25/11/2023
𝐒𝐨𝐦𝐚𝐥𝐢𝐚 𝐦𝐞𝐱𝐞𝐲 𝐤𝐚 𝐟𝐚𝐚'𝐢𝐝𝐢 𝐝𝐨𝐨𝐧𝐭𝐚𝐚 𝐤𝐮 𝐛𝐢𝐢𝐫𝐢𝐬𝐭𝐚 𝐮𝐫𝐮𝐫𝐤𝐚 𝐄𝐚𝐬𝐭 𝐀𝐟𝐫𝐢𝐜𝐚 𝐂𝐨𝐦𝐦𝐮𝐧𝐢𝐭𝐲?
Waa urur ka dhisan bariga Afrika waxaana ku mideysan dalalka kala ah:
Kenya, Uganda, Tanzania, DR Congo, Rwanda, Burundi iyo South Sudan.
Ururka Bulshada Bariga Afrika wuxuu hoy u yahay qiyaastii 283.7 milyan oo muwaadiniin ah, kuwaas oo in ka badan 30% ay yihiin dad ku nool magaalooyinka.
Sidoo kale baaxadda dhuleed eey dadkaas daganyihiin baa ah 4.8 milyan kiiloomitir oo laba jibbaaran.
isku-darka wax-soo-saarka guud ee bulshadaasi sanadkii waa US$ 305.3 bilyan.
Hadaba Somalia mexey ka faa'idi doontaa ku biirista ururkan?
1) Muwaadinka heysta Baasaboorka Somaliyeed ma u baahan doono dal ku gal (Visa) marka uu aadayo dalalka kor ku xusan,
Wuxuuna xaq u yeelan doomaa helista Baasaboorka la yiraahdo East Africa Community Passport, iyadoo magaca dalka soo saaray hoos looga qori doono.
2) Qofka Soomaaliyeed kuma adkaan doonto inuu helo shati ganacsi hadii uu u baahdo inuu ganacsi ka sameysto dalalkaas.
3) Xuduudaha wadamadaas si xor ah ayuu uga gudbi doonaa hadii uu wato gaari, moto, baaskiil ama haduu lugeynayo.
4) Mustaqbalka dhaw dalalkan wexey yeelan doonaan lacag mid ah taasoo dhaqaalaha dalka Somalia ee wareersan wax ka badali doonta insha Allah.
5) Is-dhexgalka Dhaqaalaha: Ku biirista EAC waxay Soomaaliya siin doontaa faa'iidooyin dhaqaale oo badan. Waxay kordhin doontaa gelitaanka suuq weyn oo ka kooban 7 waddan, oo ay ku jiraan Kenya, Uganda, Tanzania, Rwanda, Burundi, iyo South Sudan iyo Dr Congo. Tani waxay u sahlaysaa somalia kor u kaca ganacsiga iyo maalgashiga, taasoo horseedaysa kobac dhaqaale, kor u kaca fursadaha shaqo, iyo kor u qaadida hab-nololeedyada dadka Soomaaliyeed.
6)Nabadda iyo xasilloonida: Xubinnimada EAC waxay leedahay awood ay si togan uga qayb-qaadato nabad-dhisidda iyo xasilloonida, Soomaaliya-na marka ay ka qayb-qaadato wada-hadallo joogto ah, wada-xaajoodyo, iyo hababka xallinta khilaafaadka ee EAC u dagsan, waxay xoojin kartaa xiriirkeeda diblomaasiyadeed ee ay la leedahay dalalka deriska ah waxayna abuuri kartaa kalsooni iyo iskaashi. Habkan iskaashiga ah ayaa ka caawin kara Somalia wax ka qabashada caqabadaha caadiga ah iyo horumarinta amnigeeda gudaha.
- Midowga uruukan bulshada bariga Afrika ma ahan in dhulka leys-la leeyahay ee waa midow sahlaya is dhaxgal bulsho iyo mid dhaqaale lana fududeeyo isu socodka iyo ganacsiga wadamadaas ka dhexeeya.
- Heshiisyada ururkan wuxuu leeyahay faahfaahin badan mana saamexeyso hal qoraal in lagu soo koobo.
- Caqabado aan badneen oo Somalia soo wajahaya wey jiraan iyagana qormo kale ayaan ugu hadli doonaa
W/Q:- Abdifitah Injey
