New Hussain Traders

07/05/2026

07/05/2026

*حسین ٹریڈرز - اڈہ غلام شاہ فارم*
*مالک: خادم حسین ڈھڈی*

کسان کی محنت کا ساتھی، فصل کی حفاظت کا ضامن۔

اڈہ غلام شاہ فارم کی پہچان، *حسین ٹریڈرز* کے مالک *خادم حسین ڈھڈی صاحب* وہ نام ہیں جن پر پورے علاقے کے کسان اعتماد کرتے ہیں۔

آپ کا مشن ایک ہی ہے: "کسان کو دو نمبر سے بچانا، فصل کو بیماری سے بچانا"۔ اسی لیے حسین ٹریڈرز پر ملتی ہے صرف اعلیٰ اور مستند کمپنیوں کی سپرے، کھاد اور بیج۔

*خادم حسین ڈھڈی کی خاص باتیں:*
- *معیار پر سمجھوتہ نہیں*: ملٹی نیشنل اور رجسٹرڈ کمپنیوں کی اصلی پروڈکٹ
- *کسان دوست مشورہ*: کون سی سپرے کب اور کتنی مقدار میں کرنی ہے، مکمل رہنمائی
- *مناسب ریٹ*: غریب کسان کا خیال، جائز منافع
- *علاقے کی خدمت*: اڈہ غلام شاہ فارم اور گردونواح کے زمینداروں کا اعتماد

*شعر*
فصل ہو سرسبز، کسان ہو خوشحال
یہی ہے خادم حسین ڈھڈی کا خیال
حسین ٹریڈرز سے لو سپرے معیاری
پھر دیکھو کھیت میں کیسے آتی ہے بہار

جب بات ہو فصل کی حفاظت کی، تو ایک ہی نام: *حسین ٹریڈرز، اڈہ غلام شاہ فارم*
رابطہ کریں اور اپنی فصل کو بیماری سے محفوظ بنائیں۔

*خادم حسین ڈھڈی - نام ہے اعتماد کا* 🌾
Ayaz Mustafa Shah
خادم حسین

29/12/2023

*گندم 🌾 کا دوسرا پانی اور کھادوں کا استعمال*
_(یہ 45 دن کی فصل میں بننے والے سٹہ کی تصویر ہے)_
👈 عام طور پر وقت کاشت کے لحاظ سے گندم کے پودے میں 43 دن کے قریب سٹہ بننا شروع ہو جاتا ہے، یہی وہ وقت ہوتا ہے جب پودا دستیاب خوراک و حالات کے مطابق پیداوار کا فیصلہ کرتا ہے۔

👈 کوشش کریں پہلے پانی پر فاسفورس زنک نائٹروجن کی 80٪ تک خوراک پوری کریں۔

✍️ *دوسرا پانی* 👈 گندم کی فصل کو دوسرا پانی موسم زمینی ساخت اور فصل کی ضرورت کو دیکھتے ہوئے 45 سے 75 دن پر لگایا جاتا ہے۔ جو موجودہ موسمی صورتحال میں نہائت اہمیت کا حامل ہے اگر جنوری میں بارشیں شروع ہو جاتی ہیں تو خوراک دینا مشکل ہوتا ہے۔
👈 یہی وہ اسٹیج ہوتی ہے جب پودے کے اندر سٹہ بننا شروع ہوتا ہے اس لیے دوسرے پانی پر پوٹاش کا 8 سے 12 کلو یا 10 لیٹر استعمال ضرور کریں۔

👈 دوسرے پانی پر اپنے اخراجات کو مدنظر رکھتے ہوئے فاسفورس (این پی کے 20_60_6 یا ایم اے پی 61_12) کا استعمال بھی مفید ثابت ہوتا ہے۔

👈 اگر زمین کی تیاری یا سابقہ فصل میں بوران کا استعمال نہیں کیا گیا تو دو کلو بوران یا بورک ایسڈ فلڈ کیا جائے یا کم ازکم 150 گرام بوران کا سپرے گوبھ پر ضرور کریں۔

👈 پودے کو ایک اندازے کے مطابق اپنا 70 فیصد ڈھانچہ *(بائیوماس)* بنانے میں سلفر کا کردار ہوتا ہے اس لیے گندم کی فصل میں 3سے 4 کلو سلفر کا استعمال ضروری ہے دو قسطوں میں پہلے دوسرے پانی پر استعمال کریں، نائٹروجنی کھادیں( یوریا کین گوارا امونیم سلفیٹ) فصل کی ظاہری ضرورت کو مدنظر رکھتے ہوئے 20 سے 50 کلو گرام تک دی جا سکتی ہیں۔

👈 گندم کو دوسرا پانی لگتے وقت اکثر موسم سخت ہوجاتا ہے جب کہ مگنیشیم پودے میں کلوروفل یعنی سبز مادہ بنانے تنے کی مظبوطی فاسفورس کی دستیابی کو بہتر کرنے میں مددگار ہے سلفر کی جگہ 10 کلو مگنیشیم سلفیٹ/نائٹریٹ کا استعمال بھی مفید ثابت ہوتا ہے۔

👈 گندم کی فصل پاکستان بھر میں کاشت ہوتی ہے اور ہر علاقے کی زمین وقت کاشت کھاد پلان مختلف ہو سکتا ہے آپ اپنی زمین کے مطابق خوراک پانی کا استعمال کریں۔

28/12/2023

Assãlãm O Alãikum
پیلی گندم پیلی گندم

آج کل اکثر زمیندار ایک ہی سوال اکثر پوچھ رہے ہیں گندم کے پتے پیلے کیوں ہو رہے ہیں یا گندم پیلی کیوں ہو رہی ہے تو محترم احباب اس کی کئی وجوہات ہو سکتی ہیں

نمبر1
جڑوں کی سنڈی کی وجہ سے بھی فصل پیلی ہوئی نظر آتی ہے جس کو روٹ بوررز یا گلابی سنڈی کہا جاتا ہے

نمبر ۔ 2
خوراکی اجزاء کبیرہ و ثانوی کی کمی بیشی کی وجہ سے بھی گندم کے پتے پیلے ہو سکتے ہیں

نمبر ۔3
پانی کی زیادتی یعنی اوور ایریگیشن واٹر سٹریس وغیرہ

نمبر ۔4
پانی کی کمی پانی ضرورت سے زیادہ دیر سے پانی لگانا

نمبر ۔5
موسمی سٹریس کی وجہ سے بھی پتے پیلے ہو سکتے ہیں جب آپ یہ دیکھیں آپ کے علاقے میں اکثر زمینداروں کی فصل کے پتے پیلے ہو رہے ہیں تو یہ موسمی سٹریس کی وجوہات ہو سکتی ہیں

نمبر ۔ 6
فنگس ایک قسم Septoria blotch کی طرح ایک پھپھوندی کی بیماری کی وجہ سے بھی پتے پیلے ہوئے نظر آتے ہیں ٹکڑیوں کی شکل میں

نمبر 7
مسلسل ابر آلود موسم رہنے سورج نہ نکلنے کی وجہ سے بھی پتے پیلے ہوئے نظر آسکتے ہیں

نمبر 8
ٹیوب کے پانی کی خرابی کی وجہ سے بھی پتے پیلے ہو سکتے ہیں

نمبر 9
ویڈے سائیڈز
سلفونائل گروپ سے تعلق رکھنے والی جڑی بوٹیوں کی سپرے گیلے وتر بہت زیادہ تر وتر پر کرنے کی وجہ سے بھی پتوں پر سٹریس آ جاتا ہے اور پتے پیلے ہو جاتے ہیں یا پھر بار بار سپرے کی اوور لیپنگ کی وجہ سے بھی پتے پیلے ہو جاتے ہیں

نمبر ۔ 9
فصل میں زمین کی خشک حالت میں شبنم میں یوریا کا چھٹہ کرنے سے بھی پتے پیلے ہو سکتے ہیں

نمبر۔ 10
کلر شور زادہ رقبوں میں بھی گندم اکثر پیلی ہو جاتی ہے

نمبر۔ 11
ریتلے رقبوں میں بھی فیرس سلفیٹ کی کمی کی وجہ سے اکثر جگہوں پر گندم پیلی ہو جاتی ہے

نمبر 12
کس بھی جڑی بوٹی مار سپرے جس کے نام میں سلفیوران آتا ہو کوشش کیا کریں سپرے کے بعد جو پانی لگایا جائے اس میں یوریا کھاد کا استعمال پانی لگانے کے بعد گھپ یا کھڑے پانی میں چھٹا کیا جائے کیونکہ ایسی ویڈے سائیڈز کے سپرے کے فورا بعد پانی لگانے سے پہلے یوریا کھاد کا استعمال بھی فصل کو پیلا کر سکتا ہے

مندرجہ بالا وجوہات کی وجہ سے گندم پیلی ہو سکتی مگر ان میں سے اکثر وجوہات سے پیلی ہوئی فصل کچھ دنوں میں خود بخود ہی بھتر ہو جاتی ہے

05/12/2023

السلام علیکم سب بھائی خیریت سے ہوں گے
گندم کے کاشتکار بھائیوں کے نام اہم پیغام

*گندم کی جڑی بوٹی مار ادویات کے استعمال کےلئے راہنما اصول۔
1 سپرے مشین کا پریشر اچھا ہو۔

2 جس مقصد کے لیئے سپرے کر رہے ہوں نوزل اس کے مطابق ہو۔

3-،گندم کے ویڈیسائیڈ سپرے کرنے کے لۓ مخصوص ٹی جیٹ نوزل(کٹ والا فوارہ) استعمال کریں۔

4۔گندم کے ویڈی سائیڈ سپرے کرتے ہوئے ٹی جیٹ نوزل گھٹنے کی اونچائی کے برابر ہو

5۔سپرے سے پہلے ٹینکی کو اچھی طرح دھو لیں اور اطمینان کر لیں کہ ٹینکی میں کسی دوائی کی باقیات نہ ہو۔

6-سپرے سے پہلے فی ایکڑ پانی کا انداذہ کرنے کے لئے کیلیبریشن کر لیں۔

7-پانی کی مقدار 100سے 120 لیٹر رکھیں۔

8- چوڑے پتے والی جڑی بوٹیوں کے لۓ سپرے پہلے پانی کے بعد کریں اور نوکیلے پتے والی جڑی بوٹیاں جب زمین سے نکل آئیں تب سپرے کریں۔

9- سپرے درمیانے وتر میں کی جائے
کبھی بھی سپرے تر وتر حالت میں نہ کریں ورنہ سٹریس کے چانس زیادہ ہوں گے۔

10- سپرے کے بعد بارہ چودہ دن تک پانی نہ لگائیں۔

11-سپرے سے پہلے موسمی پشین گوئی ضروردیکھیں سپرے کے بعد بارش آنے سے نہ صرف رزلٹ کمزور ہوگا بلکہ فصل بھی سٹریس میں آ جائے گی۔

12.سپرے کسی ماہر سے مشاورت کر کے سلیکٹ کریں۔
13- دوہرا یا ڈبل سپرے ہر گز نہ کریں۔

14- ریتلی اور کلراٹھی زمینوں پر زہر کی مقدار %25 کم رکھیں۔

15.سپرے کے لیئے سپرے مین کو باقائدہ ٹرینگ دیں

16- جڑی بوٹی مار سپرے کے بعد دس بارہ دن تک کسی قسم کا NPK یا امائینو ایسڈ کا سپرے نہیں کرنا چاہیے۔

17-پاؤڈر والی دواؤں کو ڈائریکٹ ٹینکی میں نہ ڈالیں ۔پہلے ٹینکی سے باہر محلول تیار کریں بعد میں ٹینکی میں ڈالیں۔

18-گاڑھی اور پوڈر والی ادویات علیحدہ علیحدہ با لٹی میں گھول لیں. پہلے آدھی ٹینکی پانی سےبھر لیں. پھر ادویات باری باری ڈالیں.

19-اگر ایک ہی بالٹی میں ادویات پہلے مکس کریں تو محلول گرم ہو کر اپنی افادیت کھو دیتا ہے. فصل پر سٹریس آسکتا ہے.

20- سپرے کے لئے صاف پانی استعمال کریں۔

21-سردیوں میں کھڑا ٹھنڈا پانی استعمال نہ کریں.

22-سردیوں میں دوپہر اور گرمیوں میں عصر کےوقت سپرے کریں.

23-سپرے شبنم ختم ہونے کے بعد دھوپ میں کریں۔

24-فوار فصل پر ڈائریکٹ نہ ماریں. ڈیڑھ دو فٹ اونچی رکھیں.
25-ماسک پہنیں پھیپھڑے ہوا ہی کھینچتے ہیں.

26- 10 تا 15 من پیداوار بڑھنے کا انحصار اچھی اور وقت پر سپرے کرنے کی بدولت ہے.

27.سپرے کرنے کے بعد مشین اور خود کو اچھی طرح دھوئیں.
مزید معلومات اور زرعی ماہرین کے مشوروں کے لیے نیو حسین ٹریڈرز کرم پور روڈ اڈہ غلام شاہ پر تشریف لائیں یانیو حسین ٹریڈرز کرم پور روڈ اڈہ غلام شاہ کے واٹس ایپ نمبرز پر رابطہ کریں۔
رابطہ نمبرز:
0302-4755178
0300-4241512

03/11/2023

---------------

گندم کی پیداوار کے تین ستون ہیں

1 - سٹوں کی تعداد
2 - سٹے میں دانوں کی تعداد
3 - دانوں کا وزن

کم پیداوار کے لئے ان میں سے ایک یا ایک سے زیادہ وجوہات ہو سکتی ہیں

کم سٹے :

1 - کم شرح بیج
2 - زمین کی ہلکی تیاری
3 - کم کھادیں
4 - بوقت کاشت فاسفورسی کھاد نہ استعمال کرنا
5 - دیر سے پہلا پانی
6 - پہلے پانی پر کم کھاد
7 - غلط طریقہ کاشت
8 - جڑی بوٹیوں کی بہتات
9 - غیر معیاری بیج
10 - پہلی آبپاشی پر پانی کی زیادتی

سٹے میں کم دانے

1 - قسم میں کم صلاحیت
2 - بہت زیادہ پودے
3 - غیر متوازن کھاد
4 - دیر سے کاشت
5 - رسٹ کا اٹیک
6 - یوریا کی کمی

کمزور دانے :

1 - پانی کی کمی
2 - فصل کا گر جانا
3 - دیر سے کاشت
4 - زیادہ درجہ حرارت
5 - غیر متوازن کھاد
6 - رسٹ کا حملہ

آپ کی اور ملکی پیداوار میں بہتری کا طالب
نیو حسین ٹریڈرز
0302-4755178

20/10/2023

مکئ کی آخری دو خوراک اور ایک آپشنل کسان پر منحصر ے ۔۔۔!!

ٹیسلنگ سے لے کر گرین فلنگ تک مکئ تقریباً 20 تا 25 دن لے جاتی ے ۔۔
بہت زیادہ پانی بھی نہیں لگانا اور وتر خشک ہونے سے پہلے پانی لازمی لگائیں ۔۔زمین وتر حالت میں رہنی چاہیے ۔۔
زمین کے مطابق پانی لگائیں اگر پانی زیادہ لگائیں گے تو اس وقت جڑ اور تنے کی فنگس کا حملہ ہو سکتا ے ۔۔

مکئی میں ٹوٹل 20 سٹیجز ہوتی ہیں ۔۔
14 ویجیٹیٹو گروتھ اور 6 ری پروڈیکٹیو سٹیجز

V12 to V 14
ویجیٹیٹو گروتھ کی آخری دو سٹیجز اس وقت تقریباً مکئ کی عمر 42 دن سے زیادہ ہوتی ے

اس سٹیج پر بقایا نائٹروجن 35 کلوگرام اور آدھے بیگ ڈی اے پی سے زیادہ بہتر ریزلٹ لینے کیلئے زمین کے مطابق 9 کلو گرام فاسفورک ایسڈ استعمال کریں ۔۔

اس کے بعد ٹیسلنگ سٹیج آجائیں گئ Vt تا R1
اس پر پانی میں حل پذیر پوٹاشیم سلفیٹ زمین کے مطابق 12.5 کلوگرام اور بوران 2 کلو گرام تک استعمال کریں ۔۔

پوٹاشیم سلفیٹ 25 کلوگرام کی پیکنگ میں مناسب ریٹ پر موجود ہے...
نیو حسین ٹریڈرز کرم پور روڈ اڈہ غلام شاہ
0300-4241512
0302-4755178

20/10/2023

گندم کے کاشتکار متوجہ ہوں،
گندم کے پودے کو سمجھنے کے لئے گندم کی گروتھ سٹیجز کو سمجھنا بہت ضروری ہے۔کیونکہ ہر سٹیج پر پودے کی مختلف ضروریات ہوتی ہیں۔مثلا صحیح وقت پر کھاد ،پانی بیماریوں اور جڑی بوٹیوں کا کنٹرول کر کے اچھی پیداوار کی بنیاد رکھی جا سکتی ہے۔گندم کی گروتھ سٹیجز کو 4 بڑے حصوں میں تقسیم کیا گیا ہے۔جن کی تفصیل درج ذیل ہے۔

A-Pre-Establishment Stages.

1۔اگاؤ سے پہلے کا مرحلہ::۔
(Pre Emergance-0-7 DAS)
یہ وہ وقت ہے جب بیج زیر زمین ہوتا ہے۔بیج زمین سے نمی جزب کر کے اگاؤ کا آغاز کرتا ہے۔اس مرحلے میں بیج سب سے پہلے جڑ بناتا ہے اور پودا زیر زمین ہی رہتا ہے۔بیج کا وہ حصہ جہاں سے جڑ نکلتی ہے ریڈیکل کہلاتا ہے۔ ریڈیکل سے نکلنے والی جڑ سیدھی نیچے جاتی ہے۔اس کے بعد سائڈ میں دو جڑیں نکلتی ہیں جنہیں ایڈوینٹیشیس روٹس کہتے ہیں یہ جڑیں مل کر پرائمری روٹ سسٹم بناتی ہیں ۔اسی مرحلے میں بیج کولی آپٹائل بھی بناتا ہے جو نوزائیدہ پہلےپتے کو تحفظ فراہم کرتا ہے۔

2- آگاؤ کا مرحلہ::
(Emergence/ Germination-7-15 DAS)
اس مرحلے میں پہلا پتہ کولی آپٹائل کو پھاڑ کر سطح زمین سی باہر آجاتا ہے۔ اور آگاؤ کا آغاز ہوتا ہے۔
گندم کا اگاٰؤ 7سے 12 دن میں مکمل ہوتا ہے۔درجہ حرارت اگر کم ہو تو زیادہ دن بھی لگ سکتے ہیں۔پہلا پتہ نکلنے تک پودا بیج سے ہی خوراک حاصل کرتا ہے۔لہذا بیج کا صحتمند ہونا ضروری ہے۔
B- Vegetative Stages---

3-سیڈ لنگ سٹیج ::
(Seedling Stage-)
یہ مرحلہ پہلا پتہ نکلنے سے لیکر پہلا ٹلر بننے تک کے دورانیے پر مشتمل ہوتا ہے۔
اس حالت میں پودا اپنی جڑوں کو لمبا اور مضبوط بناتا ہے۔اس دوران جڑیں زمین میں بہت گہری چلی جاتی ہیں۔

4-تاج نما جڑیں بنانے کا مرحلہ::
(Crown Root initiation Stage- 21DAS)
اس حالت میں پودا تاج نما جڑیں بنانا شروع کرتا ہے۔تاج نما جڑیں زمین سے خوراک اور پانی اکٹھا کرکے پتوں تک پہنچاتی ہیں۔اور پتوں میں خوراک بنتی ہے۔اسی مرحلے پر شگوفہ سازی کا عمل بھی شروع ہوجاتا ہے۔اسی لئے سفارش کی جاتی ہے کہ پہلا پانی 18 سے 22 دن کے اندر اندر ضرور لگا لیں۔اس وقت پودے کو نائٹروجن کی بھی ضرورت ہوتی ہے۔لہذا پہلے پانی کے ساتھ ایک بوری یوریا بھی ڈال دیں۔

5-جھاڑ بنانے کا مرحلہ::
(Tillering Stage- 40-45 DAS)
جب فصل کی عمر 20 سے 25 دن کی ہوتی ہے تو جھاڑ بننے کا عمل شروع ہو جاتا ہے۔اس وقت تک 3 سے 4 پتے بن چکے ہوے ہیں۔پتے کے ایکسل سے جھاڑ نکلتا ہے اسے پرائمری ٹلر کہتے ہیں۔پرائمری ٹلر سے سیکنڈری ٹلر اور سیکنڈری ٹلر سے ٹرشری ٹلر نکلتے ہیں۔جھاڑ بنے کے دوران فصل پر کسی قسم کا دباؤ نہیں ہونا جایئے۔پانی کی کمی اور جڑی بوٹیوں کا دباؤ جھاڑ بننے کے عمل کو متاثر کرتا ہے۔اسی لئے کہا جاتا ہے کہ پہلا پانی جھاڑ بننے پر لگائیں آس مرحلے پر پانی کی کمی سے چھاڑ کم بنے گا اور پیداوار متاثر ہوگی۔ اگرآپ کے پاس صرف ایک ہی پانی ہے تو اسی موقع پر اس پانی کو استعمال کریں ۔اور جڑی بوٹیوں کو جتنا جلدی ہو سکے کنٹرول کریں۔45 دن کی عمر تک جو ٹلر بنتے ہیں وہی کامیاب ہوتے ہیں۔اس بعد بھی ٹلر تو بن جاتے ہیں لیکن ان پر سٹہ نہیں بنتا۔پہلا پانی لگنے کے بعد چوڑے پتوں والی جڑی بوٹیوں کا اگاؤ تیزی سے ہوتا ہے اور وہ خوراک اور پانی میں حصہ دار بننے لگتی ہیں۔جس سے فصل کو خوراک اور پانی کی کمی ہو جاتی ہے جو پیداور میں کمی کا سبب بنتی ہے اس لئے چوڑے پتوں والی جڑی بوٹیوں کوجتنا جلدی ہوسکے پہلے پانی کے بعد کنٹرول کر لینا چاہیے۔

5-نالیاں بننے کا مرحلہ::۔
(Jointing Stage -45-55 DAS)
جھاڑ بننے کے بعد پودے پر نوڈز( نالیاں) بننےکا سلسلہ شروع ہوتا ہے۔اور تنے پر 7 سے 8 نوڈز بنتے ہیں اور ہر نوڈ پر ایک پتہ ہوتا ہے-اسی وقت پودے کے اندر سٹہ بننے عمل شروع ہوجاتا ہے۔نیا بننے والہ سٹہ اگرچہ بہت چھوٹا سا ہوتا ہے لیکن اس سٹے میں تمام معلومات ہوتی ہیں مثلا سٹے کی لمبائی کتنی ہوگی،سٹے میں کتنے دانے بنیں گے۔اور پودا اسی وقت تعین کر لیتا ہے کہ کتنی پیداور ہو گی۔لہذا اس وقت تک یعنی 50 سے 55 دن تک پودے کی پوری خوراک دے دینی چاہیے۔

6-نالی چڑھنے کا مرحلہ:
(Stem Elongation Stage- 55-65DAS)
جب نوڈز بن جاتے ہیں تو نالی چڑھنے کا مرحلہ شروع ہوتا ہے۔اس مرحلے کے دوران پودے کا تنا لمبا ہو جاتا ہے اور فصل قد کرتی ہے۔اس مرحلے کے دوران زیادہ تر ٹلرز بن جاتے ہیں اور سیکنڈری رووٹ سسٹم بننا شروع ہو جاتا ہے۔

C- Reproductive Stages::

7-گوبھ کا مرحلہ::
(Booting Stage -65-70DAS)
تنے کی بڑھوتری کے بعد بوٹنگ سٹیج کا آغاز ہوتا ہے۔اس مرحلے کو گوبھ کا مرحلہ بھی کہتے ہیں-جب فصل کی عمر 65 سے 70 دن کی ہوتی ہے تو گوبھ کے مرحلے کا آغاز ہوتا ہے۔
اس مرحلے میں ایک بہت بڑا اور چوڑا پتہ نمودار ہوتا ہے جسے فلیگ لیف کہا جاتا ہے۔فلیگ لیف نکلنے کے بعد سٹہ پودے سے باہر آ جاتا ہے۔سٹے اور دانے کی صحت کا دارومدار فلیگ لیف کی صحت پر ہے۔اس مرحلہ پر فلیگ لیف پر امائنوایسڈ یا خوراکی اجزاء کا سپرے نہایت سود مند ثابت ہوتا ہے۔گوبھ حالت میں پانی کی کمی نہیں ہونی چاہیے۔اس مرحلہ پر آبپاشی ضرور کرنی چاہیے۔

8-سٹہ نکلنے کا مرحلہ::.
(Earing/Heading Stage:70-75DAS)
اس مرحلےمیں سٹہ تنے سے باہر آجاتا ہے اور تولیدی مرحلے کا آغاز ہوتا ہے

9- بور بننے کا مرحلہ :
(Flowering /Anthesis: 80-85 DAS)
3سے 5 دن میں پولینیشن کا عمل شروع ہو جاتا ہے۔اور دانہ بننے کا آغاز ہوتا ہے۔اس مرحلے پر درجہ حرارت کی زیادتی یا پانی کی کمی پیداور میں کمی کا باعث بن سکتی ہے۔

D- Post Anthesis Stages

10-دانے کی دودھیا حالت ::
(Milking Stage: 100-105DAS)
دانہ بننے کے بعد دانےکی بھرائی کا عمل شروع ہوتا ہے۔اس حالت کو دودھیا حالت یا ملکنگ سٹیج کہتے ہیں۔اس حالت میں دانے میں دودھیا مواد بنتا ہے اور دانے کی بھرائی کا عمل شروع ہو جاتا ہے-اس مرحلے پر کسی صورت بھی پانی کی کمی نہیں ہونی چاہیے۔پانی کی کمی کی صورت میں دانے کی بھرائی صحیح نہیں ہو گی اور دانے کا سائز چھوٹا رہ جائے گا۔یہ مرحلہ بوائی کے 100 سے 105 دن بعد آتا ہے۔

11-دانہ پکنے کا مرحلہ:
(Dough Stage- 105-115 DAS)
اس مرحلے میں دودھیا مواد گاڑھا ہونا شروع ہوتا ہے۔ اس حالت کو۔ڈف سٹیج کہا جاتا ہے
اس حالت کو 2 حالتوں میں تقسیم کیا جا سکتا ہے۔
سافٹ ڈف سٹیج:
(Soft dough Stage: 105-110 DAS)
اور ہارڈ ڈف سٹیج:
(Hard Dough Stage :110-115DAS)

12-دانے کا مکمل پکنا::
(Maturity Stage- 115-125 DSA)
آخری حالت میں دانہ پک کر تیار ہو جاتا ہے ۔دانہ خشک اور سخت ہو جاتا ہے۔اور فصل کٹائی کے لۓ تیار ہو جاتی ہے۔

13-کٹائی کا مرحلہ::
(Harvesting- 135-145 DAS)
گندم کی فصل 145سے 150 دن میں پک کر تیار ہو جاتی ہے۔اور فصل کی کٹائی کی جاتی ہے۔(منقول)
جزاک اللہ . اللہ تعالیٰ کسانوں کی سال بھر کی روزی میں برکت و سلامتی عطا فرمائیں آمین ثم آمین۔

14/07/2023

زرتاش سیڈ کا ہائبرڈ بیج مکئ 🌽 🌽 -ZS-888🌽🌽 اگائیں اور شاندار منافع پائیں.
موسمی مکئی کی کاشت میں
پیداوار اور سائلج دونوں موزوں ترین
مزید معلومات کے لئے:
0302-4755178

14/07/2023

محترم کاشتکار بھائیوں!!!!
صحیح وقت پر صحیح بیج کا انتخاب کریں ،اور اپنی اگلی فصل کی کاشت کو بروقت ممکن بنائے۔ بارشوں سے پریشان کاشتکاروں کے لیے فارگن سیڈ کی طرف سے موسمی مکئی کا انمول تحفہ FS9595 ...
جس کی بدولت
1- فصل دانوں کے لیے 90 سے 95 دنوں میں پک کے تیار .
2-فصل سائیلج کے لیے 65 سے 70 دنوں میں تیار۔
3- فصل جلد پک کر تیار ہونے کی بدولت پانی ' پیسے' اور وقت کی بہترین بچت۔ خرید کر اپنے پاس رکھیں اور جیسے ہی زمین خشک ہو 9595 FSکاشت کریں اور اگلی فصل کےلئے مناسب ٹائم بچائیں۔ کیونکہ ہم بیج نہیں۔امید بوتے ہیں
0302-4755178