02/06/2026
انٹرمیڈیٹ کے طلبہ کے ساتھ امتیازی سلوک کیوں؟ ایک اہم سوال! ⚠️
یہ کیسی تعلیمی پالیسی ہے کہ گرمیوں کی تعطیلات میں سکولوں کے طلبہ سمر کیمپ میں تعلیم حاصل کر سکتے ہیں، اے ڈی پی اور بی ایس کے طلبہ اپنی کلاسیں جاری رکھ سکتے ہیں، اکیڈمیاں اور انٹری ٹیسٹ کی تیاری کروانے والے ادارے بھی تدریسی سرگرمیاں جاری رکھ سکتے ہیں، لیکن انٹرمیڈیٹ کالجوں کے طلبہ کو اپنے ہی کالجوں میں پڑھنے اور سمر کیمپ میں شرکت کی اجازت نہیں؟
حالانکہ یہی وہ طلبہ ہیں جن کے بورڈ امتحانات، اعلیٰ تعلیم میں داخلے اور مستقبل کے تعین کا اہم مرحلہ درپیش ہوتا ہے۔ سوال یہ ہے کہ کیا یہ تعلیمی پالیسی طلبہ کے ساتھ امتیازی سلوک اور بعض اداروں کی سرپرستی پر مبنی ہے، یا پھر اس کا مقصد طلبہ کی تعلیمی ترقی کو محدود کرنا ہے؟
متعلقہ حکام سے گزارش ہے کہ اس پالیسی پر نظرِ ثانی کرتے ہوئے انٹرمیڈیٹ کے طلبہ کو بھی تعلیمی مواقع فراہم کیے جائیں تاکہ ان کا تعلیمی نقصان نہ ہو۔
