Degmada Hodan

Call Directions Contact the business

Degmada Hodan Halkani waa Bogga Rasmiga ah ee Maamulka Degmada Hodan ee Gobolka Banaadir.

This is the official page of the Hodan District Administration in the Banadir Region.

12/10/2026

Gudoomiyaha Gobolka Ahna Duqa Muqdisho oo Booqday Bandhigga Ganacsiga SOM SUUQ EXPORT ee Degmada Hodan.

Guddoomiyaha Maamulka Gobolka Benaadir ahna Duqa Muqdisho, Mudane Xasan Maxamed Xuseen (Muungaab), ayaa booqday goobta uu ka socdo bandhigga ganacsiga ee SOM SUUQ EXPORT, kaas oo lagu soo bandhigayo ganacsiyo kala duwan, wax-soo-saarka iyo fursadaha maalgashi.

Guddoomiyaha ayaa waxaa halkaasi si diirran ugu soo dhaweeyay Guddoomiyaha Maamulka Degmada Hodan, Mudane Cali Axmed Faarax (Ali Fahle), iyo mas’uuliyiin kale oo ku sugan goobta bandhigga.

Booqashada Guddoomiyaha Gobolka Banaadir ayaa muujinaysa muhiimadda ay leedahay dhiirrigelinta ganacsatada, kobcinta dhaqaalaha, taageeridda hal-abuurka ganacsiga iyo abuurista fursado cusub oo maalgashi.

Maamulka Degmada Hodan ayaa bogaadin iyo mahadcelin u jeediyay Guddoomiyaha Gobolka Banaadir, ahna Duqa Muqdisho, Mudane Muungaab, booqashadiisa iyo garab istaaggiisa dadaallada lagu horumarinayo ganacsiga, kobcinta dhaqaalaha iyo dhiirrigelinta Ganacsatada Soomaaliyeed.

SOM SUUQ EXPORT waa fursad lagu soo bandhigayo awoodda ganacsatada Soomaaliyeed, laguna kobcinayo dhaqaalaha iyo horumarka caasimadda Muqdisho. 🇸🇴

————- DHAMMAAD————

12/10/2026

Guddoomiyaha Degmada Hodan oo Booqday Bandhigga SOM SUUQ EXPORT

Guddoomiyaha Degmada Hodan, Mudane Cali Axmed Faarax (Ali Fahle), ayaa booqday goobta uu ka socdo bandhigga ganacsiga ee SOM SUUQ EXPORT, kaas oo lagu soo bandhigayo ganacsiyo kala duwan iyo wax-soo-saarka ganacsatada.

Guddoomiyaha ayaa indha-indheyn ku sameeyay qeybaha kala duwan ee bandhigga, isaga oo la kulmay ganacsatada ka qeybgalaysa, kuwaas oo soo bandhigay badeecooyin iyo adeegyo kala duwan.

Bandhiggan ayaa fursad muhiim ah u ah horumarinta ganacsiga, dhiirrigelinta ganacsatada Soomaaliyeed iyo kobcinta dhaqaalaha dalka, gaar ahaan magaalada Muqdisho.

Maamulka Degmada Hodan waxa uu dhiirrigelinayaa dadaallada lagu horumarinayo ganacsiga, laguna abuurayo fursado cusub oo ay ka faa’iideystaan ganacsatada iyo bulshada Soomaaliyeed.

12/10/2026

SOM SUUQ EXPORT IYO Degmada Hodan.

🇸🇴 MAAMULKA DEGMADA HODAN OO U HAMBALYEEYAY MAALINTA CALANKA SOOMAALIYEED 🇸🇴Maamulka Degmada Hodan wuxuu hambalyo iyo bo...
12/10/2026

🇸🇴 MAAMULKA DEGMADA HODAN OO U HAMBALYEEYAY MAALINTA CALANKA SOOMAALIYEED 🇸🇴

Maamulka Degmada Hodan wuxuu hambalyo iyo bogaadin u dirayaa dhammaan shacabka Soomaaliyeed munaasabadda Maalinta Calanka Soomaaliyeed ee 12-ka Oktoobar, oo ah maalin qiimo weyn ugu fadhida qaranka Soomaaliyeed.

Calanka Soomaaliyeed waa astaanta midnimada, gobannimada, xorriyadda iyo wadajirka ummadda Soomaaliyeed. Waa astaan inagu mideysa, ina xusuusisa halgankii dheeraa ee ay Halgamayaashii u soo mareen xorriyadda iyo madax-bannaanida dalkeenna.

Maamulka Degmada Hodan wuxuu ugu baaqayaa shacabka Soomaaliyeed, gaar ahaan bulshada reer Hodan, inay ilaashadaan qiimaha calankeenna, xoojiyaan midnimada qaranka, nabadda iyo wadajirka, isla markaana jiilka soo koraya ku barbaariyaan jacaylka waddankooda iyo astaamaha qarannimada.

Hambalyo, hambalyo, hambalyo!

🇸🇴 12-ka Oktoobar – Maalinta Calanka Soomaaliyeed.

Calankeenna waa sharafteenna, midnimadeennana waa awooddeenna!

MAAMULKA DEGMADA HODAN.

11/10/2026

🕊️ NABADDA MUQDISHO WAA MUQADDAS!

Nabadda caasimadda Muqdisho waa hanti qaran oo ay waajib tahay in la ilaaliyo, lagana difaaco wax kasta oo wax u dhimaya amniga, xasilloonida iyo wadajirka bulshada.

Muqdisho ma aha meel lagu ciyaaro nabaddeeda, mana aha meel lagu cabsi geliyo shacabka. Waa caasimadda Soomaaliyeed, waana hoyga malaayiin muwaadiniin ah oo xaq u leh inay ku noolaadaan nabad, ammaan iyo xasillooni.

Waxaa muhiim ah in cid kasta, ha ahaato mucaarad ama muxaafid, ay mudnaanta koowaad siiso nabadda dalka, kana fogaato tallaabo kasta oo keeni karta qalalaase iyo amni-darro. Sidoo kale, waa in aan cidna loo oggolaan inay shacabka ku dhibaateyso hub sharci-darro ah ama ay amniga caasimadda khatar geliso, iyadoo la dhowrayo sharciga iyo xuquuqda muwaadiniinta.

Aan dhammaanteen ka wada shaqeyno ilaalinta nabadda Muqdisho, taageeridda ganacsiga iyo dhowrista amniga shacabka. Qof kasta oo jecel Soomaaliya waa inuu nabadda ka hormariyaa dano gaar ah, waayo nabad la’aan ma jiro horumar, ganacsi iyo nolol sugan.

NABADDA MUQDISHO WAA MUQADDAS — WAA WAJIB IN LA ILAALIYO!

đź“Ť Halkani waa Degmada Hodan | Bandhigga Som Suuq Export | Muqdisho.

10/10/2026

Ha sugin Fatahaadaha Ee Hadda Diyaar Garow.

06/10/2026

Hodan to The Word.

Banadir Bussines Export.

Degmada Hodan.

04/10/2026

RA’IISUL WASAARAHA OO DAHAFURAY SUUQA GANACSIGA BANAADIR

Ra’iisul Wasaaraha Xukuumadda Federaalka Soomaaliya Mudane Hamza Abdi Barre ayaa Degmada Hodan si rasmi ah uga daah-furay Suuqa Ganacsiga Banaadir, oo ay ganacsatada reer Muqdisho ku soo bandhigeen ganacsiyadooda, wax-soo-saarkooda iyo adeegyada kala duwan ee ay bulshada u hayaan.

Munaasabadda daahfurka waxaa Ra’iisul Wasaaraha iyo wafdigiisa goobta ku soo dhaweeyay Guddoomiyaha Degmada Hodan Mudane Cali Axmed Faarax (Ali Fahle), iyadoo ay ka qeyb galeen ganacsato, masuuliyiin iyo qeybaha kala duwan ee bulshada.

Suuqan ayaa fursad muhiim ah u ah ganacsatada Soomaaliyeed, gaar ahaan kuwa reer Muqdisho, si ay u soo bandhigaan wax-soo-saarkooda, korna loogu qaado dhaq-dhaqaaqa ganacsiga iyo isku-xirka ganacsatada iyo bulshada.

Maamulka Degmada Hodan wuxuu soo dhaweynayaa horumar kasta oo horseedaya kobaca ganacsiga iyo fursadaha dhaqaale ee bulshada.


——Maamulka Degmada Hodan——

03/10/2026

MACALINKA CUSUB EE XULKA DEGMADA HODAN

Maamulka Degmada Hodan ayaa si rasmi ah u soo bandhigay Macalinka cusub ee xulka kubadda cagta Degmada Hodan, kaas oo sanadkan hogaamin doona diyaarinta iyo tababarka xulka degmada.

Macalinka cusub ayaa ah Cumar Cabdiraxmaan Xasan (Cumarey), oo ka mid ah macallimiinta iyo halyeeyada ciyaaraha ee si weyn looga yaqaan bahda sports-ka.

Maamulka Degmada Hodan ayaa Macallin Cumarey u rajeeyay guul iyo in uu khibraddiisa iyo aqoontiisa ciyaareed ku hoggaamiyo xulka, si ay u gaaraan natiijooyin wanaagsan tartamada sanadkan.

Sidookle macalimoo cumarey ayaa balan qaaday in uu Degmadaan gaarsiin doono meelihii lagu yaqaanay.

Hodan oo isboorti leh, dhalinyaro hibadooda muujisa iyo xul u diyaarsan tartanka. ⚽🏆

Address

Degmada Hodan, Taleh
Mogadishu

Telephone

+252616059412

Website

Alerts

Be the first to know and let us send you an email when Degmada Hodan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Degmada Hodan:

Shortcuts

Share

Category