23/04/2022
መደብ-ስራሕ ሩስያ
******************
ሩስያ : ንምብራቅን ደቡባውን ክፋል ዩክሬይን ኣብ
ትሕቲ ቁጽጽራ ንምእታው ዝጀመረቶ ካልኣይ እብረ
መደብ : ብቅልጡፍ እናሰለጣ ይኸይድ ኣሎ ::
ብፍላይ : ንደቡባዊ ክፋል ዩክረይን ምሉእ ብምሉእ
ምስ ትቆጻጸር : ፑቲን ንነዊሕ ዓመታት ዝተጸበዮ
ሴናርዮ ክኽሰተሉ ስለዝኾነ : ናይ ዩክሬን ወረቃቅቲ
ጨማዲዱ ናብ ባጎኒ ብምድርባይ ; ጠመትኡ ናብ
ሞልዶቫን ሩማንያን ክኸውን እዩ ::
ሩስታቭ ሚኒካየቭ : ምክትል ወተሃደራዊ ኣዛዚ
ማእከላይ ዞባ በጨቅ ከም ዘበሎ ....
" ቀንዲ እዋናዊ ተልእኾ ሰራዊት ሩስያ : ንዶንባስን
ደቡባዊ ዩክሬንን ብምሉኡ ምዕትዓት ኮይኑ : እዚ
ድማ ንሓውሲ ደሴት ክረሚያ መልሕቅ ካብ ምኻን
ሓሊፉ ንምንጪ ቁጠባዊ መስመር ሓከልቲ ምርጋጥ
እዩ:: ነዚ ከም መንጠር ባይታ ተጠቂምና ድማ : ኣብ
ዞባ ትራንስትሪያ ሃገረ ሞልዶቫ ሩስያውያን ብምኻኖም
ጥራጥ ዝግፍዑ ዘለው ኣስታት ፍርቂ ሚልዮን ህዝቢ
ጎኒ ኽንኮኖም ከኽእለና እዩ ::"
እዛ ትራንስትሪያ ትበሃል ዞባ ክፋል ናይ ሃገረ ሞልዶቫ
ኾይና ብ1990 ነጻነታ ኣዊጃ ከተብቅዕ ውድብ ሕቡራት
ሃገራት ግን ኣፍልጦ ስለዘይሃባ ነበርታ ርግኣት ከይ
ኣስተማቀሩ እዮም ዝነብሩ ዘለው::
ሩስያ ናብ ሞልዶቫ ትምድብ ዘላ :ነቶም ነበርቲ ናይ
ትራንስንስትርያ ራህዋ ከተጎናጽፎም ዘይኮነትስ :
ንሩማንያ እውን ኣብ ትሕቲ ጽልዋኣ ኣእቲያ ናብ
ቀንዲ መባልዕታ ዝኾነት ሃገረ ሰርቢያ ክትትርኣስ
ትሓስብ ስለዘላ እዩ :: ምኽንያቱ : ብዘገም ድዩ
ብፍጥነት ነዚ ትልሚ እንተበጺሓቶ : ነቶም ኣብ
ዱርኩኺታ እቶን ዘንድዱ ዝነበሩ ምዕራባዊያን
ኪኖ ሓጹር ትድርብዮም ኣላ ማለት ስለዝኾነ ዓወት
ክትሓፍሰሉ እያ ::
ደቡባዊ ዩክረይን ክንብል ከለና : ህብብቲ ወደባዊት
ከተማ ኦዴሳ ( ቀደም ሩስያውያን ዝደኮኑዋ ወደብ)
እታ ዓባይ ወደብ ትርከበሉ ኾይኑ : እዛ ከታማ ካብ
ዶብ ሃገረ ሞልዶቫ 35 ማይልስ ጥራሕ እዩ ርሕቀታ ::
"ሕብረት ሶቬት ብምፍራሱ ልቡ ዘይመልሕ ኣይ
ሩስያውን/ ልቢ ሩስያዊ ኣይብሉን : ' ከምቲ ዝነበሮ
ክምለስ ይኽእል እዩ !' ኢሉ ዝሓስብ ድማ ኣይ ምስ
ኣእምሩኡን ::"
ኢሉ ምንባሩ ንገረሉ ፑቲን :ድሕሪ ምፍራስ መንደቅ
በርሊን ሕብረት ሩስያ ጠንጢነን ጸጸግዐን ዝሓዛ
ሃገራት ምብራቅ ኣውሮጳ : ስክፍትኡ እንተኣበሪኸን
ነቲ ኣብአን ዓሪዱ ዘሎ ሰራዊት ኔቶ ዋጋ ከይሃበ
ክሰሃለን ድሕር ከም ዘይብል : ጠባያቱ ዝፈልጡ
የጠንቅቁ ኣለዉ ::
ምዕራባውያን ጌና ገንዘብን ኣጽዋርን ናብ ዩክረይን
ይልእኻ ኣለዋ ::እዚ ድማ ያኢ ንሩስያ ገደብ ክገብሩላ
ስለዝሓሰቡ እዮም ዝኾኑ :: ኣብ ወግዓዊ ቴሌቭን
ናይ ሃገረ ሩስያ ቀሪቦም ሴናርዮታት ናይ ዳህኪ መብርሂ
ዝህቡ ዝነበሩ ኣዘዝቲ ከም ዝብልዎ ግና ......
" ብሓንቲ ዳርባ : ከም በዓል ኒው-ዮርክ ወይ እውን
ክንዲ ዓዲ እንግሊዝ ዝኾና ዒላማታት ..... ኣብ ነበረ
ያ ነበረ ከነእትወን ንኽእል ኢና ::"
ምባሎም :እናሻዕ ኣሜሪካ ኣንጻራ ንምፍርራሕ ኢላ
ትጥቀመሉ ዝነበረት ቃንቃ ጌሮም ምስ ሓጨጩ
ሩስያውያን ምስ ጋና ዳእላ ከም ዘየዘውትሩ ዝተረድኦም
ምዕራባውያን ርእሶም ሃሰስ ይብሉዋ ኣለው ::
ሕጂ :ጀርመንን ፈረንሳይን ንሩስያ ኣብ ምትኹታኽ ኢደን
ከም ዘይሕውሳ ብምግላጽ ንኣሜሪካውያን "ውዕል"
ዝበሉላ ኢዶም ይሓጽቡዋ ኣለው ይመስሉ ::
ምንጪ እስማዒል ዓሊ
