بحر جبلة للعقارات

08/02/2023

📌المنشور منقول من صفحة المهندس الانشائي علاء خدام.

⚜️الرحمة ل اراوح ضحايا الزلزال
ودعواتنا ب الشفاء للمصابين
وكان الله بعون الجميع

⭕للتوعية بشكل مبسط ليفهمو الكل
كيف بتعرف بيتك اذا ٱمن او لا انشائيا و كيف ممكن تتعامل مع الاضرار والتشققات

📌اولا لازم تعرف انو ترتيب اخطر العناصر بالمبنى هن
١_ الأعمدة الوسطية و جدران القص
٢- الاعمدة الطرفية و الركنية
٣- الجوائز
٤- البلاطات (السقف والارضية لكل طابق)

📌كيف بعرف وين عم تصير التشققات
الموضوع بسيط
1) غالبا بتكون الاعمدة بأطراف الغرف مشان تنخفى بين الجدران لهيك دقق ع أطراف الغرف والتشققات الي فيها و بامكانك تطلع ع سطح بيتك تتاكد من مواقع الاعمدة لان الحديد بضل داشر عنا

2) الجوائز بتكون بين الاعمدة وبتكون حاملة الجدران لهيك دقق فوق كل الجدران تماما و اطلع منيح بالسقف اذا في تشققات بالمنطقة هي

3) اذا انت بطابق ما و ماعندك اي تشققات شيك على كامل المبنى بعينك لان اذا العمود مانو متضرر بالطابق 5 و متضرر بالطابق الارضي مثلا بكون خطر و كنير مهم اعمدة الطوابق الارضية تكون سليمة لأن انهيارها بيعني انهيار المبنى كاملا

4) التحقق من سلامة جدران القص الي بتكون غالبا عند المصاعد و الادراج واطراف المبنى واسهل طريقة لمعرفة جدار القص بالطرق عليه فلما ماتسمع خبطتك معناها جدار قص

5) وجود شقوق كبيرة بجدران البلوك ممكن معناها انو البلاطة تحتو ريحت فكمان هاد مؤشر خطر

6) البرندات الاظفار الي مو مستندة ع اعمدة دققو منيح عليها لأن غالبا صارت اخطر مكان بالمبنى

⚠️طيب شو الشقوق الخطرة
اكيد كل الشقوق خطرة بس الشقوق المايلة 45 بالعناصر الانشائية يعني انهيار قص وشيك ومفاجئ خاصة إذا كانت ممتدة على كامل العنصر الانشائي و عرض الشق اكبر من 1 سم
و طبعا اي شق كبير يعني خطر بس بيتفاوت حسب العنصر المتضرر

⚠️نصائح :
اولا ازالة ديكورات الجبسوم بورد فورا للتحقق من الاسقف
ثانيا الابتعاد عن البرندات الاظفار
ثالثا الابتعاد عن الغرف الواسعة يلي محازاتها كبيرة والافضل المكوث بغرف صغيرة بعد التحقق من تقارب الاعمدة وسلامتها و سلامة الجوائز بعي الغرف والافضل تكون قريبة للباب مشان اي خطر بصير
رابعا الاستنفار بالتناوب وعدم النوم لتنبيه البقية
خامسا اصلاح التشققات كلها ولو بمجرد مونة (شمينتو ومي) لأن تسرب الرطوبة للحديد من التشققات

اي حدا عندو اي استفسار يتواصل معي ع رقمي ٠٩٣٦٤٥٥٤٦٩//اختصاص هندسة انشائية //
انا موجود ضمن المدينة واعمل في مجال تقييم المباني الان
جاهز اطلع مع اي شخص بيطلب اي مساعدة او اي تقييم للاضرار

20/09/2022

للإيجاااار
شقة بالضاحية جانب المدرسة
تاني فني
٣ غرف و صالون و منافع
الأجار الشهري ٣٠٠ ألف
للتواصل ٠٩٨٨٨١٤٤٤٩ _ ٠٩٩٣٨٤٨١٣٧

19/09/2022

#للبيع..

بيت في الرميلة قرب المدرسة ..
مساحة 120متر (غرفتين وصالون) - - طابق تاني فني - - البيت ملبس حجر---تجهيز جيد - - ثلاث اتجاهات (مطل على الشارع) - - الملكية (اوقاف قيد التطويب)
للتواصل ٠٩٨٨٨١٤٤٤٩
٠٩٩٣٨٤٨١٣٧

15/09/2022

للبيع بسعر لقطة
شقة بالرميلة مساحة ١٢٠ متر
طابق تالت فني
زواية شارعين قرب الخزان
تجهيز ممتاز ٣ غرف و صالون و منافع
قيد التطويب ( أوقاف سابقا)
السعر ٦٦ مليون منهي
للتواصل٠٩٩٣٨٤٨١٣٧ _ ٠٩٨٨٨١٤٤٤٩
لعرض أي عقار يرجى مراسلة الصفحة عالخاص أو واتس على أحد الأرقام الموجودة بالأعلى

12/08/2022

قرض ال ٢٥ مليون والفئات التي يحق لها الحصول على

11/08/2022

تعلن مؤسسة تنفيذ الإنشاءات العسكرية عن رغبتها ببيع شقق ومحلات تجارية في ضاحية الأسد بجبلة
.
و ذلك في يوم الخميس الواقع بتاريخ 2022/8/18 بتمام الساعة /11.00/ الحادية عشر صباحاً لمزيد من المعلومات و الاشتراك بالمزاد يرجى مراجعة مؤسسة تنفيذ الإنشاءات العسكرية – فرع جبلة /متاع 10/ الواقع على اتوستراد جبلة اللاذقية – مفرق العسالية.
البناء مصمم ومدروس على الزلازل و وفق المواصفات والشروط الفنية المعتمدة.
الدراسة الإنشائية تمت من قبل جامعة تشرين بإشراف الدكتور بسام حويجه.
التصميم المعماري تم من قبل مؤسسة تنفيذ الإنشاءات العسكرية فرع جبلة متاع 10 بإشراف المهندس .
التنفيذ من قبل مؤسسة تنفيذ الإنشاءات العسكرية فرع جبلة متاع 10 بإشراف المهندس .
لمزيد من المعلومات يمكن مراجعة فرع السكن والاستثمار بالادارة العامة للمؤسسة الكائن بدمشق دوار كفر سوسة خلف مبنى جريدة الثورة او مراجعة فرع جبلة متاع 10 اتوستراد اللاذقية مفرق العسالية وذلك للحصول على دفتر الشروط الخاصة والمواصفات وشروط الدفع والتسليم ومعاينة الشقق والمحلات على ارض الواقع.

26/07/2022

للبيع شقة مساحة ١٥٥ متر.. البناء شارع الجبيبات العام..
الشقة إطلالتا خلفية ع ٣ وجائب مفتوحة قبلية غربية شمالية
طابق تالت فني.. جاهزة تجهيز ممتاز
٣ غرف و صالون كبير و برندتين كبار
طابو ٢٤٠٠ سهم

يرجى_التعليق_ولو_بنقطة_ليصلكم_كل_جديد_من

17/07/2022

15/07/2022

12/07/2022

ﻃَﺮَﻗْﺖُ ﺑﺎﺏَ ﺍﻟﺮَّﺟَﺎﺀِ ﻭَﺍﻟﻨﺎﺱ ﻗﺪ ﺭﻗﺪﻭا
ﻭﺑِﺖُّ ﺃَﺷﻜُﻮ ﺇﻟﻰٰ ﻣﻮﻻﻱ ﻣَﺎ ﺃَﺟِﺪُ
ﻭَﻗُﻠﺖُ ﻳَﺎ ﺃَﻣﻠِﻲ ﻓﻲ ﻛﻞ ﻧﺎﺋﺒﺔٍ
ﻳﺎﻣَﻦْ ﻋَﻠَﻴﻪِ ﻟﻜَﺸْﻒِ ﺍﻟﻀُّﺮِّ أَﻋْﺘَﻤِﺪُ
ﺃَﺷﻜﻮ إﻟﻴﻚ ﺃُﻣﻮﺭًﺍ ﺃَﻧﺖَ ﺗﻌﻠﻤُﻬﺎ
مَاﻟﻲ ﻋﻠﻰ ﺣَﻤْلِها ﺻَﺒْﺮٌ ﻭَﻻ ﺟَﻠَﺪُ
ﻭَﻗَﺪْ ﺑَﺴﻄﺖُ ﻳَﺪِﻱ ﺑِﺎﻟﺬُّﻝِّ ﻣُﻔْﺘَﻘِﺮًﺍ
ﺇﻟﻴﻚ ﻳﺎ ﺧَﻴﺮَ ﻣَﻦْ ﻣُﺪَّﺕْ ﺇﻟﻴﻪِ ﻳَﺪُ
ﻓﻼ ﺗَﺮدَّﻫﺎ ﻳﺎﺭﺏ ﺧﺎﺋِﺒَﺔً
ﻓَﺒَﺤْﺮُ ﺟُﻮﺩِﻙ ﻳَﺮﻭِﻱ ﻛُﻞَّ ﻣَﻦْ ﻳَﺮِﺩُ

08/07/2022

بِمُنَاسَبَة #عِيدٍ_اَلْأَضْحَى اَلْمُبَارَكِ ❤️ أعَادَهُ اَللَّهُ عَلَيْنَا وَعَلَيْكُمْ بِالْيُمنِ وَالْخَيْرِ وَالْبَرَكَةِ 🌹
إِنَّ شَاءَ اَللَّهُ أَيَّامَكُمْ جَمِيعَهَا أَفْرَاح تَعُمُّ دِيَارُكُمْ وَكُلَّهَا #خَيْرٌ 💖 ومُفْعَمَةٌ #بالْمَحَبَّةِ 🌹 ومَلَؤُهَا #السَّعَادَة💜 ويَغْمُرَهَا #الْبَرَكَةَ 🌹ومَصْحُوبَةٌ #بالْعَافِيَةِ ❤️ و #رَاحَة_اَلْبَالِ 🌹

مَعَ كُلِّ اَلْحُبِّ ❤️ وأَطْيَبُ اَلتَّحِيَّاتِ🌹 وأُعَطَرُ اَلْأُمْنِيَاتِ ❤️وأَجْمَلَهَا 🌹
كُلُّ عَامِ وَأَنْتُمْ بِأَلْفِ خَير❤️
دُمْتُمْ بِخَيْرٍ وَعَافِيَة ❤️