16/06/2025
" بريدك بالحيل 💚..تَجي نتونس؟ " 💚
-دائماً كُنت مغرمة بتفاصيل اللهجة القديمة ولهجة الأرياف وتحديداً، بريدك..
بحسها تعبير عن الحُب والخوف والحنّية، وكالعادة الحنّية دائماً تفوز، والكثير الكثير من الخَجل..
-حبوبة ربنا يديها الصَحة والعافيه لما تسمعني بتكلم وبقول بَحبك بتقول لي ياقااسية مالا بريدك؟
-ومدام جِبنا سيرة الريدة خليني أقول ليك:
ماتدي ريدك لزول مديك ريدة مشروطة!
تِستاهل تتراد بدون شروط.
بريدك لو جِبت عربية..
بريدِك لو عملتي ميكب..
بريدك لو طولتي شَعرك..
بريدك لو عملتا عِرسنابالفنانالفلاني..
بريدك لو مشيتي معاي مكاني البحبو كل مرة..
_بريدك عَشان، دي الجملة الوحيدة المابحبها لأن لو
الكلمة بعد العشان ما إتوفرت إنت ما ح تَريدني.
بتريدني ليه ؟! 💚 .. عشَان بريدك..💚
~وماقَبل نُقطة الخِتام:
بريدك بالحيل، ولو خان الحيل بَفضل أريدك.Osman Hamed Fapjoo
