Shaqada iyo Shaqaalaha - Somali HR

10/07/2024

XIRIIRO IYO SAAXIIBO SAMEYNTA (DAD-BARASHO JOOGTA AH) (Relationship/ Professional NETWORKING)

“Dadka wanaagsan ku baro Munaasabadaha, Shirarka, khudbadaha iyo Goobta aad degantahay ikhiyaarta ku nool” Ahmednor Ali Jimale, Barakaat Group

Waxaan doonay in aan wax uun ku biiriyo Mowduucaan oo uu maalmahaan Ustaad Mohamed Muse Hassan sida wanaagsan ukoobayey.

Guudmar iyo Wadooyin sahli kara xiriiro fara badan & Dad-barasho.

1. Guudmar

Hal-abuure kaste ee doonaya in uu gaaro guul ganacsi ama tu kaleba waa u lamahuraan in uu baadi doono ama agaasimo xiriiro shaqsiyaad u muhiim ah ama wax uun ka tari kara hiraalkiisa mustaqbalka iyo fududeynta shaqooyinkiisa maalinleha ah oo ay soo wajihi karaan caqabado iyo culeysyo aan looga maarmeyn Aadane kula xaliya ama ku tilmaama.

Guuleyste Axmednuur Cali Jimcaale waxa fikrada ganacsigiisa baxnaaniyey oo sahlay waxaa ka mid ahaa; caawintii ganacsade ay saaxiibo ahaayeen Isagoo Axmednuur shaqaale ka ah Dalka Sacuudiga, Ganacsadahaas oo uu Soomaalida lacagaha diraya kala soo uruurin jiray, ka gadaal kolkii ganacsadihii hawshii lacag u dirida Soomaalida joojiyeyna Axmednuur ayaa bilaabay in uu lacagaha u diro Soomaalidii Sacuudiga oo h**eba ugu baratay caawintiisii Ganacsadaha, Halkaas-na waxaa ka curatay Barakaat Group sanadkii 1988.

2. Waddooyin/ Waxyaabo Kugu Caawin Kara Xiriiro Fara Badan

Aan qalinka ku muujiyo tiro wadooyin ah oo kugu duwi kara xiriiro iyo barasho shaqsiyaad saameyn ku yeelan kara kobcinta ganacsigaada,shaqsiyadaada ama shaqadaada, waxaana ka mid Saaxiibo h**e/ cusub, Ganacsato kale, Xirfadle, Shaqsiyaad Hal-abuur leh, Shaqaale ama Arday firfircoon, Aqoon-yahano, Shaqsiyaad ka tirsan Wershadaha/ Jumladleyaasha, Macaamiisha ama Shaqsiyaad ku jira maamulada deegaanka Shirkadda, iyo Khubaro kale. Waana sidaan;

Baro habka wada-shaqeynta dadka kale (Cooperation);

Fur-furnaanta, dabci wanaaga/ dad la dhaqanka toggan, iyo dhaqan ka maran islaweyni, muujinta maqaamkaada heer ka hooseeya iyo quursi oo aad kula dhaqanto dhammaan heerarka dadka aad macaamishaan iyo guud ahaan bulshada-ba waxa ay kugu hanuunin doonaan xiriiro iyo dad barasho fara badan oo horseeda wadashaqeyn wax-tar leh iyo macaamil sare u-qaada Ganacsigaada.

Wada-shaqaynta bulshada iyo ganacsadaha waxaa kaloo muhiim u ah; Waji furfurnaanta & Dhoola-caddeynta; Tani waa sal-dhigga daryeelka iyo xanaanada macaamiisha, Cid kasta ku qaabil debacsanaan iyo furfurnaan (flexibility), dhageysi iyo xiriir daneyn wata (effective communication), lagu biiriyey balan, ammaano iyo waji-furnaan, dhoola-caddeyn lagu muujiyey. tani waxa ay kaalin mug leh ugu deeqaysaa xiriir sameynta iyo barashada shaqsiyaad micno u leh ganacsiga ama shaqada.

Joogteey xiriirada kale duwan (Building effective relationship); Islamarkaana xog-wareeyso kuwa aad nooca shaqada ama kuliyada wadaagtaan, shaqsiyaadka muhiimka ah ee aad isbarataana dib u la xiriir mar walba, mar kale is bar, dib u xasuusi sheekada is-barashadiina, si wacan ula wadaag magacaaga, shaqadaada, waxa aad ku wanagsan tahay ama baratay, Magaalada / Dalka aad degantahay iyo goobaha kale aad safarrada ku tagto si hadii ruuxaasi deganyahay /booqdo aad ugu wada kulantaan.

Ha noqon ruux markii caqabad/ dhibaato lasoo gudboonaato uun raadiya shaqsiyaadka arrintaa wax kala qaban kara, ee xiliyada kalena balanso oo raadi ama goobahooda ku booqo oo la fariiso oo talooyin weydiiso cid kasta oo wax muhiim ah kugu kordhin karta.

Caawi Bulshada (Help others); ka qayb noqo fududeeynta shaqooyinka iyo arrimaha dadka kale si aad ula falgasho bulshada kuna xirnoow shaqsiyaadka indhaha bulshada ah.

Yeelo xiriiro tababbar & latalin (Mentor, Training, coaching & consulting provider); Usamey Shirkadda/ Ganacsiga xiriirka shirkado iyo shaqsiyaad tababbaro iyo latalin joogta ah oo guud ama gaar ah siiya maanulka iyo shaqaalaha shirkadaada hadba kolka loo baahdo, sidoo kale yeelo cid kudayasha mudan oo khabiir ku ah nooca ganacsigaada, Aqoon-yahanada, Hal-abuurada, iyo cidd waliba oo wax ka qoray ama ka tala bixiya hawlaha Shirkadaada/ ganacsigaada, si aad u xeel-dheer u la soco wax-na ka kororso.

Waxaa kale oo muhiim ah in ay jiraan shabakado iyo naadi ama kooxo ruux waliba ku biiri karo oo takhasusyo iyo xirfado gaar ah la xiriira.

Shabakadaha (Networks & Associations): Ruuxa xubin ka ah dalado, guddiyo, rugaha ganacsi (Business community/ Chambers) iyo hey’ado dowli/ aan dowli aheyn ama leeyahay xiriiro kala duwan waxa uu heli karaa fikrad ganacsi oo badeeco/ adeeg loo beddeli karo oo la xiriirta qoloda uu markaa ka tirsanyahay ama ka agdhowyahay. waana in deegaan kasta laga helo dalado, naadiyo, guddiyo ganacsi iyo hey’ado dowli / aan dowli aheyn oo u dhaq-dhaqaaqa arrimaha ganacsiga iyo adeegyada bulshada, bulshadana ku dhiira-geliya ama shaqa-abuur, tababbaro iyo la talin ganacsina aggaasima amaba bixiya iyagu dowladuhuna taageeraan.

Waa qeyb ka mid ah Buug aan weli la daaabicin.

Abdifatah Ali Mohamed - Karar

17/07/2023

02/12/2022

10/09/2022

Muxuu Ganacsade: Sh. Axmednuur Cali Jimcaale la gaar yahay oo uu ku mudanyahay in lagu Daydo (Role model - Bilyuneer)?

Jawaabta weydiintaani waxa ay ku cadahay ama ugu yaraan laga fahmi karaa marka aad dhinacyo badan laga eego waayo’aragnimadiisa iyo aqoontiisa maadada ama mowduuca aannu ka hadleyno. Aadanaha oo idilna tusaale u noqon karaa sababtoo ah wax walba waxa uu ka bilaabayo meel ebber ah ama halkii ugu hooseysay.

"Axmed marna ma milkin mid ka mid ah waxyaabaha iyo fursadaha gudeed ama dibaddeed ee saaciday maal-qabeenada dunida soo maray ee heerkaan oo kale gaaray gaalo iyo Muslim-ba",
meesha ugu dhow ka fiiriyoo waxa uu fursadaan ka abuuray dal fagaaraha caalamka ka caagan oo rubac qarni xajjisanayey kaalimaha h**e ee dalalka dunida; ugu ammaanka xun, ugu saboolsan, ugu musuqa badan, wax adeeg bulsho ah oo nidaamsan aanay ka jirin, oo in ganacsi guuleysta laga sameeyo iska daaye bulshadiisu junfo-junfo isu leynaysay. Shaqsiyaadka dunida ugu taajirsan qarnigaan iyo dad badan oo bilado qaali ah helay waxa aan hubaa dad kalena iiga marag-kici karaan haddii xitaa Iyagoo hantida ay hadda heystaan heysta la dhihi lahaa wadada Axmednuur soo maray soo qaada oo hal shirkad oo guuleysata keena in ay isla-hadal iyo welwel (stress) u geeriyoon lahaayeen maalmo ama gu’yaal gudahood.

Guuleystahaani arrimo fara badan ayuu u kaga soocan yahay Maal-qabeenada iyo guuleystayaasha Dunida, Afrikaanka iyo kuwa Soomaaliyeed-ba oo fariid ka yeeshay hal-abuurkiisa, ikhtiraaciisa, wax-qabadkiisa iyo intarabbanoornimadiisa (innovative & entrepreneur).

Arrimahaas oo aad mowduuc kasta oo buugga ah ka dhuuxi karto barkoodna aad sare kusoo dhugatay, aan sadarada soo socda ku bidhaamiyo si kooban, - haddii aad doontana war-celinta weydiinta sare u qaadee - Axmednuur Cali jimcaale:

● Waa Ganacsadaha qura ee ah Soomaali, Afrikaan, Muslim kasoo jeeda Dal diiwaanka dunida-ba ka baxay, ee hadana fursadaha Ganacsiga kaga faa’iideystay sida ugu haboon, Ganacsigiisana u baxnaaniyey si heer sare ah maal-galinta iyo hantida ugu bandanna ku sameeyey dalkiisa burbursanaa (weilba gudaha dal bur-bur iyo dagaalo halakeeyeen 30 kii sano ee uu Baxnaaniyey ganacsigiisa). Mar kastana bulshada wax ku celinayey xilliga musiibooyinkana fidinayey gacanta ugu balaaran ee shirkad gaar loo leeyahay laga filan karay amaba ka sareysa filasho.
● Waa ninka kaliya ee aan ogahay ee shaqaalihii uu shaqada siiyey iyagoo sabool ah oo aan waxba haysanin (marka laga reebo inay ahaayeen dad aamin ah), ay maanta qaar badan oo ka mid ah milyuneerro yihiin, hanti badanna ay ku leeyihiin shirkaddii ay iyagoo sabool ah ka shaqa billaabeen! Intaan ogahay waa millyuneerka kaliya ee soo saaray milyuneerro kale.
●Waa Shaqsiga qura ee Ganacsigiisa/ Shaqadiisa Dowladii dunida ugu awooda weyneed dagaal la gashay, ee kaga dabbaashay caqabadahaas Samir, Sadaqo iyo go’aano xikmadeysan oo lagu biiriyey garab-istaaga dadkiisa.
● Waa ruux kaliya ee fursad ganacsi oo weliba adeeg maaliyadeed ah ka dhex abuuray Dal burburay iyo bulsho dhaqaale ahaan hooseysa ee ka mid ah kuwa ugu faqiirsan dunida, kala qoqoban oo qabiil qabiil isu dileysa oo dhaca iyo boobkuna nolol maalmeedka uga mid ahaa, ee hadana caawin iyo isdhex-gal bulsho ku badbaadiyey Ganacsigiisa, Shirkadihiisa-na dhigay kuwa ugu sareeya dalka iyo gobolkaba.
● Waa ruux ku dayasho mudan, uguna saameynta badan dhinaca ganacsiga Soomaalida ee Ganacsigiisa (Shirkaddo iyo badeeco/adeegyo kala duwan) gaarsiiyey gayiga Soomaalida badidood gobol, degmo, tuulo, ilaa deegaan. Waana Ganacsadaha Shirkadaha ugu badan ku leh saameyn maamul, tu saami, iyo baxnaanin wada guuleystay.
● Waa ganacsade shirkadaha uu maamulo ama milkiyo yihiin kuwa gacanta ugu weyn (ee kaalinta kaga aadan/ tu ka weyn) ka geysta gurmadka bulshada xilliyada musiibooyinku dhacaan.

Wa qeyb ka mid ah Dhiganeha (aan weli la daabicin): Tubta Ganacsiga:
Fursadaha iyo Tabaha Baxnaaninta Ganacsiga (Business Ideas & SMEs Sustainability).

Oo lagu biiriyey;
Sheekada Guusha Axmednur Cali Jimcaale:
(Ahmednur's Success Stories).

W/ Qoray: Abdifatah Ali Mohamed - Aqiil

08/03/2022

04/02/2022

11/07/2021

Dhalinyaradu wa hantida ugu weyn ee bulsho ama dowladdu leedahy. Waana isha wax-soosaarka ee 1aad.
Dhallinyarada Soomaaliyeed ma yihiin hantida ugu weyn e Maamuladu/ Dowlada dayaceen?
ha Inno sharaxo Ustaad: C.Fataax Cali (Karar). Abdifatah Ali Mohamed - Aqiil
Bare Jaamacadeed.

Galgaduud Tv

15/05/2021