Knowledge of business

13/08/2020

25/11/2019

ស្រលាញ់ពេញចិត្តអាចកម្មង់បានចា0974974944

25/11/2019

កម្មង់បានចា0974974944

31/03/2017

អស្ចារ្យណាស់

លោកស្រី លាភ ដាណេ វ័យ ៤២ឆ្នាំ ជាអាជីវករលក់គ្រឿងម្ជូរគ្រប់ប្រភេទនៅម្តុំវត្តភ្នំ អាចរកចំណូលបានចន្លោះពី ១៦០លាន​រៀ​ល ដល់ ២០០លានរៀល (៤ ទៅ ៥ម៉ឺនដុល្លារអាមេរិក) ក្នុងមួយខែ។​

13/02/2017

ទុក្ខខំធ្វើការ ធ្វើឲ្យជីវិតមានន័យ!

04/02/2017

ពឹងគេ ពឹងបានតែមួយគ្រា

17/01/2017

07/12/2016

ទស្សនវិស័យជុំវិញបរិយាកាសធុរកិច្ចកម្ពុជា

ឆ្លងតាមរយៈការជ្រើសរើសបោះឆ្នោតអ្នកគ្រប់គ្រងអាជីវកម្មឆ្នើមរបស់ពាណិជ្ជកម្មកម្ពុជា អស់រយៈពេលពេញ១ឆ្នាំកន្លងមកនេះ យើងបានរកឃើញសហគ្រិនមួយរូបដែលមានសំឡេងគាំទ្រច្រើនជាងគេបង្អស់ពីសំណាក់មហាជន នោះគឺលោកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គ នាយកប្រតិបត្តិក្រុមហ៊ុន ម៉េងលី ជេ.គួច អេឌ្យូខេសិន។
ពាណិជ្ជកម្មកម្ពុជា បានជួបសម្ភាសន៍លោកឧកញ៉ាផ្ទាល់ស្ដីពី ទស្សនវិស័យរបស់លោកជុំវិញបរិយាកាស ធុរកិច្ចនៅកម្ពុជាបច្ចុប្បន្ន និងអនាគត ដែលមានខ្លឹមសាររួមដូចខាងក្រោមនេះ៖

ឥទ្ធិពលនៃការបោះឆ្នោតទៅលើបរិយាកាសអាជីវកម្ម

នៅប្រមាណជា២ឆ្នាំខាងមុខទៀតនេះ ប្រទេសកម្ពុជានឹងមានការបោះឆ្នោតជាតិអាណត្តិទី៦ ខណៈការបោះឆ្នោតឃុំសង្កាត់ នឹងប្រព្រឹត្តិទៅនៅឆ្នាំ២០១៧ខាងមុខនេះ។ ការចូលមកដល់នៃព្រឹត្តិការណ៍ជាតិមួយនេះ មានប្រជាជនមិនតិចទេ ពិសេសគឺសហគ្រិន និងវិនិយោគិនបាននាំគ្នាសម្ដែងការព្រួយបារម្ភចំពោះបញ្ហាមិនប្រក្រតីនានាដែលអាចកើតមានអំឡុងរដូវកាលបោះឆ្នោត ពោលគឺវាអាចជិះឥទ្ធិពលមិនល្អដល់បរិយាកាស ពាណិជ្ជកម្មក្នុងប្រទេស។
ទោះយ៉ាងណា ជុំវិញបញ្ហានេះ លោកឧកញ៉ា វេជ្ជបណ្ឌិត គួច ម៉េងលី បានលើកឡើងថា ការបោះឆ្នោតខាងមុខនេះ នឹងមិនមានចោទជាបញ្ហាធ្ងន់ធ្ងរចំពោះសេដ្ឋកិច្ចកម្ពុជានោះទេ ព្រោះវាជាព្រឹត្តិការណ៍មួយដែលតែងកើតឡើងរៀងរាល់៥ឆ្នាំម្ដងសម្រាប់កម្ពុជា ហើយយើងក៏ធ្លាប់ឆ្លងកាត់មក៥ដងហើយដែរ តែក្រោយពីការបោះឆ្នោតយើងសង្កេតឃើញថា សេដ្ឋកិច្ចកម្ពុជានៅតែបន្ដបោះជំហានទៅមុខល្អរហូត។ ម្យ៉ាងទៀត វាក៏មិនមែនជាព្រឹត្តិការណ៍អ្វីប្លែកដែរ ព្រោះមិនមែនមានតែកម្ពុជាទេដែលត្រូវមានការបោះឆ្នោតជាតិ សូម្បីប្រទេសនៅលើសាកលលោកក៏មានដូចគ្នាដែរ។ លោកបន្ដថា នាអំឡុងរដូវកាលបោះឆ្នោតជាតិសម្រាប់កម្ពុជា វាប្រៀបដូចជាមនុស្សកើតជំងឺផ្ដាសាយដូច្នោះដែរ គឺវាអាចមិនស្រួលខ្លួនបន្តិចបន្តួច តែវានឹងអាចប្រសើរឡើងវិញក្នុងរយៈពេលដ៏ខ្លីខាងមុខមិនខាន។
ស្រដៀងគ្នានេះដែរ បើតាមប្រសាសន៍លោក សន សៀប ស្ថាបនិក និងជាប្រធានគ្រប់គ្រងក្រុមហ៊ុន Key Real Estate ធ្លាប់លើកឡើងថា នៅចន្លោះឆ្នាំ២០១៧-២០១៨ ខាងមុខនេះ ជាឱកាសសម្រាប់ទិញអចលនទ្រព្យ ដោយលោកអះអាងថា តម្លៃរបស់អចលនវត្ថុដូចជាផ្ទះសម្បែង និងដីធ្លី អាចនឹងមានសភាពនៅទ្រឹងក្នុង រយៈពេលខ្លី តែបន្ទាប់ពីនោះលោកថាវាអាចនឹងបន្តងើបឡើងវិញ។
ទោះជាយ៉ាងនេះក្ដី លោកឧកញ៉ា វេជ្ជបណ្ឌិត គួច ម៉េងលី ពោលបញ្ជាក់ថា សហគ្រិន ឬវិនិយោគិន គួរយកកាលៈទេសៈនេះដើម្បីជាប្រយោជន៍សម្រាប់ការធ្វើពាណិជ្ជកម្ម ប្រសើរជាងព្រួយបារម្ភជ្រុលរហូតខ្លាចលែងហ៊ានវិនិយោគ ឬចេញប្រកបអាជីវកម្ម ដោយលោកអះអាងថា កិច្ចការនយោបាយគឺជាភារកិច្ចរបស់អ្នកនយោបាយ និងរដ្ឋាភិបាល។ ដោយឡែកយើងជាពាណិជ្ជករ សហគ្រិន ឬវិនិយោគិន គឺមានតួនាទីចូលរួមធ្វើយ៉ាងណាជំរុញកំណើនសេដ្ឋកិច្ច តាមរយៈការធ្វើពាណិជ្ជកម្ម។ លើសពីនេះ លោកឧកញ៉ា ក៏សូមលើកទឹកចិត្តដល់ប្រជាជន ជាពិសេសយុវជនខ្មែរទាំងអស់ ឲ្យចូលរួមក្នុងការបោះឆ្នោត ព្រោះវាជាកាត្វកិច្ចមួយដែលបង្ហាញនូវស្មារតីទទួលខុសត្រូវក្នុងនាមជាប្រជាជនម្ចាស់ប្រទេសមួយ ហើយក៏ជាការបង្ហាញនូវអំណាច និងឆន្ទៈរបស់ខ្លួនក្នុងការអភិវឌ្ឍប្រទេសជាតិផងដែរ។ ពិសេសជាងនេះទៀត លោកក៏សង្ឃឹមដែរថា រដ្ឋាភិបាលនឹងបន្ដធ្វើយ៉ាងជួយសម្រួលដល់មធ្យោបាយក្នុងការចុះឈ្មោះ និងចូលរួមបោះឆ្នោតសម្រាប់ប្រជាជនឲ្យកាន់តែមានភាពប្រសើរឡើងផងដែរ។

ទំនាក់ទំនងជាមូលដ្ឋានគ្រឹះដ៏សំខាន់សម្រាប់ការប្រតិបត្តិអាជីវកម្ម

ការប្រកបអាជីវកម្មមួយជោគជ័យ វាត្រូវមានធាតុផ្សំជាច្រើនចូលរួម តែអ្វីដែលផ្ដើមចេញសំខាន់បំផុតនោះគឺខ្លួនឯង។ ក្នុងនោះលោកឧកញ៉ាម៉េងលី បានគូសបញ្ជាក់ដែរថា ការចេះប្រើប្រាស់នូវវិធីសាស្ត្រទំនាក់ទំនងល្អ គឺជាគ្រឹះដ៏សំខាន់មួយដែលសហគ្រិន ក៏ដូចជាអ្នកដឹកនាំត្រូវមានជាចាំបាច់។ លោកអះអាងបន្ថែមថា នៅពេលអ្នកចេះពីសិល្បៈទំនាក់ទំនងល្អ នោះលោកអ្នកនឹងចេះបត់បែនទៅតាមគ្រប់កាលៈទេសៈ ឬអាចចរចាបានជោគជ័យដើម្បីទាក់ទាញដៃគូបណ្ដាក់ទុនជាដើម។ ប៉ុន្ដែទោះយ៉ាងណាក៏ដោយ ក៏លោកឧកញ៉ាចិត្តធម៌រូបនេះយល់ឃើញថា ជុំវិញជំនាញទំនាក់ទំនងនេះ ហាក់ពុំទាន់មានបង្រៀននៅតាមសាលារៀនឱ្យមានលក្ខណៈទំលំទូលាយនៅឡើយទេ ទើបជាហេតុធ្វើឲ្យយុវវជនខ្លះពេលចេញពីសាលាខ្វះភាពក្លាហាន ឬចាញ់ប្រៀបគេពេលចរចា ជាដើម ដែលទាំងអស់នេះសុទ្ធសឹងជាកត្តានាំឱ្យជិះឥទ្ធិពលអវិជ្ជមានដល់ការធ្វើអាជីវកម្មនៅពេលអនាគត។

កិច្ចសហការក្នុងកិច្ចការងារសង្គម

“ក្នុងនាមជាសហគ្រិនល្អ និងក្នុងនាមជាអ្នកធ្វើអាជីវកម្មដែលទទួលបានផលប្រយោជន៍ពីសង្គម យើងត្រូវចាំថា បើយើងប្រមូលផលចំណេញពីសង្គមណា យើងត្រូវដាក់ផលទៅឱ្យសង្គមនោះវិញ ពោលគឺចេះបរិច្ចាគដល់សង្គមតាមរយៈកិច្ចការសប្បុរសធម៌ជាដើម” នេះគឺជាប្រសាសន៍លើកឡើងរបស់លោក ឧញ៉ា វេជ្ជបណ្ឌិត គួច ម៉េងលី។ លោកថា យើងទាំងអស់គ្នាសុទ្ធតែអាចចូលរួមចំណែកជួយសង្គមទៅតាមអ្វីដែលយើងអាចធ្វើបាន មិនចាំបាច់ទាល់តែយើងជាអ្នកមាន ជាអ្នកមានមុខមាត់បានធ្វើ ឬត្រូវតែមានគេប្រកូកប្រកាសអញ្ជើញទើបធ្វើកើតនោះទេ។ ក្រៅពីការបើកសាលាដែលបានអប់រំ ដល់សិស្សានុសិស្សប្រមាណ៤៥០០នាក់ ថ្មីៗនេះ លោកឧកញ៉ាក៏បានបង្កើតនូវយុទ្ធនាការជួយដល់កុមារក្រីក្រនៅតាមទីជនបទឲ្យបានរៀនសូត្រផងដែរ។ តួយ៉ាងការបង្កើតនូវកម្មវិធីសប្បុរសធម៌ “កង់មួយជីវិតមួយ” សម្រាប់ចែកជូនដល់សិស្សក្រីក្រជាដើម។ លើសពីនេះ លោកក៏សូមសំណូមពរឲ្យសប្បុរសជនទាំងឡាយសូមបន្តជួយដល់សង្គមជាតិយើងទាំងមូល ទោះតិចឬច្រើនក្ដី ព្រោះវាគឺជាការចូលរួមចំណែកមួយដើម្បីអភិវឌ្ឍសេដ្ឋកិច្ចជាតិ តាមរយៈការបណ្ដុះបណ្ដាល ឬជួយកុមារ និងយុវជនជំនាន់ក្រោយ។

សេដ្ឋកិច្ចកំពុងលូតលាស់ តែខ្វះខាតធនធានមនុស្ស

ជាសហគ្រិនមួយរូបក្នុងវិស័យអប់រំ និងជាស្ថាបនិក ប្រធានក្រុមប្រឹក្សាភិបាល និងអគ្គ នាយកប្រតិបត្តិក្រុមហ៊ុន ម៉េងលី ជេ.គួច អេឌ្យូខេសិន ផងនោះ លោកឧកញ៉ា បានមើលឃើញថា បច្ចុប្បន្នកម្ពុជាជាប្រទេសមួយដែលមានសេដ្ឋកិច្ចកំពុងលូតលាស់ក្នុងតំបន់ ប៉ុន្ដែអ្វីជាបញ្ហាក្ដៅដែលយើងត្រូវយកចិត្តទុកដាក់នោះ គឺកម្ពុជានៅតែខ្វះធនធានមនុស្សដែលមានជំនាញ ដើម្បីឆ្លើយតបទៅនឹងតម្រូវការការងារក្នុងសង្គម និងតំបន់ (អាស៊ាន)។ លោកបន្ថែមថា រដ្ឋាភិបាល ក៏ដូចជាក្រសួងអប់រំ គួរតែបន្ថែម និងពង្រឹងកម្មវិធីសិក្សានៅតាមសាលា ជាពិសេសសាកលវិទ្យាល័យ ឲ្យត្រូវតាមតម្រូវការការងារជាក់ស្ដែង។ មិនតែប៉ុណ្ណោះ ក្រសួង ឬសាលាខ្លួនឯង ត្រូវមានការសហការជាមួយស្ថាប័ន ឬក្រុមហ៊ុនឯកជននានាដើម្បីទទួលសិស្សយកទៅស្ម័គ្រចិត្តធ្វើការ ឬហាត់ការ ដើម្បីដកពិសោធន៍នាអំឡុងពេលសិក្សា ជាជាងរៀនចប់ចេញរកការងារទាំងគ្មានជំនាញ និងបទពិសោធ។ ម្យ៉ាងទៀត លោកឧកញ៉ា ក៏បានគូសបញ្ជាក់ដែរថា យុវវជន ឬនិស្សិត គួរចាប់ជំនាញសិក្សាឲ្យបានច្បាស់លាស់ ប្រសើរជាងជ្រើសរើសជំនាញស្រួលរៀន លុះនៅពេលមានជំនាញ និងបានចេញធ្វើការមានបទពិសោធគ្រប់គ្រាន់ ទោះថ្ងៃក្រោយចង់ប្រកបអាជីវកម្មក៏ងាយស្រួល និងមានឱកាសជោគជ័យច្រើនផងដែរ។

ចរន្ដនៃវិស័យអចលនទ្រព្យកំពុងដើរទៅរកចំណុចកក្អម

បរិយាកាសជុំវិញវិស័យអចលនទ្រព្យកម្ពុជា ហាក់មានភាពមិនច្បាស់លាស់ស្របពេលដែលការសាងសង់នៅតែបន្តមានច្រើន ខណៈអ្នកដែលមានលទ្ធភាពទិញនៅមានកម្រិត។ ស្របគ្នានេះ ក៏មានមតិជាច្រើនបានលើកឡើងថា ខុនដូដែលជាវិស័យមួយរីកលូតលាស់ខ្លាំងក្នុងចំណោមនោះ ហាក់ដើរដល់ចំណុចមួយលើសតម្រូវការ។
យ៉ាងណាមិញ បើតាមការប្រមើលមើលរបស់លោកឧកញ៉ា គួច ម៉េងលី ទីផ្សារអចលនទ្រព្យកម្ពុជានៅតែមានឱកាសរីកចម្រើន ទោះ៥០ឆ្នាំទៅមុខទៀតក៏នៅតែរីកចម្រើនដែរ។ ប៉ុន្ដែលោកថា អ្វីដែលជាក្ដីកង្វល់ធំនោះ គឺការអភិវឌ្ឍនៃវិស័យមួយនេះ បាននិងកំពុងសម្រុកសាងសង់តែនៅរាជធានីភ្នំពេញ ពោលមិនសូវមានឃើញញែកចេញទៅតាមទីក្រុងផ្សេងទៀតនោះទេ ដែលវាបៀបបានទៅនឹងការខំញាត់របស់ចូលក្នុងក្អម ខណៈក និងគូទរបស់វាមិនត្រូវបានពង្រីកឲ្យធំជាងមុន។ លោកលើកឡើងថា បច្ចុប្បន្ននៅរាជធានីភ្នំពេញ មានការសាងសង់សំណង់ជាច្រើន ជាពិសេសខុនដូ និងអាផាតមិនជាដើម តែលំនៅដ្ឋានទាំងអស់នេះ ហាក់មិនសូវជាមានតម្រូវការសម្រាប់ប្រជាជនខ្មែរនោះទេ ហើយបើសង្ឃឹមទៅលើបរទេសមកស្នាក់នៅក៏មិនមានច្រើនដែរ ប្រសិនបើកម្ពុជាមិនអាចអភិវឌ្ឍហេដ្ឋារចនាសម្ព័ន្ធក្នុងក្រុងឲ្យមានភាពល្អប្រសើរជាងនេះ។
អ្វីដែលលោកមើលឃើញ ជំនួសការសាងសង់អគារធំៗខ្លះ កម្ពុជាគួរមានការសាងសង់អន្តេវាសិកដ្ឋានសម្រាប់និស្សិតឲ្យបានច្រើន ព្រោះបច្ចុប្បន្ន និស្សិតភាគច្រើនបាននិងកំពុងមានការលំបាកស្នាក់នៅសម្រាប់បន្តការសិក្សា ហើយពួកគាត់សុទ្ធសឹងជាធនធានមនុស្សដ៏សំខាន់សម្រាប់ជាតិ ដែលយើងទាំងអស់គ្នាត្រូវតែយកចិត្តទុកដាក់ និងលើកស្ទួយ។
មិនតែប៉ុណ្ណោះលោកបន្ថែមថា កម្ពុជាគួរតែមានការរីកលូតលាស់ទៅតាមទីក្រុងនានា ឬតាមទីក្រុងដែលស្ថិតនៅតាមព្រំដែន តាមរយៈការបង្កើតឲ្យមានហេដ្ឋារចនាសម្ព័ន្ធត្រឹមត្រូវ បង្កើតរោងចក្រ ដែលអាចបង្កើតការងារដល់ប្រជាជនដើម្បីកាត់បន្ថយការចំណាកស្រុកផងដែរ។

ទិដ្ឋភាពនៃការប្រកួតប្រជែងអាជីវកម្មយីហោក្នុងស្រុក និងក្រៅស្រុក

ការហូរចូលនៃយីហោបរទេស Franchise ពីខាងក្រៅ បានធ្វើឲ្យសហគ្រិនក្នុងស្រុកមួយចំនួននៅមិនសុខបក់មិនល្ហើយនោះទេ ខណៈដែលប្រជាជនភាគច្រើនជាយុវវ័យកំពុងឈ្លក់វង្វេងនឹងម៉ាកនិយមផងដែរ ហើយចង់ ឬមិនចង់វាបាន និងកំពុងធ្វើឲ្យមានការប្រកួតប្រជែងទីផ្សារកាន់តែស្វិតស្វាញ។ យ៉ាងណាមិញ បើតាមប្រសាសន៍របស់លោក ឧកញ៉ា ការហូរចូលនៃយីហោបរទេសមកកម្ពុជា នៅមិនទាន់ច្រើនគ្រប់គ្រាន់នៅឡើយទេ លោកថា លោកចង់ឃើញការចូលមកវិនិយោគពីយីហោអាជីវកម្មបរទេសកាន់តែច្រើនបន្ថែមទៀតមកកម្ពុជា។ ប៉ុន្ដែទន្ទឹមនឹងការចូលមកនេះ សេដ្ឋកិច្ចកម្ពុជាត្រូវតែមានសក្ដានុពលខ្លាំង និងមានវិសាលភាពធំធេងជាងនេះ ពោលគឺត្រូវមានការអភិវឌ្ឍទៅគ្រប់តំបន់ ឬទីក្រុងនានា និយាយរួមពុំមែនមានតែឱកាសទីផ្សារនៅភ្នំពេញតែមួយកន្លែងនោះទេ។ លោកបន្ថែមទៀតថា សហគ្រិនក្នុងស្រុកក៏មិនត្រូវភ័យព្រួយទៅនឹងការប្រកួតប្រជែង ឬត្រូវគេដណ្ដើមទីផ្សារនោះដែរ ពោលគឺអតិថិជនមានចំណង់ចំណូលចិត្តផ្សេងគ្នា សំខាន់គឺផលិតផល ឬសេវាកម្មដែលយើងមានត្រូវនឹងតម្រូវការអតិថិជនកម្រិតណា ហើយត្រូវយល់ថា ការប្រកួតប្រជែងគឺជាការជំរុញឲ្យមានគុណភាពកាន់តែប្រសើរ ថែមទាំងផ្ដល់នូវជម្រើសនិងបទពិសោធថ្មីសម្រាប់អតិថិន ពិសេសជាឱកាសដើម្បីពង្រឹងសមត្ថភាពបន្ថែមផងដែរ។

សេវាសុខាភិបាល

សុខភាព គឺជាទ្រព្យមួយរបស់មនុស្សម្នាក់ៗ ប្រសិនបើសុខភាពជួបបញ្ហា សេដ្ឋកិច្ចគ្រួសារក៏ត្រូវជួបបញ្ហា ហើយបើប្រជាជនភាគច្រើនត្រូវជួបញ្ហាសុខភាព នោះប្រទេសជាតិក៏ពុំមានការលូតលាស់អ្វីខ្លាំងដែរ។ បើតាមប្រសាសន៍របស់លោកឧកញ៉ា ការអប់រំអំពីការថែទាំសុខភាពនៅតាមសហគមន៍ គឺនៅមានកម្រិត ខណៈដែលសេវាព្យាបាលសាធារណៈមិនសូវមានភាពច្បាស់លាស់។
លោកឧកញ៉ាបញ្ជាក់ថា ភាពក្រីក្រនៅកម្ពុជាភាគច្រើនកើតឡើងដោយសារតែបញ្ហាសុខភាព ព្រោះអ្នកខ្លះគាត់ខំធ្វើការរកលុយរាប់ឆ្នាំ ប៉ុន្ដែនៅពេលសមាជិកគ្រួសារណាម្នាក់ធ្លាក់ខ្លួនឈឺ នោះអាចនឹងត្រូវធ្លាក់ខ្លួនក្រដោយសារតែត្រូវចំណាយលុយមើលជំងឺក៏ថាបាន។ ទាំងអស់នេះហើយជាហេតុធ្វើឲ្យសេដ្ឋកិច្ចយើងមិនអាចលូតលាស់ទៅមុខបាន ដោយសារចំណូលរកបានមិនទាន់នឹងការចំណាយមើលជំងឺ។ លោកបន្តថា ក្រសួងសុខាភិបាល គួរតែរៀបចំឲ្យមានប្រព័ន្ធកញ្ចប់ធានាដល់សុវត្ថិភាព និងសុខភាពរបស់ប្រជាជន ដើម្បីឲ្យពួកគាត់មានភាពកក់ក្ដៅនៅពេលគាត់ឈឺម្ដងៗ។
ម្យ៉ាង បញ្ហាមួយទៀតដែលកំពុងពេញនិយមកើតមាននៅកម្ពុជា គឺការនិយមសេពគ្រឿងស្រវឹង។ លោកឧកញ៉ាបានគូសបញ្ជាក់ថា ក្រៅពីគ្រឿងញៀន និងការជក់បារីដែលមានការនិយមកើតមានកាលពីមុន ឥឡូវនេះការសេពគ្រឿងស្រវឹង បាននិងកំពុងញ៉ាំញីសង្គមខ្មែរខ្លាំងណាស់ តួយ៉ាងវាមិនត្រឹមតែធ្វើឲ្យប៉ះពាល់ដល់សុខភាពបុគ្គលនោះទេ ប៉ុន្ដែថែមទាំងអាចបង្កឲ្យមានគ្រោះថ្នាក់ដល់អាយុជីវិតខ្លួនឯងនិងអ្នកដទៃ ពិការភាព និងពិការសេដ្ឋកិច្ចគ្រួសារផងដែរ។ លោកឧកញ៉ា ក៏បានសំណូមពរដល់រដ្ឋាភិបាលផងដែរ ធ្វើយ៉ាងណាត្រូវរឹតបន្តឹងចំពោះបញ្ហានេះឲ្យមែនទែន ព្រោះវាជាជំងឺសេដ្ឋកិច្ចធំមួយដែលត្រូវព្យាបាលឲ្យទាន់ពេលវេលា។

ឥទ្ធិពលនៃសហគ្រិនភាពមកលើយុវវជនកម្ពុជា

សហគ្រិនភាព បានក្លាយជាប្រធានបទមួយកំពុងក្ដៅគគុកសម្រាប់យុវជនបច្ចុប្បន្ន ខណៈដែលវាត្រូវបានបំផុសបំផុលគួរឲ្យគត់សម្គាល់។ ទោះយ៉ាងនេះក្ដី លោកឧកញ៉ា គួច ម៉េងលី លើកឡើងថា យុវជនកម្ពុជាកំពុងឈ្លក់វង្វេងនឹងក្ដីស្រមៃមួយនេះរហូតដល់ភ្លេចខ្លួន។ លោកថា បច្ចុប្បន្នមានមនុស្សមួយចំនួនបានទះស្គរបំផុសបំផុសពីការធ្វើអាជីវកម្ម ឬក្លាយជាសហគ្រិនជោគជ័យ តែវាហាក់គ្រាន់តែជាការលាភពណ៌ ឬអេះមិនចំកន្លែងរមាស់ប៉ុណ្ណោះ ដោយសារការបង្ហាញនោះ ហាក់គ្មានមូលដ្ឋាន ឬវិធីសាស្ត្រជាក់លាក់ណាមួយសម្រាប់យុវវជនយកទៅអនុវត្ត ដែលទាំងអស់នេះហើយនឹងអាចធ្វើឲ្យយុវវជនឆាប់វង្វេង ទៅមិនដល់គោលដៅ ឬភ្លេចការរៀនសូត្រផងដែរ។
ជំនួសឲ្យការវង្វេងនៅក្នុងស្រមៃនេះ លោកឧកញ៉ាបានដាស់តឿនថា យុវជនត្រូវខិតខំរៀនសូត្រ ចាប់ជំនាញឲ្យបានច្បាស់លាស់ និងធ្វើការដកពិសោធន៍ក្នុងការងារឲ្យបានឆ្អិនសិន សឹមចេញទៅឈោងចាប់ក្ដីសុបិនជាសហគ្រិន ព្រោះបើខ្លួនយើងខំលះបង់ធ្វើទាំងខ្លួនគ្មានជំនាញ គ្មានភាពច្បាស់លាស់ នោះពិតណាស់គឺយើងមិនអាចទៅដល់គោលដៅជោគជ័យឡើយ។ ទន្ទឹមនឹងនោះ ដើម្បីក្លាយជាបុគ្គលមានសក្ដានុពល យុវជនត្រូវដើរឲ្យទាន់សម័យបច្ចេកវិទ្យា ត្រូវចេះទាញប្រយោជន៍ និងឱកាសពីការប្រើប្រាស់បច្ចេកវិទ្យាឲ្យបានច្រើន។ តួយ៉ាង នារយៈចុងក្រោយនេះវិស័យបច្ចេកវិទ្យា បាននិងកំពុងមានការចាប់អារម្មណ៍ច្រើន ដែលក្នុងនោះវាបានចូលរួមចំណែកអភិវឌ្ឍសេដ្ឋកិច្ច ព្រមទាំងបង្កនូវភាពងាយស្រួលក្នុងការធ្វើទំនាក់ទំនង និងពាណិជ្ជកម្មផងដែរ។ ទោះយ៉ាងណា លោកឧកញ៉ាយល់ថា កម្ពុជាត្រូវមានការចងក្រង និងផ្ដួចផ្ដើមលើការប្រើប្រាស់បច្ចេកវិទ្យានេះឲ្យមានប្រសិទ្ធភាពខ្ពស់ ជាពិសេសទាក់ទងនឹងការធ្វើការងារក្នុងវិស័យធុរកិច្ច។

កម្ពុជាត្រូវការអ្នកដឹកនាំជាស្ត្រីច្រើនបន្ថែមទៀត

នៅកម្ពុជាមានប្រជាជនប្រមាណ៦០% ជាស្ត្រី និង៤០%ជាបុរស ប៉ុន្ដែ ស្ត្រីដែលមានសិទ្ធិ និងសមត្ថភាពក្នុងការចេញរកស៊ី ឬកាន់ការងារកំពូលៗ នៅមិនទាន់មានច្រើននៅឡើយទេ។ លោកឧកញ៉ា គួច ម៉េចលី ចង់ឃើញកម្ពុជាមានថ្នាក់ដឹកនាំទាំងក្នុងវិស័យនយោបាយ ទាំងវិស័យធុរកិច្ចជាស្ត្រីឲ្យបានច្រើន ព្រោះស្ត្រីភាគច្រើនជាមនុស្សដែលមានចិត្តអំណត់អត់ធន តស៊ូ និងហ្មត់ចត់ជាងបុរស ហើយបើតាមការសង្កេតឃើញជាក់ស្ដែងរបស់លោក ប្រទេសណាដែលខ្វះការចូលរួម លើកស្ទួយសិទ្ធិ និងគាំទ្រដល់ស្រ្តីឲ្យមានឱកាសបញ្ចេញសមត្ថភាព ប្រទេសនោះច្រើនតែជាប្រទេសមួយមិនសូវជាអភិវឌ្ឍរីកចម្រើនប៉ុន្មានទេ។

ការបណ្ដុះបណ្ដាលជំនាញបច្ចេកទេសសម្រាប់យុវជនជាកត្តាជំរុញសេដ្ឋកិច្ច

បើតាមការសិក្សាស្រាវជ្រាវដែលបានចុះផ្សាយដោយទស្សនាវដ្ដីពាណិជ្ជកម្មកម្ពុជា ពីលេខទី៣៦ បានឲ្យដឹងថា បច្ចុប្បន្នតម្រូវការការងារមានភាគច្រើន គឺកម្លាំងពលកម្មមានជំនាញ ហើយវាក៏ជាធនធានមនុស្សមួយដែលយើងកំពុងជួបប្រទះនូវភាពខ្វះខាតខ្លាំងផងដែរ។ លោកឧកញ៉ា គួច ម៉េងលី ចាប់អារម្មណ៍ឃើញថា ការប្រលងសញ្ញាបត្រទុតិយភូមិ (បាក់ឌុប) ប៉ុន្មានឆ្នាំចុងក្រោយនេះ ត្រូវបានរឹតបន្តឹងខ្លាំងរហូតដល់មានចំនួនបេក្ខជនប្រមាណពាក់កណ្ដាលនៃបេក្ខជនសរុបត្រូវបានធ្លាក់ក្នុងឆ្នាំៗ។ ប៉ុន្ដែសួរថា តើអ្នកធ្លាក់ទាំងអស់នោះទៅណា? អ្នកខ្លះគាត់ថាបើមិនបានដល់បរិញ្ញាបត្រមិនរៀនទៀតទេ ហើយបើគាត់ឈប់រៀនតើទៅរកការងារពីណាបានធ្វើ? ហើយបើរៀនបន្តយកបរិញ្ញាបត្រត្រូវចំណាយពេលយូរទៀត។ ដូច្នេះហើយការបណ្ដុះបណ្ដាលនូវជំនាញពិតប្រាកដសម្រាប់ពួកគេ គឺជារឿងចាំបាច់ដែលត្រូវធ្វើការបំផុសឡើង និងលើកស្ទួយពីរាជរដ្ឋាភិបាល។ ប៉ុន្ដែ សាលាដែលផ្ដល់នូវជំនាញបំពាក់បំប៉នវិជ្ជាជីវៈ គឺមិនទាន់មានច្រើននោះទេ។ អ្នកខ្លះ ពេលប្រលងធ្លាក់ខ្មាសគេឈប់រៀន ឬចង់ទៅរៀនជំនាញតែអត់មានសាលាដើម្បីរៀន ដូច្នេះ ចង់មិនចង់គាត់ត្រូវធ្វើចំណាកស្រុកទៅប្រទេសគេដើម្បីធ្វើការរកចំណូល ដែលត្រង់នេះលោកឧកញ៉ាថា វាជារឿងដ៏គួរឲ្យអាសូរដល់ប្រជាជន និងសេដ្ឋកិច្ចជាតិ។
ជាមួយគ្នានេះ បើតាមប្រសាសន៍របស់លោក Takeshi Izuka អគ្គនាយកក្រុមហ៊ុន វិនិយោគវីគិរីរម្យរីស៊ត ធ្លាប់ប្រាប់ពាណិជ្ជកម្ម កម្ពុជាថា បញ្ហាប្រឈមធំបំផុតដែលក្រុមហ៊ុនលោកជួបប្រទះក្នុងការវិនិយោគនៅកម្ពុជា គឺការខ្វះខាតអ្នកជំនាញមានវិជ្ជាជីវៈមកធ្វើការ។ លោកថា នៅកម្ពុជាមានសាកលវិទ្យាល័យច្រើនណាស់ ប៉ុន្ដែ កម្ពុជានៅខ្វះខាតការបណ្ដុះបណ្ដាលជំនាញអាជីពបែបស្តង់ដារនៅឡើយ។ តួយ៉ាង នៅពេលលោកប្រកាសជ្រើសរើសអ្នកជំនាញវិស្វករបច្ចេកវិទ្យាមកធ្វើការ បែរជាមិនមានបេក្ខជនដែលមានសមត្ថភាពដូចដែលគាត់ចង់បាន ហើយវាបានធ្វើឲ្យលោកត្រូវចំណាយទុនច្រើនដើម្បីជួលវិស្វករជំនាញមកពីក្រៅប្រទេសទៅវិញ។

ប្រព័ន្ធផ្សព្វផ្សាយ

ប្រព័ន្ធផ្សព្វផ្សាយ គឺជាបណ្ដុំនៃចំណេះដឹង និងព័ត៌មានសម្បូរបែប ហើយក៏ជាកម្លាំងចលករមួយក្នុងការជួយជំរុញ និងអភិវឌ្ឍសេដ្ឋកិច្ច តាមរយៈការចែករំលែកនូវព្រឹត្តិការណ៍ និងចំណេះដឹងនានាសម្រាប់ប្រជាជនទូទៅដែរ។ ប៉ុន្ដែ លោកឧកញ៉ា គួច ម៉េងលី បានសង្កេតឃើញថា បច្ចុប្បន្នប្រព័ន្ធផ្សព្វផ្សាយភាគច្រើនមានការខ្វះចន្លោះច្រើនក្នុងការចែកចាយនូវព័ត៌មានទូលំទូលាយទៅកាន់ប្រជាជន ជាពិសេសយុវវជន។ លោកឧកញ៉ា បានពោលយ៉ាងដូច្នេះថា ប្រព័ន្ធផ្សព្វផ្សាយ មានឥទ្ធិពលធំធេងណាស់សម្រាប់ជំរុញដល់ការអភិវឌ្ឍប្រទេស ប៉ុន្ដែបច្ចុប្បន្នមានភាគច្រើន គឺផ្ដោតតែលើការចែករំលែកទៅលើបញ្ហានយោបាយ សហគ្រិនភាព និងការធ្វើអាជីវកម្ម ដែលទាំងអស់នេះនៅមិនទាន់គ្រប់គ្រាន់នៅឡើយទេ។ ប្រព័ន្ធផ្សព្វផ្សាយត្រូវមើលឲ្យបានគ្រប់ជ្រុងនៃសង្គម ពោលគឺមើលឲ្យឃើញ ៣៦០ដឺក្រេ កុំផ្ដោតតែមួយជ្រុង បើមិនដូច្នោះទេ យុវវជនកម្ពុជានឹងមិនអាចទទួលបានព័ត៌មានទូលំទូលាយ ដើម្បីអភិវឌ្ឍចំណេះដឹងបានឡើយ ហើយវានឹងទាញឲ្យការអភិវឌ្ឍសេដ្ឋកិច្ចទៅមុខមិនបានលឿននោះទេ។
សរុបជារួម រាល់ចំណុចទាំងអស់ខាងលើនេះ គឺជាអ្វីដែលកម្ពុជាបាននិងកំពុងជួបប្រទះ និងត្រូវមានយន្ដការវិជ្ជមានមួយពីរាជរដ្ឋាភិបាល ព្រមជាមួយការចូលរួមយ៉ាងសកម្មពីយើងទាំងអស់គ្នាដែលជាប្រជាជន ទើប កម្ពុជាមានការអភិវឌ្ឍជឿនលឿនទៅមុខ។ ជាពិសេស គឺកម្លាំងស្នូលរបស់កម្ពុជាសម្រាប់ការអភិវឌ្ឍជឿនលឿនទៅមុខ គឺយុវជន ពោលគឺយុវជនមានអនាគត ប្រទេសជាតិនឹងរីកចម្រើន៕

23/11/2016

09/10/2016

១០ ជំហ៊ាន ដើម្បីដោះស្រាយបញ្ហាអាជីវកម្ម