09/07/2023
قرآن کو سینوں میں ہم ایسے بسائیں گے
چہروں پہ تلاوت کا ایک نور سجائیں گے
آج پورے دنیا کے اسلام دشمن عناصر منظم منصوبے کے ساتھ اللہ رب العزت کے کلام کو جلا کر ضیائے اسلام ختم کرنا چاہتے ہیں. لیکن وہ نہیں جانتے یہ قرآن کا نور مومنین کے سجدوں اور سینوں میں سفر کرتا ہے. وہ کاغذ پر لکھی آیات جلا سکتے ہیں لیکن ان چہروں سے نور ختم نہیں کر سکتے جو اس قرآن کی روشنی سے منور ہوتے ہیں.
وہ چاہتے ہیں سلامتی والے دین کو نئی نسل کے دلوں سے ختم کر دیا جائے. مگر وہ نہیں جانتے اس دین کی محبت تو کانوں میں ازان کی صورت نئی نسل کے دلوں تک پہنچائی جاتی ہے. اور جب یہ نئی نسل باشعور ہوتی ہے تو ان کو سب سے پہلے قرآن پڑھایا جاتا ہے... اسلام سکھایا جاتا ہے. اس لئے اللہ کے نور کو بجھانے کی کوشش کرنے والے جان لیں جتنا جلانے کی کوشش کرو گے یہ روشنی اتنی پھیلے گی اور اتنا ہی نئی نسل کے چہروں، دلوں اور سینوں کو منور کرے گی ان شا اللہ
تحریر :سلیم اللہ صفدر
