18/06/2026
پنجاب حکومت کی جانب سے آزاد جموں و کشمیر جانے والی گاڑیوں کو سون کوہٹہ کے مقام پر روک دیا گیا ہے، جس کے باعث عوام کو شدید مشکلات کا سامنا ہے۔ گزشتہ رات سے خوراک، ادویات، ایندھن اور دیگر اشیائے ضروریہ کی ترسیل متاثر ہو رہی ہے، جس سے ہزاروں خاندانوں میں بے چینی اور اضطراب بڑھتا جا رہا ہے
یہ بات فراموش نہیں کی جانی چاہیے کہ کسی بھی تنازع یا اختلاف کی قیمت عام شہریوں کو نہیں چکانی چاہیے۔ گھروں میں بچے، بزرگ، بیمار اور روزانہ کی اجرت پر گزر بسر کرنے والے لوگ اس صورتحال سے براہِ راست متاثر ہو رہے ہیں۔ عوام کو بنیادی ضروریاتِ زندگی سے محروم کرنا کسی بھی طور قابلِ قبول نہیں۔
اربابِ اختیار سے درد مندانہ اپیل ہے کہ حالات کی نزاکت کو سمجھتے ہوئے فوری طور پر راستوں کی بحالی اور اشیائے ضروریہ کی بلا رکاوٹ ترسیل کو یقینی بنایا جائے۔ معاملات کو اس حد تک نہ لے جایا جائے کہ محرومی، اض طراب اور بے یقینی مزید گہری ہو جائے.
یہ سب کا ملک ہے۔ اسے تدبر، برداشت اور باہمی احترام کے ساتھ سنوارنے کی ضرورت ہے، نہ کہ ایسے اقدامات سے جو عوامی مشکلات میں اضافہ کریں۔ آج ضرورت طاقت کے اظہار کی نہیںبلکہ بصیرت، ذمہ داری اور انسان دوستی کے مظاہرے کی ہے۔
نبیلہ ارشاد ایڈووکیٹ کی وال سے
