26/09/2023
ابو نسيم
🌷تحية عطرة للناس الكل خاااااصة المغرمة🌷
👈أيا سيدي قررنا من هنا فصاعدا 📢
إلي بش يشري من عندنا فرخ مقنين ولا شارف ولا أنثى🐦
نعطيوه شهادة ضمان مدى الحياة📄 و نهز الشاري للبلدية نعملو ورقة 📰نضمنلو فيها أنو الكائن إلي إسمو المقنين مايموتش
👈و فرضا لو مات حتى بعد سنة أو أكثر مستعد نرجعلو فلوسو💰 و نزيدو فوق هذاكة عصفور بلاش 🐦نجبرلو بيه الضرر المادي💸 و المعنوي إلي تعرضلو السيد المحترم المغروم
👈زادة إلي شرى من عندي عصفور و طارلو حتى بعد سنوات من حقو أنو يتمتع بالتعويض المادي و المعنوي
👈وإلي شرى من عندي زادة و مضهرلوش بعد مدة ينجم يرجع العصفور و نرجعلو فلوسو 💰و حق العلفة و حق القفص الي خسرهم في المدة هذيكة
👈كذلك الي معجبوش العصفور ينجم يبدلو في مدة أقصاها سنتين مع جبر الضرر المعنوي للسيد المحترم المغروم بتقديم رسالة إعتذار📄 على الملأ.
👈🔥كذلك حتى إلي يشري من عندي فرخ و يسنطو و مايهزلوش التسنيطة و الكلام ينجم يرجعو مع إسترداد مصاريف العلفة
و جبر الضرر المعنوي و تعويضو على صبرو عالفرخ
👈حتى السادة المغرمة إلي خذاو من عندي قبل الإعلان هذا داخلين في العرض يعني الي شرى من عندي في مارس و ماتلو العصفور حتى البارح يتفضل يتمتع بالتغطية هذي
👈متضيعش الفرصة و أخلط على بايك و تمتع بضمان
100٪100 مدى الحياة مع خدمة ما بعد البيع🛠
📢و أخيرا نعتذرو من السادة الموقرين المغرمة على أي ستراس سببناهولهم جراء مرض أو موت أو هروب العصافر إلي شراوها من عندي و نبشروهم تحت شعار
🔥إشري من عندي و مارس غرامك و راسي يسد🔥
📢الحاااااااااااضر يعلم الغاااااااااااااااائب📢
