Ali Essam - علي عصام

Ali Essam - علي عصام وأن ليس للإنسان إلا ما سعى

"السوق واقف ومفيش مشتري" دي أكبر كدبة وأسهل شماعة بنعلق عليها قلة مبيعاتنا!الحقيقة اللي بنشوفها على أرض الواقع كل يوم.. ...
14/09/2026

"السوق واقف ومفيش مشتري"
دي أكبر كدبة وأسهل شماعة بنعلق عليها قلة مبيعاتنا!الحقيقة اللي بنشوفها على أرض الواقع كل يوم.. إن السوق مش واقف ولا عمره هيقف، السوق بس بقى "انتقائي وذكي جداً"! 😉
الفلوس موجودة والسيولة في السوق زي ما هي، بس المشتري اليومين دول مابقاش يشتري أي كلام.
الزبون بقى واعي، بيدور على القيمة الحقيقية و والحاجه اللقطه اللي تستاهل يدفع فيها قرشه وهو مطمن.
العميل مابقاش محتاج "بياع" يزن فوق دماغه، بقى محتاج "مستشار" يوجهه صح.
لو مبيعاتك مريحة وأرقامك نازلة، المشكلة مش في السوق.. المشكلة في أدواتك وطريقتك في البيع اللي واقفة مكانها ومابتتطورش عشان تبقى فاهم وعي المشتري ده.
والمنافس مش هيستناك لما تصحى، هو بيطور من نفسه وبياكل العمولات اللي كانت المفروض تدخلك!
التدريب والتطوير مش رفاهية ولا دلع، ده السلاح اللي بيفرق بين السيلز التقيل اللي السوق كله بيجري وراه، والسيلز اللي قاعد يشتكي من الحال.
👇 وعشان كده، لو أنت بجد عاوز تطور أرقامك ومبيعاتك الفترة الجاية:
لو محتاج استشارة سريعة في بيعة معقداك.أو بتفكر إزاي تتعامل مع اعتراضات الزبون الذكي...اكتب لي في الكومنتات أنت محتاج إيه بالظبط، وهدخل أرد عليك بنفسي وأقولك تعمل إيه! 👇🔥 #بروكر #مبيعات #نجاح

بتعمل مكالمات كتير على Leads (عملاء محتملين) من الإعلانات، ولما بتكلمهم بيقولك "مهتم بس مش هقدر"؟المشكلة مش في الإعلانات...
10/09/2026

بتعمل مكالمات كتير على Leads (عملاء محتملين) من الإعلانات،
ولما بتكلمهم بيقولك "مهتم بس مش هقدر"؟
المشكلة مش في الإعلانات، المشكلة في "تأهيل العميل" (Qualifying).
أنت بتضيع وقتك في ناس ميزانيتها مش بتسمح، أو مش جاهزة تشتري دلوقتي.
القاعدة الذهبية: لا تذهب لمعاينة أو اجتماع إلا وأنت عارف 3 حاجات: الميزانية، القرار، والتوقيت.
عايز تعرف إزاي تأهل عميلك في أول 3 دقايق في المكالمة؟ اكتب في الكومنتات كلمه "تأهيل" وهبعتلك ازاي تقدر تعمل كده😎.
#مبيعات #عقارات #تدريب #كورسات #سيلز #نصائح

"هفكر وأرد عليك" .. أخطر جملة ممكن تسمعها من عميل عقاري!لو عميلك قالها، فاعرف إنك فشلت في خطوة واحدة: "بناء الثقة والاحت...
07/09/2026

"هفكر وأرد عليك" .. أخطر جملة ممكن تسمعها من عميل عقاري!
لو عميلك قالها، فاعرف إنك فشلت في خطوة واحدة: "بناء الثقة والاحتياج".
العميل بيفكر لما يكون:
1. مش مقتنع بالسعر.
2. مش واثق فيك أنت شخصياً.
3. لسه مش حاسس بـ "ألم" عدم شرائه.
إزاي تمنع جملة "هفكر" من الأساس وتخلي العميل يقولك: "أنا عايز أحجز دلوقتي".
لو عايز تعرف السر، اكتب كلمه "مهتم" في الكومنتات

في حاجه بشوفها بتتكرر كتير اليومين دول وبتضيع شقى البياع في ثانية..تلاقي البياع شغال مع العميل بقاله شهر وطالع عينه، وال...
05/09/2026

في حاجه بشوفها بتتكرر كتير اليومين دول وبتضيع شقى البياع في ثانية..
تلاقي البياع شغال مع العميل بقاله شهر وطالع عينه، والعميل مقتنع باللوكيشن، وعاجبه المطور، ومعاه المقدم، وخلاص قعدوا عشان بيعملوا استماره حجز..
وفجأة، العميل يمسك القلم، تلاقيه سكت، وعرق، وحط القلم وقالك: "بص.. سيبني يومين تلاتة كدة أراجع حساباتي وأصلي استخارة".
طبعاً اليومين تلاتة دول معناه إن العميل هيروح البيت، الخوف يركبه، البيعه تبرد، وميردش عليك تاني!
أنا بقعد أراقب السيلز في اللحظة دي بيعملوا إيه.. تلاقي معظمهم بيتوتر ويضغط: "يا فندم الحق الخصم هيخلص"، "يا فندم الشقة دي هتتباع بكرة"..
الضغط ده في لحظة الخوف بيخلي العميل يهرب فوراً!
يا جماعة، العميل النهاردة لما بيمضي على وحده بيشتريها قسط مكمل معاه لـ 7 أو 8 سنين، بيجيله حالة رعب اسمها "فوبيا الالتزام" . بيبقى خايف من بكرة، خايف من التضخم، خايف يحصل له ظروف وميقدرش يسد.في اللحظة دي، العميل مش محتاج بياع يضغط عليه.. محتاج "مسكن للالم".
الشاطر هنا هو اللي بيشيل القلم من إيد العميل بكل هدوء ويقوله: "بص يا فندم، أنا مقدر جداً إن الموقف يخوف، الالتزام لسنوات طويلة مش قرار سهل.. بس تعال نحسبها سوا أسوأ سيناريو إيه؟"وتبدأ تحسب معاه "خطة الخروج الآمن" (Exit Strategy):
لو بعد سنتين تعثرت، المطور بيدي فترة سماح كذا، أو هنعرض الشقة ريسيل وهتكون كسبت كام في المية فتقدر تبيع وتطلع بفلوسك ومكسبك، أو لو كملت فالإيجار هيغطي جزء من القسط.. وهكذا.
لما بتفرش للعميل وبتوريه إنه مش محبوس في الأوضة، الخوف جواه بيموت.. ويمسك القلم ويمضي وهو مطمن.
يا رجالة.. فكوا عقدة التوقيع بالراحة ومن غير غشومة وضغط،
العميل محتاج يحس إنك معاه في نفس المركب ومش بتدبسه.أسبوعكم كله تقفيل بيعات وعقود بتمضي بكل سلاسة ❤️.
#مبيعات

عايز تبدأ في مجال المبيعات بشكل صح؟او شغال Sales بالفعل وعايز تطور طريقة بيعك وتتعامل مع العميل باحتراف؟في كورس أساسيات ...
28/08/2026

عايز تبدأ في مجال المبيعات بشكل صح؟
او شغال Sales بالفعل وعايز تطور طريقة بيعك وتتعامل مع العميل باحتراف؟
في كورس أساسيات البيع الاحترافي مع استشاري المبيعات وتطوير الاعمال "علي عصام"، هتتعلم اساسيات ومهارات البيع بشكل عملي، من اول التعامل مع العميل لحد اغلاق الصفقة.
هتتعلم:
* ازاي تبدأ الحوار مع العميل وتكسب انتباهه.
* ازاي تفهم احتياج العميل بدل ما تكتفي بعرض المنتج.
* ازاي تتعامل مع اعتراضات العميل بطريقة احترافية.
* ازاي تقدم عرضك بالشكل المناسب لكل عميل.
* خطوات عملية تساعدك على تحسين مهاراتك في Closing وزيادة فرص اتمام البيع.
الكورس مناسب ليك سواء:
لسه داخل مجال المبيعات وعايز تبدأ على اساس قوي،
او عندك خبرة بالفعل وعايز تطور اداءك وتبيع بشكل اكثر احترافية.
ابدأ بتطوير مهاراتك في البيع، وخلي احترافيتك هي اللي تتكلم عنك.
للتفاصيل والحجز: اكتب كلمه "اشتراك"

تكملة للكلام عن "العميل الذكي" اللي نازل السوق بقوة وقاري كل حاجة. حابب أشارك معاكم النهاردة خطوات عملية ومباشرة، ، عشان...
26/08/2026

تكملة للكلام عن "العميل الذكي" اللي نازل السوق بقوة وقاري كل حاجة.
حابب أشارك معاكم النهاردة خطوات عملية ومباشرة، ، عشان ننقل شغلنا لحته تانية خالص ونواكب التطور اللي بيحصل في السوق .
السوق في السادات بيمر بطفرة قوية، والعميل هنا مبقاش مستهلك عادي، ده شخص دارس اقتصاد المدينة صح. وعشان تكون "المستشار" اللي بيكسب ثقته مش مجرد بياع، دي خطوات التطبيق على أرض الواقع:
1️⃣ امتلاك الداتا الشاملة للمدينة:
المستشار الناجح مبيعتمدش على البروشور. لازم يكون عندك شيت مقارنة خاص بيك لكل المطورين والمشاريع في السادات (سواء في المتميز، الزيتون، أو المحاور الرئيسية).قارن بنفسك: سعر المتر، نسب التحميل، الجداول الزمنية للاستلام، وسرعة الإنشاءات الفعلية. لما تقدم للعميل مقارنة جاهزة وتحليل ريسك مظبوط، إنت كده بتنهي المقارنة لصالخك من أول قعدة.
2️⃣ المتابعة الميدانية الدورية:
العميل في السادات بيشتري "واقع" مش صور ثري دي. انزل الأرض بنفسك بانتظام، تابع المطور الملتزم في الخرسانات ومين اللي متأخر.لما العميل يسألك عن مشروع، وتكون إجابتك مدعومة بتقرير حقيقي أو فيديو من موبايلك لنسب التنفيذ الحالية، هنا العميل بيحس إنه بيتكلم مع خبير بجد وبيسلمك رغبته وهو مطمن.
3️⃣ فهم الأرقام التحميلية والصافية:
من أكتر الحاجات اللي بتهز ثقة العميل الذكي هي اللجلجة في أرقام المساحات ونسب التحميل.احسب "سعر المتر التحميلي" والصافي بدقة بالورقة والقلم. العميل بيحترم السيلز اللي بيكلمه بلغة الأرقام الصريحة والمباشرة.
4️⃣ ربط العقار بالاقتصاد الكلي للمدينة:
السادات مدينة صناعية واستثمارية من الطراز الأول، والطلب على السكن والإيجار فيها محكوم بحركة التوسعات والمصانع.تابع مؤشرات التضخم وسعر الفائدة يومياً. لما العميل يقارن بين العقار والشهادات البنكية، دورك كمستشار توضحله بالأرقام إزاي العقار في السادات مخزن قيمة وعائد إيجاري متجدد بيحمي فلوسه بشكل حقيقي.
5️⃣ تقديم النصيحة بأمانة مهنية:
البيع مش شطارة لسان، البيع أمانة وداتا. اسمع العميل 70% واتكلم 30%.حلل مخاوفه، واشرح مميزات وعيوب كل طرح بمنتهى الشفافية. العميل لما بيحس إنك خايف على فلوسه وبتنصحه بدافع الأمانة مش بجرى ورا العموله، هو اللي بيتمسك بيك وبيقفل معاك الديل.يا شباب، التغيير ده هو اللي هيعمل الفرق بين بياع واقف مكانه، ومستشار عقاري السوق كله بيعمله حساب. ادرسوا السادات صح، طوروا أدواتكم، وخليكم دايماً سابقين العميل بخطوة.
أتمنالكم جميعاً التوفيق وتحقيق أعلى مبيعات. 💪📈 #مبيعات

يا شباب، بقالي كام يوم قاعد بفكر في شكل السوق حالياً، وفي حركة غريبة بلاحظها بتتكرر مع سيلز كتير ومخلية ديلات كتير تضيع ...
22/08/2026

يا شباب، بقالي كام يوم قاعد بفكر في شكل السوق حالياً، وفي حركة غريبة بلاحظها بتتكرر مع سيلز كتير ومخلية ديلات كتير تضيع
العميل اللي بينزل يشتري عقار النهاردة مبقاش زي زمان.. العميل بقى ناصح وقاري السوق لدرجة تخوف!
زمان كان السيلز الشاطر هو اللي يحفظ البروشور، ويقول الكلمتين بتوع اللوكيشن وأنظمة السداد و"الحق الـ Launch قبل الأسعار ما تزيد".
النهاردة، العميل بيدخل لك الشركة وهو معاه لابتوب أو موبايل عليه شيت إكسيل فيه مقارنة بين 5 مطورين في نفس المنطقة، وعارف سعر المتر التحميلي، وقاري مشاكل شركة الإدارة بتاعة المطور في مشاريعه القديمة!
الصدمة بقى فين؟
لما بيقع تحت إيد سيلز لسه عايش بعقلية "البياع الزنان" اللي بيقعد يرص كلام محفوظ ومبيسمعش.
العميل بيحس فوراً إن السيلز "مكشوف" ومش قاري زيّه، فبيفقد الثقة ويقفل منه في ثانية.
أنا شايف إن المبيعات في السوق الحالي مبقتش شطارة لسان خالص.. بقت "شطارة داتا وأمان".
العميل مش محتاج حد يقرا له البروشور، هو محتاج "مستشار" يحلل معاه الريسك.
محتاج سيلز لما العميل يقوله: "المطور ده غالي"، السيلز يرد عليه بتحليل مالي حقيقي لسبب الغلو ده، مش بكلمتين إنشا!..
يا رجالة، العميل الذكي رزق، بس محتاج سيلز يكون برده ذكي.. .. محتاج سيلز بيقرا اقتصاد، ومتابع بورصة، وفاهم تضخم، وعارف السوق رايح فين.. مش مجرد بياع حافظ أرقام ونازل يطبعها في ودن العميل.
طوروا من نفسكم في الحتة دي🙏
، واقروا عن المشاريع والشركات كأنكم مستثمرين مش بياعين🙏
وشوفوا شكل الكول والأعدات مع عملائكم هيتحول إزاي❤️
#مبيعات

بصوا.. هحكيلكم على لقطة عمري ما هنساها، لقطة غيرت طريقتي في البيع وفي التدريب تماماً، وعلمتني إن البيع مش شطارة إقناع، ا...
14/08/2026

بصوا.. هحكيلكم على لقطة عمري ما هنساها، لقطة غيرت طريقتي في البيع وفي التدريب تماماً، وعلمتني إن البيع مش شطارة إقناع، البيع "علم نفس".
من كام سنة، كنت قاعد في مكتبي، ودخل لي شاب باين عليه الذكاء بس وشه مطفي وعينيه فيها قلق كبير. قعد، وهبد على مكتبي شنطة سودا قديمة.. فتح السوستة، وبص لي وقال لي: "دي تحويشة خمس سنين غربة وشقا.. جاي أحطهم في العقار ده عشان خايف من التضخم، ومحتاج أضمن مستقبلي"أنا كبياع شاطر وعندي مشاريع قوية، بدأت على طول أعرض عليه "أقوى مشروع" عندي في الشركة.. مشروع تجاري العائد الاستثماري بتاعه بيعدي الـ 30%، حاجة كفيلة تقفل التارجت وتعمل طفرة لأي مستثمر.
بدأت أشرح له الأرقام، والنمو، والفرصة اللي مش هتعوض، وبكل ثقة كنت هقفل البيعة خلاص والراجل مقتنع تماماً بيا و شفت في عينه انه مطمن ليا جدا.
فجأة، الراجل سكت.. بص للفلوس اللي في الشنطة ونبرة صوته اتغيرت، وقال لي: "يا مستر.. أنا مش عايز أبقى مليونير، أنا أمي بتغسل كلى، وعيالي داخلين مدارس، أنا مش حمل ريسك خالص.. أنا محتاج 'أمان تام'، ومكان يديني سيولة سريعة لو عوزت قرش بكره.. المشروع ده أمان بنسبة 100% ولا فيه مخاطرة؟".
هنا أنا سكت.. الكلام وقف في زوري.البيعة في إيدي، والعميل واثق فيا ومستعد يمضي.
بس هنا عقلية "المستشار" غلبت عقلية "البياع". تذكرت فوراً "مدارس الاستثمار".. أنا كنت ببيع له بعقلية مدرسة "النمو السريع والمخاطرة العالية"، وهو كعميل وتفكيره وظروفه ينتمي لمدرسة "الاستثمار الدفاعي" اللي بتدور على الأمان والسيولة أولاً.من غير ما أفكر، قفلت الفولدر بتاع المشروع وقلت له بكل أمانة: "بص.. المشروع ده عبقري، بس مش ليك أنت! لو بعتهولك هبقى بظلم ظروفك.
أنت فلوسك دي ما تحطهاش في عقار تجاري تحت الإنشاء، أنت محتاج أصول تضمن لك سيولة فورية وأمان تام يناسب التزامات بيتك".الراجل اتخض من صدمتي وأمانتي، قعد يبص لي ومذهول.. وبعدين مسك إيدي وقال لي وعينيه مدمعة: "الله يكرمك.. أنا لفيت على كذا شركة وكلهم كانوا بيحاولوا يقنعوني عشان يبيعوا وخلاص، أنت أول واحد يحس بموقفي".يومها مخدتش عمولة البيعة دي.. بس كسبت عميل مدى الحياة، والأهم إني طلعت بالدرس اللي ببنيه دلوقتي في كل تدريباتي:العميل مش "محفظة متحركة" بتبيع له اللي عندك وخلاص.. العميل ده "مدرسة استثمارية" منفصلة. فيه اللي عايز أمان، وفيه اللي عايز سيولة، وفيه اللي بيدور على نمو.الشاطر بجد مش اللي بيقنع العميل بمنتجه.. الشاطر هو اللي بيفهم مدرسة العميل، ويفصل له المنتج على مقاس حياته بالظبط!













ً





02/08/2026

العميل مش مضمون وكلامه كله في الهوا.. طول ما مفيش عقد رسمي،... متتوقعش التزام 😥




كان معايا عميل جاد جداً ونازل يشتري شقه لعيلته في كمبوند جديد تحت الإنشاء هنا في السادات. الفيلا مساحتها وتقسيمتها على ا...
22/07/2026

كان معايا عميل جاد جداً ونازل يشتري شقه لعيلته في كمبوند جديد تحت الإنشاء هنا في السادات.
الفيلا مساحتها وتقسيمتها على الورق والماكت كانت عاجباه جداً، وسعرها كان لقطة لإن المشروع كان لسه في بدايته.
يوم المعاينة الأولى على الأرض، أخدت العميل ومدام بتاعته ودخلنا موقع المشروع عشان يشوفوا الشقةوهي لسه مرحلة أعمدة خرسانية ومباني طوب أحمر.
أول ما العميل دخل ووقف في نص الريسبشن وهو لسه طوب، لقيت وشه اتغير وقفل تماماً! بصلي وقالي: "لأ يا مستر علي.. إحنا مش هنكمل البيعة دي، الفيلا ضيقة جداً ومستحيل المساحة دي تشيل عفشنا، الرسمة على الورق كانت خداعة!".
المدام كمان بدأت تقلق وقالت: "فعلاً يا مستر علي، الصالة كنزة أوي على الواقع".
أنا مأفورتش وماتخَضيتش لأن الموقف ده اتكرر معايا كتير، وكنت عارف السر: الخرسانة والطوب الأحمر دايماً بيخدعوا العين وبيحسسوا الواحد إن المساحة أصغر بكتير من حقيقتها قبل المحارة والدهانات والإنارة.طلعت من الشنطة "متر قياس" وبدأت أقيس الأبعاد قدام عينه على الطبيعة، وفتحت اللوحة الهندسية وقولتله: "يا باشا، المقاس هنا على الطبيعة 5 متر في 7 متر، بالظبط زي الورق.. بس الطوب عاكس الإضاءة ومصغر المشهد.
ده غير إن الكمبوند ده أصلاً بيسلم واجهات زجاجية وبوابات بتشتغل بنظام البوابات الذكية (Smart Gates) يعني هيدخل إضاءة كاملة للمكان تخليه يبان أوسع بكتير بعد التشطيب".العميل هدي شوية وطلب مني مهلة 24 ساعة يفكر. تاني يوم كلمني وقال لي: "أنا سألت مهندس صاحبي وأكد لي نفس كلامك إن الطوب بيخدع العين.. إحنا جاهزين نكتب العقود يا مستر علي".
وفعلاً، مَضينا، والنهاردة الشقة خلصت وتشطبت، والعميل كلمني من فترة وقالي: "عندك حق يا مستر علي، الفيلا طلعت واسعة جداً بعد التشطيب ومقاساتها طلعت مظبوطة بالملي".

الخلاصة من الموقف ده:شغلنا مش مجرد إني أوريك طوب وأمضيك على عقد.. الشطارة إني أكون فاهم ومقدر خوفك وأطمنك بالمنطق والأرقام عشان ما تضيعش على نفسك فرصة العمر وهي لسه تحت الإنشاء.

#السادات #كمبوند #عقارات #مبيعات

Address

+92 300 78611 55
Mecca

Website

Alerts

Be the first to know and let us send you an email when Ali Essam - علي عصام posts news and promotions. Your email address will not be used for any other purpose, and you can unsubscribe at any time.

Shortcuts

Share

Category