20/11/2023
# خلاني بتكلم براي 😘
اعفيني ما بقدر اشوف
لعيونك السمحات وابوح
مع انو في جواي كلام
بس لما شوفك جد بروح
🌹ما🌹ي🌹ست🌹رو🌹
بي طبعي قدام الجمال
دايما خجول دايما صبوح
كل ما اواجهك شان اقول
بكتم مشاعري وما ببوح
🌹🌹🌹🌹🌹🌹🌹
واقعد الوم نفسي بوراك
ليه ما نبشت الفي جواي
كان حقو تعرف كيف هواك
خلاني بتكلم براي
🌹الا🌹ح🌹سا🌹س🌹
داير اقول ليك يا ملاك
اصبحتي روحي وست هواي
يا شاغلة بالي وفكري بيك
اه لو تحني شوي معاي
🌹🌹🌹🌹🌹🌹🌹
بس للاسف انا ما شجاع
بنهار سريع في حضرتك
مرات اللمح بالعيون
عن ريدي لو يوم وصلتك
🌹وال🌹م🌹شا🌹عر🌹
مرات براقبك من بعيد
شان تملا عيني نظرتك
ونا عارف انك حاسه بي
لاحظته فيك في بسمتك
🌹🌹🌹🌹🌹🌹🌹
بس كبريائك عالي فوق
مانعك تبادليني الغرام
مع انو زهرت ريدي فيك
قامت جواكي سريع قوام
🌹صا🌹بر🌹ا🌹دم🌹
بس كل نقطة ضعفي كان
اكسر سكوت الريد كلام
واحكي ليكي وتحكي لي
والريد يكون نور ما ضلام
🌹🌹🌹🌹🌹🌹🌹
