15/01/2023
Sideen isku badalaa 2023?
1. Xiriirka aad Allaah la leedahay hagaaji, Waalidkana baari u noqo, Waad liibaanaysaa, Ducadoodana kasbo, Qaraabadana xiriiri, Ma hoogin abid qof qaraabada xiriiriya.
2. Yeelo Saaxiib fiican, saaxiibka waakan lagu daydo.(mobilke waa Saaxiib, ka xulo inta fiican).
3. Ceebahaaga baro, si aad u isu daawayso xalna ugu hesho.
4. Dhaqamada aad rabto inaad iska goyso ee xun, ha marin qaababkii aad ku soo fashilantay, adeegso siyaabo kale, la wadaag qof aad ku kalsoontahay oo wanaagsan inuu xal fudud ka heshaa la ga yaabaa.
5. Isbar dhaqanka inaad xilli h**e seexato, Subixiina aad aroor kacdo. haka daalin xitaa haday kugu adkaato, ku noqnoqo waad la keenaysaa. Shaqo aad qabato aroortii samayso (Jimcis, Akhris, Qoraal, Dabaal IWM).
6. Ka guur Pages ka (FB, Youtube, Instagram IWM) aad isleedahay waa xunyihiin waqti badana kaa qaata, Fariimaha gaagaaban ee wanaaga fara ha dhaafin daawo. Badanaa dadka waaweyn ayaa isu dira, dhallinyarada ma jecla, balse waa Fariimo wanaaga kugu boorinaya (Quraan, Xadiis Kooban, Fariimaha Dhirigelinta, Taariikhda, Gabayada, IWM).
7. Xanta iyo hadalka badan iska yaree, qof walba intaa waa uu sameeyaa, lakin isku day inaad iska xakamayso. (wax walba oo aad naftaada dambi ay ka dareento waa xunyahay).
8. Wax walba oo aad maqasho ama aad aragto ha faafin, isbar inaad naftaada xakamayso, qaybna haka noqon faafinta dicaayadaha iyo fadeexaynta dadka kale.
9. ku tiirsanow dakhligaaga iyo waxa aad haysato ama shaqaysato, ka fagow Deyn qaadashada iyo Shaxaadka. Deynta iyo Shaxaadka qiimahaaga ayay hoos u dhigaan.
10. Ahow mid waxbarashada sii wada, noloshana waa Dugsi iyo casharo. bogga aad ka galayso dooro.
Ogsoonow, kaligaa kuma tihid gaabiska iyo ceebaha qof yeelan karo, balse waa lakala dadaal badanyahay, dadaalaana waa gaaraa.
