Modern Sports Swabi

18/10/2025

10/10/2025

21/06/2023

پاک بھارت ٹاکرا!! 🖤

آج شام سات بجے پاکستان اور بھارت کی فٹبال ٹیمیں ساؤتھ ایشین فٹبال چیمپئن شپ میں مدمقابل ہوں گی ۔ ایک جانب وہ بھارت ہے جو ورلڈکپ میں کوالیفائی کرنے کے خواب دیکھ رہا ہے اور دوسری جانب پاکستان ہے جو مسلسل آٹھ میچز سے شکست کھا رہا ہے ۔ پاکستان کی فٹبال کی ٹیم کبھی بھی اچھی نہیں رہی لیکن پابندی سے پہلے یہ ٹیم پھر بھی مقابلہ کرلیتی تھی، ہم بھارت کو 2014 میں ہرا بھی چکے ہیں لیکن آج امید لگانا بہت مشکل ہے ۔ بھارت کی ٹیم مسلسل تین میچز میں جیتتی آرہی ہے اور ایک تینوں میچز میں ایک بھی گول نہیں کھایا جبکہ پاکستان نے کوئی سات میچز بعد گزشتہ میچ میں ایک گول کیا تھا ۔ بھارت کی ففیا رینکنگ 101 اور پاکستان کی 195 ہے لیکن پھر بھی ان لڑکوں سے امید ہے اور ایک دو گولز سے شکست بھی مجھے تو غنیمت ہی محسوس ہوگی ۔

پاکستان پانچ سال بعد پہلا ساف ٹورنامنٹ کھیل رہی ہے، گزشتہ آٹھ سالوں میں پاکستان نے صرف بارہ میچز کھیلے ہیں اور بھارت اس دوران 70 سے زائد میچز کھیل چکا ہے ۔ اس لیے یہ لڑکے ہارتے بھی ہیں تو خدارا مذاق کا نشانہ نہ بنائیے گا، بلکہ صرف اس بات پر خوش ہوں کہ بالآخر پاکستان فٹبال کھیل رہا ہے ۔ پاکستان بہت مشکل سے بھارت پہنچا ہے، آج صبح پاکستان کی ٹیم بالآخر بینگلور پہنچی ہے اور پاکستان نے اس وجہ سے میچ کسی اور دن کروانے کی درخواست بھی کی تھی لیکن وہ قبول نہیں ہوئی ۔

پاکستان کی ٹیم کا تعارف کروائے دیتے ہیں ۔ پاکستان کے نمایاں کھلاڑیوں میں جن کا ذکر زیادہ سننے کو ملتا ہے حسن بشیر (نمبر 10، سینٹر فارورڈ، کپتان)، اوٹس خان (نمبر 7، فارورڈ، اٹیکنگ مڈ فیلڈر)، ہارون حمید (نمبر 11، فارورڈ ونگر)، عبداللہ اقبال (نمبر 4، ڈیفینسو مڈ فیلڈر)، رئیس نبی (نمبر 8، مڈ فیلڈر)، عیسی سلیمان (نمبر 5، ڈیفینڈر) ہیں ۔

پاکستان کی حالیہ پرفارمنسز میں سے 102 رینک کینیا کے خلاف پرفارمنس کافی بہتر تھی جس میں پاکستان 1 0 سے ہارا تھا اور وہ گول بھی شروع میں بدقسمتی سے ہوگیا تھا، جس پر ہینڈ بال کا بھی امکان تھا ۔ پھر پاکستان کو اس میچ میں ڈرا کا بھی چانس ملا تھا تو اس وجہ سے امید بہرحال ہے لیکن حقیقت بھی سامنے رکھنی چاہیے ۔ 🙂

بس آف لک ٹیم پاکستان 🇵🇰🤍

تحریر : Muhammad Saalim

23/02/2023

[چوتھا حصہ میسی کی شاندار واپسی اور ٹربل یعنی تین انٹرنیشنل کپ لگاتار جیتنا]
میسی کے انٹرنیشنل میچوں میں پھر سے ہارنے کے بعد میڈیا یہ کہہ رہا تھا کے شاید اب وہ دوبارہ کبھی انٹرنیشنل میچ نا کھیلے اور اس بارے میں ویسے میڈیا کچھ اتنا غلط بھی نہیں تھا کیونکہ میسی واقعی میں ریٹاہرمنٹ پر غور کر رہا تھا لیکن میسی کو ایسے شخص کی بات ماننی پڑی جسے وہ بچپن سے اپنا آہیڈیل مانتا ہے، اور وہ شخص ہے پابلو آہیمار جو کے ارجنٹیاہن کے سب سے بہترین پلیرز میں سے ایک رہا ہے، اسکے علاوہ یہاں پر ایک اور لیونل کا ذکر نا کرنا بھی زیادتی ہو گی، اور وہ لیونل ہے لیونل سکالونی
لیونل سکالونی جو کے حادثاتی طور پر ہی ارجنٹاہن کا کوچ بنا
وہ اصل میں اسسٹنٹ کوچ تھا اور میسی کے ساتھ 2006 کا ورلڈ کپ ایک پلیر کے طور پر کھیل بھی چکا تھا ، ارجنٹاہن کی فٹ بال فیڈریشن اسے کوچ نا بناتی لیکن ان کے پاس اتنے پیسے ہی نہیں تھے کے وہ کسی اور کو کوچ بنا پاتے، لیونل سکالونی نے کوچنگ کی شروعات سولیا کے کلب سے کیں اور پھر اسے ارجنٹاہن کی یوتھ ٹیم کا کوچ بنا دیا گیا، سکالونی 2008 کے ورلڈکپ میں سینیر ٹیم کے ساتھ موجود تھا لیکن اسوقت کے کوچ اور مینیجر سیمپالونی سے ٹیم کا جھگڑا ہو گیا، اور جب ورلڈکپ ختم ہوا تو اس کے بعد ارجنٹاہن کی فٹ بال فیڈریشن نے سب سے پہلے ماریسیو پوچاٹینو [جو اسوقت ٹوٹنھیم کا مینیجر تھا] ڈیگو سیمون [اتھلیٹیکو میڈرڈ] اور مارسیلو گیلارڈو [ریور پلیٹ] کے مینیجروں سے بات کی
لیکن ان میں سے کسی سے بھی ان کی بات نا بنی، پھر سکالونی سے کہا گیا کہ وہ سینیر ٹیم کے مینیجر اور کوچ کے طور پر کام کرے، جسے اس نے قبول کر لیا
سکالونی کے پاس کوچنگ کا کوئی خاص تجربہ نہیں تھا، کیونکہ 2015 میں وہ پلیر کے طور پر ریٹاہر ہوا تھا اور 2016 سے وہ کوچنگ کر رہا تھا اور محض دو سال کے بعد ہی وہ اب ارجنٹاہن کی سینیر ٹیم کا کوچ بن گیا

اس پر لیکن شدید تنقید بھی ہوئی، جس کو کرنے والوں میں میراڈونا تک شامل تھا لیکن اس کا اس نے کبھی کوئی جواب نہیں دیا اور خاموشی سادھے رکھی
لیکن کوچ بننے کے بعد اس نے ٹیم میں بڑی تبدیلیاں کیں
اس کی کوچنگ میں ٹیم 2019 کے کوپا امریکا کے سیمی فاہنل میں پہنچی لیکن وہ سیمی فاہنل میں برازیل سے ہار گئی، جس کے بعد میسی نے ریفری کے فیصلوں کو شدید تنقید کا نشانہ بنایا اور یہ بھی کہا کے ریفری کے فیصلے ایسے تھے جیسا کے وہ جان بوجھ کر برازیل کو جتوانا چاہتے ہوں
میسی کے اس بیان نے جیسے آگ سی لگا دی، اور اس کے بعد اسے1500 ڈالر جرمانے کے ساتھ ایک میچ کے لئے بین کر دیا گیا
لیکن پھر اس بین کر بڑھا کر تین مہینے تک کر دیا گیا اور جرمانہ بھی 50000 ڈالر کر دیا گیا
2021 کے کوپا امریکہ سے لیکن میسی کی انٹرنیشنل کامیابیوں کا سلسلہ شروع ہوتا ہے، یہ پہلا موقع تھا کے میسی کے گرد بالکل نوجوان کھلاڑی اس کی مدد کے لئے دیے گئے کوچ سکالونی کی طرف سے، تاکہ وہ اپنے پلے میکنگ رول کو پوری طرح نبھا سکے ، بے شک اس دوران میں وہ گول نا کر پائے
کیونکہ سکالونی کو اندازہ تھا کے اپنے کیریر کے اس وقت میں وہ پلے میکر کا کردار ہی اگر نبھائے گا تو ارجنٹاہن کے جیتنے کے چانس زیادہ سے زیادہ بنیں گے
ویسے بھی ورلڈ کپ اچھے اسٹراہیکر سے زیادہ پلے میکرز نے جتوائے ہیں
1990 میں میراڈونا اپنی ٹیم کو فاہنل تک لے گیا تھا، اس ٹورنامنٹ میں وہ پلے میکر کے طور پر کھیل رہا تھا اور اس نے پورے ٹورنامنٹ میں اسٹراہیکر کے طور پر کوئی خاص کارکردگی نہیں دکھائی تھی
اسی طرح 1994 میں اٹلی کر طرف سے رابرٹو بیجیو نے یہ کردار نبھایا تھا، 1998 میں زیدان نے اور اس نے ورلڈ کپ جتوا بھی دیا فرانس کو،2002 کے ورلڈ کپ میں روالڈو اور رونالڈینیو اور 2006 کے ورلڈ کپ میں زیدان اپنی ٹیم کو فاہنل تک لے جانے میں کامیاب رہا، اگر وہ غصے میں آ کر مشہور زمانہ ٹکر نا مارتا تو شاید اپنی ٹیم کو دوسری دفعہ ورلڈ کپ جتوا جاتا
2010 کا ورلڈ کپ تو مکمل طور پر مڈ فیلڈرز اور پلے میکرز کا ورلڈ کپ رہا
سپین کو ورلڈکپ جتوانے والے آندرے انیسٹا جس نےفاہنل میں گول بھی کیا تھا اوروہ اس میچ کا واحد گول تھاوہ بارسلونا کا شاندار پلے میکر اور مڈ فیلڈر تھا، اس کا ساتھ دینے کے لئے ژیوی بھی موجود تھا
جبکہ مین آف دی ٹورنامنٹ ڈیگو فورلان بھی یوروگوائے کا شاندار مڈ فیلڈر اور پلے میکر تھا
اسی وجہ سے سکالونی نے میسی کو لیفٹ ونگ جہاں وہ بارسلونا کی طرف سے کھیلتا رہا ہےوہاں پر بنیادی پوزیشن دی
اسکے علاوہ اس کا ساتھ دینے کے لئے اس نے انٹر میلان کے اسٹراہیکر لورینٹو مارٹینیز کو سینٹر میں اسٹراہیکر کا رول دیا، جبکہ اس نے میسی کو زیادہ سے زیادہ پاس دینے کے لئے مڈ فیلڈرز کی لاہن لگا دی
اس میں ڈی پال، میک الیسٹر، مولینا، فرنانڈیز اور ایکیونیا شامل تھے، جبکہ میسی کا کام زیادہ سے زیادہ گولز کو اسسٹ کروانا تھا
اس رول میں کوچ سکالونی کےاس نئے سیٹ اپ نے کمال کر دیا
2021 کے کوپا امریکا میں ارجنٹاہن نے گروپ سٹیج بغیر کسی بھی مشکل کے عبور کر لی، اس دوران میں میسی نے ارجنٹاہن کی طرف سے سب سے زیادہ میچوں کو کھیلنے کا ریکارڈ بھی قاہم کیا، وہ اسوقت تک ڈیڑھ سو میچ کھیل چکا تھا
کواٹر فاہنل میں ارجنٹاہن نے ایکواڈور کو 3-0 سے ہرایا، اس میچ میں میسی نے دو دفعہ گول اسسٹ کئے اور فری کک پر مزید ایک گول کر دیا
سیمی فاہنل میں کولمبیا سے مقابلہ 1-1 سے برابر رہا اور بات پنیلٹیز پر چلی گئی، سب کو ڈر تھا کے جس طرح چلی سے دو دفعہ فاہنل میں پنیلٹیز پر پہلے ارجنٹاہن ہارا تھا کہیں پھر سے وہی کام نا ہو جائے
لیکن اس میچ کا ہیرو ارجنٹاہن کا گول کیپر ثابت ہوا، جو کے ان کے اصل گول کیپر کے زخمی ہو کر میچ نا کھیل پانے کی وجہ سے گول کیپر سلیکٹ ہوا تھا، اس گول کیپر کا نام ایمی مارٹینیز ہے
اس میچ میں اس کی بدولت ارجنٹاہن 3-2 سے جیت کر فاہنل میں پہنچ گیا
فاہنل میں اس کا مقابلہ اس وقت کی چیمپین اور عالمی نمبر ایک برازیل سے ہوا، ارجنٹاہن نے وہ میچ اینجل ڈی ماریا کے گول کے بعد 1-0 سے جیت لیا

میسی نے پہلی دفعہ سینیر لیول پر اپنے ملک کو کوئی انٹرنیشنل ٹرافی جتوائی تھی اور یہ 1993 کے بعد یہ ان کی پہلی ٹرافی تھی
اس ٹورنامنٹ میں میسی نے شاندار کھیل کا مظاہرہ کیا، ارجنٹیاہن کے بارہ میں سے نو گولوں میں اس کی براہِ راست شمولیت تھی، اس نے چار گول خود کئے اور پانچ اس نے اسسٹ کئے، اس کارکردگی پر اسے مین آف دی ٹورنامنٹ کا خطاب دیا گیا اور سب سے زیادہ گول کرنے پر گولڈن بوٹ بھی ملا
اس کے بعد ارجنٹاہن کی طرف سے ایک اور بڑی ٹرافی ویمبلے اسٹیڈیم انگلینڈ میں ملی
یہ کوئی ٹورنامنٹ نہیں بلکہ یورپین چیمپین اٹلی اور کوپا امریکا چیمپین ارجنٹاہن کے درمیان ایک ہی میچ پر مشتمل ٹرافی تھی جسے فاہنلزما کہا جاتا ہے
اس میچ میں بھی میسی کا جادو سر چڑھ کر بولا، اس کے دو اسسٹ کے ساتھ ارجنٹاہن نے 3-0 سے باآسانی کامیابی حاصل کی
اس میچ کو دیکھنے کے بعد یہ اندازہ ہو جاتا ہے کے اگر یورپین چیمپین اٹلی بھی اس قدر زیادہ بے بس ہے لیونل سکالونی کی ٹیم کے آگے تو پھر اس دفعہ ارجنٹاہن کو ورلڈکپ میں کون روک پائے گا؟
اٹلی کی اس ٹیم کے پاس ایک ایسا ریکارڈ بھی تھا جو کے طلسماتی کہا جا سکتا ہے، اٹلی کی یہی ٹیم 2018 سے 2021 تک مسلسل 37 میچوں میں ناقابل شکست بھی رہی تھی لیکن ارجنٹاہن کی اس ٹیم کے سامنے وہ جیسے فٹ بال کھیلنا ہی بھول گئے ، اور 3-0 سے نہایت ہی آرام سے میچ ہار گئے
ارجنٹاہن کی مڈ فیلڈ نے اٹلی کی چیمپین ٹیم کو کوئی ایسی موو بنانے ہی نہیں دی جس سے انہیں کوئی خطرہ ہوتا
ارجنٹاہن کی طرف سے میسی نے دو گولز کو اسسٹ کیا

اس کے بعد ورلڈ کپ کی تیاری کے لئے کھیلے گئے میچ میں ارجنٹاہن نے اسٹونیا کو 5-0 سے ہرا دیا
اس میچ کی خاص بات یہ ہے کے یہ پانچوں کے پانچوں گول میسی نے کئے ہیں، اسطرح میسی نے ساوتھ امریکن فٹ بالر کے طور پر سب سے زیادہ انٹرنیشنل گول کرنے کا ریکارڈ جو کے پیلے کے پاس تھا اسے توڑ دیا 79 گول کر کے، جبکہ انٹرنیشنل گولز میں وہ فرینک پسکاز سے بھی آگے نکل گیا
لیکن وہ ایک ٹرافی جس کو حاصل کرنے کے خواب وہ بچپن سے دیکھ رہا تھا وہ اس کے دسترس سے تا حال دور تھی
وہ ٹرافی ورلڈ کپ تھی، اور ورلڈ کپ پہلی دفعہ فٹ بال کے یورپین سیزن کے عین درمیان یعنی نومبر اور دسمبر میں ہونا تھی

29/01/2023

[تیسرا حصہ، میسی کی واپسی اور دھیرے دھیرے انٹرنیشنل میچوں میں جیت]
میسی کی ریٹاہرمنٹ کے اعلان کے بعد ارجنٹاہن میں اس کی ریٹاہرمنٹ کے فیصلے کو واپس لانے کی جدوجہد شروع ہو گئی
اب وہاں کی عوام کو اس کی اہمیت کا احساس ہونا شروع ہوا، وہاں پر ساہن بورڈز نظر آنا شروع ہو گئے جن پر لکھا ہوتا تھا کے مت جاوُ لیو
وہاں کے صدر نے میسی پر زور دیتے ہوئے کہا کے، ہم بہت خوش قسمت ہیں، یہ ہماری زندگیوں کے سب سے پرلطف لمحات ہوتے ہیں جب ہم اسے کھیلتا دیکھتے ہیں کیونکہ خدا نے ہماری فٹ بال کھیلنے والی قوم کو سب سے بہترین فٹ بال کھیلنے والا فٹ بالر عطا کیا ہے، ہمیں اس کی قدر کرنی چاہیے
بیونس آہرس کے میر لاریٹا نے اس کا قد آدم سٹیچو بھی بنوا کر شہر میں نصب کروا دیا

میسی کو واپس لانے کی مہم کے لئے بالآخر کوششیں رنگ لے آئیں اور اپنی ریٹاہرمنٹ کے فیصلے کے چھے ماہ بعد ہی یہ کنفرم ہو گیا کے وہ اپنی نیشنل ٹیم کے لئے دستیاب ہو گا، اور اسلئے اس کا نام پھر سے ٹیم میں شامل بھی کر لیا گیا
کیونکہ اس کی غیر موجودگی میں ٹیم کی پرفارمنس بالکل گر چکی تھی اور 1970 کے بعد پہلی دفعہ یہ تک خدشہ پیدا ہو گیا تھا کے ارجنٹاہن 2018 کے ورلڈ کپ کے لئے شاید کوالیفائی ہی نا کر پائے
لیکن پھر میسی کی واپسی کے بعد اس کی ٹیم نے یوروگوائے کو 1-0 سے شکست دے دی
لیکن اسے چلی کے ریفری سے بدتمیزی کرنے پر 4 میچوں کے لئے بین کر دیا گیا اور اس پر 10000 کا جرمانہ بھی کر دیا گیا، ارجنٹاہن کی فٹ بال فیڈریشن نے اس کے خلاف اپیل کی اور اس کا بین واپس ہو گیا، جس کے بعد ارجنٹاہن کو ہر صورت میں ایکواڈور کے خلاف اپنا آخری کوالیفاہنگ میچ جیتنا تھا نہیں تو وہ ورلڈ کپ کے لئے کوالیفائی ہی نا کر پاتے
ارجنٹاہن ایکواڈور کے خلاف 2001 سے کوالیفاہینگ میچوں میں کبھی جیت ہی نہیں سکا تھا، اور میچ کے شروع میں ہی اسےایک گول بھی پڑ گیا، لیکن پھر میسی نے شاندار فارم کا مظاہرہ کرتے ہوئے اس میچ میں ہیٹ ٹرک کی اور ارجنٹاہن وہ میچ 3-1 سے جیت گیااور اس نے ورلڈ کپ کے لئے بھی کوالیفائی کر لیا
لیکن 2018 کے ورلڈ کپ میں 1970 کے بعد یہ پہلا موقع تھا کے ارجنٹاہن کو فیورٹ میں سے قرار نہیں دیا جا رہا تھا
اس کی بنیادی وجہ ورلڈ کپ کوالیفاہنگ میچوں میں ارجنٹاہن کی بری پرفارمنس تھی اور وہ آخری ٹیم تھی جس نے لاطینی امریکن گروپ میں سے ورلڈ کپ کے لئے کوالیفائی کیا تھا
اسکے علاوہ ارجنٹاہن کی ٹیم ورلڈکپ سے پہلے دوستانہ میچ میں سپین سے 6-1 سے ہار گئی

ورلڈ کپ شروع ہوا تو پہلے ہی گروپ میچ میں آئس لینڈ کی ٹیم سے ارجنٹاہن کا میچ 1-1 گول سے برابر ہو گیا، حالانکہ آئس لینڈ کے خلاف کھیل کے آخری لمحات میں ارجنٹاہن کو پنیلٹی بھی ملی لیکن میسی کی پنیلٹی کو آئس لینڈ کے گول کیپر نے روک لیا
دوسرے گروپ میچ میں ارجنٹاہن کی ٹیم کروایشیا کی ٹیم سے 3-0 سے بری طرح ہار گئی اور یہ خدشہ بھی پیدا ہو گیا کے وہ اب اگلے راونڈ کے لئے بھی کوالیفائی کر پائے گی یا نہیں؟
آخری گروپ میچ میں ارجنٹاہن کا مقابلہ ناہیجیریا سے ہوا جو اسے ہر حال میں جیتنا تھا
اور اس میچ میں ارجنٹاہن کی ٹیم نے 2-1 سے میچ جیت کر اگلے راونڈ کے لئے کوالیفائی کر لیا
اس میچ میں میسی نے پہلا گول کیا جسے گول آف دی ٹورنامنٹ کے لئے بھی نامزد کیا گیا، یہ اس کے کمزور پاوْں یعنی داہنے پاوْں سے کیا گیا ایک شاندار گول تھا
راونڈ آف 16 یعنی ناک آوٹ راونڈ میں ارجنٹاہن کا مقابلہ اس ٹورنامنٹ کی فاتح ٹیم فرانس سے ہوا
یہ ایک ہائی وولٹیج مقابلہ ثابت ہوا، دونوں ٹیموں نے شروع سے ایک دوسرے کے گول پر تابڑ توڑ حملے کیے
پہلی کامیابی مباپے کو حاصل ہوئی جس نے فرانس کی طرف سے پہلے پنیلٹی حاصل کی اور اس پر انٹونیو گرزمین نے گول بھی کر دیا
اس کے بعد اینجل ڈی ماریا نے وہ گول شاید ٹورنامنٹ کےدوسرے سب سے شاندار گول سے اتارا، جو کے اس نے گول سے تقریباً 35 گز کے فاصلے سے کیا
پہلے ہاف کے اختتام پر مقابلہ 1-1 گول سے برابر ہو گیا
لیکن دوسرے ہاف کے شروع میں میسی کے پاس پرمرکاڈو نے گول کر دیا، یہ برتری لیکن زیادہ دیر تک برقرار نا رہ سکی اور فرانس کی طرف سے بینجمن پوارڈ نے گول آف دی ٹورنامنٹ کے ذریعے سے یہ برتری اتار دی، اس نے بھی ایسی کک ماری جو کے سوہنگ ہوتی ہوئی اندر آئی اتنے ہی فاصلے سے جتنے فاصلے سے انیجل ڈی ماریا نے گول کیا تھا
اس کے بعد فرانس کی طرف سے مباپے نے دو شاندار گول کر کے ارجنٹاہن کی ٹیم کی تمام امیدوں کو مکمل طور پر ختم کر دیا
یہ وہ میچ ہے جس کے ذریعے سے مباپے نے انٹرنیشنل لیول پر اپنی آمد کا اعلان کیا اور میسی سے اپنی مسابقت کی شروعات کر دیں ، اسوقت اس کی عمر صرف 19 سال تھی
میسی کے اسسٹ پر پھر سے سرجیو اگویرو نے گول کر دیا لیکن اب بہت دیر ہو چکی تھی
اور فرانس وہ میچ 4-3 سے جیت گیا اور پھر ورلڈکپ بھی اسی کے نام ہوا، لیکن وہ میچ پچھلے ورلڈ کپ کا سب سے شاندار میچ ثابت ہوا اور جس کسی نے وہ میچ نہیں دیکھا اس کے لئےکم از کم اس کی ہائی لاہیٹس کا دیکھنا ضروری ہے
1998 میں فرانس کے پہلے ورلڈ کپ کے جیتنے کے بعد وہ دوسری دفعہ ورلڈ کپ جیتا تھا
اس کے بعد میسی نے اعلان کیا کے وہ اس سال کے باقی کے کسی انٹرنیشنل میچوں میں حصہ نہیں لے گا
اس دوران میں اس کا سٹیچو جو کے بیونس آہریس میں تھا اسے وہاں کی ناراض عوام نے دو دفعہ توڑا، ایک دفعہ اسے گھٹنوں سے کاٹ دیا گیا جبکہ دوسری دفعہ تو ورلڈ کپ میں ہارنے کے بعد پاوں سے اوپر سے توڑ دیا گیا

میسی کے انٹرنیشنل ٹورنامنٹس کے ہارنے اوراس کے اپنی ٹیم سے غیر حاظر ہونے کی وجہ سے میڈیا میں یہ تاثر پیدا ہونے لگ گیا تھا کے وہ شاید پھر سے انٹرنیشنل میچوں سے ریٹاہرمنٹ لے لے گا لیکن مارچ 2019 میں اسے اپنی انٹرنیشنل ٹیم میں پھر سے بلایا گیا

20/01/2023

[حصہ دوہم، میسی کے انٹرنیشنل کیریر کی شروعات، اور ریٹاہرمنٹ]
2004 میں میسی کی شروعات سے لے کر 2016 تک میسی کا انٹرنیشنل کیریر اتار چڑھاو کا شکار رہا
2006 کے ورلڈ کپ میں ارجنٹائن کی ٹیم کواٹر فاہنل میں جرمنی سے پنیلٹیوں پر 4-2 کے سکور سے ہار کر باہر ہو گئی، لیکن اس میچ میں کوچ پیکیمین نے اسے کھلایا ہی نہیں تھا جس پر اسے ارجنٹائن میں شدید تنقید کا نشانہ بنایا گیا
2007 میں ارجنٹائن کوپا امریکا کے فاہنل میں 3-0 سے ہار گئی
اس دوران میں میسی ارجنٹائن کی طرف سے محض اولمپکس میں گولڈ میڈل حاصل کرنے میں کامیاب ہوا اور
2008 کے اولمپکس میں ارجنٹائن نے گولڈ میڈل جیتا جس میں میسی نے کلیدی کردار ادا کیا

2010 کے اولمپکس سے پہلے ارجنٹائن نے میراڈونا کو کوچ کے طور پر رکھا، اس بات میں کوئی شک نہیں کے میراڈونا ایک عظیم پلیر تھا لیکن وہ ایک اچھا کوچ ثابت نا ہو پایا
ورلڈ کپ میں ارجنٹائن بمشکل کوالیفائی کر پایا وہ بھی اپنے آخری میچ میں یوروگوائے کو 1-0 سے ہرا کے
میسی کو اس ورلڈ کپ کے لئے کپتان بنایا گیا، لیکن کوچ میراڈونا نے اپنے پلیرز کو کھلی چھٹی دی ہوئی تھی کے وہ جب تک مرضی چاہیں باہر کلبوں میں جاہیں، رات کو دیر تک پارٹیاں کریں
یعنی ڈسپلن نام کی کسی شے کو اپنے قریب بھی نا آنے دیں
کیونکہ میراڈونا کا خود بھی اپنے سارے کیریر میں یہی وطیرہ رہا تھا
نتیجہ کواٹر فاہنل میں جرمنی کے ہاتھوں بدترین شکست کی صورت میں نکلا اور ارجنٹائن 4-0 سے بری طرح ہار گئی جو کے ان کی 1974 کے ورلڈ کپ کے بعد سے اب تک کی سب سے بدترین شکست تھی
ارجنٹائن کی عوام اس شکست پر غصے سے پاگل ہو گئی، انہوں نے میراڈونا سمیت میسی کو آڑے ہاتھوں لیا
اور اس کے بعد بالآخر میراڈونا کو گھر جانا پڑ گیا
2011 کے کوپا امریکا کےکواٹر فاہنل میں کوچ سرگیو بٹیسٹانے اگرچہ میسی کی خوائش اور منشا کے مطابق ٹیم کی فارمیشن رکھی لیکن پھر بھی وہ یوروگوائے سے پنیلٹیز پر 5-4 سے ہار کر باہر ہو گئے
اس ٹورنامنٹ کے دوران پہلی مرتبہ میسی کے خلاف ارجنٹائن ہی کی عوام نے نعرے بازی کی اور اس پر فقرے کسے
اس ٹورنامنٹ کے بعد پھر سے کوچ کو تبدیل کر دیا گیا، نئے کوچ الجینڈرو سبیلانے سب سے پہلے آتے ساتھ ہی ٹیم میں ڈرامائی تبدیلیاں کیں اور ژیویر مشرانو سے کپتانی واپس لے لی، اور میسی کے ساتھ فارورڈ لاہن سے کارلو ٹیویز کی جگہ ان بندوں کو واپس لایا جنہوں نے میسی کے ساتھ مل کے اولمپکس میں گولڈ میڈل جیتا تھا، ان میں فارورڈ لاہن میں گونزالو ہیگوین، اینجل ڈی ماریا اور سرجیو اگویرو شامل تھے
کپتانی میسی کو دے دی گئی اور اس فارمیشن کے ساتھ انہیں رزلٹ بھی ملنا شروع ہو گئے
میسی جس نے پچھلے کوچز کے زمانے میں 61 میچوں میں صرف 17 گول سکور کئے تھے، اور پچھلے ڈھائی سال سے تو کوئی انٹرنیشنل گول کیا ہی نہیں تھا وہ ایک خطرناک قسم کی گول سکورنگ مشین بن گیا، اس نے اگلے تین سالوں میں 32 میچوں میں 25 گول کر ڈالے، اب آہستہ آہستہ وہ ایک لیڈر کے رول میں ڈھلتا جا رہا تھا
اس دوران میں اس نے انٹرنیشنل میچوں میں تین ہیٹ ٹرکس بھی بنا ڈالیں
2014 کے ورلڈ کپ سے پہلے اس کی فارم پر بہت سارے سوالیہ نشانات کھڑے ہو گئے تھے، اس کے کلب بارسلونا کی طرف سے بھی وہ انجری کی وجہ سے زیادہ میچز نہیں کھیل پایا تھا لیکن ورلڈ کپ سے پہلے وہ فٹ ہو گیا
اس ورلڈ کپ کی شروعات کے پہلے چار میچوں میں وہ مین آف دی میچ قرار پایا، اور بوسنیا کے خلاف گول سکور کر کے اس نے بالآخر ورلڈ کپ میں اپنا پہلا گول بھی سکور کر دیا، اس کے بعد اس نے گروپ سٹیج کے میچوں میں شاندار کاکردگی دکھائی اور ایران کے خلاف اس نے دوسرے ہاف کے انجری ٹاہم میں شاندار گول کر دیا، اس گول کی خاص بات یہ تھی کے ایران کے تمام کھلاڑی اسوقت میسی کے سامنے اپنی ڈی میں کھڑے ہوئے تھے لیکن وہ سب بھی میسی کو روکنے میں ناکام رہے، اگلا میچ جو ناہیجیریا کے خلاف تھا اس میں بھی میسی نے دو گول کئے اور دوسرا گول فری کک پر کرتے ہوئے گروپ سٹیج میں اپنی ٹیم کو پہلی پوزیشن دلا دی، ناک آوٹ سٹیج میں سوہٹزرلینڈ کو 1-0 سے ہرایا اور پھر سے بیلجیم کو بھی 1-0 سےہرا کر سیمی فاہنل کے لئے کوالیفائی کر لیا جہاں اس کا مقابلہ نیدر لینڈ سے ہوا
مقررہ وقت تک مقابلہ 0-0 سے برابر رہنے کی وجہ سے مقابلہ پنیلٹیز پر گیا اور وہاں پر ارجنٹاہن یہ مقابلہ با آسانی 4-2 سے جیت کر فاہنل کے لئے کوالیفائی کر گیا
فاہنل میں ارجنٹاہن کا مقابلہ جرمنی سے ہوا، جرمنی جو کے میزبان برازیل کو 7-1 سے بدترین شکست دے کر فاہنل میں پہنچا تھا اسے اس فاہنل میں اسلئے بھی ذہنی سبقت حاصل تھی چونکہ پچھلے دونوں ورلڈکپ میں یہ جرمنی ہی تھا جس نے ارجنٹاہن کو کواٹر فاہنل میں ہرا کر ورلڈ کپ سے باہر کر دیا تھا، اور اگر وہ
اس دفعہ دوبارہ سے ارجنٹاہن کو ہرا دیتا تو نا صرف وہ ورلڈ کپ جیت جاتا بلکہ وہ مسلسل تیسری دفعہ ارجنٹاہن کو ہرا کر ہیٹ ٹرک مکمل کر لیتا
میچ کی شروعات سے لے کر آخر تک اگرچہ ارجنٹاہن نے بہت شاندار کھیل پیش کیا، لیکن وہ گول نا کر پائے، میسی نے گول کیا لیکن وہ آف ساہیڈ تھا، اسی طرح گونزالو ہیگوین کو گول کرنے کا سنہرا موقع ملا لیکن وہ اسے گول میں تبدیل نا کر پایا
میچ ایکسٹرا ٹاہم میں چلا گیا، اسوقت جرمنی کے کوچ نے ایک تبدیلی ایسی کی جسے کوئی سمجھ نہیں پایا، کیونکہ وہ تبدیلی باہرن میونخ کی طرف سے کھیلنے والے ماریو گوہٹزے کی تھی، جو کے اس سے پہلے اپنے کلب کی طرف سے بھی ریگولر کھیلنے والا نہیں تھا
لیکن یہ تبدیلی جرمنی کو راس آ گئی اور ماریو گوہٹزے نے ایکسٹرا ٹاہم کے بھی بالکل آخر میں ایک شاندار گول کر دیا کھیل کے117 ویں منٹ میں، اسکے بعد ارجنٹاہن کو صرف ایک آخری موقع ملا 30 گز کے فاصلے سے فری کک پر گول کرنے کا، لیکن میسی کی لگائی ہوئی کک باہر چلی گئی اور ارجنٹاہن فاہنل ہار گیا، اور اسکے ساتھ ہی جرمنی نے ارجنٹاہن کو ہرانے کی ہیٹ ٹرک بھی مکمل کر لی
میسی کو اگرچہ اس ٹورنامنٹ میں بہترین کھیل پیش کرنے پر گولڈن بال یعنی مین آف دی ٹورنامیٹ ملا لیکن اس کی ایک تصویر اسوقت بھی بہت واہرل ہوئی تھی جس میں وہ ورلڈ کپ کی ٹرافی کو حسرت کی نگاہوں سے دیکھ رہا ہے جس کو حاصل کرنے کو وہ بالکل قریب پہنچ کر بھی اسے پا نہیں سکا

اس ورلڈ کپ کے بعد میسی کو ایسا پلیر قرار دیا گیا جو اگرچہ اپنے کلب کی طرف سے تو شاندار کھیل پیش کرتا ہے لیکن انٹرنیشنل لیول پر وہ اپنے ملک کو ایک بھی بڑی ٹرافی نہیں جتوا پاتا
کئی سابق کھلاڑیوں نے اسے صرف کلب لیول کا کھلاڑی قرار دے دیا، کچھ کمینٹیٹرز نے تو اسے فراڈ تک قرار دے دیا
اسے یہ کہا گیا کے چونکہ اسے ژیوی اور انیسٹا [سپین کے دو لیجنڈری مڈ فیلڈرز جنہوں نے سپین کو 2010 ورلڈ کپ جتوایا تھا اور میسی کے ساتھ بارسلونا میں کھیلتے رہے ہیں] اسلئے بھی وہ انٹرنیشنل میچوں میں اتنا کامیاب نہیں ہے، اس سلسلے میں میں ایک کنیڈین کمینٹیٹر کا خصوسی ذکر کروں گا جس کا نام سڈ سی اک ژآرو Sid Seixeiroہے، اس نے نا صرف یہ تمام اوپر کہی گئی باتیں اپنے شو پر کیں، بلکہ یہ بھی کہا کے جو بھی شخص میسی کو ایک اچھا پلیر سمجھتا ہے اسے اپنا دماغی معاہینہ کروانا چاہیے، اس کا میسی کے بارے میں کلپ بہت واہرل ہوا تھا

یہ الگ بات ہے کے آجکل وہ اس بارے میں بات نہیں کرتا، اور اس کے مطابق وہ غلط تھا
میسی سے بھی کچھ صحافیوں نے پوچھا کے تمھیں کوئی پشیمانی تو نہیں ہے کے اگر تم سپین کی طرف سے ورلڈ کپ کھیلتے تو 2010 کے ورلڈ کپ چیمپین ہوتے، اس پر اس نے کہا کے بچپن سے میرا خواب صرف ارجنٹاہن کی طرف سے ورلڈکپ جیتنا تھا جیسا کے میراڈونا نے جیتا تھا
لیکن وہ جتنا مرضی اچھا کھیلے کچھ شے انسان کے اختیار میں نہیں ہوتیں
2015 اور 2016 کے دونوں سالوں میں ارجنٹاہن کوپا امریکہ کے فاہنل میں پہنچا، وہ پورا ٹورنامنٹ سب سے بہتر کھیلے، لیکن دونوں دفعہ وہ چلی سے پنیلٹیوں پر فاہنل ہار گئے
دوسرے فاہنل میں ہارنے کے بعد میسی نے دل چھوڑ دیا، اورارجنٹاہن کی طرف سے ریٹاہرمنٹ کا اعلان کر دیا اپنے میچ کے آخر میں اس نے کہا کے کوئی مجھے یہ نہیں کہہ سکتا کے میں نے اپنے ملک کے لئے اپنی پوری کوشش نہیں کی، میں نے اپنی پوری کوشش کی لیکن اب ارجنٹاہن کی ٹیم سے میرا رشتہ آج سے ختم ہوتا ہے، میں نے فیصلہ کر لیا ہے
ارجنٹاہن کی طرف سے میسی نے انٹرنیشنل سطح پر اسوقت تک چھے فاہنل کھیلے تھے جس میں سے وہ صرف دو فاہنل ایک اولمپکس اور دوسرا انڈر 20 کا فاہنل ہی جیت پایا تھا.

Salman Farooq

16/01/2023

لیونل میسی کا انٹرنیشنل کیریر اور ارجنٹاہن کا ورلڈ کپ سفر

حصہ نمبر 1 ، کیریر کی شروعات

یہ آرٹیکل روزنامہ 92 نیوز کے 15 جنوری کے سنڈے میگزین میں بھی شائع ہو چکا ہے
ا گر اس سفر کو اگر شروع سے شروع کیا جائے تو اس سفر کی شروعات ہوتی ہیں سن ۲۰۰۰ سے جب ایک نو عمر لڑکا جو کے فٹ بال تو بہترین کھیلنے والا ہے لیکن اس کے ساتھ ایک بہت بڑا میڈیکل کا مسئلہ بھی جڑا ہوا ہے، اس لڑکے کی فیملی کے پاس اتنے پیسے موجود نہیں ہیں کے وہ اس لڑکے کے علاج معلاجے پر پیسہ خرچ کر سکیں،وہ مسئلہ تھا گروتھ ہارمون کی کمی کا، اور اس کی وجہ سے اس بچے کی نارمل بچوں کی طرح نشورنما نہیں ہو پا رہی تھی، اس زمانے میں گروتھ ہارمون کے انجیکشن کافی مہنگے آتے تھے [ویسے سستے ابھی بھی نہیں ہیں]
اگر اس کو اس وقت انجیکشن نا لگتے تو اس کا قد کاٹھ وہیں پر رک جانا تھا
اسوقت ان انجیکشنز کی فی مہینہ قیمت ۱۰۰۰ ڈالر تھی، اس کے باپ کی انشورنس سے دو سال تک تو اسے انجیکشن لگتے رہے لیکن پھر آخرکار انشورنس ختم ہو گئی اور اس کے باپ نے جس کلب کی طرف سے وہ لڑکا کھیلتا تھا اس سے امداد کا کہا، اس کلب نے پہلے تو وعدہ کر لیا لیکن بعد میں اپنے وعدے سے مکر گیا، اب اس کے باپ نے ملک کے سب سے بڑے کلب سے رجوع کیا لیکن انہوں نے بھی علاج کی حامی نہیں بھری
مجبوراً اس کے باپ کو ایک بہت مشکل فیصلہ کرنا پڑا جس نے اس لڑکے بلکہ دنیائے فٹ بال کی تاریخ بدل کر رکھ دی
اس لڑکے کے باپ کے پاس اب اس کے علاوہ کوئی چارہ باقی نہیں رہا کے وہ بمعہ اپنی فیملی کے اپنا ملک چھوڑ کر اس ملک میں چلا جائے جو کے اس کے بیٹے کے علاج پر پیسہ خرچ کر سکے
اس نے اسپین کے مشہور ترین کلب بارسلونا سے بات کی اور انہیں اپنے بیٹے کے کھیلنے کی ویڈیوز دکھاہیں
وہ ویڈیوز بارسلونا والوں کو اتنی پسند آہیں کے انہوں نے فوراً اس لڑکے کے والد سے معاہدہ کر لیا
اس لڑکے کا نام لیونل میسی ہے اور وہ بلاشبہ دنیا کا عظیم ترین فٹ بالر ہے

سن ۲۰۰۰ میں لیونل میسی نے بارسلونا کے جونیر ڈویژن میں کھیلنا شروع کر دیا
اسے وہاں پر کھیلتے تین سال ہو چکے تھے اور اس دوران میں وہ جونیر ڈویژن کا سب سے نمایاں کھلاڑیوں میں سے ایک تھا، اسے جب فرینک رجکارڈز جو اسوقت بارسلونا کی اے ٹیم کا کوچ تھا کی طرف سے ٹریننگ کی دعوت ملی تو اس نے وہاں پر سینیر ترین کھلاڑیوں کو بھی پریشان کر کے رکھ دیا، فرنچ اسٹراہیکر لوڈوک گلی کے مطابق ہم سب سینیر کھلاڑی بھی سخت پریشان تھے کے اس نو عمر لڑکےکو کیسے قابو میں کریں؟ کیونکہ وہ تین سے چار کھلاڑیوں کو آرام سے ڈاج دے کر گول یا تو کر دیتا تھا یا پھر اس کا موقع بنا کر کسی ساتھی کھلاڑی کو دے دیتا تھا، سینیر کھلاڑیوں نے پھر اسے پے در پے گرانا شروع کر دیا لیکن وہ پھر سے فوراً سے اٹھ کر کھیلنا شروع کر دیتا تھا
لیونل میسی نے صرف ۱۶ سال چار مہینے اور ۲۳ دن کی عمر میں بارسلونا کی سینیر ٹیم کی طرف سے کھیلنا شروع کر دیا
اس دوران میں اس کی دوستی اسوقت کے بارسلونا اور برازیل کے مشہور ترین اسٹار کھلاڑی رونالڈینیو سے ہو گئی
کوبی براہینٹ جو کے باسکٹ بال کا مشہور ترین امریکن کھلاڑی تھا اور جس کی ۲۰۲۰ میں ہیلی کاپٹر کے حادثے میں ڈیتھ ہو چکی ہے، اس نے ایک انٹرویو میں رونالڈینیو سے اپنی ملاقات کا ذکر کرتے ہوئے بتایا کے بارسلونا لاس اینجلس ایک میچ کھیلنے کے لئے گئی تو وہاں کوبی کی رونالڈینیو سے ملاقات ہوئی جس میں اس نے کوبی کو کہا کے میں تمھیں ایک لڑکے سے ملواتا ہوں جو کے ایک دن دنیا کا سب سے عظیم ترین فٹ بالر بنے گا، کوبی نے کہا کے وہ تو تم نہیں ہو؟ اس پر رونالڈینیو نے کہا کے نہیں میں نہیں ہوں بلکہ وہ کوئی اور ہے، جس کے بعد اس نے کوبی کو ۱۷ سالہ میسی سے ملوایا
میسی نے اگرچہ جلد ہی اپنے آپ کو کلب لیول پر منوا لیا اور ۲۰۱۳ تک وہ چار دفعہ بیلون ڈی اور بھی جیت چکا تھا، کلب لیول پر اس کا کلب مسلسل سب سے بہتر پرفارم کر رہا تھا لیکن میسی کو تو کچھ اور ہی چاہیے تھا
جب اس نے پانچ بیلون ڈی اور بھی جیت لئے تو سے پوچھا گیا کے کیا وہ اپنے ان تمام بیلون ڈی اور کی جگہ پر ایک ورلڈ کپ کی ٹرافی کو ترجیح دے گا؟ اس نے کہا بالکل
یہ بات اس سے اسوقت پوچھی گئی تھی جب وہ اپنے کیریر کے عروج پر تھا، ۲۰۱۲ میں اس نے گیرڈ ملر کا لگ بھگ چالیس سالہ ریکارڈ پاش پاش کر دیا تھا جب اس نے ایک ہی سال میں 91 گول کر ڈالے کلب اور اپنے ملک ارجنٹینا کی طرف سے
اب تک میسی 7 بیلون ڈی اورز جیت چکا ہے، اور اس سال کا بیلون ڈی اور جیتنے کے لئے فیورٹ ہے

لیکن اس وقت اس کے کیریر میں ایک ہی بات بار بار پوچھی جاتی تھی کے ارجنٹینا کی طرف سے تم کیوں کچھ نہیں جیت پا رہے؟
میسی کا انٹرنیشنل کیریر شروع ہونے کا بھی ایک دلچسپ قصہ ہے
جب میسی سن 2000 میں بارسلونا شفٹ ہو گیا تو ارجنٹینا میں کسی کو بھی اس کے بارے میں یاد نہیں رہا، لیکن چونکہ اس کے پاس اب سپین اور ارجنٹینا دونوں ملکوں کی شہریت تھی اسلئے وہ دونوں ملکوں میں سے کسی سے بھی کھیل سکتا تھا
2002 میں ارجنٹائن فٹ بال فیڈریشن کا ایک عہدے دار بارسلونا گیا، وہاں ہوٹل میں ایک شخص نے اس سے ملاقات کی کوشش کی اور ملنے کے بعد اس نے اس عہدے دار کو بتایا کے میرے پاس کچھ میچز کی ویڈیو کیسٹس ہیں جو ایک نو عمر فٹ بالر کی ہیں، یہ فٹ بالر ارجنٹائن کو ورلڈکپ جتوا سکتا ہے
اس عہدے دار نے وہ کیسٹس اس شخص سے لے لیں اور واپس ارجنٹائن آنے کے بعد جب اس نے انہیں دیکھا تو وہ انہیں دیکھتا ہی رہ گیا
وہ فوراً اس وقت کے فٹ بال ایسوسی ایشن کے صدر جولیو گرونڈونا کے پاس گیا اور اسے یہ ویڈیوز دکھاہیں، جولیو نے بھانپ لیا کے یہ لڑکا آگے جا کر انہیں ورلڈ کپ سمیت کافی سارے انٹرنیشنل کپ جتوا سکتا ہے، اس نے فوراً میسی کے والد سے رابطہ کیا اور اسے کہا کے وہ چاہتا ہے کے لیونل میسی ارجنٹائن کی طرف سے کھیلے، خود میسی اور اس کا والد بھی یہی چاہتے تھے اسلئے انہوں نے بھی اسکے لئے ہامی بھر لی
اس دوران میں رائل سپین فٹ بال فیڈریشن کے انڈر 17 کے سلیکٹرز کو بارسلونا کے ڈاہریکٹر کارلز ریچاخ نے متنبہ کیا کے وہ اس لڑکے کو ہاتھ سے جانے نا دیں اور فوراً اس کو سپین کے لئے حاصل کرنے کی کوشش کریں، لیکن اسوقت تک میسی اور اس کا والد دونوں ارجنٹائن کے لئے حامی بھر چکے تھے
خود میسی بھی شروع سے میراڈونا کی طرح ارجنٹائن کو ورلڈ کپ جتوانا چاہتا تھا، اور وہ بندہ جو اس ہوٹل میں ارجنٹاہن کے عہدے دار سے ملا تھا وہ میسی کا باپ تھا
جولیو گرونڈونا نے میسی کو ارجنٹائن کی طرف سے کھلانے کی غرض سے فوراً دو دوستانہ انٹرنیشنل میچوں کا انعقاد کروا دیا اور میسی کو خصوصی طیارے سے ان میں کھیلنے کے لئے بلا لیا اسطرح جون 2004 میں میسی نے پیراگوائے کے خلاف اپنا پہلا انٹرنیشنل میچ کھیلا اور دوسرا یوروگوائے کے خلاف
اسکے بعد میسی نے ورلڈ یوتھ چیمپین شپ میں ارجنٹائن کی طرف سے حصہ لیا اور اسے اس میں جتوانے میں کلیدی کردار ادا کیا
اس چیمپین شپ کے بعد اس کا تقابلہ قدرتی طور پر میرا ڈونا سے ہونا شروع ہو گیا
میسی اور میرا ڈونا میں بہت سی باتیں مشترک ہیں، دونوں بنیادی طور پر باہیں پاوں سے کھیلتے ہیں، دونوں ڈربلر ہیں، دونوں پلے میکر بھی ہیں اور دونوں ارجنٹائن کے کپتان بھی رہے ہیں
اسکے علاوہ میراڈونا نے بھی 1979 میں ارجنٹائن کو یوتھ چیمپین شپ جتوائی تھی اور میسی نے بھی 2005 میں ایسا ہی کیا
اسلئے ارجنٹائن کی عوام کی امیدیں قدرتی طور پر میسی سے وابستہ ہو گئی تھیں کے وہ بھی میراڈونا کی طرح انہیں دوبارہ سے ورلڈ کپ اور کوپا امریکہ جیسے ٹائٹل جتوائے گا
ان دونوں کا ایک ایک گول بھی بہت مشہور ہوا تھا، اوروہ گول دونوں کی ڈربلنگ پر مبنی ہے
میراڈونا نے وہ گول انگلینڈ کے خلاف 1986 کے ورلڈ کپ میں کیا اور اسے پچھلی صدی کا بہترین گول کہا جاتا ہے
جبکہ میسی نے اپنے کلب بارسلونا کی طرف سے گدافے کلب کے خلاف صرف 19 سال کی عمر میں گول کیا
ان دونوں گولز کو یو ٹیوب پر کروڑوں افراد اب تک دیکھ چکے ہیں اور ہر فٹ بال شاہق کا اسے دیکھنا لازمی ہے
دونوں گولز میں بھی ایک بات مشترک ہے کے دونوں گول بغیر کسی کی مدد کے کئے گئے، دونوں نے پانچ کھلاڑیوں کو ڈاج کیا دونوں نے شروع میں ہی دو کھلاڑیوں کو ڈاج کرنے کے بعد تقریباً 70 میٹر کا فاصلہ طے کیا، اور دونوں نے گول کیپر کو بھی ایک ہی طرح سے ڈاج کیا اور پھر دونوں نے اپنے کمزور پاوں یعنی داہیں پاوں سے گول کیا
لیکن دونوں میں ایک ہی بات مختلف ہے، اور وہ یہ کے ایک گول کلب لیول کا ہے، اور ایک ورلڈ کپ میں انٹرنیشنل گول ہے، حالانکہ میسی کے گول کرنے کی سپیڈ میراڈونا سے بہت زیادہ تیز ہے
اسکے علاوہ اگر ڈربلنگ کے ساتھ کسی گول کو ان گولز کے معیار پر رکھا جائے تو چند گولز کا ذکر ضروری ہے
زلاٹان ابراھامنوچ کا ایجیکس Ajaxکی طرف سے نیک بریڈا Nac Breda کے خلاف گو ل
اس گول کی تو کیا ہی تعریف کی جائے، کیونکہ میسی اور میراڈونا کے گولز بھاگتے ہوئے ڈربلنگ کرتے ہوئے ہیں، لیکن ابراھامنوچ تو دفاعی کھلاڑیوں کو وہیں پر نچاتا رہا گول کیپر سمیت، یہ گول ایک ماسٹر پیس ہے اور جس کسی نے اسے نہیں دیکھا اور وہ خود کو فٹ بال کا سمجھنے والا کہتا ہے تو اسے فٹ بال کی الف بے کا بھی علم نہیں
اب ایک ایسے گول کا ذکر جو کے فیفا کے بہترین گولز میں شمار کیا جاتا ہے، اور یہ گول بھی تقریباً 70 میٹر کا فاصلہ طے کر کے کیا گیا، اور کوئی اس ٹیم سے یہ توقع بھی نہیں کر رہا تھا کے وہ ایک آدھ گول بھی کر پائے گی، ٹیم ہےسعودیہ عرب، سال ہے 1994 اور گول کرنے والا ہے سعید ال اویرن
Syed al owairan ، اس میں ڈربلنگ تو اتنی زیادہ نہیں ہے، لیکن سعودیہ کو یہ میچ اگلی سٹیج میں جانے کے لئےضروری تھا
اب ایک چھوٹی سی لسٹ بہترین ڈربلنگ اور بغیر کسی کی مدد کے گولز کی
تھیری آنری کاآرسنل کی طرف سے لیور پول کے خلاف گول
رونالڈو نزیریو، کا بارسلونا کی طرف سے ویلنشیا کے خلاف گول
میٹ لی ٹیساہر matt le tissier کا ساوتھ ہمپٹن کی طرف سے نیوکاسل یوناہیٹڈ کے خلاف گول
ہاتم بن ارفا Hatem ben arfa کا نیو کاسل کی طرف سے بولٹن کے خلاف گول
ریکارڈو کاکا ، کا اے سی میلان کی طرف سے مانچسٹر یوناہیٹیڈ کے خلاف گول
میجیکو گونذالز ،کا ویلنشیا کے خلاف گول
زیدان ، کا یونٹیس کے طرف سے ریگینا کے خلاف گول
راہن گگز ،کا مانچسٹر یوناہیٹیڈ کی طرف سے آرسنل کے خلاف گول
میسی، کا بارسلونا کی طرف سے ایتھلیٹیکو میڈرڈ کے خلاف گول [اس گول کو بھی دیکھنا ضروری ہے]
جیووانی داس سینٹوس، میکسیکو بمقابلہ امریکہ
جارج بیسٹ، ایس جے ارتھ کوہیکس بمقابلہ فورٹ لینڈرڈیل سٹراہیکرز
ڈیلین اٹکنسن ،آسٹن ولا بمقابلہ ویمبلڈن
جارج ویاہ، اے سی میلان بمقابلہ ویرونا
گیراتھ بیل ،ریال میڈرڈ بمقابلہ بارسلونا
میسی بارسلونا بمقابلہ ریال میڈرڈ 2011
رود وان نسٹل رائے ،مانچسٹر یوناہیٹیڈ بمقابلہ فلہم
رابرٹو بیجیو ، فرنٹینا بمقابلہ نیپولی
ایڈن ہیذارڈ، چیلسی بمقابلہ آرسنل

27/12/2022

برادر Asif Hameed کی وال سے کاپی شدہ۔

خطرناک بیماریوں میں ایک خاموش مٙرض بھی شامل ہو چکا ہے جِسکی کوئی بھی علامت نہیں ہوتی لیکن آپ کو سخت نُقصان پُہنچا سکتی ہے.
یہ بیماری ہے
نعمت کا عادی ہونا

اس بیمارى کی چار نِشانیاں ہیں

۱ـ آپ بُہت سی نعمتوں سے مالامال ہوں لیکن اُن کو نعمت نہ سٙمجھیں اور اُن سے متعلق کبھی شُکر ادا نہ کریں گویا اُن کو اپنا ایسا حق سٙمجھیں جو آپکو مِلنا ہی تھا.

۲ـ آپ گھر میں داخل ہوں اور گھر کے تمام افراد صحتمند اور سلامت ہوں لیکن آپ اللہ کا شُکر ادا نہ کریں۔

۳ـ آپ بازار جائیں، جی بٙھر کر روزمرہ ضرورت کی تمام اشیاء خریدیں۔ اِس بات سے غافل ہو کر کہ طرح طرح کی نعمتیں نصیب ہونے پر مالک کا شُکر ادا کریں اور اِس معاملے کو اپنی زِندگی کا حق سٙمجھیں۔

۴ـ آپ ہر روز مُکمل صحت و سلامتى کے ساتھ نیند سے اُٹھیں، اِس حالت میں کہ کِسی قِسم کی تکلیف میں مُبتلا نہ ہوں لیکن اللہ کا شُکر ادا نہ کریں۔

‎ ائیے دعا کریں۔اے اللہ مُجھ پر رحم فرما کہ میں ایسی خطرناک بیماری میں مُبتلا نہ ہو جاؤں اور
توفیق عطا فرما کہ ہر حال میں تیرا نعمتوں پر شاکر رہوں۔
آ مین۔