28/07/2025
مرثية الحوت (انقطع الوتر الكان بيغني)
كَلَّمَـےـاتِـ الشاعر الجمل . ابراهيم محمد ابراهيم سعداب 😍
لوكان ياموت غيبت الحوت
حنظل نرتاح في حلو الصوت
وحيظل الجان انسان فنان
في قلوب الناس محمود منحوت
لا صرح قال لا شيال حال
لا همو المرمر لا ياقوت
كان لينا الضل وعبير الفل
وكان فينا البعرف يدي القوت
********-*******
زولا كان بعجبنا كلامو
جاشا العتتبو فينا ولامو
كان بالبسمه مفرح ذاتنا
واجمل لحظه نكون قدامو
داوي الوجع الفيما ماصل
رغم الوجع العاش ايامو
ودايما صابر الامو
**-**-******----
ياحليلو الطيب وصافي النيه
فاتنا وسافر غير ما يودع
شال الضحكه وحلا الدمعه
محمود الولد الراقي ومبدع
ياما فراقو كتير اسرنا
وكان يوم نعيو الخبر المفجع
خلا الكل في حاله عجيبه
قلوب تتقطع وعين بتدمع
**************--
غير مانصبر شن بنسوي
المكتوب لابد بنشوفو
نفرح ونحزن ياهو قدرنا
زي كل انسان حاكماهو ظروفو
قدرنا يفارق حوته ويرحل
فاتنا الغالي الطايله كفوفو
وكل حواتي عليهو بيبكي
جمر الفرقه محرق جوفو
****************
عزانا الذكري العندنا منك
يامحبوب لي كل انسان
كان استفتاء وداعك انت
وانك عايش في الوجدان
الناس حبوك بي عفو الخاطر
عشان في روحك روح فنان
ياشيال لي همك وغيرك
يامحمود ياحوت ياجان
***************
كنت الدوحه الوارفه ظليله
ياالخليتنا في لحظه اليمه
نبكي وراك غالبانا الحيله
وجوه قلوبنا محكر ديمه
حليلك يامسدار غنواتي
حليلك لما تقول ياهيما
وحليل الغنيه الداير اقولا
لا طلاها صباح لا غيمه ***************
انقطع الوتر الكان بيغني
او بالاحري انكسر العود
لا بالخوف لا كلمة زيف
صدق الوعد بنبقي صمود
وزي ماانك انت القلت
نحن حنصمد يامحمود
ونزرع حبك شتلة ريده
وازهي حديقه ملانه ورود **************
والحزن الباين في عيون حاتم
بكامعاهو عيون الليل
حنين الورده عليكا بتبكي
وياما بكت حتي النيل
حليلك يامحمود ياطيب
يادخرينا وجمل الشيل
مهما نحكي ومهما نشكي
البنقولو عليكا قليل
**********----**
وست الكل يابت الطاهر
عفوك ورضاك لي ولدك يمه
بالغفران والرحمه ادعيلو
عشان الام دعواتا مهمه
ابواب الجنه تحت قدميها
سوي دعاك يافايزه في نمه
وفي الجنات محمود انشاءالله
جوار لرسولنا شفيع الامه
تحياتي: 🙅♂️
