Talib Hussain dard -jog da shehnshah

31/12/2025

ندیم افضل چن صاحب ساؤنڈ ایکٹ پر اور فنکار برادری کے لیے کھل کر بولے ہیں، جس پر انکا شکریہ ادا کرتے ہیں

21/12/2025

ساڈے جوگی دا سِرسلامت
ساڈے جوگی دا سُرسلامت

باوا اس فاطمی ہوراں توں بنا پُچھے اوہناں دی لکھی طالب حسین درد دی ویل وچوں اپنی لکھت لئی عنوان کڈھ لیا اے امید اے معزرت قبول کریسن ۔
موسیقی میری جانچے تاں ہک ترتیب اور نظم و ضبط دا ناں اے۔سُر تے تال جدوں تک اپنی ترتیب تےنظم و ضبط وچ ہے تاں اوہ موسیقی ہے جدوں وی ایہہ تر تیب اُتھے تھلے ہوندی تے کم بے سُرا تے بے تالہ ہوجاندا ۔ تے جیہڑا ایس ترتیب نوں بہترین نظم و ضبط نال نبھاوے اوہ بہترین کلاکار ہوندا اے۔
رب دی ایس کائنات نوں وی ویکھ لوو تے ایہہ وی ہک پوری ترتیب تے نظم و ضبط نال کھڑی تے جتھے وی جدوں ایس وچ کوئی بے سُرا تے بے تالہ پن آوندا تے ایہہ نظام وی خراب ہوجاندا ۔
ایس تمہید دے پچھے اینویں گل پنجاب دی فوک موسیقی توں ٹور کےبابا طالب حسین درد تک لے آونی ہا۔
موسیقی دے پکھاں وچوں ۔ کلاسیکی موسیقی۔ فوک ۔پاپ۔راک ہی مشہور ہین ۔ انہاں وچوں فوک موسیقی ایسی ہے جس دا تعلق براہ راست دھرتی تے دھرتی واسیاں نال ہوندا ہے۔
فوک پوری دنیا وچ ہر علاقے دا اپنا اپنا ہوندا ہے۔ جے اسیں پنجاب دی گل کرئیے تاں چڑھدے پنجاب وچ مشہور ناں. ۔

جو ساڈی عمراں وچ سانوں سنن۔ویکھن نوں ملے۔ گرداس مان۔ آسا سنگھ مستانہ ۔سریندر کور ۔پورن شاہ کوٹی ۔ کنور گریوال
لہندے پنجاب ول ویکھئیے تے اس دے فوک نوں اسیں تن ونڈاں کرسکدے ہاں پوٹھوہار دے علاقے جو فنکار مشہور ہوئے ملک سعید ہزارہ۔ نعیم ہزارہ۔ شکیل اعوان ماجھے دے علاقے۔ طفیل نیازی ۔شوکت علی۔ اکرم راہی ۔ عالم لوہار عارف لوہار ۔ باراں وچوں وڈے ناں منصور ملنگی ۔طالب حسین درد ۔اللہ دتہ لونیوالا۔طفیل کانڈیوال۔ بشیر چوکی بھاگٹ۔ ارشاد ٹیڈی ۔غلام علی ٹاہلی منگینی۔ ملک علی ملکو ۔اکرم فریدی ۔اشرف جھتہ۔
جنوبی پنجاب وچوں عطاءاللہ عیسٰی خیلوی۔ احمد خان ملنگ۔ شفاءاللہ خان۔ حسین بخش ڈھآڈھی۔سخاوت حسین ۔شہزادہ آصف ۔پروانہ مستانہ حسینہ ممتاز ۔ تےبہوں سارے ناں ہین۔

کلاسیکی موسیقی تے ہر دور تے ہر بندے واسطے ہوندی اے ایہہ عالمگیر موسیقی اے۔ ہر فوک تے علاقائی سنجان تے چھاپ ڈونگھی ہوندی۔ پنجابی فوک دے تاریخ کدی وی جھنگ نوں کڈھ کے مکمل نہی ہوسکدی پتہ نہی رب نے ایہہ جھنگ دی دھرتی کی مُکھ رکھ کے بنائی تے اپنی وکھری ای سنجاپ بن گئی ۔ طفیل کانڈیوال دے پکے سُر ۔منصور دے گلے دی مٹھاس ۔غلام علی دا کُھلا گلا ۔لونیوالا دے اُچے سُر ۔ تے طالب دی جوگ ایس دھرتی دا حسن تے متھے دا ٹِکا بن گئے ۔
اج تے ایس گل بات دی تمہید زرا لمی ہوگئی پر سرناویں نوں مُکھ رکھدیاں گل بابے طالب دی ہی کرنی ہا ۔ ضلع جھنگ وچ چنہاں دی کدھی تےجمن والا ایہہ مہان گائیک ۔طالو توں لے کے خاں صاحب طالب حسین درد تک دا سفر ہک بہوں۔اوکھا پینڈا جو ایس انسان نے اپنی مسلسل محنت لگن تے شوق طے کیتا تے کیا اعلی طریقے نال کیتا ۔
موسیقی دے وچ ہک برینڈ بنے تے اوہناں لوکاں وچ اپنا ناں لکھوایا جنہاں موسیقی نوں کجھ دان کیتا ۔ طالب حسین درد موسیقی دے ہر انگ نوں اپنایا۔ ہر مشہور راگ وچ گایا تے خوب گایا ۔ ہمڑیاں تو لے غزل گائیکی تک ہر شے کمال گائی ۔ پر جوگ انج دی گائی جو طالب حسین تے جاگ لازم ہوگئے جوگ دا تصور ہی طالب حسین نال ہون لگ پیا۔
طالب حسین دی شخصیت تے گائیکی تے ہک مکمل مقالہ لکھیا جا سکدا۔ اللہ نے آواز ایسا ٹھوس دتا کہ کسے وی سطح تے گاندیاں کدی گلا تُھڑکیا ناہی۔
پرانے لوک گیتاں توں لے کے طالب حسین درد نے غلام محمد درد دی شاعری ہر شے ہورے انصاف نال گائی ۔ اج دی موسیقی روح دی غذا نہی سگوں روح دی سزا بنی پئی ۔ مگر اج طالب دے پرانے گیت کسے سکون آور دوائی توں گھٹ نہی۔

لگا ونج کبوتر لے میتھوں خط میری سرکار دا ۔
خوش پیا وسیں سانولا
جو گزر گئی۔واہ واہ دلبر
چوری چوری تیرے نال لا لیاں اکھاں اس گیت وچ آکھے گئے دوہڑے
رُل رُل کے سنگت جناب دے وچ ہا مسیں مسیں تاج سدایا
جداں وسن آامکان بنے تے چا دشمناں چکر چلایا
توں وی چھوڑ کے ٹر پردیس گیائیں کوئی جیہا پیغام ہئی آیا
تیرا کوچ ہوسی پچھوں ساری دی ساری مر ویسی آ ڈھول رعایا۔
ایس نفاست تے بھرپور انداز وچ آکھے گئے دوہڑے جو موسیقی دےہک۔ودوان نوں۔آکھنا پیا جو طالب حسین درد دوہڑےدا مہدی حسن اے۔
میری پنجاب دی یونیورسٹیاں دے موسیقی دے شعبہ تے سربرایاں نوں بینتی ہے جو طالب حسین درد تے Phd کرواٙی جاوے۔
سلیم سپرا

17/12/2025

20/11/2025

پنجاب حکومت سے اپیل ھے

12/11/2025

حاجی محمد حیات بھٹی صاحب