25/08/2019
Isbedelka taladiisa loo dhanyahay waa fudud yahay. Tusaale,
Macalin Jaamacadeed ayaa usoo galay Fasal (class) ay isku cusub yihiin. Isbarasho kadib, macalinku wuxu isku dayay in uu rakibto projectorkii, hasayeeshee godka laydhka (socketka) ayaa u shaqayn waayey. Dabadeed wuxu soo eegay fasal banaan oo socket shaqaynaya leh. Markii uu soo helay ayuu ardaydii ku wargeliyey in ay soo guuraan. Hayeeshee ardaydii si jiitan ah oo hoos u hadal badani ku jiro ayay u guureen.
Maxaa kaaga baxay?
Usbuucii danbe ayuu macalinkii isla fasalkii ku soo noqday. Markan ardaydu waxa ay degan yihiin fasalkii macalinku usoo raray. Macalinkii wuxu arkay ardaydii oo qaar kulayl dareemayaan hawada dabiiciga ah iyo ta marawaxada oo deeqi weyday awgii. Isagoo aan wargelin ayu soo eegay fasal banaan oo hawo iyo marawaxado wacan leh. Markii uu soo noqday wuxu weydiiyey ardaydii fasalku miyuu idinku kulul yahay? Haa, ayay ku warceliyeen. Ka warama hadii aynu u guurno mid kan ka hawo badan ayuu weydiiyey? Waa si wacan ayay si farxadu ku jirto u jawaabeen. U Guuritaankii fasalka cusubina wuxu ku qaatay wakhti aad u yar.
Dulucda sheekadu waa bini'aadamka marka laga talogeliyo isbedelka maslaxaadoodana laga dhex tuso isbedelka way soo dhaweeyaan.
RCC
