JTI Tehsil Adanzai

02/09/2026

الحمدللہ ثم الحمدللہ 🤲
ہم فخر کرتے کہ جمعیت طلباء اسلام صوبہ خیبر پختونخوا نے ہمیں عزت نوازا اور ہمارے تحصیل کابینہ کے نہایت قابل دوست سوپرٹس انچارج تحصیل ادینزی محترم جناب مدثر خان کو صوبائی کابینہ میں بطور سوشل میڈیا معاون مقرر کی گیا ۔
جمعیت طلباء اسلام صوبہ خیبر پختونخوا کی سوشل میڈیا ٹیم کا ممبر منتخب کیے جانے پر اللہ تعالیٰ کے شکر گزار ہیں ۔۔

یہ ہمارے تحصیل کے لیے ایک اعزاز کے ساتھ ساتھ بڑی ذمہ داری بھی ہے۔ ان شاء اللہ ہم اپنی تمام صلاحیتوں کے مطابق جمعیت کا پیغام نظریے اور سرگرمیوں کو سوشل میڈیا کے ذریعے بہتر انداز میں اجاگر کرنے کی بھرپور کوشش کریں گے ۔

تمام قائدین اور ذمہ داران کا تہہ دل سے شکریہ جنہوں نے ہمارے تحصیل کے ذمہ دار دوست محترم جناب مدثر خان بھائ پر اعتماد کرتے ہوئے یہ ذمہ داری سونپی۔

اللہ تعالیٰ سے دعا ہے کہ وہ بحثیت ذمہ دار اس ذمہ داری کو اخلاص دیانت اور بہترین انداز میں نبھانے کی توفیق عطا فرمائے۔ آمین ثم آمین 🤲






۔ ۔

30/08/2026

اطلاعِ غم
​إِنَّا لِلَّهِ وَإِنَّا إِلَيْهِ رَاجِعُونَ
​نہایت افسوس کے ساتھ اطلاع دی جاتی ہے کہ شاہ نسیم (پی ایس ٹی، اوسکئی) اور بخت نسیم مہمند (ضلعی ترجمان جے یو آئی، دیر لوئر) کی والدہ محترمہ قضائے الٰہی سے وفات پا گئی ہیں۔
​نمازِ جنازہ کی تفصیلات:
​وقت: آج بروز اتوار، سہ پہر 4:00 بجے
​مقام: اوسکئی جنازہ گاہ
​تمام احباب اور متعلقین سے نمازِ جنازہ میں شرکت اور مرحومہ کی مغفرت و بلندیِ درجات کے لیے دعائے خیر کی التماس ہے۔

17/08/2026

الحمدللہ۔
جمعیت طلباء اسلام ضلع لوئر دیر کو بہترین تنظیمی کارکردگی، مسلسل جدوجہد اور مثالی تنظیمی خدمات کے اعتراف میں صوبائی جماعت کی جانب سے قائدِ خیبرپختونخوا سینیٹر مولانا عطاء الرحمن صاحب کے دستِ مبارک سے ایوارڈ کا حصول بلاشبہ پوری ضلعی جماعت کے لیے باعثِ فخر اور حوصلہ افزائی ہے۔
یہ اعزاز کسی ایک فرد کی کامیابی نہیں، بلکہ ضلعی مجلسِ عاملہ کی منظم کاوشوں، ذمہ دار ساتھیوں کی محنت اور بالخصوص ضلع لوئر کے تمام شاہین صفت نوجوانوں کی بے لوث جدوجہد کا اعتراف ہے۔ جنہوں نے اخلاص، نظم و ضبط، استقامت اور مسلسل محنت کے ساتھ تنظیمی ذمہ داریوں کو نبھایا اور جمعیت طلباء اسلام ضلع لوئر دیر کو ایک فعال اور متحرک تنظیم کے طور پر آگے بڑھانے میں اپنا بھرپور کردار ادا کیا۔
ہم اس اعزاز پر اللہ تعالیٰ کا شکر ادا کرتے ہیں اور صوبائی جماعت کے قائدین و ذمہ داران کے تہہ دل سے مشکور ہیں کہ انہوں نے ہماری کاوشوں کو سراہا۔ یقیناً یہ اعزاز منزل نہیں بلکہ مزید محنت، بہتر تنظیم، مضبوط کردار اور خدمت کے ایک نئے عزم کا آغاز ہے۔
میں اپنی ضلعی مجلسِ عاملہ، تمام ذمہ داران اور خصوصاً ضلع لوئر دیر کے ایک ایک شاہین صفت نوجوان کو دل کی گہرائیوں سے مبارکباد پیش کرتا ہوں۔ اللہ تعالیٰ ہماری محنتوں کو قبول فرمائے، اخلاص عطا فرمائے اور ہمیں تنظیم، ملت اور وطن کی خدمت مزید بہتر انداز میں کرنے کی توفیق عطا فرمائے۔
یہ اعزاز ہماری محنت کا اعتراف بھی ہے اور مستقبل کی ذمہ داریوں کا احساس بھی۔
قدم بڑھتے رہیں گے، قافلہ چلتا رہے گا، ان شاء اللہ۔
کفایت اللّٰہ قاسمی صدر
جمعیت طلباء اسلام ضلع لوئر دیر

13/08/2026

الحمدللہ
جمعیت طلباء اسلام تحصیل ادینزی کے کابینہ ممبران کی اہم بیٹھک ۔۔۔
اللہ پاک آپ سب کی محنتوں کو قبول فرمائے اور جمعیت کے کام میں برکت ڈالے۔ انشاءاللہ جو بھی اہم فیصلے کیے گئے ہیں وہ طلباء کی فلاح اور دین کی خدمت کا ذریعہ بنیں گے
تنظیم میں ہی قوت ہے
اور جب نیت خالص ہو تو اللہ خود راستے کھول دیتا ہے۔
شیڈول جلد تیار کیا جائے گا

07/08/2026

24/07/2026

الحمدللہ
جمعیت طلباء اسلام تحصیل ادینزی کے کابینہ ممبران نے جمعیت بزنس فورم تحصیل ادینزی کے لیے صدر منتخب ہونے پر محترم مولانا ارشد صاحب کو مبارکباد پیش کرنے کے لیے ان کے دفتر میں حاضری دی۔
اللہ تعالیٰ مولانا ارشد صاحب کو نئی ذمہ داری احسن طریقے سے نبھانے کی توفیق دے اور جمعیت کی تمام کاوشوں کو قبول فرمائے۔
آمین

19/07/2026

پروپیگنڈے چھوڑو ، جواب دو۔

ملک میں امن کیوں نہیں ہے ؟
ہمارے بے گناہ عوام کیوں شہید ہو رہے ہیں ؟
تم نے ہماری سرحدوں کی حفاظت کی ذمہ داری لی ہے
ہمارے ملک کی سرحدیں محفوظ کیوں نہیں ہیں ؟

ہم نے تمہیں ملک کے دفاع کے لیے طاقتور بنایا
تم نے اس طاقت کو سیاست میں گھسنے کے لیے استعمال کیا
پارلیمنٹ اور حکمرانوں کو اپنے گھر کی لونڈی بنانے کے لیے استعمال کیا

امن کی ذمہ داری اپ نے لی ہے
اگر آپ امن لانے میں ناکام رہے
تو پھر آپ سے سوال ہوگا
اور آپ کو جواب دینا ہوگا۔

از جانب:
فاروق خان
جنرل سیکرٹری جمعیت طلبہ اسلام تحصیل ادنزئی

17/07/2026

جمعیت طلباء اسلام خیبرپختونخوا کے ڈپٹی جنرل سیکرٹری محترم جناب مجاہد اسلام صاحب، جمعیت طلباء اسلام ضلع دیر لوئر کے جنرل سیکرٹری محترم جناب عمار حیات صاحب، جمعیت طلباء اسلام تحصیل ادنزائی کے صدر جناب اسامہ عمبر صاحب، جنرل سیکرٹری جناب فاروق خان صاحب، سوشل میڈیا ورکر جناب ابرار بیتاب صاحب اور سپورٹس انچارج جناب مدثر خان صاحب نے چکدرہ پریس کلب میں ایک اہم پریس کانفرنس سے خطاب کیا۔
پریس کانفرنس کے دوران مقررین نے کہا کہ جمعیت علماء اسلام کے قائد حضرت مولانا فضل الرحمٰن صاحب کے خلاف سوشل میڈیا اور دیگر ذرائع سے جاری منظم منفی پروپیگنڈا ناقابلِ قبول ہے۔ انہوں نے کہا کہ قائد جمعیت کی سیاسی، دینی اور قومی خدمات ایک روشن حقیقت ہیں، جنہیں جھوٹے پروپیگنڈے سے ہرگز داغدار نہیں کیا جا سکتا۔
مقررین نے کہا کہ اختلافِ رائے ہر شخص کا حق ہے، لیکن کردار کشی، جھوٹ اور بے بنیاد الزامات کے ذریعے کسی کی عزت کو نشانہ بنانا نہ صرف اخلاقی اقدار بلکہ جمہوری روایات کے بھی منافی ہے۔ انہوں نے متعلقہ اداروں سے مطالبہ کیا کہ جھوٹی معلومات اور نفرت انگیز مہمات پھیلانے والے عناصر کے خلاف قانون کے مطابق کارروائی کی جائے۔
انہوں نے واضح کیا کہ جمعیت طلباء اسلام اپنے قائد اور جماعت کے نظریے کے ساتھ مکمل یکجہتی کا اظہار کرتی ہے اور ہر سطح پر آئینی، قانونی اور جمہوری انداز میں ایسے منفی پروپیگنڈے کا بھرپور جواب دیتی رہے گی۔ مقررین نے کارکنان سے بھی اپیل کی کہ وہ صبر، اتحاد، نظم و ضبط اور مثبت اندازِ فکر کا مظاہرہ کرتے ہوئے سچائی پر مبنی مؤقف کو عوام تک پہنچائیں اور کسی بھی اشتعال انگیزی سے گریز کریں۔
پریس کانفرنس کے اختتام پر قائد جمعیت حضرت مولانا فضل الرحمٰن صاحب کی صحت، درازیٔ عمر اور ملکِ پاکستان کے امن، استحکام اور ترقی کے لیے خصوصی دعا بھی کی گئی۔