Hafiz SKP, Sheikhupura (2026)

21/10/2026

وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ
ترجمہ: اور جب تمہارے رب نے اعلان فرمایا کہ اگر تم شکر کرو گے تو میں تمہیں اور زیادہ دوں گا۔
سورۃ ابراہیم: 7

20/10/2026

‏وَ مَنْ أَحْسَنُ مِنَ اللَّهِ حُكْمًا لِقَوْمٍ يُوقِنُونَ
‏جو لوگ اللہ پر یقین رکھتے ہیں اُن کے نزدیک اللہ سے بہتر فیصلہ کرنے والا کوئی نہیں ۔

18/10/2026

مارکیٹ میں استعمال شدہ Laptop 💻 لینے سے پہلے درج زیل 8 ٹیسٹ خود کریں، ورنہ ہو سکتا ہے آپ لیپ ٹاپ کے نام پر ایک ڈبہ گھر لے آئیں۔ "سر، بالکل فریش پیس ہے، باہر سے آیا ہے" یہ جملہ ہر دکان پر ایک جیسا ملتا ہے، لیکن ہر لیپ ٹاپ اندر سے ایک جیسا نہیں ہوتا۔

ہم اکثر خود سے پوچھتے ہی نہیں: مجھے لیپ ٹاپ چاہیے کس کام کے لیے؟

سچ یہ ہے کہ زیادہ تر اسٹوڈنٹس کو اتنے مہنگے لیپ ٹاپ کی ضرورت ہی نہیں ہوتی جتنا وہ لے آتے ہیں۔ اگر آپ کا کام Word، Excel، PowerPoint، براؤزنگ، یوٹیوب اور Zoom کلاسز ہیں، تو 50 سے 70 ہزار کا ایک اچھا لیپ ٹاپ یہ سب آرام سے کر لے گا۔ ڈیڑھ لاکھ لگانے سے آپ کی اسائنمنٹ بہتر نہیں لکھی جائے گی۔ ہاں، اگر آپ انجینئرنگ کے سافٹ ویئر چلاتے ہیں، ویڈیو ایڈیٹنگ، گرافک ڈیزائن یا پروگرامنگ کرتے ہیں، تو پھر زیادہ پیسہ لگانا فضول خرچی نہیں، ضرورت ہے۔ یعنی بجٹ آپ کا کام طے کرے، دوست کا لیپ ٹاپ یا دکاندار کا مشورہ نہیں۔

جب کام سمجھ آ جائے، تو اگلا مرحلہ یہ سمجھنا ہے کہ لیپ ٹاپ کی کون سی چیز اصل میں فرق ڈالتی ہے۔ زیادہ ٹیکنیکل ہونے کی ضرورت نہیں، بس چار پانچ باتیں سمجھ لیں۔

پہلی بات پروسیسر کی ہے، اور یہاں لوگ سب سے زیادہ دھوکہ کھاتے ہیں۔ ہمارے ذہن میں بیٹھا ہوا ہے کہ i7 ہمیشہ i5 سے بہتر ہوتا ہے، لیکن اصل اہمیت جنریشن کی ہے۔ اس کی ایک بہت عملی وجہ ہے۔ مائیکروسافٹ نے اکتوبر 2025 میں ونڈوز 10 کی سپورٹ ختم کر دی ہے، اور ونڈوز 11 آفیشلی 8th جنریشن سے پرانے Intel پروسیسر پر چلتی ہی نہیں۔ تو اگر کوئی آپ کو 6th جنریشن کا i7 "زبردست ڈیل" کہہ کر دے، تو وہ ڈیل آج سستی لگے گی لیکن کل مہنگی پڑے گی، کیونکہ نہ اسے اپڈیٹس ملیں گی، نہ نئے سافٹ ویئر اس پر ٹھیک چلیں گے۔ جنریشن دیکھنا آسان ہے: i5-8250U میں i5 کے بعد پہلا ہندسہ 8 ہے، یعنی 8th جنریشن، اور i5-1135G7 میں پہلے دو ہندسے 11 ہیں، یعنی 11th جنریشن۔ تو 8th جنریشن سے نیچے نہ جائیں، اور بجٹ ہو تو 10th یا 11th سے اوپر دیکھیں۔ AMD کے Ryzen 5 اور Ryzen 7 بھی اچھی ویلیو دیتے ہیں، خاص طور پر 5000 سیریز اور اس سے نئے۔

دوسری بات SSD کی ہے، اور اس پر میں کوئی سمجھوتہ کرنے کا مشورہ نہیں دوں گا۔ SSD والا لیپ ٹاپ سیکنڈوں میں آن ہوتا ہے اور فائلیں فوراً کھلتی ہیں، جبکہ پرانی HDD والا لیپ ٹاپ روز آپ کا صبر آزمائے گا۔ یہ وہ فرق ہے جو آپ پہلے ہی دن محسوس کرتے ہیں، اسی لیے پرانا پروسیسر SSD کے ساتھ اکثر نئے پروسیسر HDD کے ساتھ سے بہتر چلتا ہے۔ کم از کم 256 جی بی ہو، اور 512 مل جائے تو بہتر۔

تیسری بات RAM کی ہے۔ اسے اپنی اسٹڈی ٹیبل سمجھیں: جتنی بڑی ٹیبل، اتنا زیادہ کام ایک ساتھ پھیلا سکتے ہیں۔ صرف Word اور براؤزنگ کے لیے 8 جی بی آج بھی کافی ہے۔ لیکن اگر کروم میں بیس ٹیبز کھلے ہوں اور ساتھ Zoom چل رہا ہو، تو 16 جی بی کا فرق صاف محسوس ہوتا ہے۔ اس سال ایک نئی بات بھی ہوئی ہے: RAM کی قیمتیں تقریباً دگنی ہو چکی ہیں۔ پاکستان میں 8 جی بی لیپ ٹاپ RAM جو 8 سے 9 ہزار کی تھی، اب 14 ہزار کے قریب ہے۔ اس لیے "ابھی 8 لے لیتے ہیں، بعد میں بڑھا لیں گے" اب اتنا سستا سودا نہیں رہا۔ میرا ایماندارانہ مشورہ یہ ہے کہ بجٹ ہو تو 16 جی بی شروع میں ہی لیں۔ اگر بجٹ تنگ ہے اور کام ہلکا ہے، تو 8 جی بی بھی ٹھیک ہے، بس دیکھ لیں کہ ایک سلاٹ خالی ہو۔

باقی چیزیں آپ کے حالات پر منحصر ہیں۔ بیٹری پاکستان میں عام بات نہیں، کیونکہ لوڈ شیڈنگ میں آپ کی کلاس اسی کے سہارے چلتی ہے، اس لیے اسے ضرور چیک کریں۔ اسکرین کے سامنے آپ روز گھنٹوں بیٹھیں گے، تو IPS اور Full HD مل جائے تو آنکھوں کو آرام رہتا ہے۔ اور گرافک کارڈ کی ضرورت صرف تب ہے جب آپ کا کام انجینئرنگ، آرکیٹیکچر یا ویڈیو ایڈیٹنگ ہو۔ ورنہ اس پر خرچ کرنا صرف وزن، گرمی اور قیمت بڑھاتا ہے، فائدہ نہیں۔

------------------Mr. ☕----------------

اب پیسوں کی بات، کیونکہ آخر میں سوال یہی ہوتا ہے۔ یہ رینجز اندازاً ہیں اور شہر اور دکان کے ساتھ بدلتی رہتی ہیں، لیکن ان سے ایک خاکہ بن جاتا ہے۔ ہلکے کام کے لیے 45 سے 70 ہزار میں
Dell Latitude، HP EliteBook Lenovo ThinkPad
جیسے بزنس لیپ ٹاپ مل جاتے ہیں 8th سے 10th جنریشن کے ساتھ۔ میں عام لیپ ٹاپس کے بجائے انہی کا مشورہ دیتا ہوں، کیونکہ یہ کمپنیوں کے لیے بنے ہوتے ہیں، مضبوط ہوتے ہیں اور ان کے پرزے آسانی سے مل جاتے ہیں۔ پروگرامنگ یا کمپیوٹر سائنس کے لیے 70 ہزار سے ایک لاکھ میں 11th یا 12th جنریشن اور 16 جی بی والا لیپ ٹاپ بہتر رہتا ہے۔ انجینئرنگ کے سافٹ ویئرز کے لیے ایک سے ڈیڑھ لاکھ کا بجٹ رکھیں، کیونکہ وہاں الگ گرافک کارڈ چاہیے۔ اور MacBook پسند ہو تو استعمال شدہ M1 یا M2 Air بیٹری اور اسپیڈ دونوں میں کمال ہے، بس اس کی بیٹری اور iCloud لاک ضرور دیکھیں۔

اب فرض کریں دکاندار نے کسی لیپ ٹاپ کی قیمت بتا دی۔ آپ کو کیسے پتا چلے کہ یہ ٹھیک ہے یا زیادہ؟ یہ کام آپ وہیں کھڑے کھڑے فون پر کر سکتے ہیں۔ لیپ ٹاپ کا پورا ماڈل لکھیں، صرف “Dell” نہیں بلکہ “Dell Latitude 5410، i5 10th جنریشن، 16 جی بی، 256 SSD”، کیونکہ ایک ہی نام میں جنریشن یا RAM بدلنے سے قیمت ہزاروں بدل جاتی ہے۔ پھر یہی ماڈل OLX پر اپنے شہر میں سرچ کریں اور آٹھ دس اشتہار دیکھیں۔ سب سے مہنگے اور سب سے سستے چھوڑ دیں، درمیان والی قیمت اصل مارکیٹ کے قریب ہوتی ہے۔ ساتھ دو تین آن لائن لیپ ٹاپ اسٹورز پر بھی یہی ماڈل دیکھ لیں۔ اگر ان سب کی قیمتیں دس پندرہ ہزار کے اندر ہیں، تو سمجھ لیں یہی ریٹ ہے۔ اور اگر کوئی لیپ ٹاپ اس سے بہت سستا، مثلاً 30 فیصد کم میں مل رہا ہو، تو خوش ہونے سے پہلے ایک بار سوچیں کہ وہ اتنا سستا کیوں ہے۔ عموماً جواب گھر جا کر ملتا ہے۔

رہی بات کہاں سے لیں، تو ہر بڑے شہر میں کچھ جانی پہچانی مارکیٹس ہیں: پشاور میں گل حاجی پلازہ، لاہور میں حفیظ سینٹر، کراچی میں صدر اور ٹیکنو سٹی، اور راولپنڈی میں صدر۔ مارکیٹ کا فائدہ یہ ہے کہ آپ لیپ ٹاپ ہاتھ میں لے کر دیکھ سکتے ہیں اور چار دکانوں کا موازنہ کر سکتے ہیں۔ OLX پر قیمت اکثر کم ہوتی ہے، لیکن وہاں نہ وارنٹی ہوتی ہے نہ کوئی ذمہ داری۔ وہاں سے لینا ہو تو کسی عوامی جگہ پر ملیں، کسی دوست کو ساتھ لے جائیں، اور لیپ ٹاپ دیکھے بغیر Easypaisa یا JazzCash پر ایڈوانس کبھی نہ بھیجیں۔ یہ سب سے عام دھوکہ ہے۔ اور اگر آپ پہلی بار لے رہے ہیں اور یہ سب مشکل لگتا ہے، تو کسی معتبر دکان سے تحریری وارنٹی کے ساتھ تھوڑا مہنگا لینا بھی سمجھداری ہے۔ وہ چند ہزار دراصل آپ کے اطمینان کی قیمت ہیں۔

------------------Mr. ☕----------------

اب وہ لمحہ جب کوئی لیپ ٹاپ آپ کو پسند آ جائے۔ دکاندار سے بس اتنا کہیں: "بھائی، دس منٹ چیک کر لوں؟" اچھا دکاندار کبھی منع نہیں کرتا۔ جو جلدی مچائے، اس کی جلدی خود ایک جواب ہے۔

شروع باہر سے کریں۔ اسکرین کھول بند کر کے دیکھیں کہ قبضے ڈھیلے تو نہیں، اور کونوں پر دراڑ یا گرنے کے نشان تو نہیں۔ نیچے کے پیچ گھسے ہوئے ہوں تو مطلب ہے لیپ ٹاپ کئی بار کھولا جا چکا ہے۔ پھر نیچے لکھا سروس ٹیگ یا سیریل نمبر Dell، HP یا Lenovo کی ویب سائٹ پر ڈال کر دیکھیں۔ وہاں پتا چل جائے گا کہ یہ لیپ ٹاپ فیکٹری سے کن چیزوں کے ساتھ نکلا تھا، اور کہیں اندر سے کچھ بدلا تو نہیں گیا۔

پھر اسکرین دیکھیں، کیونکہ سب سے زیادہ ہاتھ یہیں دکھایا جاتا ہے۔ وہ رنگین وال پیپر اسی لیے لگا ہوتا ہے کہ خراب پکسل نظر نہ آئیں۔ برائٹنس پوری کریں اور نوٹ پیڈ کو فل اسکرین کر دیں، پوری اسکرین سفید ہو جائے گی۔ پھر گوگل پر “dead pixel test” کھول کر کالا، سرخ، سبز اور نیلا رنگ بھی دیکھ لیں۔ کوئی نقطہ، دھبہ یا کناروں سے روشنی نکلتی نظر آئے، تو وہیں رک جائیں۔

اس کے بعد گوگل پر “keyboard tester” کھولیں اور ہر بٹن ایک بار دبا کر دیکھیں۔ ساتھ ٹچ پیڈ، چارجنگ اور USB پورٹس، وائی فائی، اسپیکر، مائیک اور کیمرہ بھی چیک کر لیں، کیونکہ آن لائن کلاس اور انٹرویو انہی پر ہونے ہیں۔ یہ بھی دیکھیں کہ چارجر اصلی ہے۔ ہمارے ہاں وولٹیج اوپر نیچے ہوتا رہتا ہے، اور لوکل چارجر آہستہ آہستہ بیٹری اور بورڈ دونوں کو خراب کرتا ہے۔

اندر کی تسلی کے لیے دو چھوٹے مفت سافٹ ویئر کافی ہیں۔ CPU-Z سے پروسیسر کا اصل ماڈل اور RAM پتا چل جائے گی، تاکہ آپ دکاندار کی بتائی ہوئی جنریشن خود دیکھ سکیں۔ CrystalDiskInfo سے SSD کی صحت پتا چلتی ہے: “Good” لکھا آئے تو ٹھیک، “Caution” یا “Bad” آئے تو اس لیپ ٹاپ کو چھوڑ دیں۔ پھر یوٹیوب پر ایک ویڈیو لگا کر چند منٹ چھوڑ دیں۔ اگر پنکھا بہت شور کرے یا لیپ ٹاپ نیچے سے حد سے زیادہ گرم ہو، تو ہماری گرمیوں میں یہ مسئلہ اور بڑھے گا۔

بیٹری کے لیے Windows PowerShell کھول کر یہ کمانڈ لکھیں:
powercfg /batteryreport /output “C:\battery-report.html”
۔C ڈرائیو میں جو رپورٹ بنے گی، اس میں دو نمبر دیکھیں: Design Capacity، یعنی بیٹری نئی ہونے پر کتنی تھی،
اور Full Charge Capacity، یعنی اب کتنی ہے۔

اگر دوسرا نمبر پہلے کا 80 فیصد یا زیادہ ہے تو بیٹری اچھی ہے، اور 60 فیصد سے کم ہو تو قیمت کم کروائیں۔ وقت ہو تو چارجر نکال کر بیس منٹ ویڈیو چلائیں اور دیکھیں کہ بیٹری کتنی تیزی سے گرتی ہے، کیونکہ رپورٹ کبھی کبھار سافٹ ویئر سے ٹھیک بھی دکھا دی جاتی ہے۔ MacBook میں یہی چیز System Information میں Cycle Count اور Condition کے نام سے مل جاتی ہے۔

اور آخر میں وہ چیک جو بہت کم لوگ کرتے ہیں۔ امپورٹڈ لیپ ٹاپ زیادہ تر باہر کی کمپنیوں کے استعمال شدہ ہوتے ہیں، اور کبھی کبھار وہ ابھی بھی کمپنی کے سسٹم سے جڑے ہوتے ہیں۔ دکاندار سے کہیں کہ آپ کے سامنے ونڈوز ری سیٹ کرے۔ سیٹ اپ میں کسی کمپنی کا نام آئے یا “organization” کا لاگ ان مانگے، تو وہ لیپ ٹاپ نہ لیں، کیونکہ وہ کسی بھی دن لاک ہو سکتا ہے۔ MacBook ہو تو پچھلے مالک کی Apple ID مکمل نکلی ہوئی ہو۔

سب ٹھیک ہو تو بھی پیسے دینے سے پہلے چیک وارنٹی لکھوا لیں۔ اچھی دکانیں عام طور پر ایک ہفتے سے ایک مہینے تک دیتی ہیں۔ رسید پر دکان کا نام اور لیپ ٹاپ کا سیریل نمبر ضرور ہو، کیونکہ زبانی وعدہ مسئلہ آنے پر یاد نہیں رہتا۔ گھر آ کر پہلے ہفتے ہی لیپ ٹاپ کو خوب استعمال کریں، تاکہ اگر کوئی خرابی ہے تو وارنٹی کے اندر سامنے آ جائے۔

اور جو دوست باہر پڑھنے جا رہے ہیں، ان کے لیے ایک چھوٹی سی بات۔ یہاں سے ایک اچھا استعمال شدہ بزنس لیپ ٹاپ لے جانا عموماً سستا پڑتا ہے، اور وہاں پہنچتے ہی آپ کے پاس ہوتا ہے، جب ہر چیز نئی اور مہنگی لگ رہی ہوتی ہے۔ نیا لینا ہو تو وہاں اسٹوڈنٹ ڈسکاؤنٹ اور وارنٹی کا فائدہ اٹھائیں۔ لیپ ٹاپ کا چارجر دنیا بھر کے وولٹیج پر چل جاتا ہے، بس پلگ کا ایڈاپٹر ساتھ رکھیں۔

آخر میں بس اتنا کہوں گا کہ سب سے مہنگا لیپ ٹاپ سب سے اچھا نہیں ہوتا۔ اچھا وہ ہے جو آپ کا کام کرے، آپ کے بجٹ میں آئے، اور جسے آپ نے خود پرکھ کر لیا ہو۔ جنریشن 8th یا اس سے نئی، SSD ضرور، RAM کام کے مطابق، بیٹری ٹھیک، اسکرین صاف، اور کوئی لاک نہیں۔ یہ سب ہو تو آپ لیپ ٹاپ لے کر جا رہے ہیں، ڈبہ نہیں۔

مسٹر copied from☕

26/09/2026

‎اللَّهُمَّ عَافِنِي فِي بَدْنِي،اللَّهُمَّ عَافِنِي فِي سَمْعِي،اللَّهُمَّ عَافِنِي فِي بَصَرِي، لَا إِلَهَ إِلَّا أَنْتَاللَّهُمَّ إِنِّي أَعُوذُ بِكَ مِنَ الْكُفْرِ وَالْفَقْرِ،اللَّهُمَّ إِنِّي أَعُوذُ بِكَ مِنْ عَذَابِ الْقَبْرِ لَا إِلَهَ إِلَّا أَنْتَ

اے اللہ! میرے جسم میں عافیت عطا فرما،اے اللہ! میرے کانوں میں عافیت عطا فرما،اے اللہ! میری آنکھوں میں عافیت عطا فرما، تیرے سوا کوئی معبود نہیں۔اے اللہ! میں کفر اور محتاجی سے تیری پناہ چاہتا ہوں۔یا اللہ! میں قبر کے عذاب سے تیری پناہ چاہتا ہوں، تیرے سوا کوئی معبود نہیں۔

آمین ثم آمین

18/09/2026

گھر سے باہر نکلنے کی ایک مبارک اور مسنون دعا:

"بِسْمِ اللَّهِ تَوَكَّلْتُ عَلَى اللَّهِ لَا حَوْلَ وَلَا قُوَّةَ إِلَّا بِاللَّهِ"

ترجمہ: اللہ کے نام کے ساتھ (گھر سے نکلتا ہوں)، میں نے اللہ پر بھروسہ کیا، اور گناہوں سے بچنے کی طاقت اور نیکی کرنے کی توفیق اللہ ہی کی مدد سے ملتی ہے

10/08/2026

حضرت ابوہریرہ رضی اللہ عنہ سے روایت کی، کہا: رسول اللہ صلی اللہ علیہ وسلم نے فرمایا: ”جو شخص اللہ سے ملاقات کو پسند کرے، اللہ اس سے ملاقات کو پسند کرتا ہے، اور جو اللہ سے ملاقات کو ناپسند کرے، اللہ اس سے ملاقات کو ناپسند کرتا ہے۔“

(شریح بن ہانی نے) کہا: میں حضرت عائشہ رضی اللہ عنہا کے پاس حاضر ہوا اور عرض کی: ام المؤمنین! میں نے حضرت ابوہریرہ رضی اللہ عنہ کو رسول اللہ صلی اللہ علیہ وسلم سے ایک حدیث بیان کرتے ہوئے سنا، اگر وہ اسی طرح ہے (جس طرح وہ بیان کرتے ہیں)، تو ہم ہلاک ہو گئے۔

تو انہوں (عائشہ رضی اللہ عنہا) نے فرمایا: ہلاک ہونے والا واقعی وہی ہے جو رسول اللہ صلی اللہ علیہ وسلم کے قول سے ہلاک ہوا۔ (بتاؤ) وہ کیا حدیث ہے؟

(میں نے عرض کی:) انہوں نے کہا ہے کہ رسول اللہ صلی اللہ علیہ وسلم نے فرمایا: ”جو شخص اللہ سے ملاقات کو پسند کرتا ہے، اللہ بھی اس سے ملاقات کو پسند کرتا ہے، اور جو شخص اللہ سے ملاقات کو ناپسند کرتا ہے، اللہ بھی اس سے ملاقات کو ناپسند کرتا ہے۔“ اور ہم میں ایسا کوئی نہیں جو موت کو ناپسند نہ کرتا ہو۔

تو حضرت عائشہ رضی اللہ عنہا نے کہا: رسول اللہ صلی اللہ علیہ وسلم نے یہی فرمایا تھا، لیکن (مفہوم کے اعتبار سے) جس طرف تم گئے ہو، وہ بات اس طرح نہیں، بلکہ (وہ اس طرح ہے کہ) جب نگاہ اوپر کی طرف اٹھ جاتی ہے، اور سینے میں سانس اکھڑ رہی ہوتی ہے، اور جلد پر رونگٹے کھڑے ہو جاتے ہیں، اور انگلیاں ٹیڑھی ہو کر اکڑ جاتی ہیں، تو اس وقت جو اللہ سے ملنے کو پسند کرتا ہے، اللہ بھی اس سے ملنا پسند کرتا ہے، اور جو (اس وقت) اللہ سے ملاقات کو ناپسند کرتا ہے، اللہ بھی اس سے ملنا ناپسند کرتا ہے۔

(صحيح مسلم: 6826)
Hafiz EMS

24/07/2026

رسول اکرم ﷺ کی شفاعت اور اللہ کے فضل سے وہ موحد (اللہ کو ایک ماننے والے) گنہگار جو اپنے اعمال کی سزا پانے کے بعد دوزخ میں ہوں گے، اپنی نیکی اور ایمان کی نسبت کی وجہ سے جنت میں داخل کیے جائیں گے۔
#حدیث

12/07/2026

حضرت ابوہریرہ رضی اللہ عنہ سے روایت کی کہ رسول اللہ صلی اللہ علیہ وسلم انسان کے حق میں برا ثابت ہونے والے فیصلے، بدبختی کے آ لینے، اپنی تکلیف پر دشمنوں کے خوش ہونے اور عاجز کر دینے والی آزمائش سے پناہ مانگا کرتے تھے۔

25/02/2026

قبولیت دعا کا بہترین اور آسان نسخہ

13/01/2026

ابوجُری جابر بن سُلَیم ؓ کہتے ہیں، میں نے نبی ﷺ سے کہا: مجھے کوئی نصیحت کیجئے. آپ ﷺ نے فرمایا:

"کسی کو بھی ہرگز گالی نہ دینا."

کہتے ہیں، پس اِس کے بعد سے میں نے کسی کو بھی گالی نہیں دی. نہ آزاد کو، نہ غلام کو، نہ اونٹ کو اور نہ بکری کو.

ابوداؤد 4084
(مسند احمد 16733، 20908، 20912؛ السلسلة 442؛ ابی شیبہ 27106؛ مشکوٰۃ 1918)