01/04/2024
MARKA AY DUNIDU CIRIIRI KUGU NOQOTO, QISADAN XASUUSO
Toddoba carruur ah buu dhalay; saddex wiil iyo afar hablood:
- Wiilkiisii curadka ahaa (Al-Qaasim) waxa uu saqiiray isaga oo jira laba sano iyo dhawr bilood.
- Wiilkiisii labaad (Cabdullaahi) waxa uu saqiiray isaga oo saddex sano iyo bilo jira.
- Wiilkiisii saddexaad (Ibraahiim) waxa uu saqiiray isagoo siddeed iyo toban bilood jira oo weli naaska hooyadiis nuugaya.
- Hablihiisa inantii ugu weynayd (Zaynab) waa ay guursatay, hase yeeshee waxa ay geeriyootay iyadoo 29 jir ah.
- Keddib, inantiisii labaad (Ruqiyah) waa ay guursatay, waxana ay geeriyootay iyada oo 21 jir ah.
- Keddib, inantiisii saddexaad (Umu-Kulthuum) waa ay guursatay, waxayna geeriyootay iyadoo 27 jir ah.
Sidaas waxa uu, isagoo nool, ku waayay lix carruurtiisii toddobada ahayd ka mid ah.
Markii uu geeriyoonayay, hal gabar uun baa nolol uga dambaysay (Faaduma), iyaduna lix bilood keddib waa ay ka daba tagtay.
Marka ay musiibo kugu dhacdo ama aad imtixaan la kulantid, qisadan xasuuso.
Miyaad garatay qofka ay qisadu ku socoto?
