https://www.facebook.com/166878093182957/

Tyre Gup Shup By Naeem Ahmed Khan

Name: Tyre Gup Shup By Naeem Ahmed Khan
Address: Karachi, PK
Telephone: +923025558415

Home
Pakistan
Karachi
Tyre Gup Shup By Naeem Ahmed Khan

میں سنہ 80 کی دھائ سے پاکستان کی ٹائر برادری میں متحرک ہوں۔ایشاء بالخصوص چین کی ٹائر انڈسٹری اور تجارت سےمنسلک ہوں۔ٹائروں کی ری-ٹریڈنگ میرا پسندیدہ شعبہ ہے۔

06/07/2024

بھارت کی جے-کے ٹائر انڈسٹری نے ، اپنے آف دی روڈ (OTR) ٹائر کے زمرے میں دو نئی مصنوعات شامل کی ہیں، جو خاص طور پر نیپال کی کان کنی کی مارکیٹ کے لیے ڈیزائن کی گئی ہیں۔
ٹائروں کی نقاب کشائی جے کے ٹائر نے کھٹمنڈو میں مجاز ڈسٹری بیوٹر میسرز ڈیلٹا ڈسٹری بیوٹر پرائیویٹ لمیٹڈ کی خصوصی نمائش میں کی۔نئے متعارف کرائے گئے ٹائروں کے بارے میں کہا جاتا ہے کہ خاص طور پر نیپال کے سخت مطالباتی حالات کو پورا کرنے کے لیے ڈیزائن کیے گئے ہیں، جو اضافی پائیداری اور تحفظ فراہم کرتے ہیں۔

04/07/2024

کانٹی-نینٹل آٹوموٹیو انڈیا نے ہندوستان میں بڑھتی ہوئی مانگ کو پورا کرنے کے لیے اپنے بنگلور پلانٹ میں ٹائر پریشر مانیٹرنگ سسٹمز (TPMS) کی پیداوار کو بڑھایا ہے۔
توسیع کا مقصد سالانہ 3.3 ملین وہیل سینسر کی پیداواری صلاحیت کو بڑھانا ہے۔ اس سے ہندوستان میں TPMS کی بڑھتی ہوئی مانگ کو پورا کرنے میں مدد ملے گی، TPMS کی بڑھتی ہوئ مانگ ھندوستانی صارفین میں حفاظتی ضوابط کی بیداری میں اضافہ ظاہر کرتی ہے۔
( TPMS - ٹائر پریشر مانیٹرنگ سسٹم )

29/06/2024

گو کہ پاکستان میں الیکٹرک کاروں کے ٹائر کی بات کچھ قبل از وقت لگتی ہے لیکن دنیا بھر کی ٹائر مارکییٹوں کے تیزی سے بدلتے حالات سے باخبر رہنا زہانت ہوگی۔ھانکوک iON evo ، الیکٹرک گاڑیوں-EVs کے لئے ایک اعلی کارکردگی والامخصوص EV-ٹائر ہے ۔ یہ خشک اور گیلے دونوں حالات میں غیر معمولی کارکردگی فراہم کرتا ہے۔
ایک حالیہ تشخیص میں، ھانکوک کے iON evo SUV” “کو اُس کی متوازن ڈرائیونگ کارکردگی اور بہترین تکنیکی بناوٹ کی وجہ سے EV ٹائروں میں بہترین انتخاب کے طور پر تسلیم کیا گیا ہے۔

26/06/2024

عالمی شہرت یافتہ برانڈ "پریلی-ٹائر" -Tire Pirelli نے مسلسل چھٹے سال ماحولیاتی سوالات پر معلومات اکٹھا کرنے، پھیلانے اور فروغ دینے والی بین الاقوامی غیر منافع بخش تنظیم CDP کی مرتب کردہ ("موسمیاتی- A فہرست 2023") میں اوّلین جگہ حاصل کی ہے۔ یہ "A" درجہ بندی "آب و ہوا" سیکشن میں حاصل کیا جانے والا سب سے زیادہ اسکور ہے اور 21,000 سے زیادہ حصہ لینے والی کمپنیوں میں سے 346 کمپنیوں کو دیا گیا، جس کی تشخیص ماحولیاتی خطرات کو کم کرنے کے لیے کیے گئے اقدامات کی بنیاد پر کی گئی۔
موسمیاتی تبدیلیوں کے خلاف جنگ میں CDP جیسی شہرت یافتہ تنظیم کی سب سے اہم پہچان حاصل کرنا Pirelli اور اس کی پوری سپلائ ٹیم کی طرف سے کئے گئے ٹھوس اقدامات کی تصدیق کرتا ہے۔

25/06/2024

آسٹریلوی بارڈر فورس اور آسٹریلوی محکمہ موسمیاتی تبدیلی و ماحولیات کے درمیان مشترکہ آپریشن کے نتیجے میں گزشتہ 12 مہینوں میں 730 ٹن اسکریپ ٹائر ضبط کیے گئے ہیں۔
تفصیل کچھ یوں ہے کہ کچھ ممالک کی جانب سےوہاں کے ٭پائرولیسس پلانٹس کے لئے اسکریپ ٹائروں کے فیڈ اسٹاک کی مستقل ضرورت تھی مگر ِان ممالک میں ماحولیاتی معیارات اتنے سخت نہیں تھے جتنے کہ آسٹریلیا میں ہیں۔ آسٹریلیا کے زمہ دار محکمے اپنی اس برآمدات کو اس وجہ سے عالمی ماحولیات میں آلودگی کی ایک وجہ سمجھتے ہیں۔
2021 کے ضوابط کے مطابق آسٹریلوی کمپنیوں کے پاس اسکریپ ٹائر برآمد کرنے کا لائسنس ہونا ضروری ہے، اور وہ صرف مخصوص مقاصد کے لیے ایسا کر سکتی ہیں۔جیسا کہ ٹائروں کی ری-ٹریڈنگ اور ٭پائرولیسس پلانٹس میں استعمال کے لیے پورے ٹائر قانونی طور پر برآمد نہیں کیے جا سکتے۔
جبکہ برآمد کنندگان کی ایسوسی ایشن کا موقف ہے کہ آسٹریلیا کے لئے اسکریپ کی برآمدات ضروری ہیں کیونکہ آسٹریلیا اپنے زیادہ تر ٹائر درآمد کرتا ہے۔انہوں نے کہا کہ ہمیں ان مصنوعات کے لیے عالمی منڈیوں کو تلاش کرنے کی ضرورت ہے جو ہم خود تیار نہیں کرتے ہیں۔ زیادہ تر ویسٹ مینجمنٹ کمپنیاں جائز آپریٹرز ہیں، اور غیر قانونی برآمدات بہت کم ہیں۔
( ٭پائرولیسس پلانٹس – اسکریپ ٹائروں سے ایندھن نکالنے کا نظام )

24/06/2024

پاکستان میں چلنے والے بہت معروف چائنا کے برانڈ " کیپسن " ، " ہیبی لیڈ " ، " ھواشینگ " ، " روڈ بوس " ، " تائ تانگ " اور " ٹیراکنگ " بنانے والی کمپنی ہواشینگ ربّر گروپ 2024 میں ملک کمبوڈیا میں ایک نئ ٹائر فیکٹری پروجیکٹ شروع کر رہا ہے جس کے بعد اس گروپ کی فیکٹریوں کی تعداد چھ ہو جایئگی۔

22/06/2024

مٹسوبشی-فوسو ٹرک اینڈ بس کارپوریشن نے باضابطہ طور پر تائیوان میں 100 فیصد مکمل الیکٹرک ٹرک بنام ای-کانٹر ( e-CANTER ) کا آغاز کیا ہے، اس کے چار ماڈل وزن کی صلاحیت کے حساب سے بالترتیب 4.25 ٹن ، 6 ٹن ، 7.49 ٹن اور 8.55 ٹن بنائیں گئے ہیں۔ جس میں 8.55 ٹن والے ماڈل میں ٹائر سائز 225/70R19.5نصب ہے جبکہ بقیہ تینوں ماڈل میں ٹائر سائز 207/75R17.5 کا استعمال کیا گیا ہے۔

21/06/2024

دُنیا کی پر تعیش گاڑیوں میں سے ایک کار " پورشِ ٹائیکن " کے لیے مشہورِ زمانہ پیریلی-ٹائر کے ماڈل Pirelli P Zero R اور P Zero Trofeo RS کو اِس خوابوں کی کار کی مزید آرائش کے لئےچُنا گیا ہے۔ دونوں ٹائر سائیڈ وال پر الیکٹ-ELECT مارکنگ کو نمایاں کرتے ہیں، جو اُس ٹائر کی نشاندہی کرتا ہے جو EVs ( الیکٹرک کار ) کی خصوصیات کے مطابق ہوتا ہے۔

19/06/2024

ٹائر پائرولیسس ایک ایسا صنعتی عمل ہے جو ضایع شدہ ٹائروں سے قیمتی مصنوعات جیسے ایندھن، کاربن بلیک اور اسٹیل کے تار دوبارہ استعمال کے لئے حاصل کرتا ہے۔ یہ حرارت سے گلنے کا عمل اعلی درجہ حرارت (300-900°C) پر آکسیجن کی عدم موجودگی میں ہوتا ہے۔ اس عمل سے حاصل شدہ آئل ( تیل ) میں سلفر کی بڑی مقدار موجود ہوتی ہے، جو انجن ، مشینوں اور ماحول کے لئے مضر ہے۔
مُحققّین نے سلفر سے پاک ہلکا تیل بنانے کے لیے پائرولیسس-عمل میں ضایع شدہ ٹائر اور پولی اسٹرین-( پلاسٹک ) کے درمیان کیمیائی ہم آہنگی دریافت کی ہے۔ یہ اپنی نوعیت کا پہلا مطالعہ مانا جا رہا ہے، آسٹریلیا کی موناش یونیورسٹی کی ٹیم نے وضاحت کی کہ پائرولیسس کے لیے ضایع شدہ ٹائر کے ساتھ پولی اسٹیرین یا LDPE کو ملانے سے مؤثر طریقے سے سلفر پر مشتمل مرکبات کی پیداوار ختم ہو جاتی ہے۔

18/06/2024

آر- ایف- آئی- ڈی –RFID ( ریڈیو –فریکوئنسی- آئیڈنٹی فیکیشن ) جس کا مطلب ہے ریڈیائ لہروں کی شناخت ۔آج کی جدید صنعتیں، سائنس کا بھرپور استعمال کرتے ہوئے اپنی مصنوعات کو جدید ترین بنا رہی ہیں۔ ٹائر کی صنعتیں اب ٹائر بناتے ہوئے " RFID-ٹائر ٹیگ " ٹائر کے اندر نصب کر رہی ہیں تاکہ اُسے مختلف کاموں کے لئے استعمال کیا جا سکے، جیسے کہ ، ٹائر کے خام مال اور بنانے والی ٹیم کی معلومات تاکہ ٹائر میں خرابی آنے کی صورت میں تمام تفصیلات دیکھی جا سکیں۔یہ ٹیگز ٹائر کی کارکردگی کے بارے میں تمام قیمتی معلومات –Data ڈیٹا اکٹھا کرنے کے قابل بناتے ہیں ، جیسے مسافت کی پیمائش، درجہ حرارت کے اتار چڑھاؤ وغیرہ۔گودام میں موجود اور آنے جانے والے ٹائروں کی گنتی ۔ اس Data کے تجزیہ سے ٹائروں کی دیکھ بھال کے نظام الاوقات کو ، ایندھن کی کارکردگی کو بہتر بنانے اور اپنے بیڑے کے مجموعی انتظام کو بڑھانے کے لیے کیا جا سکتا ہے۔
اِس کی ایک آسان مثال ہمارے موبائل فون ہیں جس میں ایک چپ-CHIP ڈالنے کے بعد آپ ریڈیائ لہروں کو حاصل کر لیتے ہیں ۔
ٹائر ٹیگ کی مائیکرو چپس جو ڈیٹا فراہم کرتی ہیں اُسے ریڈیو فریکوئنسی سگنلز کا استعمال کرتے ہوئے اسکینر یا ریڈر کے ذریعے استعمال کیا جا سکتا ہے۔

17/06/2024

مچلن نے " ایکس-ملٹی انرجی زیڈ+ (Michelin X Multi Energy Z+ ) " ٹرک اور بس ٹائر ہندوستان میں متعارف کرایا ہے ، یہ ٹائر خاص طور پر ہندوستانی سڑک اور زیادہ وزن ڈالنے کے رجحان کے لیے ڈیزائن کیا گیا ہے ۔ یہ ایک ٹیوب-لیس ( بغیر ٹیوب کا ) ٹائر ہے جس کا سائز 295/80R22.5 ہے جس سے ایندھن کی کھپت اور کاربن کے اخراج کو کم کرنے میں مدد ملتی ہے۔ یہ ہندوستان میں ٹرک و بس مالکان کے لیے ایک اہم خبر ہے، جو اپنے اخراجات کو کم کرنے کے طریقے تلاش کر رہے ہیں۔

16/06/2024

"برانڈ فنانس"-Brand Finance ایک معروف برانڈ ویلیویشن یعنی برانڈز کی حیثیت کی تشخیص اور اس سے متعلق حکمت عملی اور تحقیق کی مشاورت فراہم کرنے والی کمپنی ہے، یہ کمپنی کاروباری دنیا ، حکومتوں اور افراد کو اپنی خدمات فراہم کرتے ہیں۔ وہ دُنیا کے سب سے قیمتی برانڈز کی سالانہ (گلوبل 500) درجہ بندی کے لیے مشہور ہیں۔برانڈ فنانس کے دفاتر امریکہ، یورپ، ایشیا، مشرق وسطیٰ اور افریقہ کے 20 سے زیادہ ممالک میں ہیں۔
"برانڈ فنانس" کے ذریعے کرائے گئے آٹو برانڈز کا ایک جامع مطالعہ "Auto 100" کے تازہ ترین ایڈیشن میں سب سے قیمتی ٹائر برانڈز کی فہرست میں مچلن سرفہرست ہے، اس کی مارکیٹ کی قدر 7.9 بلین امریکی ڈالرز رہی ۔مچلن نے لگاتار چھٹی بار دنیا کے سب سے قیمتی ٹائر برانڈ کی ٹاپ پوزیشن حاصل کی۔ دوسری اور تیسری پوزیشن بالترتیب برج-اسٹون (7 بلین امریکی ڈالرز ) اور کانٹی-نینٹل( 4 بلین امریکی ڈالرز ) نے حاصل کی ہیں۔
ہندوستانی برانڈز MRF اور Apollo نے بالترتیب 13ویں اور 15ویں پوزیشن حاصل کی۔
مچلن کی 7.9 بلین کی مارکیٹ قدر کے علاوہ مچلن ٹائر برانڈ 100 میں سے 88.1 کے اسکور کے ساتھ برانڈ کی طاقت کے اشاریہ میں سرفہرست مقام پر ہے، اُس کا Michelin Man کا مارکہ سب سے جانا پہچانا مارکہ تصوّر کیا گیا ہے۔ ۔ ماحولیاتی آلودگی سے بچاو کے لیئے مچلن کے پاس سب سے زیادہ پائیداری کے تصورات کی قیمت USD 255 ملین رہی ہے۔

Address

Karachi

Telephone

+923025558415

Website

facebook.com

Alerts

Be the first to know and let us send you an email when Tyre Gup Shup By Naeem Ahmed Khan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Tyre Gup Shup By Naeem Ahmed Khan:

Shortcuts

Want your business to be the top-listed Business in Karachi?