08/07/2026
بجلی کی طویل لوڈشیڈنگ عوام کے لیے ایک سنگین مسئلہ بن چکی ہے۔
منتخب نمائندوں کی ذمہ داری ہے کہ وہ متعلقہ اداروں سے اس مسئلے کا مستقل حل نکالیں۔ اگر سنجیدہ کوششوں کے باوجود بھی مسئلہ حل نہ ہو، تو عوام گاؤں کی سطح پر پرامن احتجاج منظم کرنا وقت کی ضرورت ہے، تاکہ عوام کی آواز متعلقہ حکام تک مؤثر انداز میں پہنچ سکے۔
اہلیانِ کھنڈہ کا مطالبہ ہے کہ کم از کم مقررہ اوقات میں بجلی کی فراہمی یقینی بنائی جائے اور غیر اعلانیہ لوڈشیڈنگ کا فوری خاتمہ کیا جائے۔
منتخب نمائندے عوامی مسائل پر خاموش تماشائی بنے ہوئے ہیں۔
صوابی میں بجلی پیدا ہوتی ہے، لیکن افسوس کہ صوابی کے عوام ہی بجلی سے محروم ہیں۔ شدید گرمی میں بچے، بزرگ اور مریض سخت مشکلات کا سامنا کر رہے ہیں، جبکہ اقتدار میں بیٹھے لوگ ٹھنڈے کمروں میں آرام سے بیٹھے ہیں۔
صوابی کے عوام کو ان کا حق دیا جائے، غیر ضروری لوڈشیڈنگ ختم کی جائے اور عوام کے مسائل کا فوری حل نکالا جائے۔
