สำนักข่าวอาเซียน

26/06/2026

อุโมงค์รถไฟถล่มที่ดอยหลวง 2 ศพ นายกปิดปากเงียบ ที่แท้บริษัทรับเหมาคือ ชิโนไทยของพ่อนายกเองและเชียงใหม่คอนสตรักชั่นของคะแนน สุภา พ่อตาเนวิน

31/05/2026

31/05/2026

တပ်ႉႁူမ်ႈပွင်း KNU ၶဝ် သိမ်းဢဝ်လႆႈ တပ်ႉၸၶၢၼ်း ၵျွၵ်ႉလူင်းၵျီး ဢၼ်တပ်ႉသိုၵ်း ၸုမ်းၵေႃႇၵၢၼ်ႁၢႆႉၶဝ် တင်ႈမႃး သၢဝ်းပီပၢႆ

မဵၵ်ႉ၊ 30/5/2026 - ၶၢဝ်ႇတူဝ်ႈမိူင်း

လႆႈတိုၵ်းသေ သိမ်းဢဝ်လႆႈ တပ်ႉၸၶၢၼ်းတပ်ႉသိုၵ်း ၸုမ်းၵေႃႇၵၢၼ် ႁၢႆႉ တီႈ ဝၢၼ်ႈၵျွၵ်ႉလူင်းၵျီး၊ ႁိမ်း မႄႈၼမ်ႉလူင် တၼိၼ်းတႃႇယီႇ၊ ၸႄႈဝဵင်းလႄႇမူႇလႃး၊ တိူင်းတၼိၼ်းတႃႇယီႇ ၼၼ်ႉ ၼႆ ၸုမ်း KNU – Mergui – Tavoy District ၶဝ် ပိုၼ်ၽၢဝ်ႇ ဢွၵ်ႇမႃး မိူဝ်ႈၼႆႉ။

မိူဝ်ႈဝၼ်းတီႈ 19 လိူၼ်မေႇ ပူၼ်ႉမႃးၼၼ်ႉ တပ်ႉႁူမ်ႈပွင်း KNU ၶဝ် တႄႇလေႃႇတိုၵ်း တပ်ႉၸၶၢၼ်း ၼၼ်ႉသေ ထိုင်မႃး ဝၼ်းတီႈ 29 လိူၼ်မေႇ ၼၼ်ႉ ၸင်ႇသိမ်းဢဝ်လႆႈယဝ်ႉ။

တပ်ႉၸၶၢၼ်း ၼၼ်ႉၼႆႉ ပဵၼ် ၸုမ်းငဝ်ႈငုၼ်းတိူင်းသိုၵ်း ၽၢႆႇသၢႆၽင်ႇ ၼမ်ႉ၊ တပ်ႉသိုၵ်း မၢႆ 2 ၶဝ် တင်ႈတပ်ႉဝႆႉမႃး သၢဝ်းပီပၢႆယဝ်ႉသေ၊ ဢိၵ်ႇပႃး တပ်ႉၵွင် ၶမရ 433 ၶဝ် ဢဝ် ႁႅင်းသိုၵ်း ပႅတ်ႇသိပ်းပၢႆ သေ ၶိုၼ်းတင်ႈတပ်ႉဝႆႉ ၼင်ႇ တပ်ႉသိုၵ်း ၵႅတ်ႇၶႄ ဢၼ်ၼိုင်ႈၼၼ်ႉယဝ်ႉ။

ပၢင်တိုၵ်း ဢၼ်ၼႆႉၼႆႉ ပဵၼ် တပ်ႉၵွင် ဢၼ်မီးတႂ်ႈ တပ်ႉသိုၵ်း မၢႆ (1)၊ တပ်ႉသိုၵ်း ပူတ်းပွႆႇ ၸိူဝ်ႉၸၢတ်ႈ ၵရဵၼ်ႇ (KNLA)၊ ၸႄႈတွၼ်ႈ မဵၵ်ႉ-ထဝႄႇ ၶွင် KNU လႄႈ ၸုမ်းတပ်ႉႁူမ်ႈပွင်း ဢူၺ်းလီ လုၵ်ႉၽိုၼ်ႉ ၶဝ် ႁူမ်ႈ ၵၼ် ႁဵတ်းသၢင်ႈမႃးယဝ်ႉ။

ၵဵဝ်ႇလူၺ်ႈ လွင်ႈႁဵတ်းသၢင်ႈ ဢၼ်ၼႆႉသေ ၽူႈဢွၼ်ႁူဝ် (ၸဝ်ႈၼႃႈတီႈ) ၶဝ်၊ ၽူႈႁၢၼ်သိုၵ်း (ၸၢႆး/ယိင်း) ၶဝ် တင်းသဵင်ႈ၊ ဢိၵ်ႇပႃး ၸုမ်းဢူၺ်းလီၶဝ် တင်းသဵင်ႈ ဢၼ်လႆႈ ႁတ်းႁတ်းႁၢၼ်ႁၢၼ် ၶတ်းၸႂ် ပၼ်ဢဵၼ်ႁႅင်းမႃး ၼၼ်ႉၵေႃႈ မၵ်းမၼ်ႈ ႁၼ်ၵႃႈၶၼ်သေ ယွင်ႈယေႃးဢဝ်ၵုင်ႇမုၼ် ယူႇၼႆ ၸုမ်း KNU – Mergui – Tavoy District ၶဝ် လၢတ်ႈဝႆႉယဝ်ႉ။
---------