Mirpur AJK Chamber of Commerce and Industry

Mirpur AJK Chamber of Commerce and Industry Chamber of Commerce
(2)

صدر میرپور AJK چیمبر آف کامرس اینڈ انڈسٹری جناب عمر شہزاد جرال صاحب کی صدر راولپنڈی چیمبر آف کامرس اینڈ انڈسٹری جناب عثم...
28/08/2026

صدر میرپور AJK چیمبر آف کامرس اینڈ انڈسٹری جناب عمر شہزاد جرال صاحب کی صدر راولپنڈی چیمبر آف کامرس اینڈ انڈسٹری جناب عثمان شوکت صاحب کے ہمراہ Pakistan Business Leaders Summit 2026 میں بطور مہمانِ خصوصی شرکت۔

پریس ریلیزمیرپور چیمبر آف کامرس کے وفد کی وفاقی حکام سے اہم ملاقاتاسلام آباد: میرپور چیمبر آف کامرس اینڈ انڈسٹری کے ایک ...
27/08/2026

پریس ریلیز

میرپور چیمبر آف کامرس کے وفد کی وفاقی حکام سے اہم ملاقات

اسلام آباد: میرپور چیمبر آف کامرس اینڈ انڈسٹری کے ایک وفد نے آج اسلام آباد میں پاکستان سیکرٹریٹ میں وزیراعظم پاکستان کے مشیر جناب ہارون اختر خان اور وفاقی وزیر برائے توانائی جناب اویس احمد خان لغاری سے ملاقات کی۔

وفد کی قیادت صدر میرپور چیمبر آف کامرس اینڈ انڈسٹری عمر شہزاد نے کی، جبکہ سابق صدر چوہدری صہیب سعید، ممبر دانیال ایوب اور سیکرٹری جنرل خواجہ یامین وفد میں شامل تھے۔

ملاقات کے آغاز میں وفد نے ہارون اختر خان کو معاون خصوصی برائے وزیراعظم (SAPM) سے وزیراعظم پاکستان کے مشیر کے منصب پر فائز ہونے پر دلی مبارکباد پیش کی اور ان کے لیے نیک خواہشات کا اظہار کیا۔ وفد نے امید ظاہر کی کہ وہ اپنی نئی ذمہ داریوں میں بھی ملک کی معاشی ترقی اور کاروباری برادری کی بہتری کے لیے اپنا بھرپور کردار ادا کرتے رہیں گے۔

ملاقات کے دوران آزاد جموں و کشمیر میں چھوٹے اور درمیانے درجے کے کاروبار (SMEs) کے فروغ، کاروباری طبقے کو سہولیات کی فراہمی اور SMEDA کے ذریعے آزاد کشمیر کے تاجروں اور صنعتکاروں کو مؤثر معاونت فراہم کرنے کے حوالے سے تفصیلی گفتگو کی گئی۔

وفد نے اس بات پر زور دیا کہ آزاد کشمیر میں چھوٹے اور درمیانے درجے کے کاروبار معاشی سرگرمیوں کے فروغ، روزگار کے نئے مواقع پیدا کرنے اور نوجوانوں کو کاروبار کی طرف راغب کرنے میں اہم کردار ادا کر سکتے ہیں۔ اس سلسلے میں SMEDA کے پروگرامز اور سہولیات کو آزاد کشمیر تک مزید مؤثر انداز میں وسعت دینے کی ضرورت پر بھی زور دیا گیا۔

ملاقات میں توانائی سے متعلق امور، کاروباری سرگرمیوں کو درپیش مشکلات اور باہمی دلچسپی کے دیگر اہم معاملات بھی زیرِ بحث آئے۔ وفد نے آزاد کشمیر میں صنعتی و تجارتی سرگرمیوں کے فروغ اور کاروباری برادری کو درپیش مسائل کے حل کے لیے وفاقی حکومت کے تعاون کی ضرورت پر زور دیا۔

وفاقی وزیر برائے توانائی اویس احمد خان لغاری اور وزیراعظم کے مشیر ہارون اختر خان نے وفد کے مؤقف کو سنا اور کاروباری برادری کے مسائل کے حل اور متعلقہ اداروں کے ذریعے ممکنہ تعاون کی یقین دہانی کرائی۔

میرپور چیمبر آف کامرس اینڈ انڈسٹری کے وفد نے اس امید کا اظہار کیا کہ وفاقی حکومت اور متعلقہ اداروں کے تعاون سے آزاد کشمیر میں کاروباری و صنعتی سرگرمیوں کو فروغ ملے گا، سرمایہ کاری کے نئے مواقع پیدا ہوں گے اور مقامی کاروباری طبقے کو مزید سہولیات میسر آئیں گی۔

جاری کردہ:
میرپور چیمبر آف کامرس اینڈ انڈسٹری
میرپور، آزاد جموں و کشمیر

Election Schedule - Elections MCCI AJK 2026In accordance with the Election Schedule, the Initial Voter List has been dis...
30/07/2026

Election Schedule - Elections MCCI AJK 2026

In accordance with the Election Schedule, the Initial Voter List has been displayed on the Notice Board of the Mirpur AJK Chamber of Commerce & Industry for the information of all concerned.

میرپور چیمبر آف کامرس اینڈ انڈسٹری کا بیانصدر میرپور چیمبر آف کامرس اینڈ انڈسٹری نے میرپور اور آزاد جموں و کشمیر کے مختل...
29/07/2026

میرپور چیمبر آف کامرس اینڈ انڈسٹری کا بیان

صدر میرپور چیمبر آف کامرس اینڈ انڈسٹری نے میرپور اور آزاد جموں و کشمیر کے مختلف علاقوں میں حالیہ کشیدہ صورتحال، جانی و مالی نقصانات اور عوامی بے چینی پر گہرے دکھ اور افسوس کا اظہار کیا ہے۔

انہوں نے کہا کہ امن، استحکام اور قانون کی حکمرانی کسی بھی معاشرے کی ترقی اور معاشی خوشحالی کے لیے بنیادی حیثیت رکھتے ہیں۔ ہر شہری کی جان، عزت اور بنیادی حقوق کا تحفظ ریاست کی اولین ذمہ داری ہے، جبکہ موجودہ حالات اس امر کے متقاضی ہیں کہ تمام متعلقہ فریق تحمل، بردباری اور ذمہ داری کا مظاہرہ کریں تاکہ مزید جانی نقصان اور کشیدگی سے بچا جا سکے۔

صدر چیمبر نے کہا کہ حالیہ واقعات کے حوالے سے مختلف دعوے اور اطلاعات سامنے آ رہی ہیں، اس لیے حقائق کو سامنے لانے کے لیے شفاف، غیرجانبدار اور قابلِ اعتماد تحقیقات ناگزیر ہیں تاکہ عوام کے اعتماد کو بحال کیا جا سکے اور انصاف کے تقاضے پورے ہوں۔

انہوں نے کہا کہ اختلافِ رائے اور عوامی مطالبات کا حل ہمیشہ مذاکرات، آئینی و قانونی ذرائع اور باہمی افہام و تفہیم سے تلاش کیا جانا چاہیے۔ تصادم اور کشیدگی نہ صرف انسانی جانوں کے لیے نقصان دہ ہیں بلکہ ان کے معاشی، سماجی اور کاروباری سرگرمیوں پر بھی گہرے منفی اثرات مرتب ہوتے ہیں۔

صدر میرپور چیمبر آف کامرس اینڈ انڈسٹری نے تمام سیاسی جماعتوں، سماجی تنظیموں، انتظامیہ، قانون نافذ کرنے والے اداروں اور متعلقہ فریقین سے اپیل کی کہ وہ ذمہ داری، برداشت اور تدبر کا مظاہرہ کرتے ہوئے عوام کے جان و مال کے تحفظ کو یقینی بنائیں اور آزاد کشمیر میں امن، بھائی چارے، باہمی احترام اور اعتماد کی فضا کو بحال کرنے کے لیے اپنا مؤثر کردار ادا کریں۔

انہوں نے کہا کہ میرپور ہمیشہ امن، رواداری، تجارت اور باہمی ہم آہنگی کا مظہر رہا ہے۔ یہ ہم سب کی مشترکہ ذمہ داری ہے کہ اس شناخت کو برقرار رکھتے ہوئے ایسے ماحول کے فروغ کے لیے کام کریں جہاں قانون کی بالادستی قائم ہو، اختلافِ رائے کا احترام کیا جائے اور عوام کے مسائل کو ترجیحی بنیادوں پر حل کیا جائے۔

آخر میں صدر چیمبر نے دعا کی کہ اللہ تعالیٰ مرحومین کو اپنی جوارِ رحمت میں اعلیٰ مقام عطا فرمائے، زخمیوں کو جلد مکمل صحت یاب کرے، متاثرہ خاندانوں کو صبرِ جمیل عطا فرمائے اور آزاد جموں و کشمیر کو دائمی امن، استحکام اور خوشحالی سے نوازے۔
آمین

الحمدللہ میرپور چیمبر آف کامرس اینڈ انڈسٹری کی بھرپور کاوشوں کے بعد میرپور کے تمام داخلی راستوں پر موجود چیک پوسٹ ہٹا دی...
25/07/2026

الحمدللہ
میرپور چیمبر آف کامرس اینڈ انڈسٹری کی بھرپور کاوشوں کے بعد میرپور کے تمام داخلی راستوں پر موجود چیک پوسٹ ہٹا دی گئی ہیں ۔ اب تمام انٹری پوائنٹس پر ٹریفک معمول کے مطابق ہو گی۔ تاجروں اور صنعت کاروں کی آسانی کیلئے میرپور چیمبر ہمیشہ اپنا کردار ادا کرتا رہے گا ۔
ادارہ ہذا کی تحریک پر وفاقی حکومت نے تمام چیک پوسٹس کو فی الفور ختم کرنے کے احکامات جاری کر دیئے ہیں ۔
ہم ایک معاشی مضبوط کشمیر کی بنیاد رکھ رہے ہیں

Mirpur Chamber of Commerce & Industryہم برٹش ہائی کمشنر برائے پاکستان محترمہ جین میریٹ کی جانب سے صدر میرپور چیمبر آف کا...
17/07/2026

Mirpur Chamber of Commerce & Industry

ہم برٹش ہائی کمشنر برائے پاکستان محترمہ جین میریٹ کی جانب سے صدر میرپور چیمبر آف کامرس اینڈ انڈسٹری عمر شہزاد جرال کے لیے بھیجے گئے پاکستانی آموں کے خوبصورت تحفے پر دلی تشکر کا اظہار کرتے ہیں۔

یہ محبت بھرا جذبہ پاکستان اور برطانیہ کے درمیان دوستی، باہمی احترام اور مضبوط تعلقات کی ایک خوبصورت علامت ہے۔ ایسے خیرسگالی کے اقدامات دونوں ممالک کی کاروباری برادریوں کے درمیان تعاون، روابط اور اعتماد کو مزید فروغ دینے میں اہم کردار ادا کرتے ہیں۔

میرپور چیمبر آف کامرس اینڈ انڈسٹری برٹش ہائی کمیشن کے اس خلوص اور نیک تمناؤں کو قدر کی نگاہ سے دیکھتا ہے اور مستقبل میں تجارت، سرمایہ کاری اور باہمی تعاون کے مزید مواقع پیدا کرنے کے لیے اپنی بھرپور وابستگی کا اعادہ کرتا ہے۔

Thank you, British High Commission Islamabad, for your thoughtful gesture and warm wishes. We look forward to further strengthening the enduring partnership between our business communities.

میرپور چیمبر آف کامرس اینڈ انڈسٹری، آزاد جموں و کشمیر کی ایگزیکٹو کمیٹی کا خصوصی 34th اجلاس صدر چیمبر عمر شہزاد جرال کی ...
14/07/2026

میرپور چیمبر آف کامرس اینڈ انڈسٹری، آزاد جموں و کشمیر کی ایگزیکٹو کمیٹی کا خصوصی 34th اجلاس صدر چیمبر عمر شہزاد جرال کی زیرِ صدارت منعقد ہوا۔

اجلاس کا آغاز سیکرٹری جنرل میرپور چیمبر آف کامرس اینڈ انڈسٹری خواجہ یامین کی جانب سے سابق صدور، مجلس عاملہ کے اراکین اور دیگر معزز شرکاء کو خوش آمدید کہنے سے ہوا۔ سیکرٹری جنرل نے اجلاس کے اغراض و مقاصد اور خصوصی اجلاس کے انعقاد کی وجوہات سے شرکاء کو آگاہ کیا۔

اجلاس کے آغاز میں ملک کے حالیہ واقعات میں شہید ہونے والے مسلح افواج، قانون نافذ کرنے والے اداروں کے اہلکاروں اور آزاد کشمیر کے شہریوں کے ایصالِ ثواب کے لیے فاتحہ خوانی کی گئی۔ شرکاء نے شہداء کی مغفرت، درجات کی بلندی، لواحقین کے لیے صبرِ جمیل اور ریاست میں امن و استحکام کے لیے خصوصی دعا کی۔

بعد ازاں اجلاس میں میرپور چیمبر آف کامرس اینڈ انڈسٹری کے آئندہ انتخابات سے متعلق امور کا تفصیلی جائزہ لیا گیا۔ شرکاء نے اس عزم کا اعادہ کیا کہ انتخابات چیمبر کے آئین، قواعد و ضوابط اور مقررہ انتخابی شیڈول کے مطابق بروقت، شفاف اور منصفانہ انداز میں منعقد کیے جائیں گے۔

اس موقع پر صدر چیمبر عمر شہزاد جرال نے انتخابی شیڈول کے مطابق تمام ضروری انتظامات بروقت مکمل کرنے کی ہدایات جاری کیں۔

اجلاس کے اختتام پر چیمبر، تاجر برادری، آزاد جموں و کشمیر اور پاکستان کی ترقی، خوشحالی اور استحکام کے لیے خصوصی دعا کی گئی۔

الحمدللہ!صدر میرپور آزاد کشمیر چیمبر آف کامرس اینڈ انڈسٹری عمر شہزاد جرال کی خصوصی کاوشوں اور ذاتی دلچسپی کے نتیجے میں م...
08/07/2026

الحمدللہ!

صدر میرپور آزاد کشمیر چیمبر آف کامرس اینڈ انڈسٹری عمر شہزاد جرال کی خصوصی کاوشوں اور ذاتی دلچسپی کے نتیجے میں میرپور میں بینکنگ سروسز جزوی طور پر بحال کر دی گئی ہیں۔

یہ اقدام عوام، تاجروں اور کاروباری برادری کے لیے ایک اہم سہولت ہے۔

میرپور چیمبر آف کامرس اینڈ انڈسٹری عوام کی فلاح، کاروباری سرگرمیوں کے فروغ اور شہریوں کی آسانی کے لیے اپنا مثبت کردار ادا کررہا ہے!

ایڈمن

مسلم ہینڈز انٹرنیشنل کے یوتھ وفد کی صدر میرپور چیمبر آف کامرس، عمر شہزاد جرال اور ایس ایس پی میرپور سے ملاقات، نوجوانوں ...
07/07/2026

مسلم ہینڈز انٹرنیشنل کے یوتھ وفد کی صدر میرپور چیمبر آف کامرس، عمر شہزاد جرال اور ایس ایس پی میرپور سے ملاقات، نوجوانوں کی صلاحیتوں کے فروغ کے لیے مکمل تعاون کی یقین دہانی

میرپور: مسلم ہینڈز انٹرنیشنل کے والنٹیئرز، انٹرپرینیورز اور یوتھ نمائندگان پر مشتمل ایک وفد نے صدر میرپور چیمبر آف کامرس اینڈ انڈسٹری عمر شہزاد جرال اور ایس ایس پی میرپور سے ملاقات کی۔ اس موقع پر سابق صدر میرپور چیمبر آف کامرس صہیب سعید بھی موجود تھے۔

ملاقات کے دوران وفد نے آزاد جموں و کشمیر بھر کے نوجوانوں کے لیے ایک جامع یوتھ ڈویلپمنٹ پروگرام پر تفصیلی پریزنٹیشن دی۔ پروگرام کا بنیادی مقصد نوجوانوں میں قائدانہ صلاحیتوں، تنقیدی سوچ، مؤثر ابلاغ، ٹیم ورک اور سماجی ذمہ داری کے فروغ کے لیے مختلف سرگرمیوں کا انعقاد ہے، جن میں Model United Nations (MUN) سمیت متعدد تعلیمی، قائدانہ اور شخصیت سازی کے مراحل شامل ہوں گے۔

وفد نے بتایا کہ اس اقدام کے ذریعے آزاد جموں و کشمیر کے باصلاحیت نوجوانوں کو ایک ایسا پلیٹ فارم فراہم کیا جائے گا جہاں وہ قومی و بین الاقوامی امور پر اپنی صلاحیتوں کا اظہار کرتے ہوئے مستقبل کی قیادت کے لیے خود کو تیار کر سکیں گے۔

صدر میرپور چیمبر آف کامرس عمر شہزاد جرال نے اس منفرد اور مثبت اقدام کو سراہتے ہوئے کہا کہ نوجوان کسی بھی معاشرے کا سب سے قیمتی سرمایہ ہوتے ہیں، اور انہیں تعمیری سرگرمیوں، قائدانہ تربیت اور کاروباری سوچ کے فروغ کے مواقع فراہم کرنا وقت کی اہم ضرورت ہے۔ انہوں نے یقین دلایا کہ میرپور چیمبر آف کامرس ایسے تمام اقدامات کی ہر ممکن سرپرستی اور مکمل تعاون جاری رکھے گا جو نوجوانوں کی استعداد کار میں اضافے اور معاشرے کی مثبت تعمیر میں معاون ثابت ہوں۔

ایس ایس پی میرپور نے بھی مسلم ہینڈز انٹرنیشنل کی کاوشوں کو قابلِ تحسین قرار دیتے ہوئے کہا کہ نوجوانوں کو مثبت، تعلیمی اور تخلیقی سرگرمیوں کی جانب راغب کرنا معاشرتی ترقی اور پائیدار امن کے لیے نہایت ضروری ہے۔ انہوں نے اس پروگرام کے لیے پولیس کی جانب سے ہر ممکن تعاون کی یقین دہانی کرائی۔

اجلاس کے اختتام پر تمام شرکاء نے اس عزم کا اظہار کیا کہ سرکاری اداروں، سماجی تنظیموں اور کاروباری برادری کے باہمی تعاون سے آزاد جموں و کشمیر کے نوجوانوں کے لیے مزید مؤثر، بامقصد اور دیرپا مواقع پیدا کیے جائیں گے تاکہ وہ اپنی صلاحیتوں کو بروئے کار لا کر ملک و قوم کی ترقی میں فعال کردار ادا کر سکیں

06/07/2026


جماعت اسلامی پاکستان کے زیرِ اہتمام آزاد کشمیر کی موجودہ صورتحال پر منعقدہ مشاورتی اجلاس سے صدر آزادکشمیر چیمبر آف کامرس اینڈ انڈسٹری عمر شہزاد جرال خطاب کر رہے ہیں۔

Address

Industrial Estate Sector D1
Mirpur
10250

Opening Hours

Monday 08:30 - 15:30
Tuesday 08:30 - 15:30
Wednesday 08:30 - 15:30
Thursday 08:30 - 15:30
Friday 08:30 - 12:30
Saturday 08:30 - 15:30

Telephone

+925827921950

Website

Alerts

Be the first to know and let us send you an email when Mirpur AJK Chamber of Commerce and Industry posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mirpur AJK Chamber of Commerce and Industry:

Shortcuts

Share

Category