¶ الباش مُزارِع ¶

¶ الباش مُزارِع ¶ صفحة تهتم بنشر المعرفة الزراعية بصورة مبسطة وسهلة يمكن أن يستفيد منها المزارع البسيط وتحسن من جودة أداءه لمهنة الزراعة ...

25/05/2025

الجبايات والتضييق علي مدخلات القطاع الزراعي أمر محير ويدعو للدهشة في بلد زي السودان ، بلد أغلب سكانو تربالة ومزارعين .
الكلام المبذول إنو المدخلات الزراعية معفية من الجمارك ، لكن ماف زول قادر يلمس أثر الإعفاء دا لانو المدخلات أسعارها عالية بصورة غير طبيعية وغير مبررة ، لنفترض إنو الدولة فعلاً عاملة إعفاء للمدخلات الزراعية ، دا معناه إنو غلاء الأسعار ناتج عن جشع التجار، والجشع دا من اهم أسبابه ضعف الرقابة على السوق الزراعي بالتالي ماف تسعيرة معينة وكل تاجر شغال علي كيفو ...
مفترض الدولة تتحرك عسي ولعل...
¶ الباش مُزارِع ¶

25/05/2025

مشكلة الزراعة في السودان ، هل هي مشكلة سياسات ؟!
ولا مشكلة إدارية؟!
أم مشكلة كوادر محتاجة تأهيل؟!
أم كلهم مع بعض ؟!

عايزين نفكك الغلوتية دي شاركنا برأيك عشان نعرف نفككها ونشوف الوجعة وين عسي ولعل ...
¶ الباش مُزارِع ¶

25/05/2025

هو النبات شنو؟!

النبات جذور وساق وورق .
نقطة حفرة جديدة ...
النبات في عملية الغذاء بتاعتو بعتمد علي نوعين من العناصر الغذائية ، العناصر الكبري والعناصر الصغري ...
العناصر الكبري أو NPK دي بالنسبة للنبات زي الحمدو في الصلاة وجودها مهم وضروري وعدمها أو نقصها معناه إنت م زارع حاجة ، عشان كدا حنتكلم ليكم عنها في بوستات منفصلة عشان نشرح هي شنو وفوائدها شنو .
أعمل متابعة راجي شنو ..
ولا شنو .

¶ الباش مُزارِع ¶

23/05/2025

معلومة عن الخريف في السودان

الخريف ينقسم الى10 عين وكل عين ١٣ يوماً أهمها
١/ ويبدأ الخريف بنزول الثريا يوم 17 مايو
٢/ العصا العطشانة، وتبدأ يوم «13» يونيو وتنتهي يوم «25» يونيو، وتتميز العصا العطشانة بكثرة الكتاحة التي تعرف بالسفاية، وتحول اتجاه الرياح من الشمال الشرقي الى الجنوب الغربي
٣/ وعينة العصا الرويانة وتبدأ «26» يونيو الى «8» يوليو، ويكون فيها الجو معتدلاً وبارداً، وفيها تنتهي رغبة الانسان في شرب الماء الكثير.

٤/ يبدأ الخريف بعينة الضراع ويبدأ يوم 7» يوليو الى يوم «21» يوليو، ويقال عنه إن صح خريف وإن بطل صيف.

٥/ النترة من يوم «22 يوليو» إلى «3 أغسطس وتتميز بنمو الحشائش وظهور حشرات الخريف.
٦/ الطرفة من «4 أغسطس» إلى «17» أغسطس. وتسمى الطرفة البكاية لكثرة المطر المتواصل طول اليوم
٧/ الجبهة من «18» أغسطس إلى «31» أغسطس وهي ذروة الخريف والمطر الثقيل وتسمى الجبهة النداية لكثرة الندى على النباتات
٨/ الخرسان من أول سبتمبر« إلى «13» سبتمبر وفيها يندر المطر، واذا نزل المطر يكون شديداً يتخلله الرعد المدوى والبرق اللامع.
٩/ العوا من «14» سبتمبر إلى «27» سبتمبر، ويكثر في العوا الرعد.
١٠/ السماك من «28» سبتمبر إلى «10» أكتوبر. ويقال عن عينتي العوا والسماك «يا مطر كفاك ويا سماء امسكي ماك».
النترة والطرفة والجبهه هي أهم و اكبر عين الخريف.

و من علامات الخريف البرق القبلي الذي يبدأ في الصعود من ناحية القبلة، ويسمي ايضا بمربط العجيل، ومطر القبلي وفق موروث اهل البادية بأنه مضمون، وهناك بروق العبادي، البطحاني، وهي صادقة الوعد ونادراً ما تخيب الظن. أما برق الصعيد فيتميز ببريقه الأخاذ، ويأتي بالبرد والزيفة المسماة ايضاً بـ «القرة» الشديدة، كما تسمى مطرته بـ «الشعفوفة» التي تلحق الأضرار بالمنازل والأنعام.

ويعتبر السمبر اعظم دلاله علي بداية الخريف وطير الرهو وابو السِعن..

الزراعة في السودان تدخل عهدا جديداً مع إنتشار الطاقة الشمسية كبديل للجازولين شمس السودان تحرق أجسادنا وتبعث الحياة والخض...
22/05/2025

الزراعة في السودان تدخل عهدا جديداً مع إنتشار الطاقة الشمسية كبديل للجازولين

شمس السودان تحرق أجسادنا وتبعث الحياة والخضرة علي أرضنا ، لذا كتب الشاعر ، بنعشق شمسها الحراقة ، ظل المزارع السوداني طوال الفترات الماضية يحاول فك شفرات أرضه عن طريق فلاحتها بما تجود عليه قدرته ويسمح له دخله ومعاشه ، ومع كل هذا ظل المزارع البسيط يقاتل بكل الجبهات حتي يستطيع أن ينتصر في معركته في الزراعة ، فتجده تارة يصارع أسعار مدخلات الإنتاج يغلبها وتغلبه ولكن تظل عزيمته قائمة وضراعه مخضر ، ولعل من أعقد مشكلات المزارعين التي كانت تواجههم هي توفير الوقود لتشغيل طلمبات الري الذي هو عصب الزراعة وعمودها الفقري ، فمثلاً مزارعي المروي في سنجة والقري حولها كانوا يعانون أيما معاناة في توفير الوقود الزراعي يواجهون هذا مع ضعف في دخلهم وقلة حيلة في تحسين الدخل ، حتي يسر الله لهم بنك الإدخار والبنك الزراعي السوداني ، اللذان أطلقا مبادرة لتمويل المزارعين بوحدات الطاقة الشمسية حتي يستطيعوا مزاولة نشاطهم الزراعي ،وبالفعل شرع المزارعين في التواصل مع قنوات البنكين المتاحة واستطاعوا الحصول علي وحدات الطاقة الشمسية كمصدر بديل للجازولين ،ومن خلال متابعتي بدأت هذه المبادرة تؤتي أكلها بفضل الله وبدأت الحياة تدب في الأرض من جديد ، وبإذن الله ستبلغ هذه المشروعات غاياتها وتسهم مساهمة فعالة في دفع عجلة التنمية والإنتاج في الولاية بشكل واضح لا سيما وأسعار الوقود كانت معضلة بالنسبة للمزارعين تحد من قدرتهم علي الإنتاج .

فهل نشهد عهداً جديداً للزراعة في ولاية سنار وفي السودان بشكل عام ؟!

هو النبات شنو؟! النبات جذور وساق وورق . نقطة حفرة جديدة ...النبات في عملية الغذاء بتاعتو بعتمد علي نوعين من العناصر الغذ...
29/11/2024

هو النبات شنو؟!

النبات جذور وساق وورق .
نقطة حفرة جديدة ...
النبات في عملية الغذاء بتاعتو بعتمد علي نوعين من العناصر الغذائية ، العناصر الكبري والعناصر الصغري ...
العناصر الكبري أو NPK دي بالنسبة للنبات زي الحمدو في الصلاة وجودها مهم وضروري وعدمها أو نقصها معناه إنت م زارع حاجة ، عشان كدا حنتكلم ليكم عنها في بوستات منفصلة عشان نشرح هي شنو وفوائدها شنو .
أعمل متابعة راجي شنو ..
ولا شنو ..
بجيكم مع الدقاقة
بودكاست نقاش أخضر

إنت كمزارع بدل تزرع البذور مباشرة في التربة وتقعد محتار بين هسي حتقوم ولا لا وإذا قامت حتقوم كلها ، وتاني تقعد في رقعها ...
29/11/2024

إنت كمزارع بدل تزرع البذور مباشرة في التربة وتقعد محتار بين هسي حتقوم ولا لا وإذا قامت حتقوم كلها ، وتاني تقعد في رقعها وأشلخ من هنا وخت هنا ...
الفي الصورة دي اسمها صواني شتول ، الأفضل إنك تستخدمها عشان حتديك نتائج فعالة ومنها بتكون عارف نسبة إنباتك، والشتلة صحتها بتكون ممتازة ، دا غير إنو بتديك زمن إنو تحضر أرضك وإنت مرتاح وبعد تجهز الأرض بتزرع شتلتك وإنت مطمن ..
أعمل متابعة راجي شنو..
ولا شنو

بودكاست نقاش أخضر

28/11/2024

مع التلات حبات ما علاج للنزله – لقد أصبحتُ الآن ضمن قائمة التفاعلات الأسبوعية لديه كأحد أبرز المتفاعلين لديه!

Address

السودان
Khartoum

Website

Alerts

Be the first to know and let us send you an email when ¶ الباش مُزارِع ¶ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category