03/05/2026
JIKU Education Service နဲ့ ပတ်သက်ပြီး လူမှုကွန်ရက်ပေါ်မှာ ပျံ့နှံ့နေတဲ့ ဗီဒီယိုဖိုင်နဲ့ ပတ်သက်ပြီး ခိုင်လုံတဲ့ အထောက်အထားများ၊ အချက်အလက်အမှန်များဖြင့် အောက်ပါအတိုင်း ရှင်းလင်းတင်ပြအပ်ပါတယ်။
JIKU Education Service မှ တရားဝင် ရှင်းလင်းချက်
၁။ ကာယကံရှင်သည် JIKU မှတစ်ဆင့် မြန်မာပြည်မှ ဂျပန်သို့ ရောက်ရှိလာသူ မဟုတ်ပါ။
အဆိုပါ အမျိုးသမီးသည် JIKU မှတစ်ဆင့် ဂျပန်သို့ ထွက်ခွာခဲ့သည့် Customer လုံးဝမဟုတ်ပါ။ ၎င်းသည် ၂၀၂၄ ခုနှစ်၊ နိုဝင်ဘာလ (၁) ရက်နေ့တွင် ဂျပန်နိုင်ငံရောက်ရှိနေပြီးသားဖြစ်ကာ Tokutei Kaigo ဗီဇာဖြင့် အလုပ်လုပ်ကိုင်နေသူ ဖြစ်ပါသည်။ ၎င်းကိုယ်တိုင်က JIKU ၏ ဂျပန်တာဝန်ခံ Line Account သို့ ဆက်သွယ်လာပြီး "ယခုလုပ်နေသည့်နေရာမှာ တောဘက်ကျလွန်းသဖြင့် မြို့နှင့်နီးသော နေရာသို့ ပြောင်းချင်၍ Work Visa လျှောက်ထားပေးရန်" အကူအညီ တောင်းခံလာခြင်းသာ ဖြစ်ပါသည်။
၂။ JIKU ၏ တာဝန်ယူမှုနှင့် ဆောင်ရွက်ပေးခဲ့သည့် လုပ်ငန်းစဉ်
ဂျပန်ပြည်တွင်းရှိ JIKU Education Service သည် အကျိုးအမြတ်ကို ဦးစားမပေးဘဲ 株式会社グーナビ (Goonavi Co., Ltd) ၏ ပြည်တွင်းအလုပ်အကိုင် ဝန်ဆောင်မှုစံနှုန်းအတိုင်း ကူညီပေးခဲ့ခြင်း ဖြစ်ပါသည်။
သင့်တော်သည့် အလုပ်အကိုင် မိတ်ဆက်ပေးခြင်း။
Work Visa ပြောင်းလဲရန် လိုအပ်သော စာရွက်စာတမ်းများကို ရှေ့နေနှင့် တိုင်ပင်ပြင်ဆင်ပေးခြင်း။
ဗီဇာရရှိပြီးနောက် အလုပ်ဝင်ရန် လမ်းညွှန်ပေးခြင်း။ အဆိုပါ အမျိုးသမီးသည် ၂၀၂၅ ခုနှစ်၊ ဧပြီလတွင် Tokutei Visa မှ Work Visa သို့ အောင်မြင်စွာ ပြောင်းလဲရရှိခဲ့ပြီး ထိုစဉ်က JIKU အပေါ် ကျေနပ်အားရသဖြင့် Review ကောင်းများပင် ရေးသားပေးခဲ့ပါသည်။
၃။ အလုပ်ထွက်ခြင်းနှင့် ဖြစ်စဉ်အမှန်
၂၀၂၅ ခုနှစ်၊ အောက်တိုဘာလတွင် ၎င်းအလုပ်ထွက်မည့်သတင်းကို ဂျပန်လူမျိုးတာဝန်ခံထံမှ ကြားသိရသဖြင့် JIKU ဘက်မှ အတည်ပြုရန် ဆက်သွယ်ခဲ့ပါသည်။ ထိုစဉ်က ၎င်းမှ "ကိုရီးယားရှိ ကောင်လေးထံ သွားမည်ဖြစ်၍ အလုပ်ထွက်ခြင်းဖြစ်ကြောင်း" ကိုယ်တိုင် ဝန်ခံပြောဆိုခဲ့ပါသည်။
ထို့နောက် အလုပ်ရှင်နှင့် အဆင်မပြေမှုများ ရှိသည်ဟု ပြောဆိုလာသည့်အတွက် JIKU မြန်မာတာဝန်ခံကိုယ်တိုင်က "အလုပ်ရှင်ဘက်မှ မသမာမှုရှိပါက Hello Work (ဂျပန်အလုပ်အကိုင်ဌာန) တွင် တိုင်ကြားရန်" တရားဝင် အကြံပြု လမ်းညွှန်ပေးခဲ့သော်လည်း ၎င်းမှ ဆောင်ရွက်ခြင်း မရှိခဲ့ပါ။
၄။ JIKU ၏ သုံးသပ်ချက်
ယခုအခါ ၎င်းသည် ကိုရီးယားသို့ သွားရောက်ခြင်း မရှိဘဲ ဂျပန်ပြည်တွင်းရှိ Real Estate ကုမ္ပဏီတစ်ခုတွင် အလုပ်လုပ်ကိုင်နေကြောင်း စုံစမ်းသိရှိရပါသည်။ ထို့ကြောင့် ၎င်းသည် ၎င်း၏ မူလရည်ရွယ်ချက်ဖြစ်သော Work Visa ရရှိရန်အတွက်သာ JIKU ကို ခုတုံးလုပ် အသုံးချခဲ့ခြင်း ဖြစ်သည်ဟု ယူဆရပါသည်။ အလုပ်ရှင်နှင့် အဆင်မပြေခြင်းသည် ကုမ္ပဏီနှင့် ဝန်ထမ်းကြား ကိစ္စသာ ဖြစ်သော်လည်း ယခုအခါ JIKU Page ကို မှားယွင်းစွာ ထင်ယောင်ထင်မှားဖြစ်စေသောစကားများ ဖြင့်ပြောဆိုခဲ့ပါသည်။
မိဘပြည်သူများနှင့် Customer များသို့ အသိပေးချက်
JIKU Education Service သည် မြန်မာပြည်မှ ဂျပန်သို့ သွားရောက်မည့်သူများအတွက်သာမက ဂျပန်ရောက် မြန်မာကျောင်းသား/သူများအတွက်ပါ ဗီဇာကိစ္စရပ်များကို တာဝန်ကျေစွာ ဆောင်ရွက်ပေးနေသည့် ဝန်ဆောင်မှုတစ်ခု ဖြစ်ပါသည်။
ယခုဖြစ်စဉ်သည် ကာယကံရှင်၏ ကိုယ်ကျိုးအတွက် ဗီဇာပြောင်းလဲခြင်းကို အသုံးချပြီးနောက် အခြေအမြစ်မရှိ မှားယွင်းစွာစွပ်စွဲပြောဆိုနေခြင်းသာ ဖြစ်ပါသည်။ မိမိတို့ဘက်မှ ဗီဇာရရှိသည်အထိ တာဝန်ကျေပွန်စွာ ဆောင်ရွက်ပေးခဲ့ပြီး ဖြစ်ပါသည်။
နိဂုံးချုပ်အနေဖြင့် -
မိမိတို့ JIKU အနေဖြင့် လုပ်ငန်းဂုဏ်သိက္ခာကို အထူးလေးစားပါသည်။ ကာယကံရှင် ညီမငယ်အနေဖြင့်လည်း Jiku မှ အလုပ်ကိစ္စတွင် မိမိအပ်ခဲ့သောတာဝန်အဆုံးထိ ကျေခဲ့သည်ဖြစ်ပီး ယခုကဲ့သို့
တစ်ဖက်သတ် စွပ်စွဲချက်များ ထင်ယောင်ထင်မှားဖြစ်စေသောစကားများဖြင့် မပြောဆိုဘဲ သိက္ခာရှိရှိ ရပ်တည်ရန် လေးစားစွာ တိုက်တွန်းလိုပါသည်။
JIKU Education Service
