20/08/2026
ПОВИК ЗА АКТЕРИ: БЕСПЛАТНА РАБОТИЛНИЦА ВО ХЕРЦЕГ НОВИ - ПАТУВАЊЕТО И СМЕСТУВАЊЕТО СЕ ЦЕЛОСНО ПОКРИЕНИ
Отворен е повикот за учество на ReActing+ Regional Acting Workshop, нов модул на реномираната програма ReActing as a Star, кој ќе се одржи на 27 и 28 август 2026 година во Херцег Нови, Црна Гора, во рамките на третото издание на Montenegro Film Rendezvous и 39. Film Festival Herceg Novi.
Програмата е наменета за професионални актери на возраст од 20 до 45 години од Македонија, Црна Гора, Србија, Босна и Херцеговина, Албанија и Косово, кои сакаат да работат со реномирани европски кастинг директори, да ја зголемат својата меѓународна видливост и да ја прошират професионалната мрежа.
Работилницата ќе ја водат Клаудија Блант (Обединето Кралство) – кастинг директорка, Маурилио Мангано (Италија) – кастинг директор и Себастијан Каваца (Словенија) – актер.
Учеството е бесплатно, а за избраните учесници се целосно покриени и трошоците за патување и сместување за три ноќевања, од 26 до 29 август 2026 година.
Работилницата ќе се одвива на англиски јазик, поради што е потребно течно познавање на англискиот јазик.
📌 Краен рок за пријавување: 7 август 2026 година
📩 Пријави и дополнителни информации: [email protected]
ReActing+ се организира од ReActing as a Star, во соработка со Филмскиот центар на Црна Гора, со поддршка од British Council.
Ги охрабруваме македонските професионални актери кои ги исполнуваат условите да ја искористат можноста за ново меѓународно професионално искуство и поврзување со европската филмска индустрија.
Повеќе детали има тука: https://docs.google.com/forms/d/e/1FAIpQLSe5PNP-O4hmL-ie6Boqn2VOuCDcM6KdUUlmzEo2yyvlmIpOWQ/viewform
