Nill Brunette, الخرطوم, Omdurman (2026)

11/05/2024

مساءالنور عليكم ✋😊

01/05/2024

فايتاكم رهابه تقيلة 😍😍🔥✈️

28/04/2024

الخطوط الجوية السعودية😍✈️

دي حقت الناس الفاطرين 😎
او الناس البتعز نفسها وما
بتستخسر في نفسها حاجه 😊💕

الوجبات🍕🥣

نبدأ ليكم بالطقه 😋
متعة السفر كلها في الأكل طبعا 😁
وشايفه في ناس داقين جرس في
وجبة بعض الطيران كرواسون وبارد 😉
بأكلوك حسب قروشك ادفع تمام تاكل تمام

لكن طيران السعودية غير ف حبيت اثقفكم عنه 😎
السعودية تجمع في الوجبات نكهة بين المحليه والعالميه
الوجبه الرئيسية بتكون من البلد المتجهه إليها الرحله
بالاضافه ل وجبتها الشعبيه مع لمسه من المطبخ
العربي السعودي يعني اتخيل مسافر الصين
الوجبه الرئيسية ح تكون حاجه بحريه وكدا
وحركات لكن بنكهة سعوديه ما تخاف بنجضوها
ليك 😂ماف حاجه اسمها لو ما حبيتها ح تحبها
ح تحبها 😄

الترفيه على الخطوط السعودية🔥🇸🇦

عندك شاشه فرديه بتعمل باللمس
مزودة بسماعات رأس وجهاز تحكم
دا كلو حقك براك يعني م ح تتشاكلو
في الريموت 😂عندها برنامج يحتوي
على 40 قناة ترفيهيةحسب اختيارك
مقاطع فيديو( دينيه وثائقية واطفاليه)
افلام سنمائية ودراميه عربيه وعاليمه
والبميزا اكتر القرآن الكريم ❤️(12 محطه مختلفه)
الموسيقى (اغاني عربيه اجنبيه) بس انت تقول يا.....

والدرعه في الموضوع😎🔥
الاتصال بالإنترنت على متن الطائرة
واجراءت المكالمات الدولية
من خلال نظام اسكاي فاي
وفي كاميرات مراقبة تشاهد بيها
المناظر الجميله خارج الطياره

المقاعد 🇸🇦✈️
عندك وساده او مسند الرأس والظهر والارجل
عزه في بيتكم ما بتلقى زي دا
عندك بطانيه وحاجه صغيره كدا للنوم
تغطي عيونك وكدا حاجات الأفلام ديك 😁
طبعا في حقيبه صغيره بدوك ليها فيها
سداد اذن وجوارب( شرابات) وغسول
لليدين المهم بعزوك عزه جد وطبعا دي
حاجه خاصه بتنزل بيها ماف زول بستخدما بعدك

وطبعا عامله ليها سويق كدا صغير 🇸🇦✈️
في الطياره فوق تخيل بس
انت فايتاك رهابه كبيره وما جايب خبر
والترابة دي في خشمك 😂
بتحوي على عطور شرقيه ومنتجات تجميل
يعني لو نسيتي الإسكن كير حقك مع جوطة الاستعجال
بعد تطلعي الطياره تشتري طوالي بدرتك ومنكيرك
وواقي الشمس ما تقولي طلعت من شمس السودان دي
خلاص ما بحتاج بتحتاجي بشده كمان
في حرف يدوية تشتريها هدايا او تذكار

البوست الجاي ح نتكلم عن الدرجات والمقاعد فيها والمميزات خليك قريب

27/04/2024

نصائح للمسافرين😊✋

ماذا تفعل عند فقدان الامتعه في المطار 🤔؟

مراجعة موظفي خدمات الامتعه في
صالة الوصول وتزويد موظفي الخدمه
بالمعلومات الضروريه

الاسم بالكامل واي اسم اخر مدون
في الحقيبه أرقام الهاتف
الألوان والأشكال الصحيحة للامتعة
حسب لوحة التعريف ماركة الحقيبه
التأكد من الحصول علي ملف المطالبه بالامتعة

اذا نسيت شئيا على متن طياره
تواصل مع مكتب خدمات الأمتعة
في المطار الذي هبطت فيه الطياره

🔷 نصائح للحافظ على حقائب السفر في المطار

دون بيناتك داخل وخارج الحقيبه
اشتر حقيبه ذات لون مميزه
احتفظ بقايمة مقتنيات معك
احتفظ بالاشياء الضروريه في حقبيتك
المحموله ازل علامات الشركات القديمه
احجز رحله مباشره.
التقط صورا لامتعتك ومحتوياتها 😉
اترك تفاصيل هويتك الصحيه داخل الحقيبه
سلم حقائبك قبل الرحله بوقت كاف
استخدم كاميرة هاتفك والتقط صور لها
قبل تسليمها احكوا لينا حصل ضاعتك
منك حاجه في المطار؟
لقيتها ول لا؟

27/04/2024

دايرين تأشيرة بأقصى سرعه 🤔
بتطلع في كم يوم؟ 🤔

اسأله كتيره جدا عن التأشيرة
طيب في البوست الفات عرفنا التأشيره هي شنو وأنواعا
الليله دايرين نعرف اسباب تأخرها
طيب أقل فتره هي 72 ساعه بتكون بياناتك تحت التفتيش والمتابعه أقصى فتره من 7 _ 14 يوم

♣️اسباب تأخر التأشيره

١-نقص في البيانات او بيانات غير صحيحه
٢-ضغطت في الطلبات
٣-المهنه المقدمه ليست مؤهله
٤-اذا تم التقديم في فترة الحج
٥- مشكله امنيه للشخص
وتطول اسباب التأخير او الرفض عشان كدا الناس تقدم بيانات صحيحه عشان ما تضيع قروش ساي
لو اول مره يظهر ليك المنشور ادخل القروب بتلقى باقي المعلونات😊

26/04/2024

السفر بأقل تكلفه😎

عارفنك ما عندك قروش كافيه
وحابي تسافر وتستكشف وتغير المود😪
طيب تعال اقول ليك بعض الحاجات
البتساعدك ترتب حالك وتنوي السفر ✈️

🔷الطيران الاقتصادي خيار يوفر المال
لكن ما تعاين لجودة السفر او الخدمات🤐
🔷- تختار زمن السفر المناسب
ما تسافر زمن الذروة الأسعار ما بتكون مناسبه
🔷-التخطيط المسبق للسفر
اقعد براحه في الواطه دي وخطط
من زمن كافي بتلقى عروض طيران
رخيصه وفنداق ارخص تناسب ميزانيتك
🔷- حدد ميزانيتك 💰
لان هي بتحدد ليك محل اقامتك
ما الا فندق خمسه نجوم في شقق
ومنازل قصيرة الاقامةان شاءالله تمش
محلات التخييم في الطبيعه بس سافر
🔷- تناول الطعام 🍕🥣
ابحث عن مطاعم تقدم الطعام المحلي
تجنب مناطق السياحية. بتكون غااااليه💰
اطلب قائمة الطعام المحلية
تحقق من الأسعار قبل الجلوس

🔷قم الانشطه المجانيه
(زيارة المتاحف والمعارض -
استكشف الأحياء القديمه -
التنزه في الحدايق - حضور
الفاعليات المجانيه - الاستمتاع
بالطبيعه والمعالم السياحيه)
وأهم حاجه كتر الصور 😊

وما ح اقول ليك معانا ح تستمتع بأقل التكاليف 😎
لكن بتلقى ليك طريقه ل اقل التكاليف

24/04/2024

الخطوط الجوية القطريه 😍🔥

لو انت من الناس البتحب الاستمتاع بالرحله
والفخفخه😎 والبرستيج 😎والترفيه 🤩
جر بنبرك علينا والقطريه تبحث عنك 😉

طيب نبدأ ليكم بوسائل الترفيه على متن الطائره

عندها نظام اسمو اوريكس ون
طيب اوريكس دا شنو
دا نظام يوفر اتصال Wi-Fi علي
شاشة التلفزوين الشخصيه تمكن المستخدم
للوصول الي رسائل البريد الالكتروني
والرسائل النصيه وتصفح الإنترنت 😎

🔥IFE افلام
افلام( الرعب الكوميديا الدراما الرومانسيه)

🔥IFE خرائط
عشان لو عندك فضول تعرف انت
وين بالضبط والمده المتبقيه للوصول

🔥IFE. بودكاست
داير تضحك وتفرفش وتنسى فوبيا
الطيران تاخد معلومات سريعه ول من
محبي الرويات كلو موجود😎

🔥مبيعات(دكان)
اي دكان في الطياره ما دي القطريه عاد
للوجبات الخفيفه الاسناكات ( كرواسون
شيبس شوكولاته مشروبات ساخنه بارده...)

💢المقاعد

🔷الدرجه الاولى المساحه6'5بوصه للارجل
وبها تدليك ويمكن طي المقاعد
لتصبح سرير مسطح 🛌.
🔷درجة رجال الاعمال يمكن طي المقعد
لتشيكل سرير افقي.
🔷الدرجه السياحيه المساحه 3'4بوصه
عندك شاشه شخصية 🖥️

💢الوجبات

بحب السفر عشان موضوع الطقه دا😋
الاكل بختلف باختلاف الرحله لو كان
داخليه او دوليه او عابرة قارات وايضا حسب مدة الرحله

🔥طيب الرحله الداخليه

بقدموا فيها شطائر ساخنه بنكهة
الزبده او صلصلة البيستو وشرائح الدجاج
وجبنة الفيتا علي مجموعة متنوعه
من انواع الخبز طبعا في حاجات
اول مره تسمع بيها صح معليش
تكبر تنسي او تجرب وتتلذ طبعا في
مشروبات بارده وساخنه علي اختيارك

🔥الرحله الدوليه

بكون طبق يحتوي علي البروتينات
والخضروات والفواكه وجبة افطار
ساخنه / بارده وجبه خفيفه
طبعا وجبة الافطار دي طبقه كامل مكمل ب مقبلاتو

🔥الرحله العابره للقارات

دي المتعه هنا😉
تنزل زايد 2 كليو😂💪
اول حاجه بتم الترحيب بيكم
بمشروب ترحيبي ( اسمو كدا)بعداك
بقدمو ليك قائمة الطعام عشان تختار
انت حابي تاكل شنو شفتو العزه دي
الوجبات

المعكرونه والرافيولي محلية الصنع الكباب
المطهوة علي الفحم الاسماك المشويه
الحلويات (الفطاير - الكريب)
المشروبات ( ساخنه / بارده)

الاطفال
سيحظون بنادي اوريكس للاطفال
بقدم ليهم برامج العاب مميزه.
وشخصيات كرتونيه (المها اورى وشقيقة
اوراه واصدقاءهم الثلاثه )بالاضافه
لصناديق الطعام بضعوا فيها ابطالهم المفضلين

24/04/2024

فوبيا الطيران 😳

يقول بعض الناس السفر جوا شرا لابد منه

يقول ماثيو باريس
( ان بعض الناس يخافون من الطيران
لأنهم تعرضو لتجارب سلبيه سابقا
او لأنهم لم يسبق لهم ركوب طيران من قبل 😁)

لو انت من الناس العندها رهابه
الطيران المنشور دا ليك 😎

الخوف من الطيران ليس له
اساس من الصحه لاننا عرضه
للموت في حوداث السيارات
اكثر من الطيران.
لكن يمكن يكون تعرضت لحادث
من قبل او سمعت حادث تحطم طائرة
والعجب لو كنت من متابعين ناشيونال
جوغرافيك ( تحقيقات الكوارث الجوية 😂)
دا لو ادوك التذكره مجان ما بتركب طياره
معناها انت بتخاف تتحطم الطياره.
أو انت بتخاف الجلوس في مكان
مغلق لا مهرب منه.

🔷طيب كيف اعالج فوبيا ركوب الطيران

١- حاجه تبلغ طاقم الطيران
عشان يجهزو ليك المستلزمات المطلوبه
من اوكسيجبن ل غيرو.... 😊
٢- استخدم تقنيات مهدئه الأعراض
( أفضلها تركب سامعاتك وتشغل قرآن
بأعلي صوت بالسورة الانت بتحبها
أو لوكنت من محبي الاغاني
شغل الاغنيه البتحبها
٣- امضغ علكه (لبانه بالسوداني😁)
٤-اخر مرحله تاخد حبوب مهدئه😔
قبل الرحله لازم تتحدث مع طبيب
نفسي لتخفيف الأعراض

وتصل بالسلامه 😊

#متعة السفر

22/04/2024

🌿نصائح للسفر😊

🗯️انسخ جوازك وصورك الشخصيه على البريد الإلكتروني والهاتف
عشان لو ضاع منك شي في اخر لحظه ما تتجهجه 😊
🗯️قسم البطاقات والأوراق المهم على أكثر من حقيبه
عشان لو ضاعت منك حقيبه يكون عندك نسخه في الحقيبه التانيه 😏
🗯️اكتب معلوماتك الشخصية على الحقيبه لتتجنب الضياع
عشان ماف زول يلفح شنطتك بالغلط ويكبرا 😉
🗯️احتفظ بالاوراق المهمه في حقيبة اليد
عشان محل ما تقبل يطلبو منك ورقه ما تقعد تتلفت وتبرجل الشنط 😁
🗯️احتفظ بأرقام الطوارئ في البريد الإلكتروني
عشان لو تلفونك ضاع امسك أقرب تلفون زول جمبك وطلع معلوماتك😊
🗯️استخدم تطبيقات الخرائط لتسهيل التنقل
عشان ما تضيع يا ولدنا 🙂
🗯️معرفة عدد الحقائب والاوزان المسموح بها
🗯️اتأكد من قائمة المواد الممنوع حملها
عشان ما تشيل كجيك وكول وملوحه تجهجه ناس المطار ساي😂
🗯️اختار حقائب خفيفة الوزن
🗯️لف الملابس على شكل أسطوانة بدل طيها لتوفير مساحه
دي طبعا دي طريقه جديده حقت ناس برجوازين ف كدا جربوها احكوا لينا عنها فعال ول كلام جرايد😅

وتصلوا بالسلامة 💕

#متعت السفر

21/04/2024

معلومه صغيره 😊

عارفين انو وكالات السفر والسياحة بتقطع ليكم التذاكر بس!

لكن في وكالات بتقطع التذكره تسفرك وتحجز ليك الفندق كمان 😎
لاقتكم ول مالاقتكم؟ 🤔

بعض الوكالات عندها تعاقدات مع الايتا للتذاكر التذكره بتكون بسعر حنين
وعندها تعاقد مع بعض الفنادق
يعني ما بتحجز ليك التذكره وتجدعك في البلد الفلاني لا بتطبطب عليك وتشوف ليك الفندق البتنزل فيه وح تقعد كم يوم وح تطلع متين ميزانيتك للفندق قدر شنو بتشتغل ليك قدر قروشك
كلنا ناوين السفر لكن نمش ننزل عند منو ما عارفين
ولو قلنا نأجر شقه معناها الا بعد نصل يعني روحنا ح تطلع
وما عندنا ثقافة الفنادق لانو متصورين انها غاليه وكدا
بس فايتاكم رهابه ما بعدها رهابه

لو نزلتو في فندق احكوا لينا التجربه كانت كيف 🤗

21/04/2024

انواع التأشيرة

قبل السفر إلى أي دوله لازم تعرف انو الدوله الداخل ليها تتطلب تأشيرة دخول ام لا
قلنا كدا لي لانو في دول عامله اتفاقية اعفاء تأشيرة وإمكانية المرور بتأشيرة واحده بين الدول دي
طيب لمن تقرر تسافر بلد معين لازم تحدد الغرض من دخولك للبلد دي شنو عشان يحددو ليك نوع التأشيرة
في البوست الفات اتكلمنا عن التأشيره والفيزا وكدا هنا ح نفصل أنواع التأشيرات

💢التأشيرة السياحية
وهي وثيقة سفر رسميه بتم إصدارها للزوار الأجانب لغرض الترفيه
أنواع التأشيرة السياحية

تأشيرة زيارة الفعاليات
تأشيرة زيارة المضيف
تأشيرة زيارة الشخصية
تأشيرة لحضور المهرجانات

💢تأشيرة الدراسة
هي تأشيرة تسمح للطلاب بالدراسه في دول أخرى
ومنها نوعين
١- تأشيرة F-1
دي بتصدر للطلاب بغرض الدراسه في الجامعات بدوام كامل
٢- تأشيرة M-1
بتصدر للطلاب بغرض الدراسه في الجامعات بدوام كامل والتدريب المهني

💢تأشيرة العمل
ودي بتعمد على الحاله المهنيه لمقدم الطلب مؤهلاته
ودي من أهم التأشيرات الناس بتبحث عنها
ومنها
١- تأشيرة زيارة عمل
ودي للشخص السافر بهدف الأعمال التجارية وفي فترة لا تتجاوز ال90يوم
٢- زيارة العمل الحر
ودي للأشخاص البتشتغل أعمال حره وممكن تكون أكثر من 90 يوم
٣- تأشيرة العمل في مؤسسه
ودي تسمح للشغل في المؤسسات والشركات مدتها محدوده ايضا حسب فترة العقد
٤- تأشيرة المهمه
تسمى تأشيرة المهمه الطويله
تسمح للاجانب الاقامه طويلة الأمد
طبعا دي تأشيرة الهاي كلاس😎
(ناس المنظمات او عندهم مناصب في الحكومه)

💢التأشيرة العائليه
ودي للأشخاص البتهاجر وبتعيش بشكل عام
ولازم عمرك يكون 21 فما فوق
وفيها نوعين من تأشيرة الهجره العائليه
١- قريب مباشر
بكون عندك علاقة اسريه وثيقه بالشخص الموجود في الدوله دي ( زوج او طفل او والد)
٢-تفضيل الأسرة
ودي مخصصه للعلاقات الاسريه المحدده
وعدد المهاجرين بكون معدود

💢تأشيرة طبيه
هي نوع من تصاريح السفر لأسباب طبيه للحصول على علاج طبي

وربنا يسهلا على كل مسافر 🤗

السفر

20/04/2024

معلومه صغيره 😊

عارفين انو وكالات السفر والسياحة بتقطع ليكم التذاكر بس!

لكن في وكالات بتقطع التذكره تسفرك وتحجز ليك الفندق كمان 😎
لاقتكم ول مالاقتكم؟ 🤔

بعض الوكالات عندها تعاقدات مع الايتا للتذاكر التذكره بتكون بسعر حنين
وعندها تعاقد مع بعض الفنادق
يعني ما بتحجز ليك التذكره وتجدعك في البلد الفلاني لا بتطبطب عليك وتشوف ليك الفندق البتنزل فيه وح تقعد كم يوم وح تطلع متين ميزانيتك للفندق قدر شنو بتشتغل ليك قدر قروشك
كلنا ناوين السفر لكن نمش ننزل عند منو ما عارفين
ولو قلنا نأجر شقه معناها الا بعد نصل يعني روحنا ح تطلع
وما عندنا ثقافة الفنادق لانو متصورين انها غاليه وكدا
بس فايتاكم رهابه ما بعدها رهابه

لو نزلتو في فندق احكوا لينا التجربه كانت كيف 🤗

#متعت السفر

Nill Brunette

11/05/2024

01/05/2024

28/04/2024

27/04/2024

27/04/2024

26/04/2024

24/04/2024

24/04/2024

22/04/2024

21/04/2024

21/04/2024

20/04/2024

Address

Website

Alerts

Shortcuts

Share

Category