Urdu Sad Poetry

23/09/2024

06/06/2021

زنبیل" سے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ غزل

کس کے ساتھ بِتاؤ گے تم جیون کی ملہار
کون لکھے گا نام تمہارے پائیل کی جھنکار
.
کوئی بدیسی آئے پیار چرا کر لے جائے
نگری والو جاگتے رہنا کر کے آنکھیں چار
.
گہرا نیل سمندر ہے اور میں سائیں انجان
کس کے ہاتھ میں نےّا ہے اور کس کے ہے پتوار
.
اپنا اپنا بوجھ اٹھانا اپنی اپنی بھوک
کون ہمارے کام آئے گااس پردیس میں یار
.
دونوں کے حصے میں آئی ایک طرح کی آگ
توُ تو جل کر راکھ ہو ا اور میں جل کر انگار
امان اللہ خان امانّ

05/06/2021

اچھے موسم کی نشانی نہیں ہونے دیتا
ہجر انسان کو دھانی نہیں ہونے دیتا

روز دھوتا ہوں میں آنکھوں سے بہا کر پانی
میںں تری یاد پرانی نہیں ہونے دیتا

کون مدت سے کھڑا گھور رہا ہے مجھ کو
آئنہ یاد دہانی نہیں ہونے دیتا

اک پری زاد کا آسیب زدہ عشق ہے جو
منجمد جھیل کو پانی نہیں ہونے دیتا

زندہ رکھتی ہے یہ الفاظ کی خوشبو صدیوں
شعر انسان کو فانی نہیں ہونے دیتا

ذہن آمادہ ہجرت ہے ترے کوچے سے
دل مگر نقل مکانی نہیں ہونے دیتا

میں نے احباب کی دیکھی ہیں زبانیں ساجد
اس لیے بات کہانی نہیں ہونے دیتا

لطیف ساجد

07/02/2021

ہمیں شبیرؑ نے اک روز یہ نکتہ بتایا تھا
اگر سجدے میں سر رکھ دیں تو سر واپس نہیں لیتے
(صغیر احمد صغیر)

05/02/2021

پھول پہ آکے بیٹھی تھی،خود پہ اترانا بھول گئی
ایسی مست ہوئی وہ تتلی پر پھیلانا بھول گئی

ایسا کھلا وہ پھول سا چہرہ پھیلی سارے گھر میں خوشبو
خط کو چھپا کر پڑھنے والی راز چھپانا بھول گئی

کلیوں نے ہر بھنورے تتلی سے پوچھا ہے اس کا نام
باد صبا میں بھول کے گھر سے نکلی لوٹ کے آنا بھول گئی

اپنے پرانے خط لینے آئی تھی میرے کمرے میں
میز پہ دو تصویریں دیکھیں خط لے جانا بھول گئی

برسوں بعد ملے تو ایسی پیاس بھری تھی آنکھوں میں
بھول گیا وہ بات بتانا وہ شرمانا بھول گئی

ساجن کی یادیں بھی خاور کن لمحوں میں آجاتی ہیں
آٹا گوندھ رہی تھی گوری نمک ملانا بھول گئی۔۔
شاعر۔خاور احمد

🤗🤗🤗

01/02/2021

حالتِ حال کے سبب حالتِ حال بھی گئی
۔۔۔۔۔۔۔۔۔۔۔۔۔۔جون ایلیا