Urdu Dawah Clips

Call Directions Website Contact the business

Urdu Dawah Clips Contact information, map and directions, contact form, opening hours, services, ratings, photos, videos and announcements from Urdu Dawah Clips, Riyadh, Riyadh.
(742)

A unique Dawah platform on social networking sites where Arabic Dawa's clips are translated in Urdu and English languages
منفرد پلیٹ فارم جہاں حرمین شریفین كے خطبات اور معتبر عرب علماء كے بیانات اردو انگلش میں ترجمہ كیا جاتا ہے۔ A unique Dawah platform on social networking sites where Arabic Dawa's clips are translated in Urdu and English languages
منصة تعليمية تهتم بترجمة الدروس و المحاضرات إلى اللغة الأردية و الإنجليزية.

11/10/2026

گنتی کے چند دنوں پر مشتمل زندگی میں "کچھ کرنے" کے نام پر ایسا جنون چڑھا رہتا ہے کہ انسان " ان گنت" دنوں والی زندگی کو برباد کر بیٹھتا ہے۔
محنت کریں لیکن اس زندگی سے اتنی بھی امیدیں وابستہ نہ کرلیں کہ پوری نہ ہونے پر ہمیشہ رہنے والی زندگی پر ہی چھرا پھیر کر ہمیشہ ہمیشہ کے لئے خود کو بدبختی کی کھائی میں گرا دے۔
یہ اس بات کی دلیل ہے کہ انسان کو اخروی زندگی سے زیادہ اس ٹمپریری زندگی سے زیادہ لگاو ہے تبھی تو وہ عملی طور پر ابدی زندگی کو اس [خودکشی] طرح لات مار کر اپنے حصہ میں ہمیشہ ہمیشہ کے لئے بدبختی لکھوا لیتا ہے۔

10/10/2026

اپنی شناخت چھپاكر لوگوں پر طعن و تشنیع كرنے والے سنیں || الشيخ عبد الرحمن السديس

10/10/2026

بہت سے ماں باپ اس بات کی پروا نہیں کرتے کہ ان کے بچے ایک دوسرے کے سامنے کس طرح کے کپڑے پہنتے ہیں۔ چنانچہ آپ دیکھیں گے کہ لڑکا ایسا مختصر پاجامہ یا نیکر پہنتا ہے کہ اگر وہ بیٹھ جائے تو اس کی شرم گاہ اس کی بہنوں کے سامنے ظاہر ہو جاتی ہے۔ اسی طرح لڑکی تنگ اور چست پتلون پہنتی ہے جس کی وجہ سے ان کا جسم اور سینہ اپنے بھائیوں کے سامنے ظاہر ہو رھا ہوتا ہے۔

اللہ سے ڈریں کیونکہ ہم سب اپنے بچوں کے بارے میں جواب دہ ہیں۔

09/10/2026

وہ اعمال جو انسان کو ہلاکت میں ڈال دیتے ہیں || الشيخ فيصل الغزاوي

08/10/2026

زندگی میں ایک ایسا نیک عمل ضرور ہونا چاہیے جس کا علم صرف آپ اور آپ کے پروردگار کو ہو؛ ایسا عمل جو دنیا کی نگاہوں سے پوشیدہ ہو، مگر اللہ کے ہاں محفوظ ہو۔

کیونکہ مرنے کے کچھ ہی عرصے بعد ہمیں لوگ بھول جاتے ہیں اور نہ ہی ہمارا عمل کا سلسلہ باقی رہتا ہے، جب ہم زندہ ہوتے ہوے لوگوں کو مفاد پرستی اور مطلبی پن کی انتہا تک پہنچا ہوا دیکھتے ہیں تو پھر مٹی تلے دفن ہو جانے والے انسان کو کون ہمیشہ یاد رکھے گا؟
اپنے اس طویل سفر کی فکر خود کیجیے۔

ہزاروں سال سے کتنے ہی لوگ قبروں اور زمین کی تہوں میں مدفون ہیں۔ کبھی وہ بھی ہمارے جیسے زندہ تھے، ان کے بھی گھر تھے، رشتے تھے، دوست تھے، خواب تھے اور دنیا سے وابستہ بے شمار مصروفیات تھیں، مگر آج ان کے نام تک لوگ نہیں جانتے۔

اس لیے دنیا سے جاتے ہوئے اپنے لیے ایک ایسا چراغ ضرور روشن کرکے جائیے جو اخلاص سے معمور ہو، جس کی روشنی قبر کی تنہائی و اندھیرے میں کام آئے۔

کوئی صدقہ جاریہ، کوئی اصلاح کا ایسا نفع بخش عمل، کوئی ایسی نیکی ضرور چھوڑ جائیے جسے دنیا نہ جانتی ہو مگر آپ کا رب جانتا ہو۔
وہی چھپی ہوئی نیکی کل برزخ کی تاریکی میں آپ کے لیے نور بن جائے اور قیامت کے دن حسرت، ندامت اور پشیمانی کے اس دلدل سے آپ کو نکال لے، جب انسان صرف یہی سوچ رہا ہوگا:
کاش! میں نے اپنی آخرت کے لیے کچھ آگے بھیجا ہوتا۔

07/10/2026

كیا كوئی عبرت پكڑنے والا ہے ان لوگوں سے:
جو اسلام كا ستون نماز ضائع كرتا ہے؟
جو والدین كی نافرمانی كرتا ہے؟
جو ہر سنی سنائی بات آگے پھیلاتا ہے؟
صرف وہم اور گمان كی بنیاد پر دوسروں كی عزت اچھالتا ہے؟
الشیخ فیصل الغزواي

06/10/2026

ایک طالب علم اپنا رزلٹ دیکھنے کے لیے ایک شاپ پر جاتا ہے۔ شاپ کیپر سے درخواست کرتا ہے:
’’میرے پاس موبائل نہیں ہے، آپ کے موبائل سے اپنا رزلٹ چیک کروانے آیا ہوں۔‘‘

شاپ کیپر اس کا رزلٹ چیک کرتا ہے اور کہتا ہے:
’’آپ نے تو بہت اچھے نمبر لیے ہیں!‘‘

وہ لڑکا موبائل اپنی طرف گھما کر رزلٹ دیکھتا ہے اور فوراً وہیں فرش پر سجدہ ریز ہو جاتا ہے۔

عمر کوئی پندرہ، سولہ سال ہوگی۔

اپنے بچوں کو موبائل کے معاملے میں اتنا غریب رکھو کہ رزلٹ آنے پر وہ یہ محسوس کریں کہ آج مجھ سے بڑھ کر کوئی امیر نہیں، مجھ سے بڑھ کر کوئی قابل فخر نہیں۔

جنہوں نے انڈر میٹرک بچوں کے ہاتھوں میں موبائل اور ڈیوائسز تھمائیں، ان میں سے بہت سوں کو یہی چیزیں ’’بگاڑ‘‘ کے اس جان لیوا دلدل کی طرف کھینچ لے گئیں جس سے نکلنا پھر آسان نہیں ہوتا۔ ظاہری طور پر کتنا ہی پارسا کیوں نہ نظر آئے اندر خانہ وہ اخلاقی گراوٹ کی ایسی کھائی میں پھسل جاتا ہے جس کا اندازہ اکثر والدین کو بہت دیر سے ہوتا ہے اس وقت پانی سر سے گزر چکا ہوتا ہے۔۔
اگر آج آپ اس معاملے میں کچھ بے رحم بن جائیں اپنے بچے کو موبائل اور سوشل میڈیا کی بے جا آزادی سے روک دیں، تو یہی بچہ بڑا ہو کر آپ کی اس ’’بے رحمی‘‘ کو اپنی زندگی کی سب سے بڑی نعمت سمجھے گا۔

اپنی ہر کامیابی پر آپ کو دعائیں دے گا۔ جہاں جہاں اسے عزت ملے گی، اس کے دل میں آپ کے لیے دعائیں ہوں گی۔ مجلس مجلس آپ کی تربیت کا ذکر کرے گا اور اپنی کامیابی کا کریڈٹ آپ کو دیتا رہے گا۔

ممکن ہے اُس وقت آپ اس دنیا میں نہ ہوں، لیکن دعاؤں کی صورت میں، نیک یادوں کی شکل میں آپ اس کی زندگی کے ہر خوبصورت مقام پر زندہ ہوں گے۔

اور یہی تو اصل کامیابی ہے۔
آپ دنیا سے چلے جائیں، مگر آپ کا نامۂ اعمال نیکیوں سے بھرتا رہے؛ آپ کی اولاد آپ کے لیے دعا کرتی رہے، آپ کی تربیت سے فائدہ اٹھانے والے لوگ آپ کے لیے خیر مانگتے رہیں۔
یہ وہ دولت ہے جس سے دنیا کے کتنے ہی کھرب پتی محروم رہ جاتے ہیں۔

05/10/2026

حرمین شریفین كی حرمت و تقدس || الشيخ بندر بن عبد العزيز بليله

02/10/2026

دین سے انحراف كی دو اہم وجوہات || الشيخ ياسر الدوسري

Address

Riyadh
Riyadh

Telephone

+923466112262

Website

Alerts

Be the first to know and let us send you an email when Urdu Dawah Clips posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Urdu Dawah Clips:

Shortcuts

Sponsored

Share