Ar Safi

27/02/2026

مارنے والا بھی مسلمان…
مرنے والا بھی مسلمان…
نعرہ اِدھر بھی اللہ اکبر… صدا اُدھر بھی اللہ اکبر…

مگر جب سرحد پر اندھیرا گہرا ہوتا ہے تو تکبیر کی آواز سے پہلے گولی کی گرج سنائی دیتی ہے۔
یہ صرف دو ملکوں کی جھڑپ نہیں… یہ دلوں کے پھٹنے کی آواز ہے۔

پاکستان کی مٹی بھی کلمہ پڑھتی ہے…
افغانستان کی ہوا بھی اذان دیتی ہے…

پھر یہ آگ کہاں سے آئی؟
یہ چنگاری کس نے سلگائی؟
کیوں پہاڑوں کی خاموشی کو بارود سے چیر دیا گیا؟

رات کے سناٹے میں جب اچانک گولہ پھٹتا ہے تو صرف زمین نہیں ہلتی…
ماں کا دل ہلتا ہے۔
بیوی کا یقین ٹوٹتا ہے۔
بچے کا مستقبل بکھرتا ہے۔

ایک طرف جنازہ اٹھتا ہے تو دوسری طرف بھی صفیں بنتی ہیں۔
اِدھر بھی آنکھیں سرخ… اُدھر بھی آنکھیں نم۔
اِدھر بھی پرچم میں لپٹا جسم… اُدھر بھی کفن میں بند خواب۔

پھر پرندے کیسے آئیں اور کنکر کس پہ گرائیں؟
جب دونوں طرف پیشانیاں ایک ہی رب کے سامنے جھکتی ہوں تو آسمان کس کا ساتھ دے؟
جب بھائی کے سینے میں لگی گولی کی گونج خود اپنے ہی گھر تک پہنچے تو فتح کا اعلان کون کرے؟

یہ جنگ اگر بڑھ گئی تو تاریخ صرف سرحدی تنازع نہیں لکھے گی—
وہ لکھے گی کہ ایک امت نے اپنے ہی ہاتھوں سے اپنی دیواریں گرا دیں۔
وہ لکھے گی کہ بارود نے عقل کو شکست دے دی۔
وہ لکھے گی کہ سیاست کی ایک چال نے ہزاروں گھروں کے چراغ بجھا دیے۔

اے حکمرانوں!
اقتدار کی میزوں پر رکھے نقشے صرف لکیریں دکھاتے ہیں،
مگر ان لکیروں کے دونوں طرف سانس لیتے انسان ہیں۔

اے عوام!
جذبات کی آگ اگر قابو سے نکل جائے تو سب سے پہلے اپنے ہی گھر کو جلاتی ہے۔

یہ وقت ہے رک جانے کا۔
یہ وقت ہے سوچنے کا۔
یہ وقت ہے کہ گولی سے پہلے گفتگو ہو، الزام سے پہلے انصاف ہو، اور غصے سے پہلے امت کا درد جاگے۔

ورنہ آنے والی نسلیں ہم سے سوال کریں گی:
جب دونوں طرف اذان ایک تھی،
جب دونوں طرف قرآن ایک تھا،
جب دونوں طرف رب ایک تھا…
تو پھر خون کیوں دو تھا؟

مارنے والا بھی مسلمان تھا…
مرنے والا بھی مسلمان تھا…
اور تاریخ چیخ چیخ کر کہتی رہے گی —
اصل شکست سرحد پر نہیں ہوئی تھی…
اصل شکست دلوں میں ہوئی تھی۔

30/07/2025

*امام غزالی لکھتے ہیں کہ*
ایک شخص کو جنگل میں پتھروں سے بھری ایک تھیلی ملی جنکی قیمت سے وہ آگاہ نہ ہوسکا۔ اس نے ان پتھروں کو دائیں بائیں ندی نالوں میں پھینک دیا یہاں تک کہ جب گھر پہنچا تو اسکے ہاتھ میں بس ایک پتھر تھا۔
اس شخص کا دوست جوکہ گوہر شناس تھا، نے اسکے ہاتھ میں یہ پتھر دیکھا تو تجسس بھرے لہجے میں پوچھا کہ یہ قیمتی پتھر تجھے کہاں سے ملا؟
اس نے کہا کہ جنگل سے۔
گوہر شناس دوست نے پوچھا کہ کیا یہ پتھر مجھے فروخت کرو گے؟
اس پر اس شخص نے مسکرانا شروع کردیا ☺️یہ تاثر دیتے ہوئے کہ بھلا اس پتھر کی بھی کوئی قیمت ہے؟
جب گوہر شناس نے قیمت بتائی تو وہ شخص رونے لگا
گوہر شناس نے رونے کی وجہ پوچھی تو کہنے لگا کہ میرے پاس اس طرح کے بہت سارے پتھر تھے جنہیں میں نے عدمِ واقفیت کے باعث ضائع کر دیا
اگر وہ سارے میرے پاس ہوتے تو میں کتنا مالدار ہو جاتا😭
امام غزالی رحمۃ اللہ علیہ فرماتے ہیں کہ جب انسان مرنے کے بعد میدانِ محشر میں اپنے ان لمحات کی قیمت کو دیکھے گا جو اس نے اللہ کی فرمانبرداری میں گزارے ہوں گے تو روئے گا اور چِلائے گا کہ میرے پاس تو اس طرح کے بہت سے لمحات تھے جنہیں میں نے دنیا میں ضائع کردیا
کاش کہ میں نے ان لمحات کو اللہ تعالیٰ کی اطاعت و فرمانبرداری میں گزارا ہوتا تو آج میرے پاس نیکیوں کا ایک ذخیرہ جمع ہوتا اور میری بخشش ہوجاتی۔
اس لیے آنکھ بند ہونے سے قبل زندگی کے قیمتی لمحات کی قدر کریں۔۔۔ زندگی ہر ہر لمحے موت کے قریب کر رہی ہے
اللہ کریم ہمیں دنیا سے اس حالت میں اٹھانا کہ تو ہم سے راضی ہوچکا ہو آمین

19/01/2024

کون کہتا ہے کہ بجلی مہنگی ہے....؟
خواہ مخواہ واپڈا پر الزامات لگانا کہاں کی مسلمانی ہے۔۔۔؟
ارے یہ مندرجہ ذیل بجلی بل دیکھو! یہ واپڈا کے ایک ریٹائرڈ اہلکار کے گھر کا بل ہے جس میں دو دو تین تین ایئرکنڈیشن چلتے ہیں، گھر کے دیگر برقی الات جیسے واشنگ مشین، فریج، واٹر پمپ وغیرہ کے علاوہ کھانا پکانے کیلئے ہیٹر، کمروں کو گرم رکھنے کیلئے ہیٹرز، پانی گرم کرنے کیلئے گریزر ، متبادل بجلی کیلئے یو پی ایس کے استعمال کے باوجود دسمبر 2023 کا صرف اور صرف 53 روپے بجلی کا بل ایا ہے۔ ایف پی اے صرف ایک روپیہ جبکہ مقررہ تاریخ پر بل ادا نہ کرنے کی صورت میں کوئی جرمانہ بھی ادا نہیں کرنا پڑیگا۔۔۔۔

15/01/2024

29/12/2023

شادی سے پہلے

بیٹی :
پاپا میں کسی کی غلامی نہیں کر سکتی۔😡

باپ :
کوئی کسی کی غلامی نہیں کرتا میری بچی۔
سب اپنے اپنے حصے کا کام کرتے ہیں۔
جو کام عورتوں کے لئے مشکل ہوتے ہیں، وہ مرد کرتے ہیں اور جو مردوں کے لئے مشکل ہوتے ہیں، وہ عورتیں کرتی ہیں، یونہی مل جل کر گزارا ہوتا ہے۔🤗

شادی کے بعد :

بیوی :
میں کھانا گرم نہیں کروں گی🙆‍♀️

شوہر :
تو اپنے باپ کے گھر واپس چلی جاؤ۔
میں تمہاری ضروریات کو پورا کرنے کے لئے صبح سے شام تک محنت کرتا ہوں اور تم میری ضروریات پوری نہیں کرسکتی تو ٹھیک ہے پھر مجھے بھی تمہاری ضرورت نہیں۔🤜

طلاق کے بعد :

(اسلام آباد کی سڑکوں پر بینر اٹھائے ہوئے)🙃

کھانا خود گرم کر لو۔
کھانا خود گرم کر لو۔
کھانا خود گرم کر لو۔
کھانا خود گرم کر لو۔

باپ کے مرنے کے بعد :

بھائی :
دیکھو میری بہن!
میں اب فیملی والا ہوں، میری بیوی تمہیں اور برداشت نہیں کر سکتی،
تم اپنا بندوبست کہیں اور کر لو۔😎

نوکری کی تلاش میں :

دفتر والے :
ہمارے پاس ایک فی میل ریسپشنسٹ کی جگہ خالی ہے، آپ ماشاء اللہ خوبصورت ہیں، آپ ہمارے ہاں کام کر سکتی ہیں۔🤗

ڈھلتی عمر :

دفتر والے :
بی بی!
ہم معذرت خواہ ہیں، آپ کے کام میں اب پہلے جیسی تندہی نہیں رہی لہٰذا آپ کہیں اور نوکری ڈھونڈ لیں، ہمیں اب آپ کی ضرورت نہیں رہی۔🤫

ظالم بڑھاپا :

نئی جگہ والا :
محترمہ! آپ کی اتنی عمر ہو گئی ہے، اب میں آپ کو کیا نوکری دوں، اب تو آپ کو آرام سے اپنے بچوں کی کمائی کھانی چاہیئے. 🤨

بینر والی آنٹی :
میرے بچے نہیں ہیں، کوئی نہیں ہے میرا۔😭

نیو دفتر والا :
اوہ! 😲
چلیں میں آپ کے لئے کچھ کرتا ہوں۔
میرا 20 لوگوں کا اسٹاف ہے،
کیا آپ ان سب کے لیئے کھانا پکا سکتی ہیں ؟
میں آپ کو چھ (6) ہزار روپے ماہانہ دوں گا. 👉

لبرل آنٹی :
صرف چھ (6) ہزار 🤔؟

نیو دفتر والا:
میں جانتا ہوں کہ ان چھ ہزار میں آپ کی ضرورت پوری نہیں ہوتی، مگر میں مجبور ہوں، میرے پاس اس سے زیادہ کی گنجائش نہیں ہے۔ 🤫

بینر والی آنٹی :
ٹھیک ہے۔😞
مجھے منظور ہے.😷
اس کی آنکھوں سے آنسو زارو زار بہہ رہے تھے 😭😢😭
اور سوچ رہی تھی کہ :
کاش ! 😫
جوانی میں ہی کھانا گرم کر دیتی۔۔!!