The New Rich

17/07/2017

فهيم افندي عاش محاسب ومات محاسب والحاج عبد الغفور البرعي هو اللي كان بيعمل احلي فلوس مع ان فهيم افندي كان متعلم وماشي بأربع اقلام جاف ملونين علطول 😊
المفيد ان تسع أعشار الرزق في التجارة واللي بيعيش موظف مش هيبقي حاجة في يوم من الايام ..
فهيم أفندي بيمثل نظرية ال 97% من المصريين الي آفق فكرهم بيوصلهم إن الوظيفه بتمثلهم الضمان والإستقرار ...
لكن عبدالغفور البورعي بيمثل شريحه ال 3% من الناس الي بيعشقوا المغامرة وإنهم ياخدوا المخاطرة لأنهم بطلوا يخافوا من الخسارة .. بمعنى أصح أقنعوا نفسهم إن معندهمش حاجه يخسروها لحد ماقلبهم مات وعقلهم عرف طريق النجاح بعيدا عن الخوف الي بيتملك القلب وقت التفكير ف بيمنعك
ك بني آدم من الوصول لنجاحك 😊

15/07/2017

معاك شهاده تثبت انك حمار؟؟؟

المصنع ركًبنا عربيات, المصنع خلي الاكل يتسخن في 20 ثانيه, المصنع لبّسنا لبس محترم , المصنه أدهشنا و عملنا فرسكا

الشغل في المصنع

مرتب ثابت, حوافز, ترقيه و Profit Share, المصنع أمان طول ما انت بتعمل اللي المدير عايزه وبكده عمرك ما هتتطرد و ده أئمن حاجه إنتوا عارفين إلتزامات الحياه مبترحمش,

الاوراق المطلوبه 3 شهادات

شهاده تثبت انك مُطيع:

ودي شهاده الثانويه اللي فيها اقنعوك انك لازم تقفّل كل المواد عشان تدخل كليه بتعلمك حجات مش مبنيه علي ولا ماده ماللي انت قفّلتهم , و انت بسم الله ما شاء الله وافقت , بس عادي كنت عيل صغير متعرفش

شهاده تثبت انك جبان

و دي شهاده الجامعه
اللي فيها عرضوا عليك انهم ياخدوا اربع سنين من حياتك و يدوك و رقه بختم, بيقول انك "مبتفهمش في اي حاجه بصوره عمليه" و ده مش شيء غريب
اللي غريب فعلاً انك "خُفت و وافقت" لحسن الناس تقول عليك مش متعلم او اللي هتجوزها اوهتجوزيه أهلهم يعايروكوا

شهاده تثبت انك حمار
و دي بقي شهاده الـكورسات بتاعت التنميه البشريه (و اخص بالذِكر الـICDL و الـ Presentation Skills و ما شابه )
و دي بقي اللي بتثبت إنك "حمار" بجد. مهوا اول شهاده ملهاش لازمه اقنعوك تاخدها عشان كنت عيل صغير و بيتضحك عليك
و تاني واحده اقنعوك من ناحية البرستيج و الوجاهه الإجتماعيه
إنما تكون لسه واخد علي قفاك مرتين مجموعهم 7سنين ، و تقوم رايح تدور علي كورسات Presentation Skills و Time Management (اللي هم حاجه زي انك تاخد كورس إزاي تخش الحمام او إزاي تاكل او تلبس الجزمه ) عشان تحشي الـCV كويس فتحرقلك سنه ولا إتنين كمان بدون اي فايده تذكر
يبقي انت اكيد يا فاضي يا "أسف في الكلمه" حمار

اللي عامّالين يقنعوك و يعرضوا عليك و يخوّفوك دول هم صحاب المصنع

عايزينك مطيع عشان تتحول لمكنه و تنفذ كلام مديرك
عايزينك جبان عشان تخاف تمشي من عندهم لحسن تموت من الجوع
عايزينك حمار عشان لما يقولولك في أخر السنه علاوه 10% للمجتهدين، تلف في الساقيه أسرع

و كل ده عشان المصنع يفضل شغاااال, كل اللي حصل و بيحصل فينا ده عشان الفرسكا تبقي حق مكتسب لكل بني أدم تحت بيته كشك.

المصنع اللي اقصده فكره, المصنع اللي اقصده موجود في 99% من الكيانات اللي حوالينا
المصنع هو اي كيان مش محتاج منك دماغك، محتاج عضلاتك بس لإن ده ارخص , المصنع اللي اقصده اي كيان بيشتغل عشان يجمع فلوس ومش مهم اي حاجه تانيه

ارجوووك راجع نفسك, مفيش حاجه تستاهل انك تعيش حمار اقصد تشتغل في مصنع….
علم نفسك بنفسك متستناش الجامعه تعلمك
خلي قيمة دماغك اكبر من قيمة عضلاتك
أشتغل باللي مميزك مش باللي السوق محتاجه
إشتغل في شركه عايزه دماغك مش عيزاك تملا مكان

لو مقدرتش يبقي متسدش خانه
حاول تعمل اللي انت مجبر عليه بإتقان يكفي انه يُحدث تغير في الوضع الراهن

30/04/2017

لاتدفع فاتورة الكهرباء بعد الآن.. قم أنت ببيع الكهرباء للدولة

27/02/2017

It's not a huge business but it generates enough profit to cover his mortgage payment.

27/02/2017

إذا كانت عملية اختيار فكرة مشروع مناسب تعدُّ مرحلة هامّة، فإن إعداد دراسة جدوى المشروع أكثر أهمية لأ

13/02/2017

Want more success in your online business? Learn how activating these 6 pillars will help you fuel both higher profits and your higher purpose.

13/02/2017

Some of our favorite online courses are now available at a great deal to help you start the new year off right.

31/01/2017

رسالة لفئة "إحنا مش لاقيين نأكل"

يوم ما إستقلت من شغلي عشان اسافر و ابتدي ادرس اللي عايز ادرسه واشوف العالم من منظور مختلف عن منظور المجتمع اللي عشت فيه، كان في دماغي دايما هاجس ان لو كل خططي فشلت وأحلامي ما اتحققتش، فلوسي هتخلص و مش هلاقي أكل بعدها ومش هعرف أصرف علي سفري ولا علي حياتي بعد ما أرجع من السفر، وهضطر ارجع موظف تاني عشان اجيب فلوس أعيش بيها..

فا كان الحل عشان أريّح بالي، تظبيط خطة احتياطية، دخلت علي الانترنت وقعدت أفرُك عشان أعرف أعمل إيه، وإكتشفت "بحر" من الفُرص، مُنتظرة شخص مجتهد شوية أو شخص "مش لاقي يأكل" فا هيبذل أقصي ما يُمكن بذله لتوفير حياة كريمة لنفسه ولأسرته كمان.. مواقع "الفريلانسنج - Freelancing"

يعني ايه الكلمة ديه؟ يعني موظف حُر، بيعمل شغلانة علي الانترنت وياخد عليها فلوس.. شغلانة عبارة عن ايه؟ أي شغلانة ممكن تتخيلها بمعني الكلمة، ترجمة، كتابة وتأليف، تصوير، رسم، هندسة، استشارات مالية، تحليلات، برمجة، ممكن الشغلانة توصل لنسخ بيانات ونقلها من موقع لموقع، شغلانات كتيرة جدا فعلا.. وبتتقاضي فلوسك بالساعة او بالمُهمة نفسها..

المواقع ديه زي Freelancer, Upwork, Guru, Peopleperhour, ifreelance, freelance writing gigs, demand media, simply hired, 99designs وحاجات تانية كتير..

طيب نفترض إنك شخص مُفتقد المهارات اللي تؤهلك لشغلانة مُعينة إنت عايزها!؟ هنا بقي محتاج تسيب الفيسبوك شوية وتفرغ وقت للتعليم و تركز في اللي هقولهولك.. مش محتاج فلوس عشان تتعلم حاجة جديدة أيا كان هي إيه، بس محتاج تبذل مجهود..

ديه مواقع عليها كورسات وشهادات من أقوي جامعات في العالم، الكورسات بتبقي غالبا فيديوهات وبيبقي ليها ترجمة.. Coursera, EDX, Creativelive, Coursmos, Skillshare

ديه مواقع بتعلم لغات Duolingo, Babbel, Lingvist, Busuu عشان ماينفعش تعترض إنك مش لاقي شُغل وانت معكش لُغة..

ديه مواقع بتعلم برمجة freecodecamp, codeschool, code.org, onemonth, codecademy وده أكتر مجال فيه فرص شغل علي الانترنت تقريبا..

الموضوع عميق ومُعقد، وهيحتاح منك أيام من البحث المتواصل عشان تعرف تتمكن منه، وتعرف الخطوات اللي تمشي عليها في كل موقع.. بس العائد هيبقي أعلي من ما تتخيل، فيه ناس علي موقع upwork بتتقاضي علي الكتابة مثلا ١٢ ألف دولار في الشهر، الحساب بتاعك بيبقي موجود عليه انت بتقبض كام في الساعة وبتقبض كام في الشهر..

أرجوك إبذل مجهود في البحث، وإسأل جوجل كل الأسئلة اللي بتيجي في دماغك، زي مثلا "how to become a freelancer" او اي سؤال تاني بتفكر فيه..

مصر فيها ناس فعلا مش لاقية تأكل، بس الناس ديه مش اللي معاها تليفونات وكمبيوترات ومشتركة في باقات انترنت و adsl وقاعدة علي الفيسبوك ومواقع التواصل الاجتماعي ..

مهم جدا تعمل شير للبوست ده، عشان نفسي الفئة ديه من الناس تعرف إن المشكلة ممكن يبقي ليها حل لو إجتهدوا..

ولو حد عنده خبرة في موضوع الفريلانسنج يا ريت يشاركنا بيها في التعليقات..

10/01/2017

An example: The "one-size-fits-all" approach went away along with mobile strategies and the B-52s.

09/01/2017

07/01/2017

Coming up with a product idea is just the beginning of a long but exciting road to building your online business. The next step is to figure out how you’re going to acquire the products you want to sell. There are several options when it comes to acquiring your new products, and each option has its…