Htoo & Lynn

14/09/2026

ဖုန်းကို သူငယ်ချင်း/ကလေးကို ခဏပေးရင် ကိုယ့် App တွေ မဝင်နိုင်အောင် ဒီ Feature သုံးပါ

“ဒီ Video လေးပဲ ကြည့်ချင်လို့ ဖုန်းခဏပေးပါ…”
ပေးလိုက်ပြီး ကိုယ်ပြန်ရတဲ့အခါ သူက တခြား App တွေထဲပါ ဝင်ကြည့်ထားတယ်ဆိုရင်?
Android မှာ App Pinning / Screen Pinning ဆိုတဲ့ Feature ရှိပါတယ်။ App တစ်ခုတည်းကို Screen ပေါ်မှာ Lock လုပ်ထားနိုင်ပါတယ်။
လုပ်နည်းက—
ပထမဆုံး Settings ထဲဝင်ပါ။
Search မှာ App Pinning ဒါမှမဟုတ် Screen Pinning လို့ရှာပါ။
တွေ့ရင် On လုပ်ပါ။
ပြီးရင် ကိုယ်ပေးချင်တဲ့ App ကို ဖွင့်ပါ။
Recent Apps ကိုဖွင့်ပြီး အဲဒီ App ရဲ့ Icon ကိုနှိပ်ပါ။
Pin ဆိုတာပေါ်လာရင် နှိပ်ပါ။
အခု ဖုန်းကို တစ်ယောက်ယောက်ဆီ ပေးလိုက်ရင် သူက အဲဒီ App ထဲမှာပဲ သုံးနိုင်ပြီး တခြား App တွေကို လွယ်လွယ်ကူကူ ပြောင်းသုံးလို့မရတော့ပါဘူး။
ပြန်ဖြုတ်တဲ့အခါ ဖုန်းရဲ့ Navigation ပုံစံအလိုက် Gesture နဲ့ Unpin လုပ်ပြီး PIN / Pattern / Password ထည့်ခိုင်းနိုင်ပါတယ်။
ဘယ်အချိန်မှာ အသုံးဝင်လဲ?
ကလေးကို YouTube ကြည့်ဖို့ ဖုန်းပေးတဲ့အခါ။
သူငယ်ချင်းကို ဓာတ်ပုံတစ်ပုံကြည့်ခိုင်းတဲ့အခါ။
Customer ကို QR Code ပြတဲ့အခါ။
တစ်ယောက်ယောက်ကို Map ဖွင့်ပေးတဲ့အခါ။
သတိပြုရန် —
Android ဖုန်းတိုင်းမှာ Menu နေရာနဲ့ အမည်တူမယ်လို့ မဆိုနိုင်ပါဘူး။ Google ကိုယ်တိုင်လည်း Device Manufacturer အလိုက် ဒီ Feature ရှာမတွေ့နိုင်တာရှိနိုင်တယ်လို့ ဖော်ပြထားပါတယ်။

ဒါကြောင့် ကိုယ့်ဖုန်း Settings Search မှာ “Pin” ဒါမှမဟုတ် “Screen Pinning” လို့ အရင်ရှာကြည့်ပါ။
ဖုန်းပေးတိုင်း Password ပြောစရာမလိုအောင်—
App တစ်ခုကိုပဲ ပေး၊ ကျန်တာတွေကို ကိုယ်ပိုင်ထား။
ဒါက Android ထဲက အသုံးဝင်တဲ့ Privacy Feature တစ်ခုလို့ ဆိုနိုင်ပါတယ်ခင်ဗျာ။

12/09/2026

မသုံးဖြစ်တဲ့ App ကို ဖျက်စရာမလိုဘဲ နေရာလွတ်ယူမယ်
ဖုန်း Storage ပြည့်နေပေမယ့် App ကိုဖျက်လိုက်ရင် အထဲက Data ပျောက်သွားမှာ စိုးနေပါသလား။ Android မှာ မသုံးတာကြာတဲ့ App ကို ခဏသိမ်းပြီး ကိုယ့် Data ကို ဆက်ထားပေးနိုင်တဲ့ Auto-archive Setting ရှိပါတယ်။
Google Play Store ကိုဖွင့်ပါ။ အပေါ်ညာဘက်က ကိုယ့် Profile ပုံကိုနှိပ်ပါ။
ပြီးရင် Settings → General → Automatically archive apps ကို On လုပ်ထားပါ။
ဖုန်းမှာ နေရာလိုလာတဲ့အခါ မသုံးတာကြာတဲ့ App ရဲ့ Software အပိုင်းကို Android က ဖယ်ထားနိုင်ပါတယ်။ App icon က ဖုန်းထဲမှာဆက်ရှိနေပြီး ကိုယ့် Personal data ကိုလည်း သိမ်းထားပေးပါတယ်။
ပြန်သုံးချင်တဲ့အခါ Icon ကိုနှိပ်ပြီး App ကို ပြန် Download လုပ်နိုင်ပါတယ်။
ဒါပေမဲ့ App ဟာ Google Play မှာ ဆက်ရှိနေရမှာဖြစ်ပြီး ပြန် Download လုပ်ဖို့ Internet လိုပါတယ်။ Play Store ကနေ ဖယ်ရှားခံထားရတဲ့ App သို့မဟုတ် ဖုန်းအသစ်နဲ့ မကိုက်တော့တဲ့ App ဆိုရင် ပြန်ယူလို့မရနိုင်ပါဘူး။
အရေးကြီးတဲ့ App ရဲ့ Login၊ Backup နဲ့ Password တွေကိုတော့ သီးခြားသေချာထားပါ။
Menu အမည်နဲ့ Feature ရရှိမှုက ဖုန်း၊ Android နဲ့ Play Store version အလိုက် ကွာနိုင်ပါတယ်။

12/09/2026

11/09/2026

အင်တာနက်မရှိလည်း Google Maps သုံးနိုင်အောင် အရင်သိမ်းထားမယ်
လမ်းမသိတဲ့နေရာရောက်မှ ဖုန်းလိုင်းပျောက်ပြီး Google Maps မပေါ်တော့ရင် ဒုက္ခရောက်နိုင်ပါတယ်။ မသွားခင် မြေပုံကို Download လုပ်ထားရင် အင်တာနက်မရှိလည်း ကားလမ်းညွှန်ကို ဆက်သုံးနိုင်ပါတယ်။
Google Maps App ကိုဖွင့်ပြီး ကိုယ့် Profile ပုံကိုနှိပ်ပါ။
Offline maps → Select your own map ကိုရွေးပါ။ သွားမယ့်နေရာနဲ့ လမ်းကြောင်းတစ်ခုလုံးပါအောင် မြေပုံကို ချဲ့၊ ချုံ့ပြီး Download ကိုနှိပ်ပါ။
နောက်တစ်နည်းက သွားမယ့်မြို့ သို့မဟုတ် နေရာကို Search လုပ်ပါ။ အောက်က နေရာအမည်ကိုနှိပ်ပြီး အစက်သုံးစက်ကနေ Download offline map ကို ရွေးနိုင်ပါတယ်။
Download ပြီးသွားရင် ဖုန်းလိုင်းမမိတဲ့အခါမှာလည်း Download လုပ်ထားတဲ့ဧရိယာအတွင်း ကားမောင်းလမ်းညွှန်ကို အသုံးပြုနိုင်ပါတယ်။
သတိထားရမှာက Offline ဖြစ်နေချိန်မှာ လမ်းလျှောက်၊ စက်ဘီးနဲ့ အများပြည်သူသယ်ယူပို့ဆောင်ရေး လမ်းညွှန်တွေ မရနိုင်ပါဘူး။ ကားလမ်းညွှန်မှာလည်း လက်ရှိယာဉ်ကြောပိတ်ဆို့မှုနဲ့ အစားထိုးလမ်းကြောင်းတွေ မပြနိုင်ပါဘူး။
Offline map က ဖုန်း Storage ကိုအသုံးပြုပြီး တချို့နိုင်ငံနဲ့ဒေသတွေမှာ Download လုပ်ခွင့်မရှိနိုင်ပါဘူး။
ခရီးသွားမယ့်ညမှာ ဖုန်းအားသွင်းထားသလို မြေပုံကိုပါ အရင် Download လုပ်ထားပါ။

09/09/2026

ကားကြီးသုံးမယ့်သူတွေအတွက်တော့ Share ပဲနော်

🔋 အရည်အသွေးကောင်းပြီး ဈေးနှုန်းသင့်တင့်တဲ့ N200 MF Battery ရှာနေသူတွေအတွက် သတင်းကောင်း! 🎉

N200 MF Battery ကို ၁,၀၀၀,၀၀၀ ကျပ်တည်းနဲ့ ဝယ်ယူရရှိနိုင်ပါပြီ။ 💰

🔋 ရရှိနိုင်သော Brand များ

🇲🇾 BOOSTER — Malaysia Made

🇨🇳 ANERGY — China Made

🇨🇳 KARGO — China Made

💡 ဘာကြောင့် ဝယ်ယူသင့်တာလဲ?

✅ 6 Months Warranty

အာမခံပါဝင်တာကြောင့် စိတ်ချယုံကြည်စွာ အသုံးပြုနိုင်ပါတယ်။

✅ N200 Size — Heavy Duty Performance

ယာဉ်ကြီးများ၊ လုပ်ငန်းသုံးများနှင့် သင့်တော်တဲ့ N200 Size Battery ဖြစ်ပါတယ်။

✅ ဈေးနှုန်းသင့်တင့်

💰 ၁,၀၀၀,၀၀၀ ကျပ်တည်းနဲ့ N200 MF Battery

📌 ဈေးတက်နေတဲ့အချိန်မှာ ဈေးနှုန်းနဲ့ အရည်အသွေးကို မျှတစွာ ရွေးချယ်ချင်သူများအတွက် သင့်တော်တဲ့ရွေးချယ်မှုပါ။

📥 အသေးစိတ်မေးမြန်း / မှာယူရန်

Page Chat Box (Inbox) မှတစ်ဆင့် တိုက်ရိုက်ဆက်သွယ်မှာယူနိုင်ပါတယ်။

📞 ဖုန်းဖြင့် ဆက်သွယ်မှာယူရန် —09456543099

🙏ဘက်ထရီ၊ အင်ဗာတာ ဘာပဲ လိုလို ဝယ်ယူချင်တယ်ဆိုရင် Zone Battery Sales & Service ရဲ့ Viber No: 09456543099 ကို ဆက်သွယ်နိုင်သလို Page Messenger ကနေလည်း ဆက်သွယ်စုံစမ်းနိုင်ပါတယ်။ Zone Battery Sales & Services မှာ အမြဲ ယုံကြည်စွာ လက်လီလက္ကားဝယ်ယူအားပေးကြတဲ့ မိတ်ဟောင်း မိတ်သစ် အပေါင်းကို အထူးပဲ ကျေးဇူးတင်ရှိပါတယ် ခင်ဗျာ။
Zone Battery Sales & Services
ဖုန်း-09425289003, 09456543099,09421050136
အမှတ်(၉၄၆)၊ ပြည်ထောင်စုလမ်းမကြီး၊ (၆၅) ရပ်ကွက်၊ ဒဂုံတောင်။
မင်းကွန်းစျေးအနီး

09/09/2026

Facebook၊ Gmail နဲ့ အွန်လိုင်းဈေးဝယ် Account တွေမှာ Password တစ်ခုတည်း ပြန်သုံးထားပါသလား။ ကိုယ်သိမ်းထားတဲ့ Password တွေထဲမှာ ပေါက်ကြားထားတာ၊ ခန့်မှန်းရလွယ်တာနဲ့ နေရာအများကြီးမှာ ထပ်သုံးထားတာရှိမရှိ Google Password Manager က တစ်ခါတည်းစစ်ပေးနိုင်ပါတယ်။
Android ဖုန်းမှာ Chrome ကိုဖွင့်ပါ။ အပေါ်ညာဘက်က အစက်သုံးစက်ကိုနှိပ်ပြီး Settings → Google Password Manager ထဲဝင်ပါ။
ပြီးရင် Checkup သို့မဟုတ် Password Checkup ကိုနှိပ်ပါ။ ဖုန်း Lock၊ လက်ဗွေ သို့မဟုတ် ကိုယ့် Google Account နဲ့ အတည်ပြုခိုင်းနိုင်ပါတယ်။
စစ်ပြီးသွားရင် Google Account ထဲသိမ်းထားတဲ့ Password တွေကို အမျိုးအစားသုံးမျိုးနဲ့ ပြနိုင်ပါတယ်။
Compromised passwords ဆိုတာ Data breach တစ်ခုခုကြောင့် အွန်လိုင်းပေါ်မှာ ပေါက်ကြားထားနိုင်တဲ့ Password တွေပါ။ တွေ့ရင် သက်ဆိုင်ရာ Website သို့မဟုတ် App ကို ကိုယ်တိုင်ဖွင့်ပြီး Password အသစ် ချက်ချင်းပြောင်းပါ။
Reused passwords ဆိုတာ Password တစ်ခုတည်းကို Account အများကြီးမှာ သုံးထားတာပါ။ Account တစ်ခု ပေါက်သွားရင် တခြား Account တွေကိုပါ လိုက်ဝင်နိုင်တာကြောင့် တစ်ခုချင်းမတူအောင် ပြောင်းသင့်ပါတယ်။
Weak passwords ဆိုတာ 123456၊ ကိုယ့်နာမည်နဲ့မွေးနှစ်လို ခန့်မှန်းရလွယ်တဲ့ Password တွေပါ။ Password Manager က အကြံပြုတဲ့ ရှည်ပြီးမတူတဲ့ Password ကို သုံးနိုင်ပါတယ်။

သတိထားရမှာက Checkup က Google Password Manager ထဲမှာ သိမ်းထားတဲ့ Password တွေကိုသာ စစ်ပေးနိုင်ပါတယ်။ စာရွက်ပေါ်ရေးထားတာ၊ တခြား Password Manager ထဲသိမ်းထားတာနဲ့ ကိုယ်မသိမ်းခဲ့တဲ့ Password ကိုတော့ ဒီနေရာမှာ မြင်ရမှာမဟုတ်ပါဘူး။
Password ပြောင်းချင်ရင် Message သို့မဟုတ် Email ထဲက မသေချာတဲ့ Link ကို မနှိပ်ပါနဲ့။ သက်ဆိုင်ရာ App သို့မဟုတ် Website ကို တိုက်ရိုက်ဖွင့်ပြီး ပြောင်းပါ။ ဖြစ်နိုင်ရင် Two-step verification သို့မဟုတ် Passkey ကိုပါ ဖွင့်ထားပါ။
Chrome Menu မတူရင် ဖုန်း Settings ထဲမှာ Password Manager လို့ ရှာနိုင်သလို passwords.google.com ကိုလည်း တိုက်ရိုက်ဝင်နိုင်ပါတယ်။
Password မေ့မှ ပြင်ရတာထက် မပေါက်ကြားခင် စစ်ထားတာက ပိုလွယ်ပါတယ်။ ဒီနေ့ပဲ Checkup တစ်ကြိမ်လုပ်ပြီး အနီရောင်သတိပေးချက်ရှိမရှိ ကြည့်လိုက်ပါ။

07/09/2026

ကိုယ့် Camera နဲ့ Microphone ကို ဘယ် App က သုံးခဲ့လဲ စစ်မယ်
Camera မဖွင့်ထားဘဲ ဖုန်းထိပ်မှာ အစိမ်းရောင်အစက်လေး ပေါ်လာဖူးပါသလား။ Android ရဲ့ Privacy Dashboard ထဲဝင်ကြည့်ရင် Camera၊ Microphone နဲ့ Location ကို ဘယ် App က ဘယ်အချိန်သုံးခဲ့လဲ ပြန်စစ်နိုင်ပါတယ်။
Android ဖုန်းမှာ Settings ကိုဖွင့်ပါ။
ပြီးရင် Security & privacy သို့မဟုတ် Privacy ထဲဝင်ပြီး Privacy dashboard ကိုနှိပ်ပါ။ တချို့ဖုန်းမှာ Privacy ကို နောက်တစ်ကြိမ် ထပ်နှိပ်ရနိုင်ပါတယ်။
အဲဒီထဲမှာ Location၊ Camera၊ Microphone စတဲ့ Permission အမျိုးအစားတွေ တွေ့ရပါမယ်။ စိတ်ဝင်စားတဲ့အမျိုးအစားကို နှိပ်လိုက်ရင် ဘယ် App က မကြာသေးခင်က အသုံးပြုခဲ့လဲ ကြည့်နိုင်ပါတယ်။
မသုံးသင့်တဲ့ App တစ်ခုက Microphone သို့မဟုတ် Camera ကို သုံးထားတာတွေ့ရင် အဲဒီ App ကိုနှိပ်ပြီး Permission ကို Don't allow လုပ်နိုင်ပါတယ်။ Location လိုအရာမျိုးမှာတော့ Allow only while using the app ကို ရွေးထားရင် App သုံးနေချိန်မှာပဲ ခွင့်ပြုနိုင်ပါတယ်။
Android 12 နဲ့အထက်မှာ Camera သို့မဟုတ် Microphone အသုံးပြုနေချိန် ဖုန်းထိပ်ညာဘက်မှာ အစိမ်းရောင်အချက်ပြ ပေါ်လာပါတယ်။ အပေါ်ကနေ ဆွဲချပြီး အဲဒီအချက်ပြကို နှိပ်ရင် ဘယ် App သုံးနေလဲ ချက်ချင်းစစ်နိုင်ပါတယ်။
သတိထားရမှာက Permission သုံးထားတိုင်း ထောက်လှမ်းနေတယ်လို့ မဆိုလိုပါဘူး။ Video call၊ Voice message၊ Map နဲ့ Camera App တွေအတွက် သက်ဆိုင်ရာ Permission လိုပါတယ်။ ကိုယ်မသုံးတဲ့အချိန်မှာ မဆိုင်တဲ့ App တစ်ခုက အသုံးပြုထားမှသာ သေချာပြန်စစ်ပါ။
Menu အမည်နဲ့ ပြထားတဲ့အချိန်က ဖုန်းအမျိုးအစား၊ Android version အလိုက် ကွာနိုင်ပါတယ်။ Settings ရဲ့ Search မှာ Privacy dashboard လို့ တိုက်ရိုက်ရှာလည်း ရပါတယ်။
ဒီနေ့တစ်မိနစ်လောက်ယူပြီး Camera၊ Microphone နဲ့ Location သုံးထားတဲ့ App သုံးမျိုးကို စစ်ကြည့်ပါ။ Permission ဆိုတာ App တင်တုန်းက တစ်ခါနှိပ်ပြီး မေ့ထားရမယ့်အရာ မဟုတ်ပါဘူး။

01/09/2026

အပျင်းပြေပေါ့ခင်ဗျာ....

တချိန်က အမှတ်တရ အိမ်ငယ်လေးသို့....သားတို့ရဲ့ ပထမဦးဆုံးခြေလှမ်းတွေ...

01/09/2026

အဖြေတတ်မှ နေ ဖို့အဆင်ပြေမယ့် လောကကြီးနော် 😉

ချစ်မိတ်ဆွေများ ကြည့်ရင်း ပြုံးရင်း ရွှင်လန်းချမ်းမြေ့ကြပါစေခင်ဗျ

24/08/2026

စက္ကန်းအိုးရှိသေးလားဆိုပြီး ဖုန်းဆက်မေးလာကြလို့...
ဆိုင်ပိတ်တာ ၂ နှစ်ကျော်ပါပြီခင်ဗျာ
ဘက်ထရီအကြောင်းလေးတွေ နားထောင်ချင်ရင်တော့ YouTube link လေးပါ
https://youtube.com/?si=q89PI3ziapVEQNRV

ဘက်ထရီလေးတွေ ဝယ်ချင်တာဆိုရငိတော့ ကျွန်တော့်အစ်မဆိုင် ရှိပါတယ်ခင်ဗျာ
https://www.facebook.com/share/1JrvjxAkyi/