22/10/2023
7 QODOB EE ISTIRAATIJIYADA TOGAN AMA TOBAN
Istiraatijiyada Togan/ Istiraatiyadda Taban: waxaa jira farqi u dhaxeeya sida uu ku sharaxay Professor Richard Rumelt buuggi uu ka qoray maareynta istiraatiyadda taasoo uu u ku kala saaray farqiga u dhaxeeya midda shaqeyn karta ee waxtarka leh iyo midda aan waxtarka lahayn ee sameynta istiraatijiyadda, fulinteeda qaybaha kala duwan ee la xiriira nolosha, oo ay ku jiraan ganacsi, Dowladda, iyo mid shaqsi ahaan ah. Sida ku cad buugga waxa uu bixinaya aragtiyo sifooyinka ay kala leeyihiin Istiraatiyadda wanaagsan, dabinada ay ka simanyhin Istiraatijiyaha xun, iyo muhiimadda hab fikirka adage ee istiraatijiyadda.
Haddaba waxaa ugu horreeya
1. Ogaanshaha iyo Diirad saaridda
Istiraatijiyadda waxtarka leh ee shaqeysa waxa ay ka bilaabataa ogaansho daacadnimo ku dheehan oo cad cad taasoo lagu ogaanayo xaaladaha markaa taagan iyo dhibaatada waxa ay tahay. Istiraatijayadda wanaagsan waxa ay diiradda saartaa qeexidda caqabadaha ugu muhiimsan iyo fursdaha, iyo dejinta hortabino lagu saleeyo isla ogaanashan.
2. Hagidda Mabaa’dida
Istiraatijiyada wanaagsan waxaa lagu dhisaa mabaa’dii hagta iyo ficillo kusii haga go’aan qaadasho iyo qorsho howleedyo. Mabaadii’dan waxa ay ka caawinaysaa in la is waafajiyo dadaalada iyo dhaqaalaha si loogu gaaro yool gaar ah.
3. Istiraatijiyaddi Kernel
Rumelt waxa uu soo bandhigay aragtida ah(Istiraatiyaddi Kernel) taasoo ka kooban sadex qeybood oo aasaasi ah: Ogaansho fahmid cad, siyaasadda leh hagid, iyo tillaabooyin isku xiran. Istiraatiyadan Kernel waxa ay ku siinaysaa habraacid fudud, kooban, lana fulin karo istiraatijiyad ahaan.
4. kala duwanaanta
Istiraatijiyadda wanaagsan inta badan waxa ay sameysaa qiyam soo jeedinaya faaidada uhu haboon taasoo ka dhigaysa mid ay uga soocantahay kuwa ha’adaha la midka ahi, ma ahan mid ku saabsan kaliya waxa ay sameyaan dadka kale , balse waa mid ku saabsan helidda waddo ka duwan oo aad ku gaarto guusha.
5. Fulinta
Buuggan waxa uu xoogga saarayaa muhimadda ay leedahay in istiraatijiyadda loo tarjumo mid ficil iyo fulin ay ku jirto, waxa uu sidoo kale ka doodayaa baahida loo qabo ka go’naanshiyo iyo qoondeynta kheyraadka aad heysto si loo hubiyo in istiraatijayada eey tahay mid waxtar leh oo hirgasha
6. Ka fogaanshaha qalafnanaanta
Rumelt waxa uu dhaliilaya u janjeeridda guud ahaan in ay abuurto qalafsanaan iyo xaalado mugdi ah istiraatijiyada dhabta ah. Waxa uu dhiragalinaya cadeynta iyo saxnaanta ee xiriiirka iyo ka fekerka istiraajiyadda.
7. Ka Adkaanshaha Caqabahda/carqaladaha
Buugga waxa uu sheegaya caqabadaha iyo carqaladaha taasoo Hay’aadka iyo shaqsiyaadku badanaa ay wajahaan marka ay rabaan istaraatijiyad wanaagsan, sida iska caabinta isbedelka, isla xisaabtan la’aantu, iyo u fikirka hab kooban oo dhow.
