11/11/2023
السلام عليكم شباب
💥نبداء بي التقديم لي كندا💥
☆ تقديم كندا فيهو تلاتة أنواع :
1️⃣ الهجرة بي نظام الدخول السريع
عبارة عن نقاط بتجمعها لو ماعندك شهادة لغة ايلتس وتوفال ومؤهل دراسي كويس مابتقدر تقدم
لازم تتحصل على أعلى عدد ممكن من النقاط . حوالي ٧٠ نقطة ولي فوق .
¤ النقاط بتتحسب حسب
• عمرك .
• تعليمك وشهاداتك .
• مستوى اتقانك للغة الانجليزية او الفرنسية.
• عملك وخبراتك السابقة .
• هل عندك قريب في كندا او لا .
• هل درست قبل كدة في كندا او اشتغلت فيها او لا .
اي زول عايز يعمل اختبار بتاع نقاط ممكن يتواصل معاي وحعمل ليهو الاختبار .
2️⃣ الفيزا السياحية .
دي من الاخر قروش عندك وورق واملاك وكشف حساب بتقدر تقدم.
🔹️نجي للطريقة الممكن اي زول يقدم عليها🔹️
3️⃣ طريقة التقديم لي وظائف
دي عبارة عن فرص التطوع والعمالة والزراعة
دي فرص فتحتها كندا تجيب بيها فئة عاملة تقديمها مجان وشروط ساهلة جدا
تخش على منصات العمل indeed ، workopolis
تفتش على فرص التطوع والزراعة في مقاطعات ساسكتشوان وكيبيك وتقدم عادي اهم شي يكون
💥 عندك cv بالطريقة الكندية 💥
💥رسالة او خطاب التوظيف 💥
فتشو اليوتيوب بتلقو شروحات كتيرة
💥الاسئلة الشائعة 💥
1️⃣- ماعندي جواز ممكن اقدم ؟
اي ممكن تقدم التقديم مابحتاج لي جواز ده تقديم لي فرص عمل
الجواز لمن تبقى على سفر
2️⃣- ماعندي شهادة ممكن اقدم ؟
ممكن تقدم لي الفرص العمالية والزراعية عامل نظافة مزارع وكده
3️⃣- الرد بكون متين ؟
خلال شهر في الايميل بوروك التفاصيل تعمل شنو
4️⃣- التقديم مضمون ؟
التقديم مضمون وحايم في كل منصات الميديا لكن يشيلوك مايشيلوك ده في علم الغيب
5️⃣- بقدر اسوق اسرتي لو قبلوني؟
ايوا بتسوق زوجتك واطفالك الاقل من ١٨ سنة
او تسوقي زوجك واطفالك الاقل من ١٨ سنة بس
6️⃣- الوظائف المتوفرة شنو؟
كل الوظائف متوفرة لانو دي منصات عمل لكن المضمون وفرصها اقوى الفرصة العمالية والزراعية
7️⃣- المطلوب للتقديم شنو؟
سيرة ذاتية بالطريقة الكندية فيها كل تفاصيلك
رسالة التوصية فيها الاسباب البتخليهم يقبلوك للوظيفة .
🔹️طبعا التقديم مجان
🔹️انا بصمم الcv الكندي بي ٢ الف جنيه 💥
💥وبقدم بي ٢ الف جنيه 🔹️
☆ وبرضو ممكن تبحث اكتر في قوقل واليوتيوب حتلاقى شروحات أكتر وأوسع .
أن شاء الله حتكون في منشورات تانية بخصوص كل نوع من أنواع السفر
