Ilm Ka Ghar

Ilm Ka Ghar LAST WAR🚫❗ ilm ka ghar

14/03/2025

پاکستانلیبیا کشتی حادثے میں ملوث انتہائی مطلوب انسانی اسمگلر گرفتار
اعزاز سید Time14 مارچ ، 2025
Facebook

Twitter

Whatsapp
فوٹو: فائل
گزشتہ ماہ ہونے والے لیبیا کشتی حادثے میں ملوث انتہائی مطلوب انسانی اسمگلر کو گرفتار کرلیا گیا۔

وفاقی تحقیقاتی ادارے ( ایف آئی اے) کے مطابق ملزم کی شناخت عامر حسین کے نام سے ہوئی،جسے ضلع کُرم سے گرفتار کیا گیا۔

ترجمان ایف آئی اے نے بتایا کہ گرفتار ملزم سادہ لوح شہریوں کو سمندر کے راستے یورپ بھجواتا تھا،ملزم ایف آئی اے کوہاٹ کو فروری 2025 کے کشتی حادثے میں مطلوب تھا۔

ترجمان کے مطابق ملزم عامر حسین نے متاثرہ شہری نصرت حسین کو یورپ بھجوانے کیلئے 37 لاکھ روپے بٹورے ، ملزم نے دیگر ساتھیوں کی ملی بھگت سے متاثرہ شہریوں کولیبیا کے راستے اٹلی بھجوانے کی کوشش کی۔

ترجمان ایف آئی اے کا کہنا ہے کہ ملزم کے ساتھی منیر حسین اور احمد اسلم، شاہ فیصل اور واجد علی یو اے ای، لیبیا اور اٹلی سے نیٹ ورک چلا رہے ہیں۔

یہ بھی پڑھیں
لیبیا کشتی حادثے میں جاں بحق 6 پاکستانیوں کی میتیں پاکستان پہنچا دی گئیں
لیبیا حادثہ: کشتی میں سوار 63 پاکستانیوں میں سے37 محفوظ رہے، 16 لاشیں مل گئیں
ترجمان کے مطابق گرفتار ملزم عامر حسین نے کشتی

14/03/2025

دنیاٹرمپ نے جنگ بندی سے متعلق امریکی تجویز پر روسی صدر کا بیان 'نامکمل' قرار دیدیا
ویب ڈیسک Time14 مارچ ، 2025
Facebook

Twitter

Whatsapp
ٹرمپ نے جنگ بندی سے متعلق امریکی تجویز پر روسی صدر کا بیان نامکمل قرار دیدیا
فوٹو: فائل
امریکی صدر ڈونلڈ ٹرمپ نے جنگ بندی سے متعلق امریکی تجویز پر روسی صدر پیوٹن کا بیان نامکمل قرار دے دیا۔

غیر ملکی خبررساں ایجنسی کے مطابق روس کے صدر پیوٹن نے جمعرات کو ایک پریس کانفرنس میں کہا تھا کہ روس جنگ بندی کیلئے تیار ہے لیکن یوکرین کو مزیدشرائط ماننا ہوں گی۔

روسی صدر نے کہا کہ وہ جنگ بندی کی تجویز کی حمایت کرتے ہیں لیکن کچھ معاملات ہیں جن پر امریکی صدر سے ہمیں بات چیت کرنے کی ضرورت ہے۔

تاہم امریکی صدر ڈونلڈ ٹرمپ نے وائٹ ہاؤس میں نیٹو کے سیکرٹری جنرل سے ملاقات کے دوران روسی صدر کے بیان کو امید افزا لیکن 'نامکمل' قرار دیا۔

ٹرمپ نے کہا کہ روسی صدرپیوٹن اور دیگر کے ساتھ سنجیدہ بات چیت جاری ہے، امید ہے روس جنگ بندی کی تجویز پر مثبت ردعمل دے گا۔

زیلنسکی نے پیوٹن کے ردعمل کو چالاکی قرار دیدیا

یوکرینی صدر زیلنسکی نے جنگ بندی کی تجویز پر پیوٹن کے ردعمل کو چالاکی پر مبنی قرار دیتے ہوئے روس پر مزید پابندیوں کا مطالبہ کیا تاکہ اسے امن معاہدے پر مجبور کیا جا سکے۔

صدر زیلنسکی نے کہا کہ روسی صدر اکثر ایسا ہی کرتے ہیں، وہ براہ راست انکار نہیں کرتے، لیکن کچھ ایسا کرتے ہیں جس سے معاملات میں تاخیر ہوتی ہے یا عام فیصلے ناممکن ہو جاتے ہیں۔

یوکرینی صدر نے دعویٰ کیا کہ روسی صدر جنگ بندی کی امریکی تجویز کو مسترد کرنے کی تیاری کر رہے ہیں، پیوٹن امریکی صدر کو بتانے سے ڈرتے ہیں کہ وہ جنگ جاری رکھنا چاہتے ہیں۔

واضح رہے گزشتہ دنوں سعودی عرب میں ہونے والے یوکرین امریکا مذاکرات میں یوکرین امریکی تجویز مانتے ہوئے روس کے ساتھ 30 روزہ جنگ بندی پر متفق ہوا تھا۔

آئندہ دنوں میں روس یوکرین مکمل جنگ بندی کی امید ہے: ٹرمپ

امریکا سے مذاکرات میں یوکرین روس کے ساتھ 30 روزہ جنگ بندی پر متفق ہوگیا

14/03/2025

پاکستاندریائے سندھ پر نہروں کی تعمیرکیخلاف سندھ اسمبلی میں قرارداد متفقہ طور پر منظور
رانا جاوید,کامران رضی Time13 مارچ ، 2025
Facebook

Twitter

Whatsapp
کراچی: دریائے سندھ پر چولستان کینال سمیت 6 نہروں کی تعمیر کے خلاف سندھ اسمبلی نے قرارداد اتفاق رائے سے منظور کرلی۔

آج سندھ اسمبلی کے اجلاس کا آغاز جعفر ایکسپریس پر حملےکی مذمت اور پاک فوج کے شہدا کو سلام پیش کرنے سے ہوا۔

دعا کے بعد وزیر اعلیٰ سندھ نے چولستان کینال منصوبے کے خلاف قرار داد پیش کی جسے ایم کیو ایم پاکستان، جماعت اسلامی اورآزاد ارکان نے بھی سپورٹ کیا۔

قرار داد اتفاق رائے سے منظور کرلی گئی، قرار داد میں مطالبہ کیا گیا کہ1991 کے آبی معاہدے پر مکمل عملدرآمد اور انڈس ریور سسٹم اتھارٹی سے معاہدے کے مطابق پانی کی منصفانہ تقسیم یقینی بنائی جائے۔

وزیراعلیٰ سندھ نےکہا کہ نئے کینالوں کا منصوبہ سندھ کے پانی کے حق کو چھیننے کی کوشش ہے، دریائے سندھ میں 6 نہروں کی تعمیر غیر قانونی ہے، سندھ کو پانی کی کمی کا سامنا ہے، صوبے کے آئینی حقوق کی خلاف ورزی کی جا رہی ہے، ایسےکسی منصوبےکو منظور نہیں کریں گے، دریاؤں کے مالک وہ لوگ ہیں جو دریا کے ساتھ رہتے ہیں۔

Address

Kazi Ahmad

Website

Alerts

Be the first to know and let us send you an email when Ilm Ka Ghar posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ilm Ka Ghar:

Shortcuts

Share

Category