Cambodia China Foundation for Humanitarian and Buddhism Support

26/07/2025

នៅថ្ងៃទី១៩-២០ ខែកក្កដា ឆ្នាំ២០២៥
លោកជំទាវឧកញ៉ា កែវ មុំ ប្រធានអង្គការមូលនិធិកម្ពុជាចិន ដើម្បីមនុស្សធម៌ និងទ្រទ្រង់ព្រះពុទ្ធសាសនា បានដឹកនាំគណៈប្រតិភូ ចុះសួរសុខទុក្ខ និងចែកចំណោយជូនសិស្សានុសិស្ស និងបងប្អូនកងទ័ពជួរមុខនៅលើខ្សែរបន្ទាប់មុំបី៖
+នៅថ្ងៃទី១៩ ខែកក្កដា ឆ្នាំ២០២៥ លោកជំទាវឧកញ៉ា និងគណៈប្រតិភូ បានចែកអំណោយ ជូនដល់សិស្ស និងពិធីបញ្ចុះបឋមសីលា ព្រមទាំងដាំកូនឈើ នៅវិទ្យាល័យក្រវ៉ាន់សៀមរាប។ ដែលជាអំណោយរបស់សប្បុរសជន និង សមាជិក សមាជិកាមកពី:
- សមាគមសមាធិព្រះធម៌កម្ពុជា
- មូលនិធិកម្ពុជា-ចិនដើម្បីមនុស្សធម៏និងទ្រទ្រង់ព្រះពូទ្ធសាសនា
- ក្រុមហ៊ុនលីលីផលិតនំស្រួយ
- ក្រុមហ៊ុនចាហ៊ួយ ហ្វាហ្វា
- ព្រមទាំងញាតិព្រះធម៌
+នៅថ្ងៃទី២០ ខែកក្កដា ឆ្នាំ២០២៥ លោកជំទាវឧកញ៉ា និងគណៈប្រតិភូ បានយកអំណោយ និងថវិកាចែកជូនបងប្អូនកងទ័ពជួរមុខនៅលើខ្សែរបន្ទាប់មុំបី នៃខេត្តព្រះវិហារ
អំណោយទាំងនេះទទួលបានមកពីសប្បុរសជននិងសមាជិក សមាជិការបស់:
- សមាគមសមាធិព្រះធម៌កម្ពុជា
- អង្គការមូលនិធិកម្ពុជាចិនដើម្បីសប្បុរសធម៌និងទ្រទ្រង់ព្រះពុទ្ធសាសនា
- ក្រុមហ៊ុនលីលីផលិតនំស្រួយ
- ក្រុមហ៊ុនចាហួយហ្វា
សម្រាប់ចែកជូនបងប្អូនកងទ័ព ដែលឈរជើងប្រចាំការនៅជួរមុខនៅតំបន់មុំ៣ និងតំបន់ភ្នំខ្មោច ដើម្បីជាការផ្ដល់កម្លាំងចិត្តនិងលើកទឹកចិត្តដល់បងប្អូនកងទ័ពទាំងអស់។
នៅក្នុងបេសកកម្មចែកអំណោយនេះដែរ បានចំណាយគិតជាទឹកប្រាក់សរុប 12,197$ ។
ក្រៅពីនេះ លោកជំទាវឧកញ៉ា បានទិញបន្ថែមនូវម្ហូបអាហារដូចជា:
-សាច់ក្រក 120 គីឡូ
-ត្រីប្រៃ 50.5គីឡូ
-ផ្អកត្រី 70គីឡូ
-សាច់ជ្រូកផាត់ 30គីឡូ
-ត្រីងៀតសាច់ 20គីឡូ
គិតជាទឹកប្រាក់ប្រមាណជា 7.938.000រៀល
និងបានចំណាយទិញ powerbank ចំនួន 10គ្រឿង=190$
ដូចនេះគិតជាការចំណាយសរុប មានទឹកប្រាក់ចំនួន 14,371.5$

26/07/2025

ពុទ្ធិកសមាគមកម្ពុជរដ្ឋ សូមធ្វើការថ្កោលទោស យ៉ាងម៉ឺតម៉ាត់បំផុត ចំពោះទង្វើគ្មានគុណធម៌ និងអរិភាពរបស់ប្រទេសថៃ ដែលបានឈ្លានពានមកលើបូរណភាពទឹកដីរបស់កម្ពុជា ជាច្រើនលើកច្រើនសារ មិនញញើតនឹងធម្មនុញ្ញសហប្រជាជាតិ និងច្បាប់អន្តរជាតិឡើយ។

ថ្ងៃសុក្រ ១៥រោច ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៥ ខែកក្កដា ឆ្នាំ២០២៥

❤️🇰🇭🇰🇭🇰🇭🇰🇭🇰🇭🇰🇭🇰🇭❤️

#ពុទ្ធិកសមាគមកម្ពុជរដ្ឋ

16/07/2025

ថ្ងៃពុធ ៦រោច ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៦ ខែកក្កដា ឆ្នាំ២០២៥

លោកជំទាវឧកញ៉ាបណ្ឌិត កែវ មុំ បានដឹកនាំកិច្ចប្រជុំគណៈកម្មាធិការប្រតិបត្តិ របស់អង្គការមូលនិធិកម្ពុជា-ចិនដើម្បីមនុស្សធម៌ និងទ្រទ្រង់ព្រះពុទ្ធសាសនា អំពីកិច្ចការទូទៅ និងចក្ខុវិស័យអភិវឌ្ឍន៍របស់អង្គការនាពេលអនាគត ដើម្បីកិច្ចការមនុស្សធម៌នៅកម្ពុជា ។

佛历2569年猴年，即2025年7月16日，星期三，阿萨月初六

高蒙勋爵阁下主持了柬中人道主义与佛教援助基金会执行委员会会议，讨论了该组织在柬埔寨开展人道主义工作的总体事务和未来发展愿景。

25/06/2025

06/05/2025

តាមរយៈព្រះតេជគុណថុង រី ព្រះចៅអធិការវត្តព្រៃម្លូ ស្រុកគីរីវង្ស ខេត្តតាកែវ លោកជំទាវឧកញ៉ា កែវ មុំ បានសង់ផ្ទះមួយខ្នងទំហំ 5 ម៉ែត្រ X 9 ម៉ែត្រ ជូនដល់លោកពូ អ្នកមីង ដែលមានពិការភាពភ្នែកទាំងពីរនាក់ប្ដីប្រពន្ធ មានកូនប្រុសម្នាក់ដែលបានចូលសាងផ្នួស មានព្រះជន្ម 12 វស្សា និងកូនស្រីម្នាក់អាយុ 8 ឆ្នាំ មានជីវភាពខ្សត់ខ្សោយនៅ ស្រុកព្រៃកប្បាស ខេត្តតាកែវ ។

សូមលើកកុសលផលបុណ្យទាំងឡាយដែល លោកជំទាវឧកញ៉ាបានធ្វើជូនដល់ពុកម៉ែ អ៊ំពូមីង បងប្អូន កូនៗចៅៗ ព្រមទាំងញាតិមិត្តទាំងអស់ សូមអនុមោទនាបុណ្យដោយសេចក្តីជ្រះថ្លាបំផុត។🙏🙏🙏

ថ្ងៃអង្គារ ១០កើត ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី៦ ខែឧសភា ឆ្នាំ២០២៥

28/04/2025

លោកជំទាវឧកញ៉ាបណ្ឌិត កែវ មុំ ប្រធានអង្គការមូលនិធិកម្ពុជា-ចិន ដើម្បីមនុស្សធម៌ និងទ្រទ្រង់ព្រះពុទ្ធសាសនា បានប្រារព្ធកម្មវិធីចែកអំណោយជូនប្រជាពលរដ្ឋចំនួន ៣៣៣ គ្រួសារ ក្រោមព្រះអធិបតីភាពដ៏ខ្ពង់ខ្ពស់ សម្តេចព្រះឧត្តមចរិយាបណ្ឌិត ឈឹង ប៊ុនឈា នាថ្ងៃអាទិត្យ ១កើត ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែមេសា ឆ្នាំ២០២៥ នៅក្រុងបាវិត ខេត្តស្វាយរៀង។

15/04/2025

លោកជំទាវឧកញ៉ាបណ្ឌិត កែវ មុំ ប្រធានអង្គការមូលនិធិកម្ពុជាចិន ដើម្បីមនុស្សធម៌ និងទ្រទ្រង់ព្រះពុទ្ធសាសនា បាននាំយកថវិកាចំនួន 8,888 ដុល្លារ ដើម្បីប្រគល់ជូនជនរងគ្រោះដោយសារគ្រោះរញ្ជួយដី នៅប្រទេសភូមា

17/03/2025

ព្រះសិរីកោសល សុំ សុខា ព្រះប្រធាន ពុទ្ធិកសមាគមកម្ពុជរដ្ឋ
និមន្តចូលរួមជាព្រះអធិបតី ក្នុងកម្មវិធីចែកជូន អំណោយសប្បុរសធម៌ ដល់ប្រជាពលរដ្ឋដែលខ្វះខាតចំនួន៣០០គ្រួសារ ដែលមកពីខណ្ឌនួន៣គឺ ខណ្ឌព្រែកព្នៅ ខណ្ឌពោធិ៍សែនជ័យ ខណ្ឌកំបូល។
ក្រោមជំនួយឧបត្ថម្ភរបស់ អង្គការសង្រោះជីវិត នៃប្របេទេសសឹង្ហបូរី Saving Lives Singapore សហការជាមួយ ពុទ្ធិកសមាគមកម្ពុជរដ្ឋ Buddhist Association of Cambodia.
សមាសភាពចូលរួម លោកជំទាវ ឧកញ៉ា កែវ មុំ Oknha Keo Mom ប្រធានគណៈកម្មការទំនាក់ទំនងអន្តរៈជាតិ នៃ ពុទ្ធិកសមាគមកម្ពុជរដ្ឋ ។
លោក Mr GOH TUNG HENG ប្រធាន អង្គការសង្រោះជីវិត នៃប្របេទេសសឹង្ហបូរី Saving Lives Singapore និងសហការី។
អាជ្ញាធរសង្កាត់ស្នោរ និងសប្បុរសជនមួយចំនួនទៀត។
នាឱកាសនោះ ព្រះសិរីកោសល​ សុំ សុខា បានមានសង្ឃដីកា ថ្លែងអំណរគុណដល់រដ្ឋាភិបាល, ប្រជាជន និងសមាគម Saving Lives ប្រទេសសិង្ហបុរី ដែលបានធ្វើទានចំពោះអ្នកខ្វះខាត នាពេលនេះ។ ព្រះអង្គ សង្ឃឹមថា សមាគមនេះនឹងបង្កើតកម្មវិធីមនុស្សធម៌ជាច្រើនទៀត នៅក្នុងប្រទេសកម្ពុជា ដើម្បីអ្នកក្សត់ខ្សោយដទៃទៀត ទទួលបានក្តីស្រលាញ់ និងបណ្តុះគំនិតនៃការចែករំលែក។
រីឯលោក​ Goh Tungheng បានលើកឡើងថា Saving Lives បានធ្វើសកម្មភាពមនុស្សធម៌នៅប្រទេសមីយ៉ាន់ម៉ា, នេប៉ាល់ និងប្រទេសដទៃទៀត។ លោកបន្តថា ចំពោះការធ្វើសកម្មភាពមនុស្សធម៌នៅកម្ពុជា ក៏មិនមែនលើកទី១ នោះដែរ ហើយសកម្មភាពនេះ មិនពាក់ព័ន្ធនឹងនយោបាយ ឬសាសនាឡើយ។
ប្រជាពលរដ្ឋជាង ៣០០គ្រួសារ ក្នុងមួយគ្រួសារទទួលបាន អង្ករ ២០គីឡូក្រាម គ្រឿងឧបភោគបរិភោគ នំស្រួយលីលី និងថវិកាមួយចំនួន។
ស្របពេលជាមួយគ្នានេះ លោកជំទាវ ឧកញ៉ា បណ្ឌិត កែវ មុំ បានថ្លែងថា អំណោយទាំងនេះ នឹងជួយដល់មួយផ្នែកលើកកម្ពស់ជីវភាពប្រជាពលរដ្ឋ ជាពិសេសអ្នកដែលមានតម្រូវការចាំបាច់បំផុត។ លោកស្រី ក៏បានផ្តាំផ្ញើដល់ប្រជាពលរដ្ឋទាំងអស់ ខិតខំថែរក្សាសុខភាព និងខិតខំប្រកបការងាររកទទួលទាន ព្រោះពេលសុខភាពល្អ ក៏នាំឲ្យការប្រកបការងារបានល្អដែរ៕

ទីកន្លែងចែកជូនៈ វត្តភ្នៀតសិម្ពលី សង្កាត់ស្នោរ ខណ្ឌកំបូល រាជធានីភ្នំពេញ។
ថ្ងៃចន្ទ ៤រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨
ត្រូវនឹងថ្ងៃទី១៧ ខែមីនា ឆ្នាំ២០២៥

08/03/2025

អបអរសាទរ ទិវាអន្តរជាតិនារី ៨ មិនា

06/03/2025

លោកជំទាវឧកញ៉ា កែវ មុំ ប្រធានអង្គការមូលនិធិកម្ពុជា-ចិនដើម្បីមនុស្សធម៌ និងទ្រទ្រង់ពុទ្ធសាសនា
បានអញ្ជើញចូលរួមកិច្ចប្រជុំកំពូលធុរកិច្ចអាស៊ានកម្ពុជាឆ្នាំ 2025 ក្រោមអធិបតីភាពដ៏ខ្ពង់ខ្ពស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

ធ្វើនៅសណ្ឋាគារ សូហ្វីតែល ភ្នំពេញ

ថ្ងៃព្រហស្បតិ៍ ៨កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៦ ខែមីនា ឆ្នាំ២០២៥
March 6, 2025