18/06/2026
Washington waxay daabacday faahfaahinta heshiis ku-meel-gaar ah oo ay la gashay Iiraan, kaas oo ka kooban 14 qodob si loo joojiyo dagaalka loona furo Marinka Hormuz, iyadoo loo gogol xaarayo wada-hadallo ballaaran oo soconaya 60 maalmood si loo xalliyo arrimaha ugu adag.
Qodobada ugu muhiimsan ee heshiiska:
๐ Maraykanka iyo Iiraan waxay ballanqaadeen in si degdeg ah oo joogto ah loo soo afjaro dagaalka dhammaan jihooyinka, oo ay ku jirto Lubnaan (Qodobka 1).
Sidoo kale labada dhinac waxay ku heshiiyeen inay ixtiraamaan madaxbannaanida iyo dhuleednimada dalalka, kana fogaadaan fal kasta oo colaadeed ama faragelin arrimaha gudaha (Qodobka 2).
๐ Maraykanku wuxuu si buuxda uga qaadi doonaa xayiraadda badda ee dekedaha Iiraan muddo 30 maalmood gudahood (Qodobka 4).
Beddelkeedana, Iiraan waxay dadaal kasta gelin doontaa in maraakiibtu si bilaash ah uga gudbaan Marinka Hormuz muddo 60 maalmood ah, si loogu gogol xaaro dib-u-bilaabidda isu-socodka caadiga ah ee maraakiibta iyadoo la kaashanayo dalalka gobolka (Qodobka 5).
๐ Maraykanku wuxuu bixin doonaa oggolaanshooyin degdeg ah oo ku saabsan dhoofinta saliidda iyo batroolka kiimikada ee Iiraan (Qodobka 10).
Waxa kale oo uu u oggolaan doonaa Iiraan inay si buuxda u isticmaasho hantideeda la xayiray iyadoo loo marayo jadwal lagu heshiin doono heshiiska k**a dambaysta ah, isaga oo ballanqaadaya in la baabi'in doono dhammaan cunaqabataymaha hal-dhinac iyo kuwa caalamiga ah (Qodobka 11).
๐ Maraykanka, isagoo la shaqaynaya xulafadiisa gobolka, wuxuu diyaarin doonaa qorshe dib-u-dhis iyo koboc dhaqaale oo loogu talagalay Iiraan, kaas oo qiimihiisu aanu ka yarayn 300 bilyan oo doolar, iyadoo la bixinayo ruqsadaha maaliyadeed ee lagama maarmaanka ah (Qodobka 6).
๐ Iiraan waxay hakad gelin doontaa barnaamijkeeda nukliyeerka, waxayna xaqiijinaysaa inaanay doonayn inay hesho hub nukliyeer ah. Sidoo kale waxaa lagu heshiin doonaa hab lagu xalliyo masiirka walxaha nukliyeerka ee la hodmiyay ee kaydsan (Qodobka 8).
Dhanka kale, Maraykanku ma soo rogi doono cunaqabatayn cusub mana kordhin doono ciidamadiisa si loo ilaaliyo waxa lagu tilmaamay โxaaladda hadda jirtaโ (Qodobka 9).
๐ Labada dhinac waxay geli doonaan wada-hadallo muhiim ah oo soconaya 60 maalmood si loo diyaariyo heshiiska k**a dambaysta ah, kaas oo lagu xallin doono arrimaha haray iyadoo la adeegsanayo nidaam kormeer adag (Qodobka 13).
๐ Ugu dambayn, heshiiska waxaa lagu ansixin doonaa go'aan waajib ah oo ka soo baxa Golaha Ammaanka ee Qaramada Midoobay (Qodobka 14).
