27/02/2026
ليوم مشيت للمحكمة عندي خويا موقوف ربي يفرج عليه .. سمعت برشا حكايات من المواطنين .. و من غرايب القضايا 4 اعوان من مستشفى المهدية معاهم اعلامي شنيا قضيتهم ..رئيسة قسم شاكية بيهم خاطر حبوا يعاونوا بنية باش تعمل سكانار .. المدام هاذي ماعجبهاش كيفاش هبطوا تدوينة باش يعاونوا البنية .. و الله غريبة الي يعاون ليوم ولى يتحاكم و يتعدا على انظار القضاء ..كيف حكيت مع مراء ملي شكات بيهم تفكرت اربعة سنين لتالي كيفاش هزيت الوالدة مريضة برشا و طلبوا عليها IRM وقتها اتصلت بالقسم قالولي رئيسة القسم ما تعطيش مواعيد و زيد موقفة الخدمة الى اجل غير مسمى .. شهادة من الدين قلتها حطوني كشاهدة معاكم و نحلف زادا الي هي مسكرة القسم .. غريبة و الله ضربني و بكى سبقني و شكى.. قداش لميت دعاء شر في هل عواشر .. و المضحك المبكي في الموضوع الي محاميها طالب اقصى عقوبة قالك هي متضررة و طالبة القضية تولي جنائية 5سنين حبس و 20 مليون خطية لكل واحد .. أنا عندي سؤال اااك. المرضى الزواولة الي مشاو في الساقين و ما عملتلهمش سكانارات و فحوصات اخرى بالاشعة شكون باش يعوضهم .. ااااك المرا و الراجل المرضى بالسرطان و ما قبلتش تعمللهم التشخيص شكون باش يعوضهم... الي باعت ذهبها والي باع اثاث داروا شكون باش يعوضوا ... لا حول ولا قوة الا بالله العلي العظيم...ربي ينور حقكم و ينصفكم ..شيء يحزن القلب و الله
