I M Hajan Ali

10/03/2023

My borther picture

21/01/2023

السلام عليكم و رحمۃ اللّٰـــــــہ وبرکاتہ

صبح بخیر زندگی

خوبصورت كلام كے ساتھ صبح کا آغاز
اے اللّٰہ
ہماری ہر نئی صبح کا آغاز تیری شُکر گزاری میں گزارنے کی توفیق عطا فرما۔۔۔ اب تک کی ہماری تمام غفلتوں بے توجہی کو معاف فرما ، ہمیں نفلی نمازوں کا اہتمام کرنے کی توفیق عطا فرما۔۔ ہمارے تمام ظاہر و پوشیدہ ، کبیرہ و صغیرہ، دانستہ و نا دانستہ تمام گناہ کو معاف فرما، ، بیماریوں پرشانیوں اور مشکلوں سے ہماری حفاظت فرما ۔۔ اور ہم تجھ سے تیرے رحم و کرم کی استدعا کرتے ہیں ہماری تمام جائز حاجتوں و نیک تمناؤں کو پورا فرما، ہمیں خوشیاں اور راحتیں عطاء فرما

الله کریم ہماری اور ہمارے والدین کی بخشش فرما۔ ہمارا خاتمہ ایمان اور اسلام پر فرما۔ ہماری تمام مشکلات و پریشانیاں دور فرما۔ ھمارے تمام معاملات کو درست کر دے

آمیــــن يا رب العالمـــــین

15/01/2023

مانا کہ تیری دید کے قابل نہیں ہوں میں
تو میرا شوق دیکھ مرا انتظار دیکھ

26/09/2022

09/09/2022

"بلغ العلٰی بکمالہ کشف الدجٰی بجمالہ
حسنت جمیع خصالہ صلو علیہ واٰلہ 💟

کروں تیرے نام پہ جاں فدا نہ بس ایک جاں دو جہاں فدا
دو جہاں سے بھی نہیں جی بھرا کروں کیا کروڑوں جہاں نہیں 💓

صلو علیہ واٰلہ❄️

جسے چاہا در پہ بلا لیا جسے چاہا اپنا بنا لیا
یہ بڑے کرم کے ہیں فیصلے یہ بڑے نصیب کی بات ہے

صلو علیہ واٰلہ🌸

ملا نور اپنے ہی نور سے ملے اور انبیاء دور سے
کوئی بڑھ سکا نہ حضور ﷺ سے یہ تو آپ ہی کا کمال تھا

صلو علیہ واٰلہ❄️

نہ تو میرا کوئی کمال ہے نہ دخل ہے اس میں غرور کا
مجھے رکھتے ہیں وہ نگاہ میں یہ کرم ہے میرے حضور کا

صلو علیہ واٰلہ🌸

وہ گھڑی بھی آئے کہ خواب میں وہ دکھا ئیں اپنی تجلیاں
میں کہوں کہ میرے حضور نے میرا سویا بھاگ جگا دیا

۔بلغ العلٰی بکمالہ کشف الدجٰی بجمالہ
حسنت جمیع خصالہ صلو علیہ واٰلہ

🌹 صلی اللہ علیہ وآلہ وبارک وسلم🌹



صَلُّوا عَلَى الْحَبِيْب - صَلَّى اﷲُ تَعَالٰى
عَلٰى مُحَمَّد💓

Darood_Shareef
We_Love_Prophet_MOHAMMADﷺ

05/09/2022

صلى الله عليه وسلم


در نبی پہ پڑا رہوں گا پڑے ہی رہنے سے کام ہوگا
کبھی تو قسمت کھلے گی میری کبھی تو میرا سلام ہو گا

کیے ہی جاؤں گا عرض مطلب ملے گا جب تک نہ دل کا مطلب
نہ عرض مطلب کی صبح ہو گی نہ یہ فسانہ تمام ہو گا

اسی توقع پہ جی رہا ہوں یہی تمنا جِلا رہی ہے
نگاہ لطف و کرم نہ ہو گی تومجھ کو جینا حرام ہو گا

درنبی پر پڑا رہوں گا پڑے ہی رہنے سے کام ہو گا
کبھی تو قسمت کھلے گے میری ،کبھی تو میرا سلام ہوگا

صلی اللہ علیہ وآلہ وسلم ❤️

02/09/2022

آپ کے مر جانے سے دنیا بھی چلتی رہے گی لوگ ہنستے بھی رہیں گے خوشیاں بھی منائیں گے۔ بس آپ کی ماں ،والد اور چند دوسرے مخلص لوگ آپ کو کبھی کبھار شدت سے یاد کریں گے اس کے علاؤہ تو ہر معاملہ جوں کی توں چلتا رہے گا کیونکہ یہ دنیاداری ہے یہاں جب کسی کو قبر میں لیٹا کے آتے ہیں تو تعلقات کو بھی وہیں دفن کر آتے ہیں واپس لوٹتے ہیں تو نئے تعلقات نئے انداز میں جیتے ہیں اس لیے دنیا کو جیتنے اور پانے کی کبھی کوشش ہی مت کریں کیونکہ یہ دنیا کسی کی ہے ہی نہیں لہذا فکرِ آخرت کریں رب کو راضی کریں
جمعہ مبارک💚🤍

03/08/2022

‏انا للہ وانا الیہ راجعون
اللہ ہمارے ملک پر رحم فرمائے ۔زمینی اور آسمانی آفات سے پناہ عطا کرے آمین ۔رب اغفرھم وارحمھم ۔اللہ تو سیلاب کی تباہ کاریوں اور تمام حادثات میں شہید ہونے والوں سے راضی ہو جانا ۔ہمارے ملک پر رحم کرنا 🤲
اے کریم پروردگار! ہم کبھی قحط سالی کی وجہ سے، بےزبان جانوروں اور بچوں کی اموات دیکھتے ہیں، تو کبھی زیادہ بارشوں کی وجہ سے سیلاب کی تباہ کاریاں، میرے اللہ! ہمیں ان آزمائشوں سے نکال لے، اپنی بے بس مخلوق کی حفاظت فرما، ہمیں معاف کر دے، ہم پر ‏رحم کر دے، ہر آزمائش سے بچا لے، ہر آفت سے بچا لے، جہاں جہاں سیلاب ہے، وہاں سب کی جان ومال کی حفاظت فرما اور اپنے فضل سے اس مشکل ترین وقت سے نکال دے۔
آمین ثم آمین یا رب العالمین

18/07/2022

سیرت النبیﷺ ۔۔۔ قسط: 60

حضرت عمرؓ مسلمان ہوئے تو اسلام پردے سے باہر آئے:

حضرت عمر رضی الله عنہ کی زور آوری کا حال یہ تھا کہ کوئی ان سے مقابلے کی جرأت نہ کرتا تھا، اس لیے ان کے مسلمان ہوجانے سے مشرکین میں کہرام مچ گیا اور انہیں بڑی ذلت ورسوائی محسوس ہوئی، دوسری طرف ان کے اسلام لانے سے مسلمانوں کو بڑی عزت وقوت، شرف واعزاز اور مسرت وشادمانی حاصل ہوئی۔

ابن اسحاق نے اپنی سند سے حضرت عمر رضی الله عنہ کا بیان روایت کیا ہے کہ جب میں مسلمان ہوا تو میں نے سوچا کہ مکے کا کون شخص رسول اللہ صلی اللہ علیہ وآلہ وسلم کا سب سے بڑا اور سخت ترین دشمن ہے، پھر میں نے جی ہی جی میں کہا: ''یہ ابو جہل ہے۔'' اس کے بعد میں نے اس کے گھر جاکر اس کا دروازہ کھٹکھٹایا، وہ باہر آیا، دیکھ کر بولا: "أھلًا وسھلًا (خوش آمدید،خوش آمدید) کیسے آنا ہوا۔؟"

میں نے کہا: "تمہیں یہ بتانے آیا ہوں کہ میں اللہ اور اس کے رسول محمد صلی اللہ علیہ وآلہ وسلم پر ایمان لاچکا ہوں اور جو کچھ وہ لے کر آئے ہیں، اس کی تصدیق کرچکا ہوں۔"

حضرت عمر رضی الله عنہ کا بیان ہے کہ (یہ سنتے ہی ) اس نے میرے رخ پر دروازہ بند کر لیا اور بولا: "اللہ تیرا برا کرے اور جو کچھ تو لے کر آیا ہے، اس کا بھی برا کرے۔"

امام ابن جوزی نے حضرت عمر رضی الله عنہ سے روایت نقل کی ہے کہ جب کوئی شخص مسلمان ہو جاتا تو لوگ اس کے پیچھے پڑ جاتے، اسے زدوکوب کرتے اور وہ بھی انہیں مارتا، اس لیے جب میں مسلمان ہوا تو اپنے ماموں عاص بن ہاشم کے پاس گیا اور اسے خبر دی، وہ گھر کے اندر گھس گیا، پھر قریش کے ایک بڑے آدمی کے پاس گیا (شاید ابوجہل کی طرف اشارہ ہے) اور اسے خبر دی، وہ بھی گھر کے اندر گھس گیا۔

ابن ہشام اور ابن جوزی کا بیان ہے کہ جب حضرت عمر رضی الله عنہ مسلمان ہوئے تو جمیل بن معمر جمحی کے پاس گئے، یہ شخص کسی بات کا ڈھول پیٹنے میں پورے قریش کے اندر سب سے زیادہ ممتاز تھا، حضرت عمر نے اسے بتایا کہ وہ مسلمان ہوگئے ہیں، اس نے سنتے ہی نہایت بلند آواز سے چیخ کر کہا کہ "خطاب کا بیٹا بے دین ہو گیا ہے۔"

حضرت عمر رضی الله عنہ اس کے پیچھے ہی تھے، بولے: "یہ جھوٹ کہتا ہے، میں مسلمان ہوگیا ہوں۔" بہر حال لوگ حضرت عمر رضی الله عنہ پر ٹوٹ پڑے اور مار پیٹ شروع ہوگئی، لوگ حضرت عمر رضی الله عنہ کو مار رہے تھے اور حضرت عمر رضی الله عنہ لوگوں کو مار رہے تھے، یہاں تک کہ سورج سر پر آگیا اور حضرت عمر رضی الله عنہ تھک کر بیٹھ گئے، لوگ سر پر سوار تھے، حضرت عمر رضی الله عنہ نے کہا: "جو بن پڑے کرلو، اللہ کی قسم! اگر ہم لوگ تین سو کی تعداد میں ہوتے تو پھر مکے میں یا تو تم ہی رہتے یا ہم ہی رہتے۔"

حضرت عمر رضی الله عنہ کے اسلام لانے پر یہ کیفیت تو مشرکین کی ہوئی تھی، باقی رہے مسلمان تو ان کے احوال کا اندازہ اس سے ہوسکتا ہے کہ مجاہد نے ابن عباس رضی الله عنہ سے روایت کیا ہے کہ میں نے عمر بن الخطاب رضی الله عنہ سے دریافت کیا کہ کس وجہ سے آپ کا لقب فاروق پڑا تو انہوں نے کہا: "مجھ سے تین دن پہلے حضرت حمزہ رضی الله عنہ مسلمان ہوئے۔" پھر حضرت عمر رضی الله عنہ نے اپنے اسلام لانے کا واقعہ بیان کرکے اخیر میں کہا کہ "پھر جب میں مسلمان ہوا تو میں نے کہا: "اے اللہ کے رسول صلی اللہ علیہ وآلہ وسلم! کیا ہم حق پر نہیں ہیں، خواہ زندہ رہیں، خواہ مریں۔؟"

آپ صلی اللہ علیہ وآلہ وسلم نے فرمایا: "کیوں نہیں، اس ذات کی قسم جس کے ہاتھ میں میری جان ہے! تم لوگ حق پر ہو، خواہ زندہ رہو، خواہ موت سے دوچار ہو۔"

حضرت عمر رضی الله عنہ کہتے ہیں کہ تب میں نے کہا: "پھر چھپنا کیسا؟ اس ذات کی قسم جس نے آپ صلی اللہ علیہ وآلہ وسلم کو حق کے ساتھ مبعوث فرمایا ہے! ہم ضرور باہر نکلیں گے۔"

چنانچہ ہم دوصفوں میں آپ صلی اللہ علیہ وآلہ وسلم کو ہمراہ لے کر باہر آئے، ایک صف میں حمزہ رضی الله عنہ تھے اور ایک میں، میں تھا، ہمارے چلنے سے چکی کے آٹے کی طرح ہلکا ہلکا غبار اڑ رہا تھا، یہاں تک کہ ہم مسجد حرام میں داخل ہوگئے، حضرت عمر رضی الله عنہ کا بیان ہے کہ قریش نے مجھے اور حمزہ رضی الله عنہ کو دیکھا تو ان کے دلوں پر ایسی چوٹ لگی کہ اب تک نہ لگی تھی، اسی دن رسول اللہ صلی اللہ علیہ وآلہ وسلم نے میرا لقب "فاروق" رکھ دیا۔"

حضرت صہیب بن سنان رومی رضی الله عنہ کا بیان ہے کہ حضرت عمر رضی الله عنہ مسلمان ہوئے تو اسلام پردے سے باہر آیا، اس کی علانیہ دعوت دی گئی، ہم حلقے لگا کر بیت اللہ کے گرد بیٹھے، بیت اللہ کا طواف کیا اور جس نے ہم پر سختی کی، اس سے انتقام لیا اور اس کے بعض مظالم کا جواب دیا۔

حضرت ابن مسعود رضی الله عنہ کا ارشاد ہے کہ ہم خانۂ کعبہ کے پاس نماز پڑھنے پر قادر نہ تھے، یہاں تک کہ حضرت عمر نے اسلام قبول کیا، جب سے حضرت عمر رضی الله عنہ نے اسلام قبول کیا، تب سے ہم برابر طاقتور اور باعزت رہے۔

===============> جاری ھے۔
سیرت النبی ﷺ .. علامہ شبلی نعمانی..
سیرت المصطفیٰ .. مولانا محمد ادریس کاندہلوی..
الرحیق المختوم .. مولانا صفی الرحمن مبارکپوری..

15/07/2022

رسول اللّٰہ ﷺ کی عائلی (گھریلو) زندگی

1⃣ رسول اللّٰہ ﷺ گھر کے کام کاج میں اپنی بیویوں کا ہاتھ بٹاتے تھے.
(صحیح البخاری : 676)

2⃣ رسول اللّٰہ ﷺ اپنی بیویوں کی کڑوی کسیلی باتیں اور طرز عمل خندہ پیشانی سے برداشت کرتے تھے.
(صحیح البخاری :2581 ، 4913)

3⃣ رسول اللّٰہ ﷺ اپنی بیویوں کی بیماری میں بیمار پرسی کرتے تھے.
(صحیح البخاری :4141)

4⃣ رسول اللّٰہ ﷺ نے کسی کھانے میں کبھی عیب نہیں نکالا.
(صحیح مسلم : 5380)

5⃣ رسول اللّٰہ ﷺ نے کسی بیوی یا خادم کو کبھی نہیں مارا.
(صحیح مسلم : 6050 - سنن ابن ماجة : 1984)

6⃣ رسول اللّٰہ ﷺ نے تفنّن طبع کے لئے زندگی میں دو مرتبہ امی عائشہؓ سے دوڑ لگائی
پہلی مرتبہ امی عائشہؓ جیت گئیں
اور دوسری مرتبہ آپ ﷺ جیت گئے.
جب آپ ﷺ دوسری بار جیت گئے تو آپ ﷺ نے فرمایا:
عائشہ ! حساب برابر ہو گیا.
(سنن ابی داؤد : 2578 - السلسلة الصحیحة : 1945)

نبوی نصیحتیں

1⃣ رسول اللّٰہ ﷺ نے فرمایا:
بیوی بچوں پر خرچ کرنا بھی باعثِ ثواب ہے.
(صحیح البخاری : 55)

2⃣ رسول اللّٰہ ﷺ نے فرمایا:
بیوی کے منہ میں کھانے کا لقمہ ڈالنا بھی باعثِ ثواب ہے.
(صحیح البخاری : 56)

3⃣ رسول اللّٰہ ﷺ اس بات کو پسند فرماتے کہ مومن اپنی بیوی کے ساتھ ہنسے اور کھیل کود کرے.
(صحیح البخاری : 6387)

4⃣ رسول اللّٰہ ﷺ نے فرمایا:
جو مومن اللہ تعالی اور یومِ آخرت پر یقین رکھتا ہے وہ جب (اپنی بیوی) میں ناپسندیدہ معاملہ دیکھے تو اچھے طریقے سے کہے یا خاموش رہے عورتوں کے ساتھ اچھا سلوک کرو کیونکہ عورت پسلی سے پیدا کی گئی ہے تم اسے سیدھا کرنے لگو گے تو توڑ بیٹھو گے, عورتوں کے ساتھ اچھا سلوک کرو.
(صحیح مسلم : 3644)

5⃣ رسول اللّٰہ ﷺ نے فرمایا:
آدمی اپنی بیوی سے بغض نہ رکھے کیونکہ اگر اس کی کوئی عادت ناپسند ہو گی تو کوئی دوسری عادت پسند ہوگی.
(صحیح مسلم : 3645)

6⃣ رسول اللّٰہ ﷺ نے فرمایا:
دنیا کی بہترین متاع نیک بیوی ہے
(صحیح مسلم : 3649)

7⃣ رسول اللّٰہ ﷺ نے بیوی کی کمزوریاں تلاش کرنے سے منع فرمایا ہے.
(صحیح مسلم : 4969)

8⃣ رسول اللّٰہ ﷺ نے فرمایا:
تم میں بہتر مومن وہ ہے جو اپنی بیوی کے حق میں بہتر ہو.
(جامع الترمذی : 1162)

9⃣ رسول اللّٰہ ﷺ نے فرمایا:
شیطان سب سے زیادہ جس بات سے خوش ہوتا ہے وہ میاں بیوی میں تفریق ڈلوانا یعنی طلاق دلوانا ہے.
(صحیح مسلم : 7106)