20/05/2026
( لیکن یہاں الٹی گنگا بہہ رہی ہے)
اکثر لوگ کہتے ہیں کہ ننیال والے بچوں سے زیادہ پیار کرتے ہیں…
پر میں نے اپنے اردگرد ہمیشہ یہی دیکھا ہے کہ چاہے نانا نانی ہوں یا دادا دادی، اگر دل میں محبت ہو تو دونوں ہی اپنے نواسے نواسیوں اور پوتے پوتیوں سے بےحد پیار کرتے ہیں۔
مجھے الحمدللّٰہ بچپن میں ننیال سے بھی بہت محبت ملی اور ددھیال سے بھی۔
اور آج میری بیٹیوں کو بھی ماشاءاللّٰہ دونوں طرف سے بھرپور محبت مل رہی ہے۔
میری بڑی بیٹی جب بہت چھوٹی تھی تو گرمی بہت زیادہ پڑ رہی تھی۔ ہم الگ رہتے ہیں لیکن جب میری ساس کو پتا چلا کہ بچی کو گرمی بہت لگتی ہے تو انہوں نے صرف باتوں تک محدود نہیں رکھا بلکہ فوراً کولر لے دیا تاکہ ان کی پوتی سکون میں رہے۔
محبت صرف پیسے دینے کا نام نہیں ہوتی…
اصل پیار وہ احساس ہوتا ہے جو کسی کے آرام، تکلیف اور خوشی کی فکر میں نظر آتا ہے۔
اور ایک بات جو مجھے ہمیشہ اپنی ساس کی بہت اچھی لگتی ہے کہ انہوں نے کبھی بیٹا یا بیٹی کی خواہش ظاہر نہیں کی۔ جب میری دوسری بیٹی ہونے والی تھی تو انہوں نے بس یہی کہا تھا:
“اللّٰہ جو بھی دے، صحت سے دے۔”
اللّٰہ میری ساس کا سایہ ہمیشہ میرے بچوں، میرے میاں اور ہم سب پر سلامت رکھے۔ آمین۔
