمدنی پہلے ہی استعمال کر لیتا ہے۔

5. ہنر میں اضافہ نہیں ہوتا

اگر ملازم 15 سال تک وہی کام اسی سطح پر کرتا رہے تو اس کی آمدنی بھی محدود رہتی ہے۔ تجربہ بڑھتا ہے، مگر مارکیٹ ویلیو ضروری نہیں بڑھتی۔

6. بچوں کی تعلیم پر کم سرمایہ کاری

غریب خاندان میں اکثر بچہ بھی جلدی کمانے لگتا ہے۔ اس سے آج کا خرچ تو چل جاتا ہے، مگر بچے کی تعلیم اور ہنر رک جاتا ہے—اور یہی غربت اگلی نسل میں منتقل ہو جاتی ہے۔

7. چھوٹی چھوٹی غیر ضروری خواہشیں

موبائل، موٹر سائیکل، کپڑے، تقریبات، کھانے پینے اور دیگر اخراجات بظاہر چھوٹے ہوتے ہیں، مگر سال بھر میں بڑی رقم بن جاتے ہیں۔

8. دکھاوے اور معاشرتی دباؤ

شادی، عید، دعوت، رسم و رواج اور دوسروں کے برابر نظر آنے کے لیے ایسے اخراجات کیے جاتے ہیں جو آمدنی برداشت نہیں کرتی۔

9. بچت کی عادت دیر سے بنتی ہے

اکثر سوچ ہوتی ہے:
“پہلے گھر کے خرچے پورے ہو جائیں، پھر بچت کریں گے۔”
مسئلہ یہ ہے کہ خرچے کبھی ختم نہیں ہوتے۔ بچت کو آخر میں نہیں، آمدنی ملتے ہی پہلے رکھنا پڑتا ہے۔

10. اضافی آمدنی کا راستہ نہیں بنایا جاتا

ملازمت آمدنی کا ایک ذریعہ ہے۔ لیکن ہنر، چھوٹا کاروبار، فری لانسنگ، کمیشن یا کوئی سائیڈ انکم نہ بنائی جائے تو آمدنی کی ایک ہی چھت رہ جاتی ہے۔

11. ادارے کی طرف سے ترقی کا راستہ واضح نہیں ہوتا

اگر کمپنی صرف سالانہ معمولی اضافہ کرے لیکن ملازم کو یہ نہ بتائے کہ اگلے عہدے تک پہنچنے کے لیے کون سی skills اور performance چاہیے تو ملازم ایک ہی سطح پر پھنس سکتا ہے۔

12. صحت کا ایک بڑا خرچ پورا نظام توڑ دیتا ہے

کم آمدنی والے گھر میں ایک بیماری، حادثہ یا ہسپتال کا خرچ کئی مہینوں کی بچت ختم کر سکتا ہے۔

13. مالی کامیابی کا معیار غلط ہوتا ہے

بعض اوقات تنخواہ بڑھتے ہی معیارِ زندگی بڑھا دیا جاتا ہے، بچت نہیں۔
مثلاً 50 ہزار سے 70 ہزار آمدنی ہوئی تو 20 ہزار بچانے کے بجائے 20 ہزار کے نئے اخراجات شروع ہو گئے۔

14. سب سے خطرناک چیز: سوچ کا نسل در نسل منتقل ہونا

بچہ دیکھتا ہے کہ والد ساری زندگی تنخواہ سے تنخواہ تک زندگی گزارتے رہے۔ وہ بھی یہی سیکھتا ہے:

نوکری کرو، تنخواہ لو، خرچ کرو، قرض لو، پھر اگلی تنخواہ کا انتظار کرو۔

یہی وہ مقام ہے جہاں غربت صرف مالی مسئلہ نہیں رہتی، ایک طرزِ زندگی بن جاتی ہے۔

لیکن ذمہ داری صرف ملازم کی بھی نہیں

یہ بھی حقیقت ہے کہ اگر ایک شخص پوری ایمانداری سے 10، 15 یا 20 سال کام کر رہا ہے، اس کی مہارت اور ذمہ داریاں بڑھ رہی ہیں مگر اجرت مسلسل اس کی بنیادی ضروریات سے پیچھے ہے تو ادارے کو بھی اپنا کردار دیکھنا چاہیے۔

ایک اچھے ادارے کو چاہیے کہ وہ صرف تنخواہ نہ دے بلکہ training، career progression، performance incentives، financial literacy اور بہتر earning opportunities بھی پیدا کرے۔

اصل مقصد یہ ہونا چاہیے کہ ملازم صرف 20 سال کمپنی میں کام نہ کرے؛ بلکہ 20 سال بعد اس کی مالی حالت، قابلیت اور اس کے بچوں کا مستقبل بھی پہلے سے بہتر ہو۔

کیونکہ اگر ایک ملازم پوری زندگی کام کرتا رہا اور ریٹائرمنٹ کے وقت بھی خالی ہاتھ ہے، تو سوال صرف یہ نہیں کہ “اس نے پیسے کیوں نہیں بچائے؟”

سوال یہ بھی ہے:

“ہم نے اسے آگے بڑھنے کے کتنے راستے دیے؟”

میڈیسن ڈسٹری بیوشن میں کی جانے والی تیسری غلطی۔۔اس کاروبار میں وفاداری کی نہیں، صرف مفاد کی قیمت ہوتی ہےفارما ڈسٹری بیوش...
05/08/2026

میڈیسن ڈسٹری بیوشن میں کی جانے والی تیسری غلطی۔۔اس کاروبار میں وفاداری کی نہیں، صرف مفاد کی قیمت ہوتی ہے
فارما ڈسٹری بیوشن نے ایک سبق بار بار سکھایا ہے، مگر ڈسٹری بیوٹر ہ بار بھول جاتا ہے۔ کسٹمر کسی کا نہیں ہوتا، کمپنی کسی کی نہیں ہوتی، اور مارکیٹ کسی پر رحم نہیں کرتی۔ جس دن کسی کو زیادہ فائدہ نظر آ جائے، برسوں کے تعلقات چند لمحوں میں ختم ہو جاتے ہیں۔
ہم نے اپنے کسٹمر کو اپنا سمجھا۔ کریڈٹ دیا، مشکل وقت میں سہارا دیا، اپنی جیب سے سرمایہ لگا کر اس کی دکان چلائی، اپنی ضرورتیں قربان کیں تاکہ اس کا کاروبار نہ رکے۔ آج انہی میں سے کتنے لوگ کروڑوں روپے کے مالک ہیں۔ ان کی دکانیں، پلازے، جائیدادیں اور کاروبار بڑھتے گئے، مگر جب ڈسٹری بیوٹر نے اپنے ہی پیسوں کا مطالبہ کیا تو جواب ملا، “کل آ جانا، ابھی ہاتھ تنگ ہے۔”
دوسری طرف کمپنیوں کے لیے بھی ڈسٹری بیوٹر نے اپنا خون پسینہ ایک کیا۔ نئی مارکیٹیں کھولیں، سیلز بڑھائیں، برانڈز کو شناخت دی، دور دراز علاقوں تک دوائیں پہنچائیں، لاکھوں کروڑوں روپے کا سرمایہ بلا سود مارکیٹ میں پھنسا دیا۔ مگر جیسے ہی کوئی بڑا سرمایہ کار آیا، جس نے زیادہ پیسہ لگایا یا زیادہ “خدمت” کی، وہی کمپنی ایک لمحے میں اس کے حوالے کر دی گئی۔
تب نہ وفاداری یاد آئی، نہ قربانیاں، نہ وہ دن جب ڈسٹری بیوٹر نے نقصان اٹھا کر بھی کمپنی کو سہارا دیا تھا۔ کمپنی نے اپنا مفاد دیکھا، کسٹمر نے اپنا مفاد دیکھا، مارکیٹ نے اپنا مفاد دیکھا… اور آخر میں ڈسٹری بیوٹر صرف اپنی خالی جیب، رکی ہوئی ریکوریز اور ٹوٹے ہوئے اعتماد کے ساتھ کھڑا رہ گیا۔
یہ کاروبار جذبات پر نہیں چلتا۔ یہاں نہ تعلقات مستقل ہوتے ہیں، نہ احسان یاد رکھے جاتے ہیں۔ جب تک تمہارا سرمایہ دوسروں کے کام آ رہا ہے، تم اچھے ہو۔ جس دن تم اپنے حق کے پیسے مانگو، تم سخت، ضدی اور مسئلہ بن جاتے ہو۔
یہ تلخ ضرور ہے، مگر حقیقت یہی ہے کہ اس انڈسٹری میں سب اپنا گھر بھرنے میں لگے ہیں، اور اگر کوئی سب سے آخر میں اپنے حصے کی روٹی تلاش کرتا ہے تو وہ فارما ڈسٹری بیوٹر ہے۔

Address

House # 457, Street #2, C Block, Amin Town West Canal Road Faisalabad
Faisalabad
38000

Opening Hours

Monday 08:00 - 13:00
14:00 - 19:00
Tuesday 08:00 - 13:00
14:00 - 19:00
Wednesday 08:00 - 13:00
14:00 - 19:00
Thursday 08:00 - 13:00
14:00 - 19:00
Saturday 08:00 - 13:00
14:00 - 19:00
Sunday 08:00 - 13:00
14:00 - 19:00

Telephone

+923328733662

Website

Alerts

Be the first to know and let us send you an email when Fair Supplies Corporation Pvt. Ltd. posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Fair Supplies Corporation Pvt. Ltd.:

Shortcuts

Share

Category